Published:Updated:

நீண்டகால முதலீட்டில் அதிக லாபத்துக்கான உத்திகள்!

நீண்டகால முதலீட்டில் அதிக லாபத்துக்கான உத்திகள்!
பிரீமியம் ஸ்டோரி
நீண்டகால முதலீட்டில் அதிக லாபத்துக்கான உத்திகள்!

பா.பத்மநாபன் நிதி ஆலோசகர், Fortuneplanners.com

நீண்டகால முதலீட்டில் அதிக லாபத்துக்கான உத்திகள்!

பா.பத்மநாபன் நிதி ஆலோசகர், Fortuneplanners.com

Published:Updated:
நீண்டகால முதலீட்டில் அதிக லாபத்துக்கான உத்திகள்!
பிரீமியம் ஸ்டோரி
நீண்டகால முதலீட்டில் அதிக லாபத்துக்கான உத்திகள்!

நீண்ட கால முதலீடு என்கிறபோது, நம் கையில் இருக்கக்கூடிய மிகப் பெரிய பலம், கால அவகாசம். முதலீடு பெருகுவதற்கு நம்முடைய முதலீட்டின் அளவைவிட கால அவகாசம் அதிகம் என்பதை நாம் உணரவேண்டும். மாதாமாதம் ரூ.1,500 வீதம் தொடர்ந்து 30 வருடங்களுக்கு முதலீடு செய்துவந்தால், ஆண்டுக்குச் சராசரியாக 15% வருமானம் கிடைத்தால், முதலீட்டுத் தொகையான ரூ.5.4 லட்சம் என்பது ரூ.1 கோடிக்கு மேல் பெருகியிருக்கும். ஒரு சின்ன உதாரணத்தைப் பார்ப்போமா?  

நீண்டகால முதலீட்டில் அதிக லாபத்துக்கான உத்திகள்!

மாத எஸ்.ஐ.பி முதலீடு ரூ.1,500

முதலீட்டுக் காலம் 30 ஆண்டுகள்

மொத்த முதலீடு ரூ.5,40,000

எதிர்பார்க்கும் வருமானம் 15%

முதலீட்டுப் பெருக்கம் ரூ.1,05,14,731

நீண்ட கால முதலீட்டைத் தேர்ந்தெடுக்கும்போது அந்த முதலீட்டின் தன்மை, அது எவ்வாறு கடந்த காலங்களில் செயல்பட்டது, வரும் காலங்களில் நன்றாகச் செயல்படுவதற்கான வாய்ப்பு முதலியவற்றை அறிந்து தேர்வு
செய்யவேண்டும்.

நீண்ட கால முதலீடு என்று வரும்போது சில விஷயங்களை நாம் கட்டாயமாகப் பார்க்க வேண்டும். அந்த விஷயங்கள் என்னென்ன?

கூட்டு வட்டியின் மகத்துவம்

கூட்டு வட்டியின் மகத்துவத்தை நீண்ட கால முதலீட்டில் மட்டுமே புரிந்துகொள்ள முடியும். உதாரணமாக, ரிலையன்ஸ் நிறுவனம், ரிலையன்ஸ் குரோத் திட்டத்தைக் கொண்டுவந்தது. அப்போது அதன் என்.ஏ.வி 10 ரூபாய். 2017, நவம்பர் 14-ல் அந்தத் திட்டத்தின் என்.ஏ.வி ரூ.1,127. 

ஒட்டுமொத்த விகடனுக்கும் ஒரே ஷார்ட்கட்!

நீண்டகால முதலீட்டில் அதிக லாபத்துக்கான உத்திகள்!



அந்தத் திட்டத்தின் வருமானத்தைக் கணக்கிட்டால், ஆண்டுக்குச் சராசரி வருமானம் 23.81%. கடந்த 22 வருடங்களில் 112 மடங்கு வளர்ந்துள்ளது. இந்த 22 ஆண்டுகளில் பங்குச் சந்தை பல சவால்களைச் சந்தித்துள்ளது. நீண்ட கால அடிப்படையில் எந்தவொரு சவாலையும் அது எளிதில் தவிர்த்துவிடும்.

அதே நிறுவனம், அப்போது ‘ரிலையன்ஸ் விஷன்’ என்ற திட்டத்தையும் அறிமுகப்படுத்தியது. அதன் என்.ஏ.வி இன்று ரூ.591. அது, கூட்டு வளர்ச்சியில் 20.25%.இரண்டுக்கும் வருமானத்தில் வித்தியாசம்  3.5% மட்டுமே. ஆனால், நமக்குக் கிடைத்ததோ ஏறக்குறைய இரு மடங்கு அதிகம். நீண்ட கால அடிப்படையில் மிட் மற்றும் ஸ்மால் கேப் ஃபண்டுகளைத் தேர்ந்தெடுப்பது சிறந்தது.

சிறிய தொகையையும் முதலீடு செய்யலாம்

பலரும் நினைக்கக்கூடிய ஒரு விஷயம், நம்மால் சிறிய தொகையை மட்டுமே முதலீடு செய்ய முடியும். அவ்வாறு செய்வது எப்படி பெரிதாக வளரும் என்று நினைத்து முதலீட்டைச் செய்யாமலே விட்டுவிடுகிறார்கள். மேலே சொன்ன உதாரணத்தின்படி, ஒருவர் மாதாமாதம் ரூ.1,000 முதலீடு செய்திருந்தால், தற்போது கிடைக்கும் தொகை ரூ.71,64,339. இந்த லாபத்தைத் தங்கத்திலோ அல்லது ரியல் எஸ்டேட்டிலோ நிச்சயம் எதிர்பார்க்க முடியாது.

கடன் வாங்கி முதலீடு செய்யக் கூடாது


முதலீட்டின் முதல் பாடமே கடன் வாங்கி முதலீடு செய்யக் கூடாது என்பதுதான். இன்று பலரும் வீட்டுக் கடன் மூலம் இரண்டாவது, மூன்றாவது வீடு வாங்குகின்றனர். வீட்டுக் கடனுக்கு வட்டி கட்ட வேண்டும். ரியல் எஸ்டேட் இனி நன்றாக வளரும் என்பதற்கு எந்தவித உத்தரவாதமும் கிடையாது. அதேசமயம், அந்த வீட்டை வாடகைக்கு விடும்போது வருடத்துக்கு 2%-க்கு மேல் வாடகை கிடைக்காது. (உதாரணமாக ஒருவர் ரூ.50 லட்சம் கொடுத்து வாங்கிய வீட்டுக்கு அவருக்கு மாதம் ரூ.8,000 முதல் ரூ.10,000 மட்டுமே வாடகை கிடைக்கும்.)

எது உச்சம்?

தற்போது, பங்குச் சந்தை உச்சத்தில் உள்ளது. ‘இப்போது முதலீடு செய்யலாமா அல்லது கொஞ்சம் கொஞ்சமாக முதலீடு செய்யலாமா?’ என்று கேட்கின்றனர். மும்பை பங்குச் சந்தை சென்செக்ஸ்,
ஜனவரி 8, 2008-ல் 20,873 புள்ளிகள்; இன்று 33,000 புள்ளிகள். கடந்த 10 வருடங்களில் 50% உயர்ந்துள்ளது. அப்போது அது உச்சம் என்று நினைத்து, அதில் முதலீடு செய்யாமல் போயிருந்தால், நம் முதலீடு 50% வளரும் வாய்ப்பை நாம் இழந்திருப்போம். எனவே, நீண்ட கால முதலீடு செய்பவர்கள் உச்சமா, குறைவா என்பதைப் பார்க்காமல் இருப்பது நல்லது.

இதிலிருந்து நாம் தெரிந்துகொள்வது என்னவென்றால் முதலீட்டில் பொறுமை மிக அவசியம். பங்குச் சந்தையின் ஏற்ற இறக்கத்திற்கு அஞ்சக் கூடாது. பங்குச் சந்தை ஒரே சீராகச் செல்லாது. அது, கடல் அலையைப் போன்று கடற்கரையில் ஆர்ப்பரிக்கும்; உள்ளே சென்றால் மிக அமைதியாக இருக்கும்.

நம் முதலீடு, முதல் சில வருடங்களில் அதிகமாக ஏறியிறங்கி காணப்படும். நீண்ட கால அடிப்படையில் அது நம்மைப் பாதிக்காது. இதற்கு நாம் பயன்படுத்த வேண்டிய உத்திகள் என்னென்ன என்று பார்ப்போம்.

1. இளம் வயதில் முதலீட்டைத் தொடங்குதல்

இளம் வயதில் முதலீட்டைத் தொடங்க வேண்டும். இந்த உண்மையைத் தெரிந்து நடைமுறைப்படுத்தியவர்கள், அவர்களின் ஐம்பதாவது வயதில் அனைத்துத் தேவைகளையும் நிறைவேற்றிக்கொள்கிற அளவுக்குப் பணம் படைத்தவர்களாக இருப்பார்கள். இன்னும் காலம் இருக்கிறதே என்று தாமதித்தவர்கள், ஐம்பது வயதில் கடன் வாங்க வேண்டிய நிலையில் இருப்பார்கள். இளமையில் சிறிய அளவில் தொகையைச் சேர்க்க ஆரம்பித்தாலே போதும், நீண்ட காலத்தில் அது நல்ல தொகுப்பு நிதியை (Corpus) உருவாக்கும்.

2. நீண்ட கால முதலீட்டுக்குப் பங்குச் சந்தை சார்ந்த திட்டங்கள்

நீண்ட கால முதலீட்டுக்கு முழுவதுமாக பங்குச் சந்தை சார்ந்த திட்டங்களை நாடுவதே அதிக லாபத்துக்கான வழி. தங்கம், ரியல் எஸ்டேட் ஆகியவற்றுடன் பங்குச் சந்தை முதலீட்டை ஒப்பிட்டால், அதன் மூலம் கிடைக்கும் லாபம் நிச்சயம் அதிகமாக இருக்கும் என்பதே கடந்த கால வரலாறு. ஆனால், நாமோ பாதுகாப்பான முதலீடு என்று நினைத்துத் தங்கத்திலும், ரியல் எஸ்டேட்டிலும் மட்டுமே முதலீடு செய்து வருகிறோம். நமது இந்த அணுகுமுறையை உடனடியாக மாற்றிக் கொள்ள வேண்டும்.

3. தொடர்ந்து முதலீட்டை மேற்கொள்வது

சிறிய தொகையாக இருந்தாலும் பரவாயில்லை, நமது முதலீட்டைத் தொடர்ந்து மேற்கொள்ள வேண்டும். ஒரு குறிப்பிட்ட நேரத்தில் முதலீடு செய்து நிறுத்திவிடுவது சரியானதல்ல. சிறிய தொகையாக இருந்தாலும், அதைத் தொடர்ந்து முதலீடு செய்வதன் மூலமே நம்மால் அதிக லாபத்தை ஈட்ட முடியும்.

4. தேவைப்படும்போது பணத்தைத் திரும்ப எடுத்துக்கொள்வது

எந்த முதலீட்டுத் திட்டமாக இருந்தால், நமக்குத் தேவைப்படும்போது அதிலுள்ள பணத்தைத் திரும்ப எடுத்துக்கொள்கிற மாதிரி இருக்கும்? உதாரணமாக, ரியல் எஸ்டேட் மூலம் அதிக லாபம் கிடைக்கும் என்று நாம் நினைக்கலாம்.

ஆனால், ஓர் இடத்தை ஒரு சில நாள்களில் நாம் நினைத்த தொகைக்கு விற்றுவிட முடியாது. அதற்குச் சில வாரங்கள் முதல் சில மாதங்கள் வரை காத்திருக்க வேண்டியிருக்கும். இதனால் நமக்குத் தேவைப்படும் பணம், தேவைப்படும் நேரத்தில் கிடைக்காமல் போக வாய்ப்புண்டு.

5. இலக்குடன் கூடிய முதலீடு


எந்த முதலீடாக இருந்தாலும், அது ஓர் இலக்குடன் தொடங்கப்பட வேண்டும். உதாரணமாக, ஓய்வுக்காலம், மகனின் கல்லூரிப் படிப்பு என்கிறமாதிரி இலக்குகளை நிர்ணயித்து, முதலீட்டைத் தொடங்குவது அவசியம்.

இப்படிச் செய்யும்போது நமக்குக் கிடைக்கும் மிகப் பெரிய நன்மை, அந்த இலக்குக்கான நேரம் வருகிற வரை நாம் அந்தப் பணத்தைத் திரும்ப எடுக்கமாட்டோம். தவிர, அந்த இலக்கை நிறைவேற்றவே அந்தப் பணம் முதலீடு செய்யப்படுவதால், எந்தக் கஷ்டமும் இல்லாமல் அந்த இலக்கை நம்மால் நிறைவேற்றிக்கொள்ள முடியும்.

இந்த ஐந்து உத்திகளையும் பின்பற்றி நீண்ட காலத்துக்கு முதலீடு செய்தால், யாராக இருந்தாலும் நிச்சயமாக லாபம் சம்பாதிக்க முடியும் என்பதில் சந்தேகமே இல்லை!

நீண்டகால முதலீட்டில் அதிக லாபத்துக்கான உத்திகள்!

மொத்த முதலீடா அல்லது எஸ்.ஐ.பி-யா?

லருக்கும் உள்ள சந்தேகம் எஸ்.ஐ.பி அல்லது மொத்த முதலீடு... இதில் எது சிறந்தது என்பதே. அதற்கு ஒரே பதில் உங்களிடம் எது உள்ளதோ அதைச் செய்வது. ஒருவர் மாதா மாதம் 10 வருடங்கள் சேமிக்கும்போது அவருடைய முதலீடு ரூ.6 லட்சம். 15% கூட்டு வளர்ச்சியில் கிடைக்கும் தொகை ரூ.13.93 லட்சம். அதேசமயம், அவர் மொத்தமாக ரூ.6 லட்சம் முதலீடு செய்யும்போது அதே 15% கூட்டு வளர்ச்சியில் ரூ.24.27 லட்சம் கிடைப்பது மிக கஷ்டம்.  எஸ்.ஐ.பி மற்றும் மொத்த முதலீடு இரண்டையும் ஒப்பிடுதல் தவறு. பணத்தை நாம் இன்று நம்மால் முடிந்த அளவு முதலீடு செய்தால், பணம் நாளை நம்மைக் காக்கும்.

நீண்டகால முதலீட்டில் அதிக லாபத்துக்கான உத்திகள்!

தொழில் செய்யும் மனப் பான்மை

ங்குச் சந்தை சார்ந்த முதலீடு என்பது நம்மை ஒரு தொழிலில் இணைத் துக்கொள்வது. எந்தவொரு தொழில் அதிபரும் ரூ.10 லட்சத்தில் தொடங்கிய தொழில், இரு வருடங் களில் ரூ.1 கோடியாக உயரும்போது அதை விற்க நினைப்பதில்லை. மாறாக, இன்னும் விரிவுபடுத்தவே நினைப்பார்கள். ஆனால், அந்தத் தொழிலில் நாம் பங்குதாரராக இணையும் போது லாபத்தை வெளியே எடுக்கிறேன் என்று, அதை வளரவிடாமல்  முதலீட்டிலிருந்து வெளியேறி விடுகிறோம். பங்குச் சந்தையில் முதலீடு செய்த தொகை நமக்கு உடனடியாகத் தேவை யிருந்தால் மட்டுமே அதை வெளியே எடுக்க வேண்டும். இதைப் பலரும் கடைப்பிடிப்பதில்லை.