Published:Updated:

கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!

ஒட்டுமொத்த விகடனுக்கும் ஒரே ஷார்ட்கட்

Use App
கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!
கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!

மியூச்சுவல் ஃபண்ட்

பிரீமியம் ஸ்டோரி

த்தியில் வலுவான அரசு பதவி ஏற்றுவிட்டது. இந்தியப் பொருளாதாரம் இன்றைய நிலையில் மிக வேகமான வளர்ச்சியில் இல்லாவிட்டாலும், அடுத்த மூன்று அல்லது நான்கு ஆண்டுகளில்  நல்ல வளர்ச்சியைக் காணும் என்பதில் சந்தேகம் ஏதுமில்லை. இந்தச் சூழ்நிலையில் மியூச்சுவல் ஃபண்ட் முதலீட்டாளர்கள், தங்களின் முதலீட்டுக் கலவையில் மிட்கேப் ஃபண்டுகள், ஸ்மால் கேப் ஃபண்டுகளுக்கு அதிக ஒதுக்கீட்டை வழங்கலாமா என்பதைப் பரிசீலிக்க வேண்டிய தருணம் இது.

கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!

மிட்கேப், ஸ்மால்கேப் நிறுவனங்கள்   
       
இந்தியாவில் பட்டியலிடப்பட்டுள்ள நிறுவனங்களில், சந்தை மதிப்பின் அடிப்படையில் உள்ள டாப் 100 நிறுவனங்கள் லார்ஜ்கேப் நிறுவனங்கள் என அழைக்கப்படுகின்றன. இதற்கடுத்த (101 முதல் 250 வரை) 150 நிறுவனங்கள் மிட்கேப் நிறுவனங்கள் என அழைக்கப்படுகின்றன.

கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!



பங்குச் சந்தை மதிப்பின் அடிப்படையில் 251-வது ரேங்கிற்கு மேல் உள்ள அனைத்து நிறுவனங்களும் ஸ்மால்கேப் நிறுவனங்கள் என அழைக்கப்படுகின்றன. இந்த வரிசையில் கிட்டத்தட்ட 4,500-க்கும் மேற்பட்ட நிறுவனங்கள் இந்தியாவில் பட்டியலிடப் பட்டுள்ளன.

கடந்த டிசம்பர் அடிப்படையில் சுமார் ரூ.28,000 கோடிக்கு மேல் மதிப்புள்ள நிறுவனங்கள் லார்ஜ்கேப் நிறுவனங்களாகும். முதல் ரேங்கில் வரும் டி.சி.எஸ் நிறுவனம் சுமார் ரூ.7.50 லட்சம் கோடிக்குமேல் மதிப்புள்ள நிறுவனமாகும். சுமார் ரூ.8,500 கோடி முதல் 28,000 கோடிக்குள் வரும் நிறுவனங்கள் மிட்கேப் நிறுவனங்களாகும். ரூ.8,500 கோடிக்கும் குறைவான மதிப்புள்ள நிறுவனங்களை ஸ்மால்கேப் நிறுவனங்கள் என அழைக்கிறோம்.

மிட்கேப், ஸ்மால்கேப் ஃபண்டுகள்

மிட்கேப் மியூச்சுவல் ஃபண்டுகள் குறைந்தபட்சம் 65% மிட்கேப் நிறுவனப் பங்குகளில் முதலீடு செய்திருக்கவேண்டும் என்பது செபியின்  விதிமுறை. அதேபோல், ஸ்மால்கேப் மியூச்சுவல்  ஃபண்டுகள் குறைந்தபட்சம் 65% ஸ்மால்கேப் நிறுவனப் பங்குகளில் முதலீடு செய்திருக்க வேண்டும்.        
   
பொதுவாக, பொருளாதாரம் வேகமாக வளரும்போது, மிட்கேப் மற்றும் ஸ்மால்கேப் நிறுவனங்களின் வளர்ச்சி மிக நன்றாக இருக்கும். அப்போது அந்த நிறுவனங்களுக்கு குறைந்த வட்டியில் கடன் கிடைக்கும். பொருள்களின் விற்பனை அதிகமாக இருக்கும். இதனால் நிறுவனங்களுக்கு லாபம் அதிகமாகக்  கிடைக்கும். அப்படிக் கிடைக்கும்போது அந்த நிறுவனங்களின் பங்கு விலையும் குறிப்பிடத்தகுந்த அளவுக்கு உயரும்.

கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!

ஆனால், பொருளாதாரத்தில் நெருக்கடி நிலவும்போது, தொழில் கடன் கிடைப்பது மிகவும் கடினமாக இருக்கும். அப்படியே கடன் கிடைத்தாலும் வட்டி விகிதம் அதிகமாக இருக்கும். விற்பனை மற்றும் லாபங்கள் குறையும். அதனால் அந்த நிறுவனப் பங்குகளின் விலையும் குறையும்.
       
கவர்ச்சிகரமான மதிப்பீடு

மேலும், சில சிறிய நிறுவனங்கள் தொடர்ந்து வேகமாக வளரும்போது, அவை நடுத்தர மற்றும் பெரிய நிறுவனங் களாக சில ஆண்டுகளில் வளர்ந்துவிடு கின்றன. இதற்கு இந்தியாவில் பற்பல நிறுவனங்கள் சாட்சியாக உள்ளன. ஆகவே, ஸ்மால்கேப் மற்றும் மிட்கேப் மியூச்சுவல் ஃபண்டுகள் நீண்ட காலத்தில் (சுமார் 7 ஆண்டுகளுக்கு மேல்) நல்ல வளர்ச்சியைக் கொடுக்கும் என்றாலும், ஏற்ற இறக்கங்கள் (லார்ஜ்கேப் ஃபண்டு களுடன்  ஒப்பிடும்போது) அதிகமாகவே இருக்கும்.

மேலும், கடந்த ஓராண்டிற்கும் மேலாக லார்ஜ்கேப் ஃபண்டுகள் நல்ல வருமானத்தைக் கொடுத்துள்ளன. தற்போது லார்ஜ்கேப் ஃபண்டுகளுடன்  ஒப்பிடும்போது, மிட்கேப் ஃபண்டுகள் மற்றும் ஸ்மால்கேப் ஃபண்டுகள் நல்ல கவர்ச்சிகரமான மதிப்பீட்டில் கிடைக்கின்றன. 

கடந்த இரண்டாண்டு காலத்தில் மூன்று குறியீடுகளின் வரைபடங்களை இங்கே கொடுத்துள்ளோம். இந்த வரை படங்களிலிருந்து, நிஃப்டி (50 லார்ஜ்கேப் நிறுவனப் பங்குகள்) குறியீடு கடந்த இரண்டு ஆண்டுகளில் தொடர்ச்சியாக ஏறிவருவதைக் காணலாம். 

கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!

அதேசமயம், ஜனவரி 2018-லிருந்து நிஃப்டி மிட்கேப் 100 மற்றும் நிஃப்டி ஸ்மால்கேப் 100 குறியீடுகள் தொடர்ச்சி யாகக் குறைந்து வருவதைக் காணலாம்.

என்ன காரணம்?

மிட்கேப் பங்குகளின் விலை இறக்கத்துக்குப் பல காரணங்கள் உள்ளன. சர்வதேச பொருளாதாரத்தில் ஏற்பட்டுள்ள சில நெருக்கடிகள், அமெரிக்க - சீன வர்த்தகப் போர் என உலகச் சூழ்நிலைகள் சில காரணங்களாக இருந்தாலும், உள்நாட்டுக் காரணங்களும் இருக்கவே செய்கின்றன. உதாரணமாக, வங்கிசாரா நிதி நிறுவனங்களில் ஏற்பட்டுள்ள சிக்கல்களினால் பல மிட்கேப் மற்றும் ஸ்மால்கேப் நிறுவனங்கள் பாதிக்கப்பட்டுள்ளன. 

சில நிறுவனங்களில் ஏற்பட்டுள்ள நிர்வாகச் சிக்கல்களாலும் மிட்கேப் மற்றும் ஸ்மால்கேப் பங்குகளின் விலை கணிசமான இறக்கத்தைக் கண்டுள்ளன. 

கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!

உதாரணமாக, ரிலையன்ஸ் கம்யூனிகேஷன்ஸ் நிறுவனத்தின் பங்கு விலை 80 சதவிகிதத்துக்குமேல் இறங்கியதற்குக் காரணம், அந்த நிறுவனத்தில் ஏற்பட்டுள்ள நிர்வாகச் சிக்கல்தான். இதேபோல, ஜெட் ஏர்வேஸ் நிறுவனத்தின் பங்கு விலை 50 சதவிகிதத்துக்குமேல் இறங்கக் காரணம், அந்த நிறுவனம் திவால் நிலைக்குச் சென்றதுதான். இதுபோல, மிட்கேப் நிறுவனங்கள் ஒவ்வொன்றிலும் ஏதோ ஒரு பிரச்னை இருப்பதால், விலையானது கணிசமாக இறங்கியிருக்கிறது.

இது சரியான தருணம்


மிட்கேப் மற்றும் ஸ்மால்கேப் பங்குகளின் விலை குறைந்ததால், மிட்கேப் மற்றும் ஸ்மால் ஃபண்டுகளின் என்.ஏ.வி மதிப்பும் குறையவே செய்தது. என்றாலும், இந்த இறக்கத்தைத் தொடர்ந்து,  அதில் செய்யப்பட்ட முதலீடு அதிக அளவில் வெளியேறவில்லை என்பது பாசிட்டிவ் விஷயம்.

அதுமட்டுமல்ல, கடந்த ஓராண்டில் அதிகமாக முதலீடு செய்யப்பட்ட ஈக்விட்டி ஃபண்டுகளில் ஸ்மால்கேப் ஃபண்டுகள்தான் முதல் இடத்தைப் பிடித்திருக்கிறது. குறிப்பாக, ஹெச்.டி.எஃப்.சி ஸ்மால்கேப் ஃபண்டில் கடந்த ஓராண்டில் ரூ.4,850 கோடி புதிதாக முதலீடு செய்யப்பட்டிருக்கிறது.

பங்குகள் என்றாலும் சரி, ஃபண்டுகள் என்றாலும் சரி, விலை குறைந்துள்ளபோது வாங்கினால்தான் நீண்டகால முதலீட்டாளர்கள் நல்ல லாபத்தை பார்க்க முடியும். ஆகவே, மிட் கேப் ஃபண்டுகள் மற்றும் ஸ்மால்கேப் ஃபண்டுகளில் உங்களின் ஒதுக்கீட்டை அதிகப்படுத்துவதற்கு, இது ஒரு சரியான தருணம் எனலாம். 

கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!

குறைந்தபட்சம் அடுத்த 7-10 ஆண்டுகளுக்குப் பணம் தேவைப்படாதவர்கள், தற்போது மிட்கேப்,  ஸ்மால்கேப், மிட் அண்டு ஸ்மால்கேப் ஃபண்டு களில் சிஸ்டமேட்டிக் இன்வெஸ்ட்மென்ட் பிளான் (எஸ்.ஐ.பி) மற்றும் சிஸ்டமேட்டிக் டிரான்ஸ்பர் பிளான் (எஸ்.டி.பி) முறையில் முதலீட்டைத் தாராளமாக மேற்கொள்ளலாம். 

கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!

ஏற்ற இறக்கங்கள் இந்த வகை ஃபண்டுகளில் சர்வ சாதாரணம் என்பதை நினைவில்கொண்டு முதலீடு செய்வது அவசியம். குறுகிய காலத்தில் முதலீடு 10% வரை குறைந்தாலும் பதற்றப்படக் கூடாது.   

மிட் அண்டு ஸ்மால்கேப் ஃபண்டுகள் வகையில் முதலீட்டிற்கு உகந்த சில ஃபண்டுகளை  அட்டவணைகளில் கொடுத்துள்ளோம். உங்களின் முதலீட்டு ஆலோசகருடன் ஆலோசித்து, உங்கள் முதலீடுகளைத் தேர்வு செய்வது சிறந்தது. 

கவர்ச்சிகரமான மதிப்பீடு... நீண்ட காலத்தில் கைகொடுக்கும் மிட் & ஸ்மால்கேப் ஃபண்டுகள்!

கடந்த ஓராண்டு காலத்தில் பல மியூச்சுவல் ஃபண்டுகளின் பெயர்கள் மாற்றப்பட்டுள்ளன. அவை சார்ந்த கேட்டகிரியும் மாற்றப்பட்டுள்ளன. ஆகவே, அட்டவணையில் கொடுக்கப்பட்டுள்ள ஃபண்டுகளில் சில ஃபண்டுகள் வேறு பெயர்களில்/ வேறு கேட்டகிரியில் கடந்த காலத்தில் இருந்திருக் வாய்ப்புண்டு என்பதை நினைவில்கொள்ள வேண்டியது முக்கியம்.

மிட் அண்டு ஸ்மால்கேப் குறியீடுகள் கடந்த ஒன்றரை ஆண்டாக விழுந்து வருவதால், பல புதிய ஃபண்டுகளும் இந்த கேட்டகிரியில் சந்தைக்கு வந்துள்ளன.

அவை... எடில்வைஸ் ஸ்மால்கேப் ஃபண்ட், பிரின்சிபல் ஸ்மால்கேப் ஃபண்ட், கனரா ராபிகோ ஸ்மால்கேப் ஃபண்ட், இன்வெஸ்கோ இந்தியா ஸ்மால்கேப் ஃபண்ட், டாடா ஸ்மால்கேப் ஃபண்ட், கோட்டக் ஸ்மால்கேப் மற்றும் ஐ.சி.ஐ.சி.ஐ ஸ்மால்கேப் ஃபண்ட் போன்ற ஃபண்டுகள் சமீபத்தில் பெயர் மாற்றப்பட்டவை.

நீண்ட கால முதலீட்டாளர்கள் வளர்ச்சிக்கு வாய்ப்புள்ள மிட் அண்டு ஸ்மால்கேப் ஃபண்டுகளில் கவனம் வைக்கலாம்.

சொக்கலிங்கம் பழனியப்பன், டைரக்டர், ப்ரகலா வெல்த் மேனேஜ்மென்ட் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு