Published:Updated:

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!
பிரீமியம் ஸ்டோரி
வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

எஸ்.ஸ்ரீதரன் வெல்த்லேடர்.காம்ஓவியங்கள்: கோ.ராமமூர்த்தி

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

எஸ்.ஸ்ரீதரன் வெல்த்லேடர்.காம்ஓவியங்கள்: கோ.ராமமூர்த்தி

Published:Updated:
வெல்கம் 2018... புத்தாண்டுக்கான 10 முதலீட்டுத் தீர்மானங்கள்!
பிரீமியம் ஸ்டோரி
வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

1. பட்ஜெட் போட்டு அதன் மூலம் செலவுகளைக் கட்டுப்படுத்துதல் 

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

பட்ஜெட் என்பது வருமானம் மற்றும் செலவினங்களின் பட்டியல் ஆகும். இந்த பட்ஜெட்டில் தனி ஒருவரின் வருமானமான சம்பளம், வாடகை வருமானம், ஈவுத் தொகை மற்றும் வட்டி வருவாய் போன்ற பல்வேறு தலைப்புகளில் பட்டியலிடவும். மேலும், செலவுகளை வீட்டுச் செலவுகள், தனிநபர் செலவுகள், நடைமுறை செலவுகள், வீடு அல்லது இதரக் கடன்கள் மற்றும் குழந்தைகளின் படிப்புச் செலவுகள் போன்ற செலவுகளைப் பட்டியலிடவும். இவ்வாறு பட்டியலிடும் போது உங்கள் செலவின பழக்கங்களைக் கண்காணிப்பதற்கு பட்ஜெட் உறுதுணையாக இருக்கும்.

ஒட்டுமொத்த விகடனுக்கும் ஒரே ஷார்ட்கட்!

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

2. மாத வருமானத்தில் 10% முதலீடு செய்ய உறுதிகொள்ளுதல்

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!



மாத வருமானத்தில் 10% தொகையை ஒதுக்கி, தனி மனிதனின் ரிஸ்க் எடுக்கும் திறனைப் பொறுத்துப் பங்குச் சார்ந்த சிறந்த மியூச்சுவல் ஃபண்டிலோ அல்லது கடன்் சார்ந்த மியூச்சுவல்  ஃபண்டிலோ முதலீடு செய்ய உறுதி எடுத்துக் கொள்ளுங்கள். இதன் மூலம் கிடைக்கும் வட்டி, நீண்ட காலத்தில் பணவீக்கத்தை ஈடுசெய்ய வழி வகுக்கும். நன்கு செயல்படக்கூடிய மியூச்சுவல் ஃபண்டில் எஸ்.ஐ.பி முதலீட்டைத் தொடங்குங்கள்!

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

3. முதலீடு சார்ந்த புத்தகத்தைப் படியுங்கள்

நம்மில் பலரிடமும் நிதி மற்றும் முதலீட்டு விழிப்புஉணர்வு மிகவும் குறைவாகவே இருக்கிறது. அறியாமை காரணமாக, நமக்குத் தேவையில்லாத இன்ஷூரன்ஸ் பாலிசிகளை எடுத்தும், பயனற்ற முதலீட்டைச் செய்தும் கஷ்டப்பட்டு சம்பாதித்த பணத்தை வீணாக்கு கிறோம். இந்தப் புதிய ஆண்டை, ஒரு நிதி மற்றும் முதலீடு பற்றிய புத்தகத்தைப் படிப்பதன்  மூலம் உங்களின் நிதி சார்ந்த விழிப்புஉணர்வை அதிகப்படுத்திக் கொள்ளலாம். குறைந்தபட்சம் காலாண்டுக்கு ஒரு புத்தகத்தையாவது படிக்கும் பழக்கத்தைத் தொடங்கவும். இதனால், நீங்கள் முதலீடு தொடர்பான அனைத்து விபரங்களையும் அறிந்து கொள்ளலாம்.

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

4. நல்ல நிதி ஆலோசகரை அணுகுங்கள்

ஒவ்வொரு தனிமனிதனுக்கும் தனித்தனி டிஎன்ஏ உள்ளது. இதேபோல், ஒவ்வொரு தனி நபரின் முதலீட்டுத் தேவைகளும் மாறுபடும். ஆகவே, உங்களின் நிதித்தேவை களை உங்களின் நிதி ஆலோசகருடன் கலந்துரையாடி, உங்களின் தேவைக்கேற்ப உள்ள முதலீட்டு முடிவுகளைத் தேர்ந்தெடுப்பது மிகவும் அவசியம். உங்களின் நிதித்தேவைகளைப் பட்டியலிட்டு,அவற்றுள் முக்கியத் தேவைகளுக்கு முன்னுரிமை அளித்து, அந்த இலக்கை அடைய பொருத்தமான முதலீடு செய்வது மிகவும் முக்கியமாகும்.

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

5. ஆயுள் காப்பீடு, மருத்துவக் காப்பீடு அவசியம்

வருமானம் ஈட்டும் ஒவ்வொரு தனிநபரும் ஆயுள் காப்பீடு எடுத்துக்கொள்வது மிகவும் அவசியம். வருடாந்திர சம்பளத்தில் குறைந்தபட்சம் 10 மடங்கு ஆயுள் காப்பீடாக இருக்க வேண்டும். இந்த வகையான ஆயுள் காப்பீட்டை டேர்ம் இன்ஷுரன்ஸ் எடுத்துக்கொள்வதன் மூலம் வருமானம் ஈட்டும் நபரின் இழப்பை பூர்த்தி செய்யலாம். மருத்துவமனை செலவுகள் நாளுக்கு நாள் ஏறிக்கொண்டிருப்பதால் ஃபேமிலி ஃபளோட்டர் ஹெல்த் இன்ஷுரன்ஸ் எடுத்துக் கொண்டு மருத்துவச் செலவுகளைக் கட்டுப் படுத்தலாம். மேலும், தாங்கள் பணிபுரியும் அலுவலகத் தில் ஹெல்த் இன்ஷுரன்ஸ் இருந்தாலும், தனிப்பட்ட ஹெல்த் இன்ஷுரன்ஸ் கவரேஜ் முக்கியமான ஒன்றாகும்.

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

6. தனிநபர், கிரெடிட் கார்டு கடனை அடைக்க முன்னுரிமை

நீங்கள் வாங்கிய அனைத்துக் கடன்களையும் அதிக வட்டி முதல் குறைந்த வட்டி என மேலிருந்து கீழாகப் பட்டியலிடவும். பொதுவாக, கிரெடிட் கார்டில் செலவு செய்து நிலுவைத்தொகை வைத்திருந்தால் அதன் வட்டி விகிதம் குறைந்தபட்சம் 30% - 40% வரை இருக்கும். ஆகவே, முதலில் கிரெடிட் கார்டு கடனை அடைக்கவும். உங்களிடம் உள்ள வைப்பு நிதி, பேங்கில் உள்ள உபரித்தொகை அல்லது தனிநபர் கடன் எடுத்து கிரெடிட் கார்டின் நிலுவைத்தொகையை கட்ட முடிவெடுப்பது உத்தமம்.

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

7. வருடத்துக்கு ஒருமுறை குடும்பத்துடன் சுற்றுலா

அன்றாட வாழ்க்கையில் சிக்கி ஒரு இயந்திரமாக வேலை பார்க்கும் நமக்கு ஆண்டில் ஒருமுறையாவது ஓய்வு தேவை.  ஆகவே, குறைந்தது வருடத் திற்கு ஒருமுறை கட்டாய விடுப்பு எடுத்துக்கொண்டு, குடும்பத்துடன் அவரவரின் விருப்பம் மற்றும் பட்ஜெட்டிற்கேற்ப சுற்றுலா செல்வது குழந்தைகளுடன் நெருக்கத்தை ஏற்படுத்தும்.

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

8. அதிகபட்சமாக இரண்டு வங்கிக் கணக்குகள்

அதிக வங்கிக் கணக்குகளை வைத்துக் கொண்டால், பராமரிப்பது மிக சிரமம். ஆகவே, இரண்டு வங்கிக் கணக்கை மட்டும் வைத்துக்கொண்டு, மற்ற வங்கிக் கணக்கை மூடுவது சிறந்தது. ஒரு வங்கிக் கணக்கு வேலை செய்யும் நிறுவனத்தின் சம்பளக் கணக்காகவும், மற்றொன்று தனிப்பட்ட வங்கி கணக்காகவும் இருக்கும்பட்சத்தில்  பராமரிப்பது சுலபமாக இருக்கும். மேலும், இப்போது வங்கிகள் தங்கள் கணக்கில் குறைந்தபட்சத் தொகையை வைத்துக் கொள்ளவில்லை என்றால் பராமரிப்புக் கட்டணமாக மிகப் பெரிய தொகையை வசூலிக்கின்றன.இப்போதெல்லாம், கட்டணம் செலுத்தும் வங்கிகளும், பணப் பரிமாற்றம் செய்யும் மொபைல் பயன்பாட்டு அப்ளிகேஷன்களும் ஏராளமான இலவச சலுகைகளை வழங்குகின்றன. இவற்றில் ஒரு சில ஆப்களைத் தரவிறக்கம் செய்துகொண்டு பயன்படுத்துவது புத்திசாலித்தனமாகும்.

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

9. உடல் ஆரோக்கியத்தில் கவனம் செலுத்துங்கள்

ஆரோக்கியமான உணவு மற்றும் உடல் செயல் பாடு ஒவ்வொரு மனிதனுக்கும் மிக முக்கியமாகும். ஒரு நாளில் குறைந்தபட்சம் ஒரு மணி நேரமாவது உடல் ஆரோக்கியத்துக்காக செலவிடவும். உடல் ஆரோக்கியமே செல்வம் சேர்ப்பதற்கு முதல் என்பதை நினைவில் கொள்ளுங்கள். சுகாதாரக் கேடு பல வழிகளில் செல்வத்தை இழக்க வழிவகுக்கிறது.

வெல்கம் 2018... புத்தாண்டுக்கான 10 முதலீட்டுத் தீர்மானங்கள்!

10. ஏழைகளுக்கு நன்கொடை வழங்குவது

இன்பத்தில் எல்லாம் இன்பம் அடுத்தவரின் மகிழ்ச்சியைக் கண்டு நாம் மகிழ்வதே. ஆகவே, உங்களுக்குத் தெரிந்த ஏழைக் குழந்தைகளின் படிப்புச்செலவுக்கு ஆகும் செலவைக் கொடுப்பதற்குத் தயங்காமல் உதவி செய்வது மிகவும் நல்லது. கல்வி தேவைப்படும் ஏழைகளுக்கு உதவி செய்யும் வகையில், உங்கள் ஆண்டு வருமானத்தில் குறைந்தது 2% ஒதுக்கி வைக்கவும்.  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism