Published:Updated:

கம்பெனி ட்ராக்கிங்

ஹிந்துஸ்தான் ஜிங்க் லிமிடெட்!(NSE SYMBOL: HINDZINC)டாக்டர் எஸ்.கார்த்திகேயன்

பிரீமியம் ஸ்டோரி
கம்பெனி ட்ராக்கிங்

‘மெட்டல் கார்ப்பரேஷன் ஆஃப் இந்தியா’ என்ற பெயரில் 1996-ல் ஆண்டில் ஆரம்பிக்கப்பட்டு, பின்னர் ஹிந்துஸ்தான் ஜிங்க் லிமிடெட் என்று பெயர் மாற்றம் செய்யப்பட்டது. 

கம்பெனி ட்ராக்கிங்

   நிறுவனத்தின் வரலாறு

2002-ம் ஆண்டில், ஸ்டெர்லைட் ஆப்பர்ச்சூனிட்டிஸ் அண்டு வென்ச்சர்ஸ் என்னும் நிறுவனத்தால் ஓப்பன் ஆஃபர் மூலமும், அரசாங்கத்தின் பங்கு விற்பனைத் திட்டத்தின் மூலமும் பல படிநிலைகளில், பங்குகள் மற்றும் நிர்வாக  உரிமைகள் அனைத்தையும்  கையகப்படுத்தியது இந்த நிறுவனம்.

கம்பெனி ட்ராக்கிங்



தற்சமயம் அரசாங்கத்தின் பங்குகள் 29.54% என்கிற அளவில் இந்த நிறுவனத்தில் இருக்கிறது.  பின்னர் ஸ்டெர்லைட் ஆப்பர்ச்சூனிட்டிஸ் அண்டு வென்ச்சர்ஸ் நிறுவனம், ஸ்டெர்லைட் இண்டஸ்ட்ரீஸ் நிறுவனத்துடன் இணைக்கப் பட்டது. அதன்பின்னர் சேசகோவா நிறுவனத்துடன் இணைந்த ஸ்டெர்லைட் நிறுவனம், சேசா ஸ்டெர்லைட் என்று பெயர் மாற்றம் செய்யப்பட்டது. 

ஏப்ரல் 2015-ல் சேசா ஸ்டெர்லைட் நிறுவனம், வேதாந்தா லிமிடெட் என்று பெயர் மாற்றம் செய்யப்பட்டது. இன்றைக்கு ஹிந்துஸ்தான் ஜிங்க் லிமிடெட் நிறுவனம், வேதாந்தா லிமிடெட் நிறுவனத்தின் துணை நிறுவனமாகச் செயல்பட்டு வருகிறது.

கம்பெனி ட்ராக்கிங்

   தொழில் எப்படி?

ஹிந்துஸ்தான் ஜிங்க் நிறுவனம் துத்தநாகம், ஈயம், சில்வர் மற்றும் கேட்மியம் போன்ற உலோகங்களைத் தாதுப்பொருள்களிலிருந்து பிரித்தெடுத்து விற்பனை செய்யும் தொழிலில் ஈடுபட்டுள்ளது. துத்தநாகம், இரும்பு அல்லாத உலோகங்களுக்கு முலாம் பூசப் பயன்படும் ஒரு பொருளாகும். ஈயமும் முலாம் பூசுதலில் ஆரம்பித்து,பல்வேறு தொழில்களில் பயன்படுத்தப்பட்டு வரும் ஒரு உலோகமாகும்.  ஹிந்துஸ்தான் ஜிங்க் நிறுவனம், ஜிங்க் மற்றும் ஈயம் உற்பத்தியில் உலக அளவில் இரண்டாவது பெரிய நிறுவனமாகவும், அகில இந்திய அளவில் முதலாவது பெரிய நிறுவனமாகவும் செயல்பட்டு வரும் முன்னணி நிறுவனமாகும்.

கம்பெனி ட்ராக்கிங்


இந்தியாவில் பல்வேறு இடங்களிலும் மூலப் பொருட்களுக்கான சுரங்கங்கள், உருக்கும் வசதிகள் மற்றும் இந்த வசதிகளுக்குத் தேவையான மின்சார உற்பத்தி செய்யும் வசதிகள் என இந்தத் துறையில் இயங்குவதற்குத் தேவையான வசதிகளைக்கொண்டு திகழ்கிறது. லண்டன் மெட்டல் எக்ஸ்சேஞ்சில், இந்த நிறுவனம் சந்திரியா ஸ்மெல்டிங் காம்ப்ளெக்ஸில் உற்பத்தி செய்யும் ஜிங்க் மற்றும் ஈயம், ஒரு பதிவுபெற்ற பிராண்ட் ஆகும். லண்டன் மெட்டல் எக்ஸ்சேஞ்சில் பதிவு பெற்ற ஜிங்க் மற்றும் ஈயத்தின் பிராண்டுகள், அவற்றின் உயர்ந்த ரக தரக்கட்டுப்பாட்டு சட்டதிட்டங்களினாலும், உபயோகிக்கப்படும் மூலப்பொருள்களின் தரம் மிகச் சிறந்ததாக இருக்கும் என்ற உறுதியிருப்பதாலும் உலக அளவில் விரும்பி வாங்கப்படுகிற ஜிங்க் மற்றும் ஈயமாக இருக்கின்றன. இதுபோன்ற பிராண்ட் பதிவானது, ஹிந்துஸ்தான் ஜிங்க் நிறுவனத்தின் தரம் குறித்த அர்ப்பணிப்புக்குச் சான்றாகத் திகழ்கிறது.

கம்பெனி ட்ராக்கிங்

   தயாரிப்புகளின் சிறப்புகள்

கட்டடங்கள், உலோகக் கட்டுமானங்கள், வாகனங்கள், வீட்டு உபயோகப்பொருள்கள் போன்ற பலவற்றிலும் உபயோகப்படுத்தப்படும் உலோகங்களில் அரிப்பைத் தடுக்க, துத்தநாகத்தை உபயோகித்துப் பூசப்படும் முலாம் பெருமளவில் பயன்படுகிறது. ரப்பரை வல் கனைசிங் செய்யவும், செராமிக் பொருள்களிலும், பெயிண்டுகள், கால்நடைத் தீவனங்கள், மருந்துகள் போன்ற வற்றிலும் ஜிங்க் ஆக்சைடு பயன் படுத்தப்படுகிறது.  மோட்டார் வாகன உதிரிபாகங்கள், எலெக்ட்ரிக், ஹார்டுவேர் உதிரிபாகங்களின் உற்பத்தியில் ஜிங்க் காஸ்டிங்குகள் பயன்படுத்தப் படுகின்றன.

தவிர, ஜிங்க் ஷீட்டுகள் வீடுகள் மற்றும் தொழிற்சாலைகளில்  கூரை வேய்தல், பருவநிலை மாறுதல்களினால் ஏற்படும் தாக்கத்தைக் குறைத்தல் போன்றவற்றிற்குப் பயன்படுத்தப் படுகின்றன. மேலும் ஜிங்க் பேட்டரிகள், கிராபிக் ஆர்ட் வரைய உதவும் தகடுகள், நாணயங்கள் செய்யும் பணியிலும் பயன்படுகின்றன. இந்த நிறுவனம் உற்பத்தி செய்யும் மற்றொரு பொருளான ஈயம், பேட்டரிகளில் பயன்படுத்தப்படுகிறது. 

கம்பெனி ட்ராக்கிங்

   நிறுவனத்தின் சிறப்புகள்

இந்த நிறுவனம் தயாரிக்கும் வெள்ளி, பல்வேறு தொழில் மற்றும் வீட்டு உபயோகத்திற்குப் பயன்படுகிறது. தொழில் சார்ந்த உபயோகம் என்று பார்த்தால், வெள்ளியை உபயோகித்து செய்யப்படும் அலாய்கள், எலெக்ட்ரிக்கல் கான்டாக்டுகள், அதிக சேமிப்புத்திறன் கொண்ட ஜிங்க்-சில்வர் மற்றும் சில்வர்-கேட்மியம் போன்ற உலோகத்தி லான பேட்டரிகள் போன்ற தயாரிப்பில் வெள்ளி மிகவும் உபயோகிக்கப்படுகிறது.

ஹிந்துஸ்தான் ஜிங்க் நிறுவனம்  உற்பத்தி செய்யும் நான்காவது உற்பத்திப் பொருளான கேட்மியம் என்பது ஜிங்க்கை உற்பத்தி செய்யும் போது, தாதுப் பொருள் களிலிருந்து பிரித்தெடுக்கப்படும் ஒரு வகை பொருளாகும். ஹிந்துஸ்தான் ஜிங்க் நிறுவனம், உயர்ந்த ரக கேட்மியம் பென்சில்களை உற்பத்தி செய்கிறது.

கம்பெனி ட்ராக்கிங்

   உற்பத்தி வசதிகள்

ஹிந்துஸ்தான் ஜிங்க் நிறுவனம், தாதுப் பொருள் களுக்கான சுரங்கங்களை  நான்கு இடங்களிலும், உருக்கும் வசதியை நான்கு இடங்களிலும் கொண்டுள்ளது. இந்த வகை உலோக உற்பத்தி, மிகவும் மின்சாரத் தேவையைக் கொண்டிருப்பதால், தங்களுக்குத் தேவையான மின்சார உற்பத்தியைத் தானே செய்து கொள்ளும்வண்ணம்  சந்த்ரேயா, டாரிபா மற்றும் ஜாவர் எனும் உற்பத்தி மையங்களில், 474 மெகாவாட் அளவிலான தெர்மல் மின்சார உற்பத்தி வசதியையும் கொண்டுள்ளது. இதுதவிர, காற்றாலைகள் மூலமாக மின்சார உற்பத்தி செய்யும் வசதிகளை குஜராத், கர்நாடகா,  மகாராஷ்ட்ரா,  ராஜஸ்தான், தமிழ்நாடு போன்ற மாநிலங்களில் கொண்டுள்ளது.

கம்பெனி ட்ராக்கிங்

   ரிஸ்க்குகள் ஏதும் உண்டா?

இந்த நிறுவனத்தின் தயாரிப்புகள்,  பெருமளவில் தொழிற்சாலைகளில் உபயோகப்படுத்தப் படுபவை. எனவே, பொருளாதார வளர்ச்சி சீராக இருந்தால் மட்டுமே இவற்றின் தேவை அதிகரிக்கும். ஏதாவது ஒரு காரணத்தினால் உலகப் பொருளாதார வளர்ச்சி சுணக்கமடைந்தால், இந்த நிறுவனத்தின் தயாரிப்புகளுக்கான தேவை குறையவே செய்யும். அந்தச் சமயத்தில் இந்த நிறுவனம் ஈட்டும் லாபமும் கணிசமாகக் குறைய வாய்ப்புள்ளது. மேலும், உலோகங்களின் விலை லண்டன் மெட்டல் எக்ஸ்சேஞ்சில் நிர்ணயிக்கப்படுகிறது. அயல்நாட்டு வர்த்தகமும் இருப்பதால், அந்நியச் செலவாணி மதிப்பு மாறுதல் மற்றும் உலகச் சந்தையில் இந்த நிறுவனத்தின் தயாரிப்புகள் எந்த அளவிற்கு சப்ளையில் இருக்கின்றன என்பது போன்ற நுணுக்கமான விஷயங்களும், இந்த நிறுவனத்தின் லாபத்தைச் சற்றுப் பாதிக்கலாம்.

கம்பெனி ட்ராக்கிங்

ரிஸ்க்குகள் பல இருக்கின்றபோதிலும், செய்யும் தொழிலில் நீண்ட அனுபவத்தையும், தொழிலில் முன்னணி நிலையையும் கொண்டிருக்கும் இந்த நிறுவனப் பங்குகளை, சந்தை ஏதாவது ஒரு காரணத்தினால் கடுமையான வீழ்ச்சியைச் சந்திக்கும்போது வரும் கடுமையான விலைச்சரிவில் வாங்கி, மூன்று முதல் ஐந்து வருடங்களுக்கான போர்ட்ஃபோலியோவில் சேர்த்துக்கொள்ள, தொடர்ந்து ட்ராக் செய்யலாம்.

ஏற்கெனவே உலோகம் சார்ந்த பங்குகளை அதிகம்கொண்ட போர்ட்ஃபோலியோவைக் கொண்டிருக்கும் வாசகர்களும், பங்கை வாங்கிய பிறகு இந்த நிறுவனம் மற்றும் துறையின் செயல்பாட்டைத் தொடர்ந்து தாங்களாகவே ட்ராக் செய்ய முடியாத வாசகர்களும் இந்தப் பங்கைத் தவிர்ப்பதே நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (HINDZINC)/name of company/time duration)
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு