<p><span style="color: rgb(255, 0, 0);"><strong>ந</strong></span>ம் வருமானம் குறைவாக இருந்தாலும், அதனைத் திட்டமிட்டு செலவழிப்பதன் மூலம் நிறைவான வாழ்க்கையை வாழமுடியும். செலவுகளுக்கான திட்டம் இல்லாமல் இருக்கும்போதுதான், கடன் வாங்கும் நிலை ஏற்படும். </p>.<p>மருத்துவச் செலவு வேண்டுமானாலும் திடீரென வரும். குழந்தையின் பள்ளிக் கட்டணம் ஒவ்வோர் ஆண்டும் ஒரு குறிப்பிட்ட சமயத்தில்தான் வரும். இதற்கான பணத்தை திட்டமிட்டுச் சேர்க்காமல், கடன் வாங்கிக் கட்டுவது சரியல்ல. நாணயம் விகடன் ட்விட்டரில் (<a href="https://twitter.com/NaanayamVikatan#innerlink" target="_blank">https://twitter.com/NaanayamVikatan</a>) நாம் நடத்திய சர்வேயின்படி (பார்க்க, சர்வே முடிவு), 60% பேர் கடன் வாங்கியும், எந்தத் திட்டமிடாமலும்தான் குழந்தைகளின் பள்ளிக் கட்டணத்தைக் கட்டுகின்றனர். 40% பேர் மட்டுமே மாதந்தோறும் பணம் சேர்த்து கட்டணத்தைச் செலுத்துகின்றனர். </p>.<p>ஒரு குழந்தையின் பள்ளிக் கட்டணம் ஆண்டுக்கு ரூ.30,000 எனில், மாதமொன்றுக்கு ரூ.2,500-யை வங்கி, தபால் அலுவலக ஆர்.டி அல்லது மியூச்சுவல் ஃபண்டில் கடன் சார்ந்த திட்டத்தில் சேமித்தால் போதும்; கஷ்டப்படாமல் பள்ளிக் கட்டணத்தைக் கட்டிவிடலாம். இப்படிச் சேர்ப்பதால் சில நூறு ரூபாய் லாபமும் கிடைக்கும். கடன் வாங்கினால், எத்தனை சதவிகிதம் வட்டி விகிதம் என்பதைப் பொறுத்து சில ஆயிரத்தை வட்டியாக கட்ட வேண்டும். பள்ளிக் கட்டணத்தைக் கட்ட இப்போதே சேமிக்கத் தொடங்குங்கள்!<br /> <br /> <span style="color: rgb(255, 0, 0);"><strong>- ஏ.ஆர்.கே </strong></span></p>
