Published:Updated:

வேல்யூ இன்வெஸ்டிங்

வேல்யூ இன்வெஸ்டிங்

வேல்யூ இன்வெஸ்டிங்

வேல்யூ இன்வெஸ்டிங்

Published:Updated:
##~##

வேல்யூ இன்வெஸ்டிங் என்பது கம்பெனியின் உள்ளும் புறமும் பார்க்கின்ற விஷயம் என்கிறீர்களே, எந்த அளவிற்கு கணக்குகளுக்கு அதில் முக்கியத்துவம் இருக்கின்றது என்று பலர் கேட்கின்றனர். கிரஹாமின் தனித்துவமே எண்களின் மூலம் அளவிடக்கூடிய கணக்குகளைக் கொண்டும், எண்களின் மூலம் அளவிட முடியாத பண்புகளைக் கொண்டும் கம்பெனிகளை முதலீட்டுக்காக ஆய்வு செய்வதுதான். பண்புகளை ஒரு கணக்கீடாக ஆக்கிய பெருமை கிரஹாமையே சாரும் என்றுகூடச் சொல்லலாம்.

சென்ற வாரம் அவருடைய முதல் அணுகு முறையான 'கரன்ட் அசெட் நெட்-நெட்’ முறையைப் பற்றிப் பார்த்தோம். இந்த வாரம் மிகவும் பாப்புலரான அவருடைய இரண்டாவது அணுகுமுறையைப் பார்ப்போம். இந்த அணுகுமுறையில் மூன்று அளவுகோல்களை அவர் எடுத்துக்கொண்டுள்ளார். இயர்னிங்ஸ் யீல்டு (வருமான விளைவு), டிவிடெண்ட் யீல்டு (ஆதாயப் பங்கு விளைவு) மற்றும் பேலன்ஸ்ஷீட்டில் உள்ள கடன் என்பதுதான் அந்த மூன்று அளவீடுகளும். இந்த மூன்று அளவுகோல்களிலும் ஒரு கம்பெனி மிகவும் கவர்ச்சிகரமாக இருந்ததென்றால் அந்த கம்பெனியின் பங்குகளில் நிச்சயம் முதலீடு செய்யலாம் என்கிறார் அவர்.

ஒட்டுமொத்த விகடனுக்கும் ஒரே ஷார்ட்கட்!

வேல்யூ இன்வெஸ்டிங்

இயர்னிங்ஸ் யீல்டு !

மேலெழுந்தவாரியான பார்வைக்கு இது பி/இ விகிதம் போன்றதாகும். ஒரு கம்பெனியின் ஷேரை என்ன விலை கொடுத்து வாங்குகின்றீர்கள்? அது வெளியிட்டிருக்கும் ஒவ்வொரு ஷேருக்கும் அது எந்த அளவு சம்பாத்தியம் செய்கிறது என்பதை வைத்துதானே!

உதாரணத்திற்கு, ஒரு நிறுவனம் 10,000 ரூபாய் முதலீட்டை 1,000 பத்து ரூபாய் ஷேர்களை வெளியிடுவதன் மூலம் பெற்று தொழில் செய்து வருகிறது என்று வைத்துக்கொள்வோம். அந்த கம்பெனியின் லாபம் 30,000 ரூபாயாக இருக்கிறது என்றால் அந்த கம்பெனியின் இ.பி.எஸ். 30 ரூபாய் (30,000/1000 = 30). அந்த கம்பெனியின் ஷேர் சந்தையில் 120 ரூபாய்க்கு வியாபாரமாகி வருகிறது. இயர்னிங்ஸ் யீல்டு என்பது இ.பி.எஸ்-ஸை ஷேரின் விலையால் வகுத்தால் வருவது. 30/120 = 0.25 அல்லது 25 சதவிகிதம்.

வேல்யூ இன்வெஸ்டிங்

அட, இது பி/இ விகிதம் போலல்லவா இருக்கிறது என்கிறீர்களா? இதனோடு இன்னும் சில விஷயங்களைச் சேர்த்து கணக்குப் பார்க்க வேண்டும். முதலில் இன்றையச் சூழலில் இருபது வருட 'ட்ரிப்பிள் ஏ’ ரேட்டிங் கொண்ட கடன் பத்திரத்தில் வட்டி எவ்வளவு வருகின்றது என்று பார்க்க வேண்டும். உதாரணத்திற்கு, அந்த வட்டி விகிதம் 7 சதவிகிதமாக இருக்கிறதென்று வைத்துக்கொள்வோம். கம்பெனியின் ஷேரின் இயர்னிங்ஸ் யீல்டு 25 சதவிகிதம். முதல்தர கடன் பத்திரம் தருவது 7 சதவிகிதம். கம்பெனியின் இயர்னிங்ஸ் யீல்டு முதல்தர கடன் பத்திரம் தரும் ரிட்டர்னைக் காட்டிலும் இரண்டு மடங்குக்கு மேல் இருந்தால் அந்த ஷேரை நிச்சயம் வாங்கிப் போடலாம் என்கிறார் கிரஹாம்.

டிவிடெண்ட் யீல்டு !

வேல்யூ இன்வெஸ்டிங்

இந்த அளவீட்டில் அடுத்து வருவது டிவிடெண்ட் யீல்டு. ஒரு ஷேருக்கு கொடுக்கப்படும் டிவிடெண்டை அதன் விலையால் வகுத்தால் வருவதுதான் இது.

உதாரணத்திற்கு, ஒரு கம்பெனியின் ஷேரின் டிவிடெண்ட் 10 ரூபாயாகவும், அந்த ஷேரின் விலை 200 ரூபாயாகவும் இருக்கிறதென்றால் அதன் டிவிடெண்ட் யீல்டு 5 சதவிகிதம் ஆகும் [(10/200)ஙீ100=5].

இதையும் மேலே சொன்ன இருபது ஆண்டு முதல்தர கடன் பத்திரத்தின் வட்டியுடன் ஒப்பிட வேண்டும். கிரஹாமின் எதிர்பார்ப்பின்படி, ஒரு பங்கு வேல்யூ இன்வெஸ்டிங்கிற்குத் தகுதியானது எனில், அதன் டிவிடெண்ட் யீல்டு முதல்தர கடன் பத்திரத்தின் வட்டி விகிதத்தில் மூன்றில் இரண்டு பங்கைக்காட்டிலும் சமமாக இருக்க வேண்டும். உதாரணத்திற்கு, வட்டி 9 சதவிகிதம் என்றால் டிவிடெண்ட் யீல்டு 7.5 சதவிகிதம் இருப்பது நல்லது.

மூன்றாவதாக, பேலன்ஸ்ஷீட்டில் இருக்கும் கடன்களை கிரஹாம் கணக்கில் எடுக்கின்றார். கிரஹாமைப் பொறுத்தவரை, கம்பெனியின் நெட் வொர்த்திற்குச் சமமான அளவு கடன் வைத்திருக்கும் நிறுவனம் நல்ல நிறுவனம். இன்னும் சொல்ல வேண்டும் என்றால், ஷேர் கேப்பிட்டலின் அளவிற்கே கடன் இருக்க வேண்டும். அதாவது, டெட்-ஈக்விட்டி ரேஷியோ ஒன்று என்பதுதான் சரியான கடன் அளவு என்கிறார் கிரஹாம்.

வேல்யூ இன்வெஸ்டிங்

கிரஹாம் சொன்ன இந்த இரண்டு அளவீட்டையும் உள்ளடக்கிய மதிப்பிற்கும் பாதுகாப்பிற்கும் தலா ஐந்து உரைகல்களைச் (டெஸ்ட்) சொல்லி இருக்கிறார். அவற்றை தனியாக இரண்டு பாக்ஸ்களில் தந்திருக்கிறேன். முடிந்தால் தனியாக வெட்டி உங்கள் அறையில் ஒட்டி வைத்துவிடுங்கள்.

என்ன, பாக்ஸில் உள்ள கண்டிஷன்கள் மிகவும் கறாராய் இருக்கிறதே என்கிறீர்களா? லாபமும் கறாராக இருக்க வேண்டும் என்பதற்காகத்தான் இந்த கண்டிஷன்கள். காலத்திற்கேற்ப சிற்சில மாற்றங்களுடன் இதைப் பயன்படுத்தலாம். போகப்போக இந்த  கண்டிஷன்கள்தான் வேல்யூ இன்வெஸ்டிங்கின் அடித்தளம் என்பதை நீங்கள் கட்டாயம் புரிந்துகொள்வீர்கள்!

(முதலிடுவோம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism