Published:Updated:

அக்ரி கமாடிட்டி !

பானுமதி அருணாசலம்.

அக்ரி கமாடிட்டி !

பானுமதி அருணாசலம்.

Published:Updated:

வர்த்தகம்

ஜீரகம்! (Jeera)

அக்ரி கமாடிட்டி !

ஒட்டுமொத்த விகடனுக்கும் ஒரே ஷார்ட்கட்!

ஏற்றுமதி ஆர்டரில் சுணக்கம் மற்றும் வர்த்தகர்களின் ஆர்வமின்மை ஆகியவற்றால் ஜீரகத்தின் விலை சென்ற வாரத்தில் குறைந்து வர்த்தகமானது. இருந்தாலும், ஐரோப்பிய நாடுகளிலிருந்து எதிர்பார்க்கப்படும் ஆர்டரினால் வரும் வாரங்களில் சிறிது விலையேற்றம் இருக்கலாம். துருக்கி, சிரியா ஆகிய நாடுகளில் உற்பத்தி குறைந்திருப்பதால் ஏற்றுமதியில் முன்னேற்றம் இருக்கும். குஜராத் மாநிலம் உஞ்ஹா சந்தைக்கு சென்ற வியாழன் அன்று 22,000 பைகள் ஜீரகம் வரத்து வந்தது.

மஞ்சள்! (Turmeric)

அக்ரி கமாடிட்டி !

அதிக வரத்து மற்றும் அதிக கையிருப்பினால் மஞ்சளின் விலை சென்ற வாரத்தில் குறைந்து வர்த்தகமானது. குவிண்டாலுக்கு 200 ரூபாய் வரை குறைந்தது. வரும் வாரங்களிலும் அதிக கையிருப்பின் காரணமாக  விலை குறைவதற்கான வாய்ப்பு உள்ளது. எனினும், குறுகியகாலத்தில் மஞ்சளின் விலை அதிகரித்து காணப்படும். காரணம், தென் மாநிலங்களில் டிமாண்ட் ஏற்படுவதற்கான வாய்ப்பு அதிகமாக தென்படுகின்றது. மேலும், உற்பத்தி குறைந்துள்ளதால் அது விலையில் பிரதிபலிக்கும் என எதிர்பார்க்கப்படுகிறது. நூறு கிலோ 6,400-7,500 ரூபாய்க்கு வர்த்தகமானது.

மிளகாய்! (Chilli)

அக்ரி கமாடிட்டி !

டிமாண்ட் குறைந்த காரணத்தால் மிளகாயின் விலை சென்ற வாரத்தில் குறைந்து வர்த்தகமானது. ஆசியாவின் மிகப் பெரிய சந்தையான குண்டூர் மிளகாய் சந்தைக்கு மே மாதம் முழுக்க கோடை விடுமுறை அளிக்கப்பட்டுள்ளது. நல்ல மிளகாய் வரத்திற்காக காத்திருப்பதால் தற்போது ஏற்றுமதி ஆர்டர்கள் குறைந்துள்ளது. எனினும், வரத்து வருவது வரும் வாரங்களில் முடிவுக்கு வரும் என்பதால், சென்ற வாரத்தில் மேலும் விலை குறையாமல் தடுக்கப்பட்டது. மிளகாய் உற்பத்தி சென்ற ஆண்டை ஒப்பிடும்போது, இந்தாண்டு 30 சதவிகிதம் வரை குறைந்துள்ளது. நூறு கிலோ 5,700 ரூபாய்க்கு வர்த்தகமானது. வரும் வாரத்தில் மிளகாய் விலை குறைந்தே வர்த்தகமாகும்.

ஏலக்காய்! (Cardamom)

தரமற்ற ஏலக்காய் வரத்து காரணமாக, சென்ற வாரத்தில் விலை குறைந்து வர்த்தகமானது. இடுக்கி சந்தைக்கு சென்ற வியாழன் அன்று 64 டன் ஏலக்காய் வந்தது. அதில், 62 டன் விற்பனை நடந்தது. குறைந்தபட்ச விலையாக ஒரு கிலோ 614 ரூபாய்க்கும், அதிகபட்ச விலையாக 894 ரூபாய்க்கும் வர்த்தகமானது. நடுத்தர காலத்தில் வரத்து குறைவு மற்றும் ஏற்றுமதி டிமாண்ட் அதிகரிப்பு ஆகியவற்றால் விலை அதிகரிக்கும். சென்ற வருடத்தை ஒப்பிடும்போது இந்த வருடம் குறைவான மழையினால் 20-25 சதவிகிதம் வரை ஏலக்காய் உற்பத்தி குறைந்துள்ளது.

அக்ரி கமாடிட்டி !
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism