Published:Updated:

ஃபண்ட் டேட்டா! - 16 - ஐ.டி.எஃப்.சி ஃபோக்கஸ்டு ஈக்விட்டி ஃபண்ட்... - பணம் உபரியாக உள்ளவர்களுக்கு ஏற்ற ஃபண்ட்!

 ஃபண்ட் டேட்டா! - 16 - ஐ.டி.எஃப்.சி ஃபோக்கஸ்டு ஈக்விட்டி ஃபண்ட்... - பணம் உபரியாக உள்ளவர்களுக்கு ஏற்ற ஃபண்ட்!
பிரீமியம் ஸ்டோரி
ஃபண்ட் டேட்டா! - 16 - ஐ.டி.எஃப்.சி ஃபோக்கஸ்டு ஈக்விட்டி ஃபண்ட்... - பணம் உபரியாக உள்ளவர்களுக்கு ஏற்ற ஃபண்ட்!

சொக்கலிங்கம் பழனியப்பன், டைரக்டர், ப்ரகலா வெல்த் மேனேஜ்மென்ட் (www.prakala.com)

ஃபண்ட் டேட்டா! - 16 - ஐ.டி.எஃப்.சி ஃபோக்கஸ்டு ஈக்விட்டி ஃபண்ட்... - பணம் உபரியாக உள்ளவர்களுக்கு ஏற்ற ஃபண்ட்!

சொக்கலிங்கம் பழனியப்பன், டைரக்டர், ப்ரகலா வெல்த் மேனேஜ்மென்ட் (www.prakala.com)

Published:Updated:
 ஃபண்ட் டேட்டா! - 16 - ஐ.டி.எஃப்.சி ஃபோக்கஸ்டு ஈக்விட்டி ஃபண்ட்... - பணம் உபரியாக உள்ளவர்களுக்கு ஏற்ற ஃபண்ட்!
பிரீமியம் ஸ்டோரி
ஃபண்ட் டேட்டா! - 16 - ஐ.டி.எஃப்.சி ஃபோக்கஸ்டு ஈக்விட்டி ஃபண்ட்... - பணம் உபரியாக உள்ளவர்களுக்கு ஏற்ற ஃபண்ட்!

சில மாதங்களுக்குமுன்பு, மியூச்சுவல் ஃபண்ட் நிறுவனங்களின் கட்டுப்பாட்டு வாரியமான செபி, மியூச்சுவல் ஃபண்டுகளின் வகைகளை அறிவித்து, இனி வரும் காலத்தில் மியூச்சுவல் ஃபண்ட் நிறுவனங்கள் அந்த வகை ஃபண்ட் திட்டங்களை நடைமுறைப்படுத்த வேண்டும் என அறிவித்தது. அவ்வாறு அறிவிக்கப் பட்டதில், பங்கு சார்ந்த திட்ட வகைகளில் ஒன்றுதான் ஃபோக்கஸ்ட் ஃபண்டுகளாகும்.

செபியின் அறிவிப்புப்படி, இந்த வகைத் திட்டங்கள் 30 பங்குகளுக்கு மிகாமல் முதலீடு செய்யவேண்டும். மேலும், எந்த வகைப் பங்குகளில் (லார்ஜ், மல்டி, மிட், ஸ்மால் கேப்) ஃபோக்கஸ் செய்யப்போகின்றன என்பதையும் தெரிவிக்க வேண்டும்.

ஃபோக்கஸ்டு ஃபண்டுகள் சமீப காலத்தில் சந்தைக்கு அறிமுகமாகின. இவை 30 பங்குகளுக்குள் தங்களது போர்ட்ஃபோலியோவை அமைப்பதால், இந்த வகை ஃபண்டுகளில், பிற டைவர்ஸிஃபைடு ஃபண்டுகளுடன் ஒப்பிடும்போது, ரிஸ்க் அதிகம். இந்த வகை ஃபண்டுகளில் சிறப்பாகச் செயல்பட்டுவருகிறது ஐ.டி.எஃப்.சி ஃபோக்கஸ்ட் ஈக்விட்டி ஃபண்ட். 

 ஃபண்ட் டேட்டா! - 16 - ஐ.டி.எஃப்.சி ஃபோக்கஸ்டு ஈக்விட்டி ஃபண்ட்... - பணம் உபரியாக உள்ளவர்களுக்கு ஏற்ற ஃபண்ட்!

இந்த ஃபண்ட் தற்போது ரூ. 1,300 கோடிக்கும் அதிகமான சொத்துகளை நிர்வகித்து வருகிறது. இதன் ஃபண்ட் மேனேஜர் சுமித் அகர்வால் ஆவார். இவர், இதற்குமுன்பு மிரே மியூச்சுவல் ஃபண்டில் பணிபுரிந்தார். இதற்குமுன்பு இந்தத் திட்டம், ஐ.டி.எஃப்.சி இம்பீரியல் ஈக்விட்டி ஃபண்ட் என அழைக்கப்பட்டது. ஏப்ரல் 18, 2017-லிருந்து ஃபோக்கஸ்ட் ஈக்விட்டி எனப் பெயர் மாற்றப்பட்டு, இதன் முதலீட்டு யுக்தியும் மாற்றப்பட்டது. ஆகவே, இந்த ஃபண்டின் கடந்த ஒரு வருடத்திற்கு மேலான வருமானத்தை ஒப்பிட்டுப் பார்ப்பது, சரியான நிலையை வெளிப்படுத்தாது.

இந்த வகை ஃபண்டுகளின் அசைக்க முடியாத நம்பிக்கை என்னவென்றால், ஒரு குறிப்பிட்ட லெவலிற்கு மேலான டைவர்ஸிஃபிகேஷன், வருமானத்தைக் குறைக்கும் என்பதுதான். இந்த வகை ஃபண்டுகளில் ஃபண்ட் மேனேஜருக்கு வேலை அதிகம். ஏனென்றால் போர்ட்ஃபோலி யோவில் இருக்கும் ஒவ்வொரு பங்கும் வருமானத்திற்கு முக்கியப் பங்கு வகிக்கிறது.  ஆகவே, முழுமையாக  ஆராய்ச்சி செய்யாமல் அவர் எந்தவொரு  பங்கையும் வாங்கமாட்டார்.

ஐ.டி.எஃப்.சி மியூச்சுவல் ஃபண்டின் பல ஈக்விட்டி திட்டங்கள், அனூப் பாஸ்கர் சி.ஐ.ஓ-வாகப் பொறுப்பேற்ற திலிருந்து நன்றாகச் செயல்பட்டு வருகின்றன. நாம் காணும் இந்த ஃபோக்கஸ்ட் ஈக்விட்டி ஃபண்டும் தற்போது நன்றாகச் செயல்பட்டுவருகிறது. கடந்த ஒரு வருடத்தில் இந்த ஃபண்ட் 32.49% வருமானத்தைத் தந்துள்ளது. இதே காலகட்டத்தில் நிஃப்டி 50 குறியீடு 14.56% வருமானத்தையே கொடுத்துள்ளது. இந்த ஃபண்ட் அனைத்துத் துறைகளிலும், அனைத்து மார்க்கெட் கேப் உடைய பங்குகளிலும் முதலீடு செய்கிறது.

ஒட்டுமொத்த விகடனுக்கும் ஒரே ஷார்ட்கட்!

 ஃபண்ட் டேட்டா! - 16 - ஐ.டி.எஃப்.சி ஃபோக்கஸ்டு ஈக்விட்டி ஃபண்ட்... - பணம் உபரியாக உள்ளவர்களுக்கு ஏற்ற ஃபண்ட்!

தனது போர்ட்ஃபோலியோவில் 30 பங்குகளுக்கு மிகாமல் பார்த்துக்கொள்கிறது. தற்போது 28 பங்குகளை மட்டுமே  கொண்டுள்ளது. இதன் மெயின் போர்ட்ஃபோலியோ அதிக வளர்ச்சியுடைய நிறுவனப் பங்குகளில் மட்டுமே முதலீடு செய்கிறது. இதன் மற்றொரு பகுதியான டேக்டிக்கல் (Tactical) போர்ட்ஃபோலியோ டேர்ன் அரவுண்டு (Turn Around) ஆகக்கூடிய பங்குகளில் முதலீடு செய்கிறது. தற்போது இந்த ஃபண்ட், தனியார் துறை வங்கிகள் மற்றும் நிதி நிறுவனங்கள், ஹவுசிங், கட்டுமானப் பொருள்கள் போன்றவற்றில் பாசிட்டிவ்வாக உள்ளது. உலோகம் மற்றும் தொலைத்தொடர்புத் துறை சார்ந்த பங்குகளை இந்த ஃபண்ட் வைத்துக்கொள்ள வில்லை. அதேபோல, ஃபார்மா துறையிலும் மிகவும் எச்சரிக்கையாக உள்ளது.

கான்சென்ட்ரேட்டட் (Concentrated) போர்ட்ஃபோலியோ என்பதால், பத்துக்கும் மேற்பட்ட பங்குகளில் 4 சதவிகிதத்துக்கு அதிகமான வெயிட்டை வைத்துள்ளது. தற்போது இதன் போர்ட்ஃபோலியோவில் 54% லார்ஜ்கேப் பங்குகளிலும், 46% மிட் அண்டு ஸ்மால்கேப் பங்குகளிலும் முதலீடு செய்யப்பட்டுள்ளது.

இதன் டாப் ஹோல்டிங்ஸ் கோட்டக் மஹிந்த்ரா பேங்க், இந்தஸ்இண்ட் பேங்க், இந்திய ஆயில் கார்ப்பரேஷன், பாரத் பெட்ரோலியம் கார்ப்பரேஷன், பெட்ரோநெட் எல்.என்.ஜி போன்ற பங்குகளாகும்.

 ஃபண்ட் டேட்டா! - 16 - ஐ.டி.எஃப்.சி ஃபோக்கஸ்டு ஈக்விட்டி ஃபண்ட்... - பணம் உபரியாக உள்ளவர்களுக்கு ஏற்ற ஃபண்ட்!

மிகவும் கச்சிதமான போர்ட்ஃபோலி யோவாக இருந்தபோதிலும் இதன் பீட்டா 0.90 என்ற அளவில் சந்தையைவிடக் குறைவாகவே உள்ளது. ஆல்ஃபா 4.09 என்ற அளவில் உள்ளது. இந்த வகை ஃபண்டுகள் ரெகுலர் மல்டிகேப் ஃபண்டுகளைவிட ரிஸ்க் அதிகம் உடையவை. ஆகவே, ரெகுலர் மல்டிகேப் ஃபண்டுகளைவிடச் சற்றுக் கூடுதல் வருமானம் கிடைப்பதற்காக, சற்று அதிக ரிஸ்க்கை எடுக்க விரும்புபவர்கள், இந்த ஐ.டி.எஃப்.சி போக்கஸ்ட் ஈக்விட்டி ஃபண்டில், எஸ்.ஐ.பி முறையிலும் மற்றும் சந்தைச் சரிவைப் பயன்படுத்தி மொத்தமாகவும் முதலீடு செய்யலாம்.

   யாருக்கு உகந்தது?

பணம் உபரியாக உள்ளவர்கள், சந்தையைவிடச் சற்று அதிக ரிஸ்க் எடுக்கக் கூடியவர்கள், பங்கு சார்ந்த முதலீட்டில் மீடியம் ரிஸ்க் எடுக்கக் கூடியவர்கள், ஏற்கெனவே மியூச்சுவல் ஃபண்டுகளில் முதலீடு செய்துள்ளவர்கள், செல்வத்தைப் பெருக்க நினைப்பவர்கள், பணம் உடனடித் தேவை இல்லாதவர்கள் இதில் முதலீடு செய்யலாம்.

   யார் முதலீடு செய்யக்கூடாது?


குறுகிய காலத்தில் பணம் தேவைப்படு பவர்கள், முதலீடு செய்வதற்குப் போதுமான பணம் கையில் இல்லாதவர்கள், உறுதியான / நிலையான வருமானத்தை விரும்புபவர்கள், ரிஸ்க் எடுக்கத் தயங்குபவர்கள், பங்குச் சந்தை ஏற்ற இறக்கம் குறித்துப் போதிய அறிவும், அனுபவமும்  இல்லாதவர்கள், சந்தையை ஒட்டிய ரிஸ்க்கையே எடுக்க விரும்புபவர் கள் இந்த ஃபண்ட் திட்டத்தில் முதலீடு செய்யக் கூடாது!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism