Published:Updated:

நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?

நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?
பிரீமியம் ஸ்டோரி
நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?

ப.முகைதீன் சேக்தாவூது

நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?

ப.முகைதீன் சேக்தாவூது

Published:Updated:
நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?
பிரீமியம் ஸ்டோரி
நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?

த்திய அரசு ஊழியர்களுக்கான ஏழாவது சம்பள கமிஷன் பரிந்துரையை, தமிழக நிலவரத்துக்கேற்றபடி ஆய்வுசெய்து, அவற்றைத் தமிழக அரசு ஊழியர்கள், ஆசிரியர்கள் மற்றும் உள்ளாட்சித் துறை ஊழியர்களுக்கு நடைமுறைப்படுத்திட, கடந்த பிப்ரவரி 22-ல் தமிழக அரசு நியமித்த அலுவல் குழு, (Official Committee) 27.9.2017 அன்று தமது அறிக்கையைச் சமர்ப்பித்தது.  செயலாக்கத்துக்கான அரசாணையை ஆவலுடன் எதிர்பார்த்துக் காத்திருக்கின்றனர் ஊழியர்கள். 

நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?

அமலாக்கம் எப்போது?

மத்திய அரசு ஊழியர்களுக்கிணையாக, தமிழக அரசு ஊழியர் களுக்கும் ஊதியம் வழங்க பரிந்துரை செய்து, 1.6.1988-ல் அமலாக்கம் செய்த 5-வது ஊதியக்குழுவே தமிழக அரசின் கடைசி ஊதியக்குழு (Pay commission) ஆகும். அதன்பிறகு, 1.1.1996 மற்றும் 1.1.2006-ல் தரப்பட்ட ஊதிய மேம்பாடுகள், தமிழக அரசின் அலுவல் குழு (Official Committee on Pay Revision) பரிந்துரைத்தவையே. அதன்படி, 1.1.2016 முதல் அமலாக்கம் பெறவுள்ளது மூன்றாவது அலுவல் குழுவின் பரிந்துரையே.

31.7.1997-ல் அமைக்கப்பட்ட  முதலாவது அலுவல் குழு, தனது பரிந்துரையை 16.3.1998-ல் சமர்ப்பித்தது. 13.4.1998 அன்று அதற்கான அரசாணையானது பிறப்பிக்கப்பட்டது. 1.1.1996 முதல் புதிய ஊதியம் தரப்பட்டது. இரண்டாவது அலுவல் குழு, 20.8.2008-ல் நியமிக்கப்பட்டது. 27.5.2009 அன்று அறிக்கையைச் சமர்ப்பித்தது. 1.6.2009 அன்றே அரசாணை பிறப்பிக்கப்பட்டுவிட்டது. 1.1.2006 முதல் புது ஊதியம் தந்தது. இதன்படி பார்க்கையில், மூன்றாவது அலுவல் குழு பரிந்துரை மீதான அரசாணை, விரைவிலேயே பிறப்பிக்கப்பட வாய்ப்புண்டு. 

ஒட்டுமொத்த விகடனுக்கும் ஒரே ஷார்ட்கட்!

நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?



சிறப்பம்சங்கள்

1.1.1996-ல் அமலாக்கப்பட்ட முதலாவது அலுவல் குழு, அதற்கு முந்தைய ஐந்து ஊதியக் குழுக்கள் பரிந்துரைத்த பணப்பலன்களைத் தாண்டி, 40% பணப்பலன் தந்தது. ஆனால், எல்லா பதவியினருக்கும் ஆண்டுதோறும் தரப்படும் வருடாந்திர ஊதிய உயர்வின் அளவு, ஊதிய நிலைகளுக்கேற்ப வேறுபட்டது.

1.1.2006-ல் செயலாக்கம்பெற்ற 2-வது அலுவல் குழு தர ஊதியம் என்ற வடிவில் பணப்பலன் தந்தது. அந்த தர ஊதியத்தின் பணப்பலனானது அந்தந்த ஊதிய ஏற்றமுறையின் தொடக்க ஊதியத்தில் 40% முதல் 86% வரை இருந்தது. அனைவருக்கும் ஒரே அளவாக மூன்று சதவிகித வருடாந்திர ஊதிய உயர்வைத் தந்தது. தற்போது பரிந்துரைக்கப்பட்டுள்ள ‘பணப்பலன் குறைவு’ என்கிற மனக்குறை இருப்பினும் இதுவரை இல்லாத ‘சமநிலை’யைத் தரப்போவது, 1.1.2016 முதல் அமலாக்கத்துக்கு ஆயத்தமாகிவரும் மூன்றாவது அலுவல் குழு பரிந்துரையாகத்தான் இருக்கும்.

நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?

ஏனெனில், எல்லோருக்கும் ஒரே அளவாக 14.22% பணப்பலன், அனைவருக்கும் ஒரே மாதிரியாக 2.57 மடங்கில் அடிப்படை ஊதிய நிர்ணயம், பதவி வேறுபாடின்றி அனைவருக்கும் 3% வருடாந்திர ஊதிய உயர்வு, தொடக்க நிலை ஊதியம் முதல் உச்சநிலை ஊதியம் வரை அடிப்படை ஊதியம் எவ்வளவாக இருந்தாலும், அனைவருக்கும் ஒரே சதவிகித (Equal Percentage of D.A.) அகவிலைப்படி ஆகிய நான்கு அம்சங்களையும் சமச்சீராக வழங்கப்போவது, வரப்போகும் அலுவல் குழு பரிந்துரையாகத்தான் இருக்கும்.

பரிந்துரைக்குப்பின் பணிக்கு வருவோர்

01.06.2006 முதல் அமலாக்கம்பெற்ற கடந்த அலுவல் குழுப் பரிந்துரைக்கு 1.6.2009 அன்று அரசாணை பிறப்பிக்கப்பட்டது. ஒரு குறிப்பிட்ட பதவியில் 1.1.2006-க்கு முன்பு பணிக்கு வந்தவர்களுக்கும், அரசாணை வெளியிடப்பட்ட 1.6.2009-க்குப் பிறகு வேலையில் சேர்ந்தவர் களுக்கும், தொடக்க நிலை ஊதியத்தில் ரூ.760 முதல் ரூ.2,240 வரை வித்தியாசம் இருந்தது. (அதன் தற்போதைய மதிப்பு ரூ.1,960 முதல் ரூ.5,760 வரை)

ஆனால், ஏழாவது சம்பள கமிஷன் ஊதிய நிர்ணய அட்டவணைப்படி, புதிதாகப் பணிக்கு வருவோருக்கு ஊதியக்குறைவு என்பதேயில்லை.

நிலுவைத் தொகை

கடந்த அலுவல் குழு பரிந்துரை அமலாக்கத் தேதிக்கும், அரசாணை பிறப்பிக்கப்பட்ட தேதிக்குமிடையே 41 மாத இடைவெளி இருந்தமை யால், அலுவல் குழு தனது பரிந்துரையைச் (27.5.2009) சமர்ப்பிக்கும்முன்பே, மூன்று மாத ஊதியம், முன்நிலுவைத் தொகையாக (Arrears in Advance) வழங்கப்பட்டுவிட்டது. எனவே, நிலுவைத்தொகை வழங்குவது இப்போதும் அனுகூலமாகவே இருக்கும் என எதிர்பார்க்கலாம்.

பணப்பலன்

சென்ற அலுவல்குழுப் பரிந்துரை 1.1.2006 முதல் அமலாக்கம் பெற்றபோதிலும், பணப்பலன் 1.1.2007 முதல்தான் வழங்கப்பட்டது. அதாவது, அப்போதைய அமலாக்கத் தேதிக்கும், ஆணை பிறப்பிக்கப்பட்ட தேதிக்குமான இடைவெளி 41 மாதங்களாக இருந்தன. ஆனால், தற்போதைய நிலவரப்படி, அமலாக்க தேதியான 1.1.2016-க்குப் பிறகு 21 மாதங்களே ஆகியுள்ளன. எனவே, பணப்பலன் தரும் தேதியும் தங்களுக்குச் சாதகமாகவே இருக்கும் என்பது ஊழியர் தரப்பு யூகம்.

படிகள்

மத்திய அரசு ஊழியர்களுக்கான ஊதிய மேம்பாடுதான் ஜூலை 2017-ல் தரப்பட்டதே தவிர, அவர்களுக்கான படிகள் வழங்குவதற்கான ஆணை ஜூலை 2017-ல்தான் பிறப்பிக்கப்பட்டுள்ளது. தமிழக அரசின் அலுவல் குழுப் பரிந்துரையைப் பொறுத்தவரை, ஊதியம், படிகள், விடுப்பு சலுகை, ஓய்வூதியப் பலன்கள் உள்ளிட்ட அனைத்து அம்சங்களுக்கும் ஒரே சமயத்தில் அரசாணை வெளியிடுவதே கடந்த கால நடைமுறை. இதே நடைமுறையை இந்த முறையையும் செயல்படுத்தும் விதத்தில்தான் ஏழாவது ஊதியக்குழு பரிந்துரைகளைப் பரிசீலிக்க நியமிக்கப்பட்ட அலுவல் குழு நியமன அரசாணையில், ‘மத்திய அரசு தற்போது வழங்கியுள்ள சலுகைகளையும், இனி வழங்கப்போகும் சலுகைகளையும்’ பரிசீலித்துப் பரிந்துரையைச் சமர்ப்பிக்கும்படி ஆணையிடப்பட்டிருந்தது.

ஓய்வூதியப் பலன்கள்

ஓய்வூதியம், தொகுப்பு ஓய்வூதியம், பணிக்கொடை, விடுப்பு ஊதியம் ஆகிய நான்கும் முதன்மையான ஓய்வூதியப் பலன்கள். இவற்றுள் ஓய்வூதியம், பணிக்கொடை மற்றும் விடுப்பு ஊதியம் ஆகிய மூன்றும் அடிப்படை ஊதியம் + அகவிலைப் படி இரண்டையும் கணக்கிட்டு வழங்கப்படுபவை. எனவே, இந்த மூன்று இனங்களும் ஊதியக்குழு பரிந்துரையின் அடிப்படையில் பெரிய அளவில் உயராது. இந்த உயர்வானது ஊதியக்குழு பரிந்துரைக்கும் சதவிகித உயர்வின் அளவையொட்டியே அமையும்.

என்றாலும், இந்த முறை பணிக்கொடையின் (Death - Cum Retirement Gratuity) அளவு பெரிதாகவே இருக்கும். காரணம், ரூ.10 லட்சமாக இருந்த பணிக்கொடை வரம்பு ரூ.20 லட்சமாக இரட்டிப்பாக உயர்த்தப்பட்டதுதான். இதன்படி, 31.12.2015-க்குமுன் ரூ.60,060 சம்பளம் பெற்றவர்களும், 1,21,200 சம்பளம் பெற்றவர்களும் ஓய்வுபெற்று, ரூ.10 லட்சம் பணிக்கொடை பெற்றிருப்பர். இதுவே 1.1.2016-க்குப் பிறகு ஓய்வுபெறும் 1,21,200 சம்பளமுள்ள ஓர் அலுவலர், பணிக்கொடையாக ரூ.20 லட்சம் பெறலாம்.  

நாணயம் ஸ்பெஷல் ஸ்டோரி: 7-வது சம்பள கமிஷன் அலுவல்குழு அமலாக்கம்... என்னவெல்லாம் கிடைக்கும்?

இதனினும் முதன்மையாக, பணிக்கொடை வரம்பு உயர்த்தப்பட்டதால் பலன்பெறுவது பணியில் இருக்கும்போது இறந்துபோகும் ஊழியர் குடும்பத்தினர்கள்தான். ஏனெனில், 20 ஆண்டுகளுக்குமேல் பணியாற்றி பணியில் இருக்கும்போது இறந்துபோகும் ஊழியரின் குடும்பத்துக்கு அதிகபட்சமாக 33 மாத ஊதியம் பணிக்கொடையாகத் தரப்படும். உச்சவரம்பு காரணமாக பத்து லட்சத்துக்குள் அடைபட்டுக் கிடந்த பணிக்கொடை இரட்டிப்பாக வாய்ப்பு ஏற்படும். அதிகபட்ச பணிக்கொடை கிடைக்கக் கூடும்.

தொகுப்பு ஓய்வூதியம்

தொகுப்பு ஓய்வூதிய அட்டவணையில் மாறுதல் ஏதும் செய்யப்படாததால், ஊதியக்குழு தரும் மிகப் பெரிய பணப்பலன், தொகுப்பு ஓய்வூதியம் மூலம் பெறப்படும் தொகையாகவே இருக்கும்.

இவை தவிர, இறந்துபோன ஊழியரின் குடும்பத்துக்குத் தரப்படும் குடும்ப ஓய்வூதியத்திலும் எதிர்பார்ப்பு உண்டு. அதாவது, குடும்ப ஓய்வூதியம் இரண்டுவிதமாகத் தரப்படுகிறது. பணியில் இருக்கும்போதோ, ஓய்வு பெற்றபிறகோ ஓர் ஊழியர் இறந்துவிட்டால், அவரது குடும்பத்துக்கு, முதல் 10 ஆண்டுகளுக்கு உயர்த்தப்பட்ட குடும்ப ஓய்வூதியம் (Enhanced family pension) வழங்கப்படுகிறது. அதன்பிறகு சாதாரண குடும்ப ஓய்வூதியம் தரப்படுகிறது. உயர்த்தப்பட்ட குடும்ப ஓய்வூதியமானது, இறந்துபோன ஊழியர் கடைசியாகப் பெற்ற ஊதியத்தில் 50%, சாதாரண குடும்ப ஓய்வூதியம் 30%, இந்த உயர்த்தப்பட்ட குடும்ப ஓய்வூதியம், தமிழக அரசு குடும்ப ஓய்வூதியதாரர்களுக்கு, ஊழியர் இறந்துபோன முதல் ஏழு ஆண்டுகளுக்கே தரப்படுகிறது. இதனை மத்திய அரசுக்கு இணையாக பத்து ஆண்டுகள் வரை வழங்க வேண்டும் என்பதும் கோரிக்கை.

அலுவல்குழு பரிந்துரைமீது தமிழக அரசு ஊழியர்களிடையே அபரிமிதமான நம்பிக்கை காணப்படுகிறது. நம்பிக்கை முழுமையாக நிறைவேறுமா எனப் பொறுத்திருந்து பார்ப்போம்.

வீட்டு வாடகைப் படி எவ்வளவு?

டிகள் பற்றிய அரசாணையில் ஊழியர்களின் முதன்மை எதிர்பார்ப்பு, வீட்டு வாடகைப் படியே. ஏனெனில் மத்திய அரசு ஊழியர்களுக்கு, நகர நிலைகளுக்கேற்ப வீட்டு வாடகைப் படி தரப்பட்டு வருகிறது. நாடு முழுவதுமுள்ள நகரங்கள், வீட்டு வாடகைப் படி அடிப்படையில் x, y, z என மூன்று பிரிவுகளாக உள்ளன. தற்போதைய வீட்டு வாடகைப் படி 24%, 16% மற்றும் 8% என சதவிகித ரீதியில் தரப்படுகிறது. குறைந்தபட்ச வீட்டு வாடகைப் படியானது x பிரிவு நகரங்களுக்கு ரூ.5,400-ம், y பிரிவுக்கு ரூ.3,600-ம் z பிரிவுக்கு ரூ.1,800 ஆகவும் உள்ளது. ஆனால், தமிழக அரசு ஊழியர்களுக்குச் சதவிகித அடிப்படையில் வீட்டு வாடகைப் படி வழங்கப்பட்டது. 2-வது ஊதியக்குழுவில்தான். அதன்பிறகு குறிப்பிட்ட தேதி வரை, பணியாற்றும் ஊருக்கும், பெறுகிற அடிப்படை ஊதியத்துக்கேற்றபடி அமைக்கப்பட்டுள்ள அட்டவணைப்படியே வீட்டு வாடகை பெற்று வருகின்றனர். வீட்டு வாடகைப் படி தவிர, அனைவருக்கும் பொதுவான மருத்துவப் படி, பயணப் படி போன்றவையும் அடிப்படை ஊதியத்துக்கேற்ப உயரும் என்பதும் நம்பிக்கை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism