Published:Updated:

சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்

சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்
பிரீமியம் ஸ்டோரி
சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்

சி.சரவணன்

சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்

சி.சரவணன்

Published:Updated:
சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்
பிரீமியம் ஸ்டோரி
சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்

நிதிச் சேவை துறையில் 33 ஆண்டுகள் அனுபவம் கொண்டவரும், சுந்தரம் மியூச்சுவல் ஃபண்ட்  நிறுவனத்தின் முதன்மை செயல் அதிகாரியுமான சுனில் சுப்ரமணியம் நாணயம் விகடன் இதழுக்கு அளித்த சிறப்பு பேட்டி...   

சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்

இந்திய மியூச்சுவல் ஃபண்ட் துறை சிறப்பான வளர்ச்சி அடைந்து வருகிறது.  தற்போது இந்திய மியூச்சுவல் ஃபண்ட் துறை நிர்வகிக்கும் மொத்தத் தொகை ரூ.22.76 லட்சம் கோடியைத் தாண்டியிருக்கிறது. இது, 2020-ம் ஆண்டில் எவ்வளவாக அதிகரிக்க வாய்ப்பிருக்கிறது?

“இன்னும் மூன்று வருடங்களில் ரூ.30 லட்சம் கோடியாகவும், அடுத்த 10 வருடங்களில் ரூ.100 லட்சம் கோடியாகவும் அதிகரிக்க அதிக வாய்ப்புகள் உள்ளன. இதற்குப் பல காரணங்கள் இருக்கின்றன. இந்தியாவின் பொருளாதாரம் வளர்ச்சிப் பாதையில் இருக்கிறது. மேலும், தனிநபர் வருமானம் அதிகரித்துள்ளது. இந்தியர்களின் தனிநபர் ஆண்டு வருமானம் தற்போது 2,000 டாலராக இருக்கிறது. பத்து ஆண்டுகளுக்கு முன் சீனர்களின் தனிநபர் ஆண்டு வருமானம் 2,000 டாலராக இருந்தது. அது இப்போது 8,000 டாலராக அதிகரித்துள்ளது. இந்த அளவுக்கான வளர்ச்சியை அடுத்த பத்தாண்டுகளில் இந்தியாவில் எதிர்பார்க்கலாம்.

தற்போது இந்தியர்களின் சேமிப்பு தங்கம், வீடு / மனை போன்ற பிஸிக்கல் அஸெட்டில் 70% இருக்கிறது. மீதி 30% ஃபிக்ஸட் டெபாசிட், மியூச்சுவல் ஃபண்ட் உள்ளிட்ட நிதி சார்ந்த முதலீடுகளில் இருக்கிறது. இந்த நிதி சார்ந்த முதலீடுகளில் பங்குச் சந்தை சார்ந்த முதலீடுகள் சுமார் மூன்று சதவிகிதமாக இருக்கிறது.

விலைவாசி அதிகமாக இருக்கிற காலத்தில் தங்கம், மனை, வீடு போன்ற பிஸிக்கல் சொத்துகளின் விலை உயர்ந்து, அந்த முதலீடு லாபகரமாக இருக்கும். பணவீக்க விகிதம் குறைந்து விலைவாசி குறைந்தால்,  இந்த பிஸிக்கல் சொத்துகளின் விலைஉயர்வு குறைவாக இருக்கும். கடந்த மூன்றாண்டுகளில் பணவீக்க விகிதம் 7 சதவிகிதத்திலிருந்து 3 சதவிகிதமாகக் குறைந்துள்ளது. இதேபோல், மனை, வீடு, தங்கத்தின் விலை குறைந்துள்ளது. பணமதிப்பு நீக்கத்தால் வட்டி விகிதம் குறைந்திருக்கிறது. இதனால், முதலீடுகள் ஃபைனான்ஷியல் அஸெட்கள் பக்கம், குறிப்பாக மியூச்சுவல் ஃபண்ட் பக்கம் திரும்பியிருக்கின்றன. 

கடந்த 2004 முதல் 2014 வரையிலான பத்தாண்டு காலத்தில், இந்திய மியூச்சுவல் ஃபண்ட்  துறைக்கு ரூ.86,000 கோடி முதலீடு வந்துள்ளது. இதுவே, 2014 முதல் 2017 வரையில் ரூ.3 லட்சம் கோடி வந்திருக்கிறது. தற்போது இந்தியாவில், பிஸிக்கல் அஸெட்டில் 70% (56% - வீடு, மனை, 14% - தங்கம்), ஃபைனான்ஷியல் அஸெட்டில் 30% முதலீடு செய்யப்பட்டுள்ளது. 2020-ல் பிஸிக்கல் அஸெட் 55%, ஃபைனான்ஷியல் அஸெட் 45 சதவிகிதமாக மாறும் என எதிர்பார்க்கிறோம். அப்போது ஃபைனான்ஷியல் அஸெட்டில் ஈக்விட்டி முதலீடு, இப்போதுள்ள 3% என்பது 4.5% ஆக அதிகரித்துவிடும்.”

அடுத்த 3-5 ஆண்டுகளில் எந்தத் துறைகள் மிகவும் சிறப்பாகச் செயல்படும் என நினைக்கிறீர்கள்?

“உள்கட்டமைப்புத் துறை அதிக வளர்ச்சியைப் பெறும். சாலை, பாலங்கள்  அமைப்பது போன்ற திட்டங்களுக்கு மத்திய அரசு அதிக தொகையைச் செலவு செய்கிறது. அந்த வகையில், உள்கட்டமைப்பு துறை சார்ந்த நிறுவனங்கள் நல்ல வளர்ச்சி காணும்.

அடுத்து, வங்கித் துறை வளர்ச்சி காணும் எனலாம். பொதுத் துறை வங்கிகளுக்கு மத்திய அரசு கூடுதல் மூலதனம் அளிக்க இருப்பதால், அவை அதிகக் கடன் கொடுக்க வாய்ப்பிருக்கிறது. அந்த வகையில் வங்கித் துறை வளர்ச்சிகாண வாய்ப்பிருக்கிறது.   

ஒட்டுமொத்த விகடனுக்கும் ஒரே ஷார்ட்கட்!

சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்

சம்பள கமிஷன் அமலாக்கம், பருவ மழை நன்றாகப் பெய்திருப்பது போன்றவை நாட்டில் நுகர்வை அதிகரிக்கும். இதன்மூலம் நிறுவனங்களின் வளர்ச்சி மேம்படும். கடந்த 2003-2008-ம் ஆண்டுகளில் இந்திய நிறுவனங்கள், அவற்றின் உற்பத்தித் திறனில் 72 சதவிகித அளவுக்குதான் இயங்கி வந்தன. இப்போது அது மேம்பட்டிருக்கிறது. இன்னும் 18-24 மாதங்களில் 80% உற்பத்தித் திறன் பயன்படுத்தப்படும் என எதிர்பார்க்கப்படுகிறது. பல நிறுவனப் பங்குகளின் மதிப்புக் குறைந்திருக்கிறது. இப்போது வாங்கினால், நல்ல லாபம் பார்க்க முடியும். இந்தியா, உலகின் இளைய நாடாக உள்ளது. வேலை வாய்ப்பைப் பெருக்குவது மூலம் நாட்டின் வளர்ச்சி மேம்படும்.”

மியூச்சுவல் ஃபண்டுகளை வகைப்படுத்தும் செபியின் புதிய வகைப்படுத்துதல், முதலீட்டாளர்கள் மற்றும் மியூச்சுவல் ஃபண்ட் நிறுவனங்களுக்கு எந்த வகையில் உதவியாக இருக்கும்?

“முதலீட்டு போர்ட்ஃபோலியோவைத் தேர்வு செய்வதற்கான விதிமுறைகள் தெளிவாக இல்லை. ஒவ்வொரு நிறுவனமும் ஒவ்வொரு அளவுகோலைப் பின்பற்றுவதால், ஒரு ஃபண்ட்  உண்மையில் லார்ஜ்  கேப் ஃபண்டா, இல்லை மிட் கேப் ஃபண்டா என்பதில் குழப்பம் இருக்கிறது. இதனால், புதிய விதிமுறைகளை  செபி அமைப்பு கொண்டு வந்திருக்கிறது. இனி அனைத்து லார்ஜ் கேப் ஃபண்டு களும் ஒரே அளவுகோலுடன் இருக்குமென்பதால், அவற்றை ஒப்பிட்டுப் பார்த்து வாங்குவது முதலீட்டாளர்களுக்கு எளிதாக இருக்கும்.ஃபண்ட் மேனேஜர்களுக்கும் ஃபண்டுகளின் போர்ட்ஃபோலியோவை நிர்வகிப்பது சுலபமாக இருக்கும். அந்த வகையில், செபியின் இந்த அறிவிப்பை வரவேற்கிறோம். இதுவரை இல்லாத பிரிவுகளில் இனி புதிய ஃபண்டுகளை எதிர்பார்க்கலாம்.”

தமிழ்நாட்டில், கடந்த 15, 20  ஆண்டுகளுக்குமுன் இருந்த மியூச்சுவல் ஃபண்ட் முதலீட்டாளர் களுக்கும் இப்போதுள்ள மியூச்சுவல் ஃபண்ட் முதலீட்டாளர்களுக்கும் இடையே என்ன வேறுபாட்டை பார்க்கிறீர்கள்?

“கடந்த 15, 20 ஆண்டுகளுக்கு முன் ரிஸ்க் எடுக்கக் கூடியவர் களும், அதிக பணம் படைத்தவர்களும்தான் ஈக்விட்டி மியூச்சுவல் ஃபண்டுகளில் முதலீடு செய்தார்கள். இப்போது, மியூச்சுவல் ஃபண்ட் குறித்த விழிப்புஉணர்வு அதிகரித்தி ருப்பது, எஸ்.ஐ.பி முறையில் மாதந்தோறும் சிறிய தொகையை முதலீடு செய்யும் வசதி, ஃபிக்ஸட் டெபாசிட் வட்டிக் குறைப்பு, வருமான வரிச் சேமிப்பு போன்றவற்றால் நடுத்தர மக்களும் மியூச்சுவல் ஃபண்டில் முதலீடு செய்ய ஆரம்பித்திருக்கிறார்கள். மேலும், ஆம்ஃபி அமைப்பின் ‘மியூச்சுவல் ஃபண்ட் முதலீடு சரியானதே’ என்கிற விளம்பரம் நல்ல பலனைக் கொடுத்திருக்கிறது.”

பங்குச் சந்தை முதலீடு, ஈக்விட்டி மியூச்சுவல் ஃபண்ட் முதலீடு. எது சிறு முதலீட்டாளர் களுக்கு ஏற்றதாக இருக்கும்? 

“2008-ம் ஆண்டில் இந்திய பங்குச் சந்தையில் ஏற்பட்ட கடும் இறக்கத்தால் சந்தையைவிட்டு, பயந்து வெளியேறிய சிறு முதலீட்டாளர்கள்  உள்ளிட்ட வர்கள் இப்போது திரும்ப வந்திருக் கிறார்கள். இதற்கு எஸ்.ஐ.பி என்கிற சிஸ்டமேட்டிக் இன்வெஸ்ட் மென்ட் பிளான் முக்கிய காரணம்  ஆகும். சந்தையின் ஏற்ற இறக்கத்தில் சராசரியாக அதிக யூனிட்கள் கிடைத்திருக்கும் நிலையில், சந்தையின் இறக்கத்தைப் பற்றி பெரிய கவலை இல்லாமல் இருக்கிறார்கள்.

இரண்டு ஆண்டுகளுக்குமுன் எஸ்.ஐ.பி முறையில் மியூச்சுவல் ஃபண்ட்களில் மாதம் தலா சுமார் ரூ.3,000 கோடி முதலீடு செய்யப் பட்டது. இது, இப்போது ரூ.6,000 கோடியாக அதிகரித்துள்ளது. இப்படிப் பார்க்கும்போது, எஸ்.ஐ.பி மூலம் மட்டுமே மியூச்சுவல் ஃபண்டுகளுக்கு ரூ.72,000 கோடி வந்து கொண்டிருக்கிறது. இந்தியாவில் பங்குச் சந்தை முதலீடு பாசிட்டிவாக உள்ளது. நேரடி பங்குச் சந்தையில் முதலீடு செய்ய நேரம் இல்லாதவர்கள், போதிய தெளிவு இல்லாதவர்கள் மியூச்சுவல் ஃபண்ட் மூலம் முதலீட்டை மேற்கொள்ளலாம்.

கடந்த ஐந்து ஆண்டுகளில் பாம்பே ஸ்டாக் எக்ஸ்சேஞ்சின் சென்செக்ஸ் குறியீடு 12% வருமானம் கொடுத்திருக்கிறது. இந்தக் கால கட்டத்தில், இந்தக் குறியீடு சார்ந்த மியூச்சுவல் ஃபண்டுகளின் சராசரி வருமானம் 16 சதவிகிதமாக உள்ளது.  இதேபோல், மிட் கேப் இண்டெக்ஸ் 20% வருமானம் கொடுத்திருக்கும் நிலையில், மிட் கேப் ஃபண்டுகள் சராசரியாக 24% வருமானம் தந்திருக்கின்றன. ஸ்மால் கேப் இண்டெக்ஸ் 20% வருமானம் கொடுத்திருக்கும் நிலையில், ஸ்மால் கேப் ஃபண்டுகள் 28% வருமானம் தந்துள்ளன. கடந்த 2014-ம் ஆண்டில், மியூச்சுவல் ஃபண்டில் மொத்தம் நான்கு கோடி ஃபோலியோக்கள் இருந்தன. இது 2017-ல் ஆறு கோடியாக அதிகரித்துள்ளது.”

தற்போதைய நிலையில், சிறு முதலீட்டாளர்களுக்குத் தங்களின் ஆலோசனை என்ன?

“சிறு முதலீட்டாளர்கள் மியூச்சுவல் ஃபண்ட் முதலீடு மூலம் லாபம் பார்க்க, கீழ்க்காணும் விஷயங்களை அவசியம் கடைப்பிடிக்க வேண்டும். முதலில், எஸ்.ஐ.பி முறையில் தொடர்ந்து முதலீடு செய்துவர வேண்டும்.  அடுத்து, முதலீட்டை  5 அல்லது 6 மியூச்சுவல் ஃபண்டுகளில் பிரித்து முதலீடு செய்ய வேண்டும்.  முதல் முறையாக மியூச்சுவல் ஃபண்டில் முதலீடு செய்பவர்கள், பேலன்ஸ்டு ஃபண்டில் முதலீடு செய்துவந்தால், சந்தையில் வீழ்ச்சி ஏற்பட்டாலும் பெரிய பாதிப்பு இருக்காது.”

படம்: சொ.பாலசுப்ரமணியன்

சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்

டிஸ்னி நிறுவனம் வாங்கிய 21 சென்சுரி ஃபாக்ஸ்!

லக மீடியா மன்ன னான ராபர்ட் முர்டாக்குக்கு சொந்தமான 21 சென்சுரி ஃபாக்ஸ் நிறுவனத்தினை டிஸ்னி நிறுவனம் கையகப் படுத்துவதாக அறிவித்தி ருக்கிறது. இதற்காக டிஸ்னி நிறுவனம் தரும் விலை 52.4 பில்லியன் டாலர்கள் ஆகும். 21 சென்சுரி பாக்ஸ் நிறுவனம் கடந்த சில ஆண்டுகளாகக் கடனில் சிக்கி, வரும் வருமானத்தை எல்லாம் வட்டி கட்ட செல வழித்தது. இதனால் இந்த நிறுவனத்துக்கு 13 பில் லியன் டாலருக்கு மேல் கடன் ஏற்பட்டது. இந்த நிலையில்தான், டிஸ்னி நிறுவனம் 21 பாக்ஸ் நிறுவனத்தை வாங்குகிறது. இந்தக் கையகப்படுத்தல் மூலம் டிஸ்னி நிறுவனத் துக்கு இரண்டு பில்லியன் டாலர் பணம் மிச்சமாகும் என்று சொல்லப்படுகிறது.

சிறு முதலீட்டாளர்களுக்கு ஏற்ற முதலீடு..! - சுனில்சுப்ரமணியம் சி.இ.ஓ, சுந்தரம் மியூச்சுவல் ஃபண்ட்

2018-ம் ஆண்டில் இந்தியப் பங்குச் சந்தையின் செயல்பாடு எப்படி இருக்கும்?

“இ
ந்திய பங்குச் சந்தை ஏற்கெனவே அதிக வருமானத்தைக் கொடுத்திருக்கிறது. அந்த வகையில், 2018-ம் ஆண்டில் குறைந்தது 10-12% வருமானம் எதிர்பார்க்கலாம். வங்கி ஃபிக்ஸட் டெபாசிட் வட்டி 6.5 சதவிகிதமாக இருக்கும் நிலையில், இது குறைந்த வருமானம் இல்லை.பண மதிப்பு நீக்கம், ஜி.எஸ்.டி அமலாக்கம் ஆகியவற்றால் நாட்டின் மொத்த உள்நாட்டு உற்பத்தி வளர்ச்சி பாதிக்கப்பட்டுள்ளது. இது, வரும் ஆண்டில் சரியாகிவிடும்.  அதன் பிறகு பங்குச் சந்தை கொடுக்கும் வருமானம், இதைவிட அதிகமாக இருக்கும்.”