Published:Updated:

இனி எல்லாம் வளமே!

இனி எல்லாம் வளமே!

இனி எல்லாம் வளமே!

இனி எல்லாம் வளமே!

Published:Updated:
இனி எல்லாம் வளமே!

ஸ்ரீரங்கத்தில் தனியார் நிறுவனம் ஒன்றின் தலைமைப் பொறியாளராகப் பணிபுரிகிறார் சுந்தரராஜன். இவரது மனைவி மீனாட்சி, தனியார் பள்ளியில் ஆசிரியராகப் பணியாற்றி வருகிறார். இவர்களின் மூத்த மகன் சித்தார்த் பி.இ. முதலாம் ஆண்டும், இளைய மகன் ஸ்ரீவிஷ்ணு ஒன்பதாம் வகுப்பும் படிக்கிறார்கள். அவர் கொடுத்த குடும்ப நிதி விவரங்கள், இன்ஷூரன்ஸ் விவரம், சொத்து விவரம் மற்றும் எதிர்காலத் தேவைகள்..!

 இன்ஷூரன்ஸ் விவரம்:

ஒட்டுமொத்த விகடனுக்கும் ஒரே ஷார்ட்கட்!

சுந்தரராஜன் தன் பெயரில் 1.25 லட்ச ரூபாய் கவரேஜ் கொண்ட எண்டோவ்மென்ட் பாலிசி, தன் மனைவி பெயரில் ஒரு பாலிசி, இளைய மகன் பெயரில் ஒரு லட்சம் கவரேஜ் கொண்ட இன்ஷூரன்ஸ் பாலிசி என மூன்று பாலிசிகளை எடுத்துவைத்திருக்கிறார். இதற்கு ஒரு ஆண்டுக்கு 28,500 ரூபாய் பிரீமியமாக கட்டுகிறார். இதை மாத பிரீமியமாக கணக்கிட் டால் ரூ.2,375. தவிர, இரண்டு யூலிப் பாலிசிகள் எடுத்துவைத்திருக்கிறார். தன் பெயரிலும் தன் மனைவி பெயரிலும் தலா ஒரு லட்சம் ரூபாய்க்கு ஹெல்த் இன்ஷூரன்ஸ் பாலிசி எடுத்திருக்கிறார். இதற்கு வருட பிரீமியம் ரூ.5,100.  

சொத்து விவரம்:

* மதுரையில் இருக்கும் வீட்டு மனை - இன்றைய மதிப்பில் 10 லட்சம் ரூபாய்.

* திருச்சியில் இருக்கும் வீட்டு மனை - இன்றைய மதிப்பில் 2 லட்சம் ரூபாய்.

எதிர்காலத் தேவைகள்:

* ஒன்பது வருடம் கழித்து மூத்த மகனின் திருமணத்துக்கு 4 லட்சம் ரூபாய் தேவை. (இன்றைய நிலையில் ரூ. 2 லட்சம்)

* 13 வருடம் கழித்து இளைய மகனின் திருமணத்துக்கு 5.43 லட்ச ரூபாய் தேவை..! (இன்றைய நிலையில் ரூ. 2 லட்சம்)

* ஓய்வுக்காலத்தில் மாதம் தேவைப்படும் தொகை 35,000 ரூபாய் (இன்றைய நிலையில் ரூ. 15,000).

சுந்தரராஜனின் குடும்ப நிதி விவரங்களை அலசி ஆராய்ந்து, நிதி ஆலோசனை சொன்னார் மை அசெட்ஸ் கன்ஸாலிடேஷன்.காம் நிறுவனத்தின் இயக்குநரும், நிதி ஆலோசகருமான பி.பத்மநாபன்.

இனி எல்லாம் வளமே!

டேர்ம் இன்ஷூரன்ஸ் அவசியம்!

''ஏற்கெனவே மூன்று எண்டோவ்மென்ட் பாலிசியை எடுத்து வைத்திருக்கிறார். குறைந்த கவரேஜ் கொண்ட பாலிசிக்கு அதிக பிரீமியம் கட்டி வருகிறார். அதனால் உடனடியாக இந்த மூன்று

இனி எல்லாம் வளமே!

பாலிசிகளையும் சரண்டர் செய்வது நல்லது. இதனால் மாத பட்ஜெட்டில் ஒதுக்கிவந்த பிரீமியத் தொகை 2,375 ரூபாய் மிச்சமாகும். இந்த பாலிசிகளை சரண்டர் செய்யும் முன் கணவன், (வருட பிரீமியம் 11,387 ரூபாய்)  மனைவி (வருட பிரீமியம் 8,438 ரூபாய்) இருவரும் தலா 25 லட்சம் ரூபாய்க்கு டேர்ம் இன்ஷூரன்ஸ் எடுத்துக்கொள்வது அவசியம். இந்த இரண்டு பாலிசிக்கும் வருட பிரீமியம் 19,835 ரூபாய் கட்டவேண்டி இருக்கும். ஏற்கெனவே இரு யூலிப் பாலிசிகளை எடுத்து வைத்திருக்கிறார். அதை இன்று சரண்டர் செய்தால் 55,000 ரூபாய் கிடைக்கும். எனவே, அதையும் சரண்டர் செய்துவிடுவது நல்லது.

ஹெல்த் இன்ஷூரன்ஸ்!

ஏற்கெனவே இருவருக்கும் தனித்தனியாக ஒரு லட்சம் கவரேஜ் கொண்ட ஹெல்த் இன்ஷூரன்ஸ் பாலிசிகளை எடுத்து வைத்திருக் கிறார். இதற்கு வருடம் 5,100 ரூபாய் பிரீமியம் கட்டி வருகிறார். இது போதாது; குடும்ப உறுப்பினர்கள் அனைவருக்கும் சேர்த்து மூன்று லட்சம் ரூபாய்க்கு ஃப்ளோட்டர் பாலிசி எடுத்து வைத்துக்கொள்வது நல்லது. இதற்கு வருட பிரீமியம் 14,750 ரூபாய் கட்ட வேண்டி இருக்கும். ஆக, புதிதாக எடுக்க இருக்கும் டேர்ம் மற்றும் ஹெல்த் இன்ஷூரன்ஸ் இரண்டிற்கும் சேர்த்து வருடம் 34,580 ரூபாய் கட்டவேண்டி இருக்கும். இதற்கு மாத பட்ஜெட்டில் 2,900 ரூபாய் ஒதுக்கிவைக்க வேண்டும்.  

மகன்களின் கல்விக்கு..!

சுந்தரராஜனின் மூத்த மகன் சித்தார்த் முதலாமாண்டு பி.இ. படித்து வருகிறார். இவரது படிப்புச்

இனி எல்லாம் வளமே!

செலவுக்காக வங்கி எஃப்.டி.-ல் ஏற்கெனவே 2.70 லட்சம் ரூபாயைப் போட்டு வைத்திருக்கிறார். இந்தத் தொகை சித்தார்த்தின் அடுத்த மூன்று ஆண்டு கல்லூரிச் செலவுக்குப் போதுமானதாக இருக்கும். இளையவன் பி.காம் போன்ற இளங்கலை படிப்பு படிக்க ஆர்வப்படுவதால் பெரிதாக செலவுகள் இருக்கப் போவதில்லை என்றார் சுந்தர ராஜன். அதற்கு கல்விக் கடன் எடுத்துக்கொள்ளலாம்.

மகன்களின் திருமணத்திற்கு!

இன்னும் ஒன்பது ஆண்டுகள் கழித்து மூத்தவனுக்கும், 13 ஆண்டுகள் கழித்து இளையவனுக்கும் திருமணம் செய்துவைக்க ஆசைப்படுகிறார் சுந்தர ராஜன். ஏற்கெனவே மியூச்சுவல் ஃபண்ட் முதலீட் டில் 60,000 ரூபாய் இருக்கிறது. இதனுடன் யூலிப் பாலிசி சரண்டர் தொகை 55,000 ரூபாயையும் சேர்த்து அடுத்த ஒன்பது ஆண்டுகளுக்கு முதலீடு செய்ய வேண்டும். இந்த முதலீட்டிற்கு 15% வருமானம் கிடைத்தால் முதலீடு முதிர்வின்போது

4.04 லட்சம் ரூபாய் கிடைக்கும். இந்த பணத்தை மூத்த மகனின் திருமணத்திற்கு பயன்படுத்திக் கொள்ளலாம்.

மதுரையில் உள்ள வீட்டுமனை 11 ஆண்டு களுக்குப் பிறகு 8% வளர்ச்சி அடைந்து 23.31 லட்சம் ரூபாய் மதிப்புடன் இருக்கும். இந்த நிலத்தை விற்று மகனின் திருமணச் செலவுக்குத் தேவைப்படும் 5.43 லட்சம் ரூபாயை பயன் படுத்தியது போக, மீதம் இருக்கும் தொகை 17.88 லட்சம் ரூபாயை ஓய்வுக்காலத்திற்கு என்று தனியாக ஃபிக்ஸட் டெபாசிட்டில் போட்டு வைப்பது நல்லது. 

இனி எல்லாம் வளமே!

ஓய்வுக்காலத்திற்கு..!

ஏற்கெனவே மாதம் 2,000 ரூபாயை வருட சுற்றுலாவுக்கு எனவும், எதிர்காலத் தேவைகளுக்காக மாதம் 5,000 ரூபாயை வங்கி ஆர்.டி.-யிலும் முதலீடு செய்து வருகிறார். எதிர்காலத் தேவைக்காகச் செய்துவரும் 5,000 ரூபாயை வருகிற ஆண்டோடு நிறுத்திவிட்டு அந்த பணத்தை எடுத்து 15% வருமானம் எதிர்பார்க்கக்கூடிய ஈக்விட்டி டைவர்சிஃபைட் ஃபண்டுகளில் முதலீடு செய்யவேண்டும்.

11 ஆண்டுகள் கழித்து இதன் மூலம் 16.82 லட்ச ரூபாய் கிடைக்கும். எதிர்காலத் தேவைக்காக மீதமிருக்கும் தொகையில் இருந்து வருகிற மாதத்திலிருந்து 3,000 ரூபாயை எடுத்து, தொடர்ந்து 11 ஆண்டுகள் ஈக்விட்டி டைவர்சிஃபைட் ஃபண்டுகளில் முதலீடு செய்துவர வேண்டும். இந்த முதலீட்டிற்கு 15% வருமானம் கிடைத்தால் 10 லட்சம் ரூபாய் கிடைக்கும். ஆக முதலீட்டின் மூலம் கிடைக்கும் தொகை 26.82 லட்சம் ரூபாய் மற்றும் நிலம் விற்பதின் மூலம் கிடைக்கும் தொகை

17.88 லட்சம் ரூபாயும் சேர்த்து மொத்தம்

44.70 லட்சம் ரூபாயை பாதுகாப்பான இடத்தில் முதலீடு செய்து வைக்கலாம். இதன் மூலம் மாதம் 35,000 ரூபாய் கிடைக்கும். இதை பயன்படுத்தி ஓய்வுக்காலத்தைச் சிறப்பாக கழிக்கலாம். வாழ்த்துக்கள்!

- செ.கார்த்திகேயன்,

படங்கள்: 'ப்ரீத்தி’ கார்த்திக்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism