Published:Updated:

என்னென்ன வரிச் சலுகை?

என்னென்ன வரிச் சலுகை?

பிரீமியம் ஸ்டோரி
என்னென்ன வரிச் சலுகை?
என்னென்ன வரிச் சலுகை?

ன்றைக்கு வீடு வாங்குபவர்களில் பலர் வீட்டுக் கடன் மூலம்தான் வாங்குகிறார்கள். இதற்கு முக்கியமான காரணம், வருமான வரிச் சலுகை. வீட்டுக் கடன் வாங்கி எந்த வகையில் எல்லாம் வருமான வரியை மிச்சப்படுத்த முடியும் என்று சொல்கிறார் ஆடிட்டர் சதீஷ்குமார்.

''வீட்டுக் கடன் வாங்கி அதனை இ.எம்.ஐ. மூலம் திரும்பச் செலுத்தினால், ஒரு நிதி ஆண்டில் ரூ.1.50 லட்சம் வரை வட்டிக்கான வரி விலக்குக் கிடைக்கும். மேலும், ஒரு லட்ச ரூபாய் வரை அசலை திருப்பிச் செலுத்துவதில் 80சி பிரிவின் கீழ் நிபந்தனைக்கு உட்பட்டு வரி விலக்குக் கிடைக்கும்.

கணவன், மனைவி இருவருமே சேர்த்து கடன் பெறும்பட்சத்தில் ஒவ்வொருவரும் 1.50 லட்சம் ரூபாய் வரை வட்டிக்கும், ஒரு லட்சம் ரூபாய் வரை அசலை திருப்பிச் செலுத்துவதற்கான பணத்திற்கும் வரி விலக்குப் பெறலாம்.

##~##
பெற்றோருக்கு 55 வயதுக்கு மிகாமல் இருந்து அவர்கள் சம்பாதிக்கிறவர்களாக இருந்தால்  அவர்களையும் இணை கடன்தாரராக சேர்த்துக்கொள்ளலாம். இந்த வருமான வரிக் கழிவு பெற்றோர்களின் பாகத்திற்கேற்ப அவர்களுக்கும் கிடைக்கும். மாதாமாதம் வட்டியையும், அசலையும் சரியாக செலுத்தத் தவறினால் வங்கியினால் போடப்படும் வட்டி மீதான வட்டிக்கு வருமான வரி கழிவு கிடைக்காது.

வீட்டை சில ஆண்டுகளில் மராமத்து செய்யும்பட்சத்தில் அதற்காகப் பெறப்படும் கடனுக்கு 30,000 ரூபாய் வரை வரி விலக்குப் பெறலாம்.

சில வருடம் கழித்து நமது வருமானமும் உயர்ந்திருக்கும்; மேலும் நாம் ஏற்கெனவே வாங்கிய வீட்டின் மதிப்பும் கூடியிருக்கும். அப்போது நம் கையில் இருக்கும் உபரித் தொகையை வைத்துக்கொண்டு, சிறிய தொகையை கடனாக வாங்கி இரண்டாவது வீடு வாங்கவும் முயற்சிக்கலாம். இரண்டாவது வீட்டின் விலை மிகவும் அதிகமாக இருக்கும்பட்சத்தில் முதல் வீட்டை வாங்கிய காலம் மூன்று வருடங்களுக்கு மேல் இருந்தால் அதை விற்றுவிட்டு பெரிய வீடாக வாங்கிக்கொள்ளலாம் அல்லது வீட்டை கட்டிக்கொள்ளலாம். இப்படி செய்தால், மூலதன வரி விலக்கு முற்றிலுமாக கிடைக்கும்.

இரண்டாவது வீட்டிற்காக கடன் வாங்கி வீடு வாங்கும்போது அதற்குண்டான வட்டியை முழுவதுமாக வாடகை வருமானத்திலிருந்து கழித்துக்கொள்ளலாம். அதற்கு 1.50 லட்சம் ரூபாய் மட்டும் என்ற நிர்ணயம் பொருந்தாது. நம்மிடம் ஒரே ஒரு மனை மட்டும் இருந்து அதை விற்று வீடு வாங்கினாலும் மூலதன ஆதாய வரி விலக்குக் கிடைக்கும். ஆனால், நம்மிடம் புதிதாக வாங்கிய வீட்டை தவிர, வேறு எந்த வீடும் இருக்கக் கூடாது என்பது முக்கியம்.

இன்னொரு முக்கியமான விஷயம், தனியாக மனைக் கடன் வாங்கினால் வரிச் சலுகை கிடையாது. வீட்டுக் கடன் வாங்கும்போது மனையுடன் கூடிய வீடு வாங்கினால் மொத்த தொகைக்கும் வட்டி மற்றும் அசலில் வரிச் சலுகை உண்டு. இது அடுக்குமாடி குடியிருப்புகளுக்கும் பொருந்தும்.  

ஒருவர் 30% வருமான வரி கட்டுபவராக இருந்தால் தாராளமாக இரண்டாவது வீடு வாங்கலாம். ஆனால், முழுவதுமாக கடனை வாங்கி இரண்டாவது வீடு வாங்குவது நல்லதல்ல. தவிர, இரண்டாவது வீட்டை கண்டிப்பாக வாடகைக்கு விடவேண்டும். (வாடகைக்கு வருமான வரி கட்டுவது அவசியம்). இல்லையெனில் (சொத்தின் மதிப்பு 30 லட்ச ரூபாய்க்கு மேல் இருந்தால்) செல்வ வரி கட்ட வேண்டிவரும்.''

வீட்டுக் கடன் வாங்கினால் இப்படி பல நன்மை இருக்க, ஏன் யோசிக்க வேண்டும்?

- செ. கார்த்திகேயன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு