Published:Updated:

வேல்யூ இன்வெஸ்டிங்! - 11

வேல்யூ இன்வெஸ்டிங்! - 11

வேல்யூ இன்வெஸ்டிங்! - 11

வேல்யூ இன்வெஸ்டிங்! - 11

Published:Updated:
வேல்யூ இன்வெஸ்டிங்! - 11
##~##
வே

ஒட்டுமொத்த விகடனுக்கும் ஒரே ஷார்ட்கட்!

ல்யூ இன்வெஸ்டிங்கில் பத்து அத்தியாயம் முடிந்துவிட்டது. வேல்யூ இன்வெஸ்டிங்கின் அடிப்படை எனக்கு நன்றாக புரிந்துவிட்டது. ஆனால், யாராவது கேட்டால் வேல்யூ இன்வெஸ்டிங்கை பற்றி சொல்ல வசதியாக ஒரு பஞ்ச் டயலாக் ரேஞ்சிற்கு ஏதாவது ஒரு வாசகம் சொன்னீர்கள் என்றால் பரவாயில்லை என்று வாசகர் ஒருவர் கேட்டிருந்தார்.

இதில் பஞ்ச் டயலாக்கிற்கு வாய்ப்பில்லை. இருப்பினும் சுலபமாக குறைந்த வார்த்தைப் பிரயோகத்தில் சொல்ல வேண்டுமென்றால் வேல்யூ இன்வெஸ்டிங் என்பது பாதுகாப்பான கம்பெனியின் ஷேரை குறைந்த விலையில் வாங்குவது என்று வைத்துக்கொள்ளலாம்.

பாதுகாப்பு என்கிறீர்களே, எது பாதுகாப்பு என்கிறீர்களா? கம்பெனி பற்றி அனைவருக்கும் தெரியக்கூடிய விஷயங்களை முற்றிலுமாக தெரிந்துகொள்வது; அந்த கம்பெனியிடம் இருக்கும் திறமைகள், வளங்கள் மற்றும் தகுதிகள் போன்றவற்றைக் கொண்டு தொழில்ரீதியாகப் பெரிய பாதிப்பைச் சந்திக்க நேரிடாதபடிக்குக் கணக்கிடுவதுதான் பாதுகாப்பு.

இதில் கம்பெனியின் சமீபத்திய எதிர்காலம் (அடுத்த காலாண்டு, அரையாண்டு, ஆண்டு போன்ற) குறித்த அனுமானங்களுக்கு இடமேயில்லை. நல்ல திறமை, தகுதி மற்றும் பொருள் வளங்கள் நிறைந்த கம்பெனிகள் வேல்யூ இன்வெஸ்டிங்கிற்காக கணக்கில் எடுத்துக் கொள்ளப்படும் கம்பெனிகள் என்று பொருள்கொள்ள வேண்டும். பாதுகாப்பு என்பது குறுகியகால அடிப்படையில் என்னதான் விலையில் ஏற்ற இறக்கங்கள் வந்தாலும் நீண்டகால அடிப்படையில் கம்பெனியின் மதிப்பு நிலையானதாக இருக்க வாய்ப்பிருப்பதாக இருக்கவேண்டும். இந்த நிலையில் ஒரு கம்பெனி இருக்கவேண்டுமென்றால் கம்பெனி மிகவும் பலமான நிதிநிலைமையைக் கொண்டிருக்கவேண்டும். கடன் என்பது மிகக் குறைவாகவோ அல்லது இல்லாமலேயோ இருக்கவேண்டும். இப்படிப்பட்ட நல்ல திறமை மற்றும் தகுதி வாய்ந்த, நல்ல நிதிநிலைமையில் இருக்கக்கூடிய ஒரு கம்பெனியை அதன் மதிப்பைவிட மிகக் குறைவான விலையில் வாங்கினால் அதுதான் வேல்யூ இன்வெஸ்டிங்.

வேல்யூ என்பது எது, அதை எப்படி அளவீடு செய்வது என்பதில் இதுவரை இந்த டெக்னிக்கை உபயோகித்து பெரிய அளவில் முதலீட்டைப் பெருக்கிய எந்த இரண்டு வேல்யூ இன்வெஸ்டர்களும் ஒரே மாதிரியான அளவுகோலை கையில் வைத்துக்கொள்ளவில்லை. அதேசமயம், பொதுவாக மற்ற ஃபண்டமென்டல் மற்றும் டெக்னிக்கல் அனலிஸ்ட்கள் கணக்கில் எடுத்துக்கொள்ளும் எதுவும் இதில் கணக்கில் எடுத்துக்கொள்ளப்படுவதில்லை. அதிலும், டெக்னிக்கல் என்பது இதில் எள்ளளவும் கருத்தில் கொள்ளப்படுவதில்லை. வேல்யூ இன்வெஸ்டிங் என்பது கம்பெனிகள் செய்யும் தொழிலையும், அதில் அவை பெற்றுள்ள வெற்றி மற்றும் தெளிவையும், கம்பெனிகள் சந்தையில் வெளியிட்டுள்ள செக்யூரிட்டிகளின் (ஷேர்கள், கடன்பத்திரங்கள் போன்றவை) அளவையும் குணத்தையும் பற்றி தெளிவாக தெரிந்துவைத்துக்கொள்ளும் கலையாகும்.

வேல்யூ இன்வெஸ்டிங் என்றாலே பெஞ்சமின் கிரகாம், வாரன் பஃபெட், சார்லி மங்கர் என பல பெரிய முதலீட்டாளர்கள்தானே நினைவுக்கு வருகின்றார்கள். என்னை மாதிரி சாமான்யர்களுக்கு இது உதவுமா எனக் கேட்பீர்கள்.

இது சாமான்யர்களுக்கு உண்டான விஷயமேதான்! அது எப்படி என்று இனி பார்ப்போம். முக்கியமாக, வேல்யூ இன்வெஸ்டர் என்பவர் ஒரு சாமான்யர் போன்ற நிலையையே எப்போதும் கடைப்பிடிக்கின்றார். மிகவும் படித்த ஸ்பெஷலான அனலிஸ்ட்களோ, மேனேஜ்மென்டுடன் கம்பெனி நடவடிக்கை குறித்து தெரிந்துகொள்ள தனிப்பட்ட மீட்டிங்குகளோ இந்த முறையில் கிடையாது. கம்பெனியின் மேனேஜ்மென்டிடம் நீங்கள் இதைச் செய்யலாமே, அதைச் செய்யலாமே என்று சொல்லும் பவரும் இந்த சாமான்யரான இன்வெஸ்டருக்குக் கிடையவே கிடையாது. அதேபோல் அவர் கம்பெனிகளால் பொதுமக்களுக்குத் தரப்படும் விஷயங்களை மட்டுமே நம்பி அவர் முதலீட்டை செய்கின்றார். ஸ்பெஷல் தகவல்கள் எதுவும் அவருக்குக் கிடைப்பதில்லை. இப்படி வேல்யூ இன்வெஸ்டர் தன்னை ஒரு சாமான்யர் என்று கருதுவதால், அவராலும் மற்ற சாமான்ய முதலீட்டாளரைப் போல கம்பெனியை கன்ட்ரோல் செய்ய முடியாது. அவர் உபயோகிக்கும் ஸ்பெஷல் டெக்னிக்குகளால் அவருடைய முதலீட்டை மட்டுமே கன்ட்ரோல் செய்ய முடியும். இப்படிப்பட்ட சாமான்யர்களுக்கு வேல்யூ இன்வெஸ்டிங் என்ற தத்துவமே சிறந்தது. ஏனென்றால், முதலீடு செய்யப்பட்டிருக்கும் காலத்தில் பாதுகாப்பையும் நல்ல ரிட்டர்னையும் தரும் பங்குகளில் முதலீடு செய்ய இது உதவுகின்றது.

வேல்யூ இன்வெஸ்டிங்! - 11

இது தவிர, வேல்யூ இன்வெஸ்டரின் அகராதியில் சந்தையை கணிப்பது என்ற வார்த்தைக்கு அர்த்தமே கிடையாது. சந்தையை மட்டுமல்லாமல் சந்தையின் போக்கை நிர்ணயிக்கும் இன்ஃப்ளேஷன், வட்டி போன்ற பல அடிக்கடி மாறும் பொருளாதார ரீதியான விஷயங்களை கணிப்பது என்பதும் கிடையவே கிடையாது. ஒருபோதும் அவர் சந்தையையோ, அதை வழி நடத்திச் செல்வதாக கருதப்படும் ஏனைய விஷயங்களையோ கணிக்க முயலமாட்டார்.  

அதற்கு மாறாக, சந்தையில் நடைபெறும் விலை மாறுதல்களிலிருந்து (நல்ல மதிப்புள்ள கம்பெனியின் ஷேர் அந்த மதிப்பைவிட குறைவான விலையில் சந்தையில் கிடைக்கும் சமயம் வாங்கி மதிப்பைவிடத் தாண்டி அபரிமிதமான விலைக்குச் செல்லும்போது விற்று) லாபம் பார்க்க முயற்சிப்பதுதான் அவருடைய டெக்னிக். குறிப்பாகச் சொன்னால், சந்தையில் நீங்கள் ஆர்பிட்ரேஜர் என்ற ஒரு வகை டிரேடர்களைப் பற்றி தெரிந்துவைத்திருப்பீர்கள். ரிஸ்க் இல்லாமல் இரண்டு சந்தைகளுக்கு நடுவேயோ அல்லது இரண்டு காலகட்டத்திற்கு நடுவேயோ இருக்கும் விலை வித்தியாசங்களுக்கு நடுவே வியாபாரம் செய்து பணம் சம்பாதிப்பவர் இவர். உதாரணத்திற்கு, ஈரோட்டு சந்தையில் தக்காளி ஒரு கிலோ 10 ரூபாயும், சேலத்தில் அது 25 ரூபாயாகவும் இருந்தால், போக்குவரத்து செலவு போக மீதமாக லாபம் இருக்கும் என்றால் ஈரோட்டில் 100 கிலோ தக்காளி வாங்கி சேலத்தில் உடனடியாக விற்பது ஆர்பிட்ரேஜிங். வேல்யூ இன்வெஸ்டரும் அதேபோன்றவர்தான். இன்றைக்கு மதிப்பைவிடக் குறைவாய் மலிவான விலையில் கிடைப்பதை வாங்கிப்போட்டு, நாளை அது மதிப்பைவிட அதிக விலையில் விற்று லாபம் பார்க்கும் நபர். இது ஒருவிதமான லாங்-டேர்ம் ஆர்பிட்ரேஜிங் எனலாம். இதனால்தான் சாமான்யர்களுக்கு வேல்யூ இன்வெஸ்டிங் மிகவும் உகந்தது என்கிறேன்.

சாமான்யராக இருப்பதால் மதிப்பைவிட மிகக் குறைந்த விலையில் நல்ல பங்குகளை  வாங்குவதைத் தவிர வேறு பாதுகாப்பான வழி அவருக்கு இல்லை. அதேபோல் வேல்யூ இன்வெஸ்டருக்கு ரிஸ்க் என்பது ஒரே வார்த்தையல்ல. இன்வெஸ்ட்மென்ட் ரிஸ்க், மார்க்கெட் ரிஸ்க், இன்ட்ரஸ்ட் ரேட் ரிஸ்க், இன்ஃப்ளேஷன் ரிஸ்க் என பல்வேறு விதமான ரிஸ்க்குகள் இருந்தாலும் வேல்யூ இன்வெஸ்டிங் கொள்கையை கடைப்பிடிப்பவர்கள் அதிகப்படியாக கவலைப்படுவது இன்வெஸ்ட்மென்ட் ரிஸ்க் எனப்படும் எதிர்பார்த்த லாபத்தைவிட குறைவாகக் கிடைக்கும் வாய்ப்பான ஒரே ரிஸ்க்கைப் பற்றித்தான்.

மேலும், வேல்யூ இன்வெஸ்டிங்கில் நிதி அறிக்கைகளில் இருப்பதை மட்டுமே கணக்கில் எடுத்துக்கொண்டு முடிவுகள் எடுக்கப்படுவதில்லை. அதாவது, பிராஃபிட் லாஸ் அக்கவுன்ட், பேலன்ஸ்ஷீட் போன்றவற்றையும் அதனில் இருந்து கண்டுபிடிக்கப்படும் ரேஷியோக்களும் புரஜெக்ஷன்களும் முதலீட்டு முடிவை எடுக்க உபயோகிப்பதில்லை. இவை இரண்டும் இன்றைய சூழ்நிலையை மட்டுமே காட்டுகின்றது.

இன்றைக்கு நன்றாக இருக்கும் கம்பெனி தொடர்ந்து நன்றாக இருக்கும் என்று கண்ணை மூடிக்கொண்டு சொல்லிவிட முடியாது. நாளைக்கு நன்றாக இருப்பதற்கான காரணிகள் (மேனேஜ்மென்ட், பிராண்ட், புராடக்ட் போன்றவை) இருக்கின்றதா என்பதைப் பார்க்க வேண்டும். இவற்றையெல்லாம் ஒரு சேரப் பார்ப்பதுதான் வேல்யூ இன்வெஸ்டிங்.

(முதலிடுவோம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism