Published:Updated:

வெற்றிக்குக் கைகொடுக்கும் நான்காவது மந்திரம்!

வெற்றிக்குக் கைகொடுக்கும் நான்காவது மந்திரம்!
பிரீமியம் ஸ்டோரி
வெற்றிக்குக் கைகொடுக்கும் நான்காவது மந்திரம்!

நாணயம் புக் செல்ஃப்

வெற்றிக்குக் கைகொடுக்கும் நான்காவது மந்திரம்!

நாணயம் புக் செல்ஃப்

Published:Updated:
வெற்றிக்குக் கைகொடுக்கும் நான்காவது மந்திரம்!
பிரீமியம் ஸ்டோரி
வெற்றிக்குக் கைகொடுக்கும் நான்காவது மந்திரம்!

புத்தகத்தின் பெயர் : தி ஃபோர்த் சீக்ரெட் ஆஃப் தி ஒன் மினிட் மேனேஜர் (The 4th Secret of the One Minute Manager)

ஆசிரியர்கள் : கென் ப்ளான்சார்ட் மற்றும் மார்க்ரெட் மெக்ப்ரைட் (Ken Blanchard and Margret McBride)

பதிப்பாளர் : William Morrow  

வெற்றிக்குக் கைகொடுக்கும் நான்காவது மந்திரம்!

ரு நிமிட இலக்கு, ஒரு நிமிடப் பாராட்டு மற்றும் ஒரு நிமிடக் கடிந்துரை என்ற மூன்று விஷயங்களும்தான் வெற்றிகரமான நிர்வாகத்தின் ரகசியங்களாகும். இந்த மூன்றை யும் தாண்டி நான்காவதாக இருக்கும் ஒரு மந்திரமே ஒரு நிமிட மன்னிப்பு என்பதாகும். கென் ப்ளான்சார்ட் மற்றும் மார்க்ரெட் மெக்ப்ரைட் என்ற இருவரும் இணைந்து எழுதிய ‘தி ஃபோர்த் சீக்ரெட் ஆஃப் தி ஒன் மினிட் மேனேஜர்’ எனும் புத்தகம் நிர்வாக நடப்பை எப்படிச் சிறப்பாகச் செயல்படுத்துவது என்பதைச் சொல்கிறது.

ஒரு குறிப்பிட்ட சூழ்நிலையைச் சொல்லி இந்தப் புத்தகத்தை ஆரம்பிக்கிறார்கள் ஆசிரியர்கள். சிறப்பாகச் செயல்பட்டுவரும் ஒரு நிறுவனத்தின் நிர்வாகி, ஓர் அவசரக் கூட்டத்துக்கு ஏற்பாடு செய்கிறார். ஒரு பிரச்னையைச் சொல்லி, “இதுதான் நம் நிறுவனத்துக்குத் தற்போது இருக்கும் பிரச்னை. இதை எப்படி எதிர்கொள்வது என்று தெரிய வில்லை. இதனால் நம் நிறுவனம் காணாமல்கூட போக  வாய்ப்பிருக்கிறது. எல்லோரும் கொஞ்சம் கவனமாக யோசித்துப் பாருங்கள். மூன்று நாள் கழித்து மீண்டும் நாம் சந்தித்து இது பற்றி  விவாதிப்போம்” எனச் சொல்லி முடிக்கிறார்.

எப்படி இவ்வளவு பெரிய விஷயம் திடீரென முளைத்தது, ஏன் யாரும் இதைக் கவனிக்க வில்லை, இவ்வளவு நாள் என்ன செய்து கொண்டிருந்தீர்கள், எப்போது இது  உங்களுக்குத் தெரியவந்தது? இதுபோன்ற போன்ற பல கேள்விகள் அந்தக் கூட்டத்தில் பங்கேற்ற வர்களுக்கு இருந்தது. இருந்தாலும், ‘மூன்று நாள்கள் கழித்துச் சந்திப்போம்’ என்று கிளம்பினர்.

வெற்றிக்குக் கைகொடுக்கும் நான்காவது மந்திரம்!



முக்கிய நிர்வாகியின் ஒருவரின் தனி நிர்வாக உதவியாளர் ஒருவர், இதுகுறித்து நண்பர் ஒருவரிடம் ஆலோசனை கேட்கிறார்.

“என்னதான் இருந்தாலும் ஓகோன்னு இருந்த நிறுவனம், புத்திசாலித்தனமான உயரதிகாரி, நிறுவனத்தின் தலைவரும் மிக நல்லவர்; ஆனால் இப்படியாகிவிட்டதே! நம்மாலான உதவி என ஏதாவது செய்யலாமா” என்று கேட்க, அவருடைய நண்பரோ ‘‘நீங்கள் இப்படி அக்கறையோடு  இருப்பதுதான் உங்களிடம் எனக்குப் பிடித்த குணம்’’ என்கிறார்.

‘‘சரி, எனக்கு ஒரு வழிச் சொல்லுங்கள்’’ என அவர் கேட்க, நண்பர் சொல்லத் தொடங்கினார். ‘‘மூன்று விஷயங்கள்தான்,  ஒரு நிறுவனம் வெற்றிகரமாக இயங்குவதை நிர்ணயிக்கின்றன. ஒரு நிர்வாகத்தில் முன்னேற்றத்திற்கான செயல்களைச் செய்ய ஒரு நிமிட இலக்கினை  நிர்ணயித்தல்,  இலக்கினை அடைந்துவிட்டால் ஒரு நிமிடம் மனம் திறந்து பாராட்டுதல், நிர்ணயித்த இலக்கை அடையாவிட்டால் அல்லது குறைகள் இருந்தால் ஒரு நிமிடம் கடிந்துகொள்ளல்.  இன்றைக்குப் பெரு நிறுவனங்களும், சிறு நிறுவனங்களும் ஏன் பள்ளிகளும், மருத்துவ மனைகளும்கூட இந்த மூன்று மந்திரங்களின் மகத்துவத்தைப் புரிந்து கொண்டு செயல்பட ஆரம்பித்துவிட்டன. 

ஒரு நிறுவனத்தில் பணிபுரியும் எந்தவொரு நிர்வாகியும் எடுக்கும் முடிவுகள் தவறாகப்போவதற்கான வாய்ப்புகள் இருக்கவே செய்கின்றன.  இதுபோன்ற சூழ்நிலையில் வழக்கமான இந்த மூன்றை மட்டும் வைத்துக் கொண்டு என்ன செய்ய முடியும்? நான்காவது மந்திரமான ஒரு நிமிட மன்னிப்பு அவசியம். தவறை உணர்ந்த அடுத்த நிமிடமே மன்னிப்பு என்பது தரப்பட்டுவிடவேண்டும்’’ என்றார் நண்பர். 

‘‘மன்னிக்கக்கூடிய தவறு என்றால் மன்னித்துவிடலாம். ஆனால், எங்கள் நிர்வாகி செய்த தவறு மிக மிகப் பெரியதாயிற்றே. வெறும் மன்னிப்புப் போதுமா?’’ என்றார். ‘‘மன்னிப்பு என்பது வெறும் வாய் வார்த்தையில் இல்லை. மன்னிப்புக் கேட்பது என்பது எண்ணம், செயல் மற்றும் நேர்மை போன்றவற்றைச் சார்ந்ததே மன்னிப்பு என்பதாகும்’’ என்றார் நண்பர்.

அந்த மன்னிப்பு எப்படி இருக்கவேண்டும்? ‘‘கேட்பதற்கு மன்னிப்பு எனும் வார்த்தை மிகவும் சுலபமாக இருந்தாலும் கொஞ்சம் ஆழமாகச் சிந்தித்துப் பார்த்தால், அதற்குள் உள்ள மிகப் பெரிய அர்த்தம் புரியும்.  மன்னிப்புக் கேட்கவே பெரிய மனது வேண்டும். மன்னிப்பு என்பது நேர்மையானது. நேர்மையற்ற ஒரு மனிதரால் மனதார மன்னிப்புக் கேட்கவே முடியாது.

உதாரணத்துக்கு, உங்கள் நிர்வாகி உங்களை அழைத்து இப்படி ஒரு தவறு நடந்துவிட்டது என்று சொல்லிவிட்டாரே, அதிலேயே அவருடைய நேர்மை தெரிகிறது. அதை விட்டுவிட்டு, அவர் தவறை மறைத்து அதைச் சரிசெய்ய முயற்சி செய்திருந்தால் அவருடைய நேர்மையைக் குறைவானதாகவே நீங்கள் எடை போடவேண்டியிருக்கும். மன்னிப்பு என்பது தவறைச் சரிசெய்துகொள்வதற்காக மட்டுமில்லை, நம்பிக்கையை வளர்க்கவுமே உதவுகிறது. அதையும் தவிர, உடனடியாக என்ன மாற்று நடவடிக்கையை எடுக்க வேண்டும் எனச் சிந்திக்க வைக்கிறது.

அரக்கக் குணம் கொண்டவர்களுமே மன்னிப்புக் கேட்பது என்று வந்துவிட்டால் கொஞ்சம் இறங்கிவரத்தான் வேண்டும். ஒரு நிமிட மன்னிப்பு என்பது இதற்கு வழிவகை செய்கிறது. நான்தான் இதற்குக் காரணம் என்ற குற்ற உணர்வு வேண்டியதில்லை, எக்கச்சக்கமான காரணங்களை அடுக்கவேண்டியதில்லை. நச்சென மன்னிப்பு என்பதைத் தவிர, வேறெந்த விஷயத்தையும் நினைக்கவேண்டியதே இல்லை. ஒரு நிமிட மன்னிப்பு என்பது நேர்மையாக மாறுதல்  என்பதில் ஆரம்பித்து, தொடர்ந்து நேர்மையாக நடத்தல் என்பதில் முடிவடைகிறது’’ என்கிறார்கள் ஆசிரியர்கள்.

‘‘இந்த வாய்ப்பு இல்லாதபட்சத்தில் அந்த நிர்வாகி சுய ஏமாற்றுதலுக்கு ஆளாகிறார்.  சுய ஏமாற்றுதல் என்பதற்கு அதிக விலையை அவர் தரவேண்டியிருக்கும். நம் மனசாட்சிக்கு நாம் நியாயமாகச் செயல்படும்போது நாம் நம்முடைய செயலுக்கு முழுப்பொறுப்பை ஏற்றுக்கொள்ளும் பக்குவத்தைப் பெறுகிறோம். நேர்மையாக நாம் நடந்துகொள்ள ஆரம்பித்த நிமிடமே தவறின் பெரும்பங்கு சரிசெய்யப்பட்டு விடுகிறது. இதில் நேர்மை என்பது நம் மனசாட்சிக்கு நாம் எவ்வளவு நேர்மையாக நடந்துகொள் கிறோமோ, அந்த அளவுக்கு மன்னிப்பு   யாரிடம் கோருகிறோமோ அவரிடமும் நேர்மையாக நடந்துகொள்வது’’ என்கின்றனர் ஆசிரியர்கள்.

சரி, வெறுமனே மன்னிப்புக் கேட்டுவிட்டால் போதுமா? ‘எப்படி அது வெளிவேஷ மன்னிப்பா, உள்ளார்ந்த மன்னிப்பா?’ என்று எப்படி உணர்ந்துகொள்வது என்று கேட்பீர்கள்.  இதைச் சுலபத்தில் மன்னிப்புக் கேட்பவராலும், மன்னிப்பைத் தர வேண்டியவராலும் உணர்ந்து கொள்ள முடியும் என்று ஆணித்தரமாக சொல்கிறார் ஆசிரியர்.

‘‘மன்னிப்புக் கேட்டாகிவிட்டது. அதோடு சரியாகிவிட்டதா என்றால் அதுதான் இல்லை. ஏற்கெனவே எதனால் எப்படித் தவறு நடந்ததோ, அதனால் மீண்டும் அந்தத் தவறு நடக்காமல் பார்த்துக்கொள்ளுங்கள். இதற்கு உங்களுடைய நடத்தை மாறவேண்டும். அது மாறாமல் வெறுமனே மன்னிப்புக் கோரிக் கொண்டே இருந்தால், “அவரா,  எப்பவுமே தவறு செய்துவிட்டு மன்னிப்புக் கேட்பவர்தானே” என்ற அடையாளத்தைப் பெற்றுவிடும் வாய்ப்பு உள்ளது என எச்சரிக்கின்றனர் ஆசிரியர்கள்.

‘‘மன்னிப்புக் கேட்டால் எல்லோரும் மன்னித்து விடுவார்களா? அதுவும் அலுவலக நிர்வாகத்தில் மன்னிப்பு என்பது எனக்குப் பிடிக்காத வார்த்தை’’ என்றல்லவா சொல்வார்கள் என்பீர்கள்.

‘‘மன்னிப்புக் கேட்டல் என்பது வெறுமனே நீங்கள் உங்கள் வேலையைக் காப்பாற்றிக் கொள்ளவோ அல்லது அந்த வருடம் சம்பள உயர்வு பெற்றுக்கொள்ளவோ இல்லை. தவறு செய்தால் அந்தத் தவற்றை உணர வேண்டும். தவறு செய்தால் மன்னிப்புக் கேட்பதே சரியான வழி என்பதை முழுமையாகப் புரிந்துகொண்டால், இருக்கும் இடத்திலும் சரி, போகும் இடத்திலும் சரி, முன்னேற்றம் என்பது தானே வரும்’’ என்கிறார்கள் ஆசிரியர்கள்.

‘‘மன்னிப்புக் கேட்கத் தயாரான பிறகு, எப்படி மன்னிப்புக் கேட்கவேண்டும்? ‘‘ஸாரி’’ என்று ஒரு வரியில் சொல்லிவிட்டால் போதுமா? நிச்சயமாக இல்லை. ‘நான் தவறு செய்துவிட்டேன். அதற்காக வருந்துகிறேன். இது போன்ற தவறு மீண்டும் நடக்கா மல் பார்த்துக் கொள்கிறேன்’ என்ற மூன்று விஷயங்களையும் மனதாரச் சொல்ல வேண்டும்’’ என்கின்றனர் ஆசிரியர்கள்.

ஒவ்வொரு முறை கேட்கப்படும் மற்றும் பெறப்படும் மன்னிப்பு, எப்படி உங்களுடைய செயல்பாடு மற்றவர்களைப் பாதிக்கிறது என்பதை உங்களுக்குத் தெளிவாகப் புரியவைக்கும். மன்னிப்புக் கேட்டல் என்பது மன்னிப்புத் தரக் கூடிய நபர் உங்களுக்கு எந்த அளவுக்கு முக்கியத் துவம் வாய்ந்தவர் என்பதை உணர்த்தக்கூடியதாக இருக்கும் என்பதும் ஒரு குறிப்பிடத்தக்க விஷயமாகும்.  ஒரு நிமிட மன்னிப்பு என்பது உங்களுடைய தவறுகளைத் திருத்திக்கொள்ளவும், உங்கள் மீது மற்றவர்கள் இழந்த நம்பிக்கையை மீட்டெடுக்கவும் உதவும் பெரியதொரு உபகரணமாகும் என்பதைப் புரிந்துகொள்ளுங்கள்’’ என்று சொல்லி முடிக்கின்றனர் ஆசிரியர்கள்.

மனிதர்களுக்கு மிகவும் பயன்படும் மன்னிப்பின் மகத்துவத்தைச் சொல்லும் இந்தப் புத்தகத்தை அனைவரும் ஒருமுறை படிக்கலாம்.

- நாணயம் டீம்

வெற்றிக்குக் கைகொடுக்கும் நான்காவது மந்திரம்!

ஐ.ஆர்.டி.ஏ.ஐ அமைப்பின் அடுத்த தலைவர் யார்?

இன்ஷூரன்ஸ் கட்டுப்பாட்டு வாரியமான ஐஆர்.டி.ஏ.ஐ-வுக்கு அடுத்து தலைமையேற்கப் போவது யார் என்கிற பேச்சு பலமாக எழுந்துள்ளது. காரணம், இந்த அமைப்பின்  தற்போதைய சேர்மன் டி.எஸ்.விஜயன், வரும் பிப்ரவரி 21-ம் தேதியுடன் ஓய்வு பெறுகிறார். நம் நாட்டின் மிகப் பெரும் அமைப்புகளின் தலைவர் களாக இருப்பவர்கள் பலரும் இந்தப் பதவிக்கு விண்ணப்பம் செய்திருக் கிறார்கள்.

மாதம் ரூ.4.5 லட்சம் சம்பளம், கார் வசதி என்பதெல்லாம் போக, ஒட்டுமொத்த இன்ஷூ ரன்ஸ் துறையையே கட்டுப்படுத்தும் அமைப்பு இது என்பதால் போட்டி பலமாகவே இருக்கிறது!