Published:Updated:

ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!

ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!
பிரீமியம் ஸ்டோரி
ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!

ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!

ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!

ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!

Published:Updated:
ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!
பிரீமியம் ஸ்டோரி
ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!

வெறும் ரூ.24 ஆயிரம் முதலீடு செய்து தொழிலைத் தொடங்கியவர், தனது கடும் உழைப்பினால், இன்று ரூ.8 கோடி அளவுக்கு டேர்ன்ஓவர் செய்கிறார். சென்னை - பெருங்களத்தூரில் எவரெஸ்ட் சிமென்ட் பைப்ஸ் என்னும் நிறுவனத்தை நடத்திவரும் ரகு,  கடந்துவந்த பாதையை நாம்  தெரிந்துகொண்டால், கடும் உழைப்பு எல்லோரையும் முன்னேற்றும் என்கிற நம்பிக்கை பிறக்கும். இனி ரகு சொல்வதைக் கேட்போமா..?

‘‘ஓரகடத்தில் ஒரு ஓலைக்குடிசையில்தான் என் வீடு. என் பெற்றோர்கள் படிக்காத வர்கள். ஆனாலும், என்னைப் படிக்க வைத்தார்கள். நான் பள்ளியில் படித்த சமயத்தில் மழை பெய்யும். நாங்கள் இருக்கும் ஓலைக்குடிசை  ஒழுகும். நாங்கள்  தூங்க முடியாமல் ஆளுக்கொரு மூலையில் உட்கார்ந்துகொண்டிருப்போம். ‘எல்லோரும் ஓட்டு வீட்டிலும், காரை வீட்டிலும் இருக்கும்போது நாம் மட்டும் இப்படி இருக்கிறோமே. இந்த நிலையிலிருந்து நாம் மாற வேண்டும்’ என்று நினைப்பேன்.

ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!

பத்தாம் வகுப்பு படித்து முடித்தபின்பு, சென்னை லெதர் இன்ஸ்ட்டிடியூட்டில் சேர்ந்து படிக்க விண்ணப்பித்தேன். சாதிச் சான்றிதழ் கேட்டார்கள். என்னிடம் சாதிச் சான்றிதழ் இல்லையென்பதால், தாலுகா ஆபீஸுக்குப் போய் விண்ணப்பித்தேன். ‘‘இருளர்கள் என்றால் ஊட்டி மாதிரி மலைப்பிரதேசத்தில்தான் இருப்பார்கள். எனவே, சான்றிதழ் தரமுடியாது’ என்றார்கள் அதிகாரிகள். நான்கு ஆண்டுகள் போராடியபின்பு சாதிச் சான்றிதழ் கிடைத்தது. அதற்குள் நான் முற்றிலும் மாறியிருந்தேன். 

ஏதோ ஒரு வேலை செய்ய வேண்டும் என்பதற்காக கார் ஓட்டக் கற்றுக்கொண்டேன். பிறகு லாரி ஓட்டினேன். நிறுவனங் களுக்குத் தேவையான பொருள்களைக் கொண்டுபோய் இறக்கி விட்டு வரவேண்டியது என் வேலை. இந்த வேலையை நான் பொறுப்பாகச் செய்வதைப் பார்த்த சில நிறுவனங்கள், எனக்கே அந்த கான்ட்ராக்ட்டைத் தந்தன. 

அந்த வேலையைச் செய்தபோதுதான் சிமென்ட் பலகைகளைத் தயாரிப்பது எப்படி என்று தெரிந்துகொண்டேன். அதை நன்கு தெரிந்துகொண்டபிறகு சிமென்ட் பலகை தயாரிக்கும் ஒரு கம்பெனியை 2009-ல் ஆரம்பித்தேன். நான் சேர்த்து வைத்திருந்த ரூ.24 ஆயிரம்தான் கம்பெனியை ஆரம்பிப்பதற்கான முதலீடு. இதில் ரூ.20 ஆயிரம் செலவழித்துப் பலகையைத் தயாரிக்கும் மோல்டிங்கை வாங்கினேன். மீதம் ரூ.4 ஆயிரத்தை மூலப் பொருள் வாங்கவும், பிற செலவுகளுக்கும் வைத்துக்கொண்டேன்.

கம்பெனி ஆரம்பித்த சமயத்தில் புதிதாக யாராவது வீடு கட்ட ஆரம்பித்தால், உடனே அவர்களை அணுகி சிமென்ட் பலகைகளுக்கான ஆர்டர் கேட்பேன். பலரும் தர மறுத்தார்கள். சிலர் தந்தார்கள். அவர்கள் கொடுத்த வேலையை நன்றாக செய்து தந்ததால், அடுத்தடுத்து ஆர்டர்கள் வாங்கினேன்.

தொழில் ஆரம்பித்த புதிதில் விழுப்புரத்தில் ஒரு ஆர்டர் செய்து தந்ததில், ரூ.1 லட்சத்துக்கு செக் கிடைத்தது. அதைப் போட்டுப் பணம் எடுக்க ‌இந்தியன் பேங்குக்குப் போனபோது, கரன்ட் அக்கவுன்ட் இருந்தால்தான் அந்த செக்கைப் போட்டுப் பணம் எடுக்க முடியும் என்றார்கள். ‌கரன்ட் அக்கவுன்ட் ஆரம்பிக்கலாம் என்றால், ஏற்கெனவே அந்த அக்கவுன்ட் வைத்திருக்கும் இரண்டு பேரின் சிபாரிசு வேண்டும் என்றார்கள். அந்த வங்கியில் கரன்ட் அக்கவுன்ட் வைத்திருக்கும் இரண்டு பேரைத் தேடி நான்கு நாள் அலைந்தேன். கடைசியில் என் மனைவி வேலை பார்த்த  நிறுவனத்தின் முதலாளிகள் உதவினார்கள். அந்த அக்கவுன்டில் செக் போட்டு பணம் வர நாளாகும் என்பதால், உடனே ரூ.50 ஆயிரம் கடன் தந்தார் வங்கி மேலாளர். என் பொறுமையான அணுகு முறைக்குக் கிடைத்த வெற்றிதான் இது.   

ஒட்டுமொத்த விகடனுக்கும் ஒரே ஷார்ட்கட்!

ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!

என் வருமானம் கொஞ்சம் கொஞ்சமாக உயர, வந்த பணத்தை எல்லாம் தொழிலை வளர்க்கவே பயன்படுத்தினேன். அந்தச் சமயத்தில், என் வீட்டில் ஞாயிற்றுக் கிழமையன்று அசைவம் எடுக்க மாட்டேன். குழந்தைகள் கேட்டா லும், ‘‘ஒரு உயிரைக் கொல்வது பாவம்’’ என்று சொல்லிச் சமாளிப்பேன். ஆரம்பத்திலிருந்தே என்னைத் தேடிவரும் ஆர்டர்களை நேரம், காலம்  பார்க்காமல் கொண்டுபோய் சேர்ப்பேன். ‘இன்னும் ரெண்டு மணி நேரத்துல பைப் கிடைக்குமா?’ என்று ஞாயிற்றுக்கிழமை மதியம் இரண்டு மணிக்குக் கேட்பார்கள். அன்று விடுமுறை என்பதால், வேலை ஆட்கள் இருக்க மாட்டார்கள். ஆனாலும், யாரையாவது பிடித்து, பைப்புகளை லாரியில் ஏற்றி, நானே லாரியை ஓட்டிக்கொண்டு போய் பொருள்களை டெலிவரி செய்வேன்.

2013-ல் சென்னையில் உள்ள எம்.எஸ்.எம்.இ-யில் என் பெயரைப் பதிவு செய்துகொண்டேன். என் நிறுவனத்தை விரிவுபடுத்த நினைத்தபோது, எனக்குத் தேவையான பயிற்சியையும், வழிகாட்டுதலையும் தந்தது பாரதிய யுவ சக்தி ட்ரஸ்ட் நிறுவனம். அது மட்டுமில்லாமல், எனது நிறுவனத்தை விரிவுபடுத்த இந்தியன் வங்கி யிலிருந்து ரூ.10 லட்சம், ரூ.10 லட்சத்துக்கான ஓவர் டிராப்ட் வசதியைப் பெற்றுத் தந்தது. அந்தக் கடனையும் அடுத்த 18 மாதங்களில் கட்டி முடித்தேன். வங்கிக் கடனை சரியாகத் திரும்பச் செலுத்தியதன் விளைவாக இப்போது எனக்கு ரூ.44 லட்சத்துக்கு புதுக் கடன் கிடைத்துள்ளது. வங்கிக் கடனைச் சரியாகச் செலுத்தினால், வங்கியின் ஆதரவு நமக்கு என்றைக்கும் இருக்கும்.

நான் பத்தாம் வகுப்பு வரை மட்டுமே படித்திருந் தாலும், என்னிடம் நான்கு இன்ஜினீயர்கள் வேலை பார்க்கிறார்கள். என் கம்பெனியின் ஆண்டு டேர்ன்ஓவர் இப்போது ரூ.8 கோடியை எட்டியிருக்கிறது. அடுத்த ஆண்டில் ரூ.10 கோடியை அடைய வேண்டும். 

கடந்த ஆண்டு டெல்லியில் நடந்த ‘இன்டர்நேஷனல் மென்ட்டாரிங் சம்மிட் 2017-ல் எனக்கு விருது கிடைக்கக் காரணமாக இருந்தது பாரதிய யுவ சக்தி ட்ரஸ்ட்தான்.  அந்த விருதை இளவரசர் சார்லஸிடமிருந்து பெற்றது மறக்க முடியாத நிகழ்ச்சி’’ என்று முடித்தார் ரகு.

தடை... உடை... புது சரித்திரம் படை என்பதற்கு ரகுவை மிகச் சிறந்த உதாரணமாகச் சொல்லலாம்.

- ஏ.ஆர்.குமார்

படங்கள்:  சொ.பாலசுப்ரமணியன்

ரூ.24 ஆயிரத்திலிருந்து ரூ.8 கோடி... அன்று லாரி டிரைவர்... இன்று கம்பெனி முதலாளி!

இளம் தொழில்முனைவர்களுக்கான பிசினஸ் ஐடியா போட்டி!

சென்னை, காஞ்சிபுரம், திருவள்ளூர் மாவட்டங்களில் இருக்கும் இளம் தொழில் முனைவர்களுக்கான பிசினஸ் ஐடியா போட்டியைப் பாரதிய யுவ சக்தி டிரஸ்ட் (BYST) நிறுவனம் நடத்துகிறது. பாரதிய யுவ சக்தி டிரஸ்ட் நிறுவனம், சி.ஐ.ஐ. (CII), எம்.எஸ்.எம்.இ இன்ஸ்ட்டிடியூட் (M.S.M.E) அமைப்புகளுடன் சேர்ந்து இந்தப் போட்டியை நடத்துகிறது.

சென்னையைச் சுற்றியுள்ள 30 கிலோமீட்டர் சுற்றளவில் இருக்கும் சென்னை, காஞ்சிபுரம், திருவள்ளூர் மாவட்டங்களைச் சேர்ந்த 18 முதல் 35 வயது இளம் தொழில்முனைவர்கள் வித்தியாசமான, எதிர்காலத்தில் சிறப்பாகச் செய்வதற்கு வாய்ப்புள்ள பிசினஸ் ஐடியாக்களை இந்தப் போட்டிக்கு அனுப்பி வைக்கலாம். வருகிற 24-ம் தேதி வரை இந்தப் போட்டிக்கான பிசினஸ் ஐடியாக்களை அனுப்பலாம்.

25-ம் தேதியிலிருந்து மார்ச் மாதம் 4-ம் தேதி வரை வரும் ஐடியாக்கள் பரிசீலிக்கப்பட்டு, வெற்றி பெறுபவர்கள் அறிவிக்கப்படுவார்கள். இந்தப் போட்டி யில் தேர்வாகி பரிசு பெறுகிறவர்களுக்குத் தொடர்ச்சியான ஆதரவும், பயிற்சியும், முதலீட்டைப் பெற்றுத் தருவதற்கான வழிகாட்டுதலும் பாரதிய யுவ சக்தி டிரஸ்ட் மூலம் தரப்படும். இந்தப் போட்டிக்கு வரும் மிகச் சிறப்பான மூன்று ஐடியாக்களுக்கு பரிசுகள் வழங்கப்பட உள்ளது.

இந்தப் போட்டியில் கலந்துகொள்ள விரும்புபவர்கள் இதற்கான விண்ணப்பத்தை பாரதிய யுவ சக்தி ட்ரஸ்ட்டின் இணையதளத்தி லிருந்து (http://www.bystonline.org/byst/) பதிவிறக்கம் செய்து கொள்ளலாம். பாரதிய யுவ சக்தி ட்ரஸ்ட்டின் அலுவலகத்திலிருந்தும் (C/o Confederation of Indian Industry, No, 98/1 Velachery Main Road, Guindy, Chennai - 600 032) பெற்றுக்கொள்ளலாம். போட்டிக்கான விண்ணப்பம் பெறுவது தொடர்பான தகவல்களை அறிய 96770-40509 / 87544 - 66655 ஆகிய செல்போன் எண்களுடன் தொடர்புகொள்ளலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism