Published:Updated:

சந்தையின் இறக்கத்தில் அதிகமாக முதலீடு செய்ய வேண்டும்..!

சந்தையின் இறக்கத்தில் அதிகமாக முதலீடு செய்ய வேண்டும்..!
பிரீமியம் ஸ்டோரி
சந்தையின் இறக்கத்தில் அதிகமாக முதலீடு செய்ய வேண்டும்..!

ரிலையன்ஸ் மியூச்சுவல் ஃபண்ட் சி.இ.ஓ. சந்தீப் சிக்கா

சந்தையின் இறக்கத்தில் அதிகமாக முதலீடு செய்ய வேண்டும்..!

ரிலையன்ஸ் மியூச்சுவல் ஃபண்ட் சி.இ.ஓ. சந்தீப் சிக்கா

Published:Updated:
சந்தையின் இறக்கத்தில் அதிகமாக முதலீடு செய்ய வேண்டும்..!
பிரீமியம் ஸ்டோரி
சந்தையின் இறக்கத்தில் அதிகமாக முதலீடு செய்ய வேண்டும்..!

ந்திய மியூச்சுவல் ஃபண்ட் துறையில் மூன்றாவது இடத்தில் உள்ள ரிலையன்ஸ் மியூச்சுவல் ஃபண்ட் நிறுவனம் ரூ. 2,31,425 கோடி தொகையை நிர்வகித்து வருகிறது. இந்த நிறுவனத்தின் நிர்வாக இயக்குநர் மற்றும் முதன்மை செயல் அதிகாரி சந்தீப் சிக்கா அண்மையில் சென்னை வந்திருந்தார். அவர் நாணயம் விகடன் இதழுக்கு அளித்த சிறப்புப் பேட்டி... 

சந்தையின் இறக்கத்தில் அதிகமாக முதலீடு செய்ய வேண்டும்..!

இந்திய மியூச்சுவல் ஃபண்ட் துறை தற்போது நிர்வகித்து வரும் தொகை ரூ.22.76 லட்சம் கோடியாக உள்ளது. இந்த வளர்ச்சி அடுத்த 5 மற்றும் 10 ஆண்டுகளில் எப்படி இருக்கும்?

‘‘கடந்த ஐந்தாண்டுகளில் இந்திய மியூச்சுவல் ஃபண்ட் துறை இந்த அளவுக்கு வளர்ச்சி அடையும் என யாரும் கணித்திருக்க மாட்டார்கள். அடுத்த ஐந்து மற்றும் பத்தாண்டுகளில் இந்திய மியூச்சுவல் ஃபண்ட் துறையின் வளர்ச்சி என்னவாக இருக்கும் என்பதைப் பார்ப்பதற்குப் பதிலாக, இந்த முதலீட்டில் எவ்வளவு பேர்  முதலீடு செய்திருப்பார்கள் எனப் பார்ப்பதே சரியாக இருக்கும்.  தற்போது மியூச்சுவல் ஃபண்டில் ஐந்து கோடி முதலீட்டுக் கணக்குகள் (ஃபோலியோக்கள்) உள்ளன. நாட்டு மக்கள் தொகையில் சுமார் மூன்று சதவிகிதம் பேர் மியூச்சுவல் ஃபண்டில் முதலீடு செய்திருக்கிறார்கள். பணமதிப்பு நீக்கத்துக்குப் பிறகு மியூச்சுவல் ஃபண்ட் முதலீடு அதிகரித்துள்ளது. குறிப்பாக, சிறிய நகரங்களிலிருந்து மியூச்சுவல் ஃபண்ட் முதலீடு அதிகரித்துள்ளது.  தொடர்ந்து வட்டி விகிதம் குறைந்து வருவதால், மியூச்சுவல் ஃபண்ட் முதலீடு, வரும் ஆண்டுகளில் இன்னும் அதிகரிக்கும் எனலாம்.

அடுத்த பத்தாண்டுகளில் நம் நாட்டு மக்கள் தொகையில் சுமார் 15% பேர் மியூச்சுவல் ஃபண்டில் முதலீடு செய்திருப்பார்கள். அடுத்த 5-10 ஆண்டுகளில் இந்தியாவின் வளர்ச்சி சிறப்பாக இருக்கும் என்பதால் மியூச்சுவல் ஃபண்ட் துறையின் வளர்ச்சியும் நன்றாக இருக்கும். மியூச்சுவல் ஃபண்ட் முதலீட்டை சிறு நகரங்களுக்குக் கொண்டு செல்வதில் எங்கள் நிறுவனத்தின் பங்கு அதிகமாக இருக்கும்.’’

அண்மையில் செபியானது மியூச்சுவல் ஃபண்ட் திட்டங்களை வகைப்படுத்தி உள்ளதே?

‘‘செபியின் இந்த நடவடிக்கையை நாங்கள் முழுமனதோடு வரவேற்கிறோம். இதன் மூலம் மியூச்சுவல் ஃபண்ட் முதலீடு என்பது இன்னும் எளிமையாகவும், முதலீட்டாளர்கள் எளிதில் புரிந்து கொள்ளும்படியும் இருக்கும். குறிப்பாக, சிறு முதலீட்டாளர்கள், மியூச்சுவல் ஃபண்ட் திட்டங்களைப் புரிந்துகொள்ள இது உதவும் என்பதால், இது சரியான நடவடிக்கையாகும்.

செபியின் இந்த நடவடிக்கையால் மியூச்சுவல் ஃபண்ட் முதலீடு எளிமையாகி இருக்கிறது. முதலீட்டு முறை எளிதாவதால், ஃபண்ட் மேனேஜர்கள், வருமானத்தில் கூடுதல் கவனம் செலுத்த முடியும். செபியின் இந்த நடவடிக்கையால் ஒரே மாதிரி இருக்கும் ஃபண்டுகள் இனி ஒன்றாக இணைக்கப்படும். எங்கள் நிறுவனம் புதிதாக நான்கு ஈக்விட்டி ஃபண்டுகள், நான்கு கடன் சார்ந்த ஃபண்டுகளைப் புதிதாக வெளியிட தகுதிப் பெற்றிருக்கிறது. ஆனால், நாங்கள் புதிதாக ஃபண்டுகளை வெளியிடப்போவதில்லை. ஏற்கெனவே செயல்பாட்டில் இருக்கிற ஃபண்டுகள் மூலம் அதிக வருமானம் கொடுக்கும் முயற்சியில் களமிறங்க உள்ளோம்.’’

பங்குச் சந்தை ஏற்ற இறக்கத்தில் இருக்கிறது. ஆனால், ஈக்விட்டி மியூச்சுவல் ஃபண்டில் முதலீடு என்பது தொடர்ந்து அதிகரித்து வருகிறது. இதற்கான காரணங்கள்  என்ன?

‘‘பணமதிப்பு நீக்க நடவடிக்கையால் புதிதாக சிறு முதலீட்டாளர்கள் மியூச்சுவல் ஃபண்ட் பக்கம் வந்திருப்பது முக்கியக் காரணம். அடுத்து, முதலீட்டாளர்கள் மத்தியில் மியூச்சுவல் ஃபண்ட் குறித்து விழிப்புஉணர்வு ஏற்பட்டிருக்கிறது. இதர முதலீடுகள் (எஃப்.டி, ரியல் எஸ்டேட், தங்கம்) லாபகரமான முதலீடாக இல்லாமல் இருப்பதை மக்கள் புரிந்துகொண்டிருக்கின்றனர்.  தற்போதைய நிலையில் சிஸ்டமேட்டிக் இன்வெஸ்மென்ட் பிளான் (எஸ்.ஐ.பி) முறையில் மியூச்சுவல் ஃபண்டுக்கு அதிக தொகை வந்துகொண்டிருக்கிறது.’’
 
பணமதிப்பு நீக்கத்துக்குப் பிறகு சிறு நகரங்களில் மியூச்சுவல் ஃபண்டுக்கு அதிக முதலீடு வந்திருப்பதாக சொன்னீர்கள். அந்த சிறு நகரங்களில் மியூச்சுவல் ஃபண்ட் முதலீட்டை அதிகரிக்க என்ன திட்டம் வைத்திருக்கிறீர்கள்?

‘‘இப்போது எங்களுக்கு 171 கிளைகள் உள்ளன. இதனை அடுத்த மூன்று ஆண்டுகளில் 500 கிளைகளாக  அதிகரிக்கத் திட்டமிட்டுள்ளோம். புதிதாகத் திறக்கப்படும் கிளைகளில் சிறு நகரங்களுக்கு அதிக முக்கியத்துவம் இருக்கும். பெரிய நகரங்களில் சேவை செய்ய வங்கிகள், விநியோகஸ்தர்கள் எனப் பலரும் இருக்கிறார்கள். சிறு நகரங்களில் அந்த வசதி இப்போது இல்லை அதனை ஏற்படுத்தத் திட்டமிட்டுள்ளோம். அதற்கு எங்களின் கூட்டு நிறுவனமான ஜப்பானைச் சேர்ந்த நிப்பான் லைஃப் -ன் உதவியைப் பெறவிருக்கிறோம். இது உலக அளவில் ஐந்தாவது பெரிய இன்ஷூரன்ஸ் நிறுவனமாகவும், ஆசிய அளவில் பெரிய நிறுவனமாகவும் உள்ளது. நிப்பான் லைஃப் நிறுவனம், முதலீட்டாளர்களுக்கு விழிப்புஉணர்வு மற்றும் கல்வியை அளித்து, அதன் மூலம் முதலீட்டை நோக்கிக் கவர்ந்திழுக்கிறது. அதையே நாங்களும் பின்பற்ற இருக்கிறோம்.  
 
அடுத்த 3 முதல் 5 ஆண்டுகளில் சிறப்பாக செயல்படக் கூடிய துறைகள் என எவற்றை நினைக்கிறீர்கள்?

‘‘நிதிச் சேவைகளை குறிப்பிடலாம். குறிப்பாக, பொதுத் துறை வங்கிகள் மீண்டும் சிறப்பான செயல்பாட்டுக்கு வரும். அடுத்து, எஃப்எம்.சி.ஜி-யைக் குறிப்பிடலாம்.’’ 

புதிய ஃபண்டுகள் சிறு முதலீட்டாளர்களுக்கு ஏற்றதா?

‘‘நாங்கள் சிறு முதலீட்டாளர்களிடம் புதிய ஃபண்டுகளை அதிகமாக ஊக்கப்படுத்துவதில்லை. பங்குச் சந்தை சார்ந்த ஃபண்டுகளைத் தேர்வு செய்யும்போது, 15 ஆண்டு கால வரலாற்றைக் கவனிக்க வேண்டும். அப்போதுதான் சந்தையின் ஏற்ற இறக்கத்தில் அந்த ஃபண்ட் எப்படி செயல்பட்டிருக்கிறது என்பதைத் தெரிந்துகொள்ள முடியும். அதே நேரத்தில், அதிக ஃபண்டுகளில் முதலீடு செய்வதும் நல்லது அல்ல. ஃபண்டுகளின் செயல்களைச் சரியாக கவனிக்க முடியாமல் போகும். வகைக்கு இரண்டு ஃபண்டுகளில் முதலீடு செய்தால் போதும்.’’

தற்போதைய நிலையில் சிறு முதலீட்டாளர்களுக்கு தங்களின் அறிவுரை என்ன?

‘‘பங்குச் சந்தையின் இறக்கத்தில் பங்கு சார்ந்த மியூச்சுவல் ஃபண்ட்  திட்டங்களில் செய்யும் முதலீட்டை எந்தக் காரணம் கொண்டும் நிறுத்தாதீர்கள். அந்தச் சமயத்தில் அதிக முதலீட்டை மேற்கொள்ள வேண்டும். இதன் மூலம் அதிக யூனிட்டுகள் கிடைக்கும். அடுத்து, ஓராண்டு வருமானத்தை மட்டுமே வைத்து முதலீட்டு முடிவை எடுக்கக்கூடாது. 10, 15 வருட செயல்பாட்டின் அடிப்படையில்தான் பங்குச் சார்ந்த  மியூச்சுவல் ஃபண்டுகளைத் தேர்வு செய்ய வேண்டும். 

ஒட்டுமொத்த விகடனுக்கும் ஒரே ஷார்ட்கட்!

சிறு முதலீட்டாளர்கள், குறிப்பிட்ட துறை சார்ந்த ஃபண்டுகளில் முதலீட்டைத் தவிர்க்க வேண்டும். லார்ஜ் கேப் ஃபண்ட், மிட் கேப் ஃபண்ட், கடன் சார்ந்த ஃபண்டுகள் என முதலீட்டைப் பிரித்து மேற்கொள்ள வேண்டும். மிக முக்கியமாக, நீண்ட காலத்துக்கு முதலீடு செய்ய வேண்டும். இதன் மூலமே செல்வம் சேர்ப்பது உறுதியாகும்!’’.

படம்: வீ.நாகமணி

சந்தையின் இறக்கத்தில் அதிகமாக முதலீடு செய்ய வேண்டும்..!

சிறு சேமிப்புத் திட்டங்களுக்கு வட்டி மேலும் குறைப்பு

2018 ஜனவரி முதல் மார்ச் மாதம் வரையிலான காலாண்டுக்கான வட்டி விகிதத்தை மத்திய நிதி அமைச்சகம் அறிவித்துள் ளது. தேசிய சேமிப்புப் பத்திரம், பொதுவைப்பு நிதி ஆகியவற்றுக்கான வட்டி 0.2% குறைக்கப் பட்டு, தற்போது 7.6 சதவிகிதமாக உள்ளது. பெண் குழந்தைகளுக்கான செல்வ மகள் சேமிப்புத் திட்டத்தின் வட்டி 0.2% குறைக்கப்பட்டு 8.1 சதவிகிதமாக இருக்கிறது. 5 ஆண்டு கால டெபாசிட் வட்டியும் 0.2% குறைக்கப் பட்டு, 6.9 சதவிகிதமாக உள்ளது. ஆனால், மூத்த குடிமக்களுக்கான 5 ஆண்டு கால சேமிப்புத் திட்டம் (8.3%), சேமிப்புக் கணக்குக்கான வட்டியில் (4%) எந்த மாற்றமுமில்லை.
 
- சேனா

சந்தையின் இறக்கத்தில் அதிகமாக முதலீடு செய்ய வேண்டும்..!

ஆன்லைன் விற்பனை 23% உயர்ந்தது!

ஆன்லைன் சில்லரை விற்பனை கடந்த 2017-ல் 23% உயர்ந்துள்ளது. ஏறக்குறைய 18 மாதங் களுக்குப்பிறகு ஆன்லைன் விற்பனை இந்த அளவுக்கு உயர்ந்திருப்பது ஆச்சரியத்தை அளிப்பதாக இருக்கிறது. 

ஆன்லைன் சில்லரை விற்பனை கடந்த 2016-ல் 14.5 பில்லியன் டாலர் அளவுக்கு விற்பனையா னது. 2017-ல் 17.8 பில்லி யன் டாலர் அளவுக்கு விற்பனையாகி இருக்கிறது. 2018-ல் இது 28 முதல் 30 பில்லியன் டாலராக இருக்கும் என ரெட் சீர் மேனேஜ்மென்ட் கன்சல் டன்ஸி நிறுவனம் கணித் துள்ளது. ஃப்ளிப்கார்ட், அமேசான், பே-டிஎம் நிறுவனங்கள் ஆன்லைன் வர்த்தகத்தில் முன்னணி யில் உள்ளன. 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism