Published:Updated:

தாமதமாக வரும் சம்பளம்...

எங்கே புகார் செய்வது?

தாமதமாக வரும் சம்பளம்...

எங்கே புகார் செய்வது?

Published:Updated:
##~##

வரிக்குப் பிந்தைய வருமானம் 8 சத விகிதத்திற்கு மேல் கிடைக்கும் முதலீட்டுத் திட்டங்கள் ஏதாவது உள்ளதா?

- கண்ணன், அம்பத்தூர். ஸ்ரீகாந்த், ஆடிட்டர்.

ஒட்டுமொத்த விகடனுக்கும் ஒரே ஷார்ட்கட்!

''ரிஸ்க் நிறைந்த ஈக்விட்டி முதலீடுகளில்தான், வருமான வரிக்குப் பிந்தைய வருமானம்

8 சதவிகிதத்திற்கு மேல் கிடைக்க வாய்ப்பு இருக்கிறது. ஆனால், இந்த முதலீடுகளில் ரிஸ்க் என்பது மிக அதிகமாக இருக்கும். ரிஸ்க் குறைந்த மற்றும் பாதுகாப்பான முதலீடுகளாக பி.எஃப்., பி.பி.எஃப்., ஃபிக்ஸட் டெபாசிட் ஆகியவற்றில் வருமானம் என்பது குறைவாகவே இருக்கும். அதாவது, அதிகபட்சமாக பி.பி.எஃப்.-ல்தான் 8.7 சதவிகிதம் வருமானம் கிடைக்கிறது. நீங்கள் ரிஸ்க் எடுக்கத் தயாராக இருந்தால், அதிக வருமானம் கிடைக்கும் ஈக்விட்டி சந்தையில்  முதலீடு செய்யலாம்.''

தனியார் நிறுவனம் ஒன்றில் கடந்த பத்து வருடமாக வேலை பார்த்து வருகிறேன். கடந்த சில மாதங்களாக சம்பளம் தருவதில் தாமதம் ஆகிறது. இதனால் என்னால் கடன் இ.எம்.ஐ.-யை சரியாக கட்ட முடியவில்லை. நிறுவனத்தின் மீது ஏதாவது நடவடிக்கை எடுக்க முடியுமா?

- மாரிமுத்து, கொளப்பாக்கம்.  தொழிலாளர் அலுவலகம், தேனாம்பேட்டை.

தாமதமாக வரும் சம்பளம்...

''சம்பளம் என்பது மாதம் தொடங்கியதில் இருந்து 10-ம் தேதிக்குள் கட்டாயம் தந்துவிட வேண்டும் என்பது விதிமுறை. காலம் தாழ்த்தி சம்பளம் தரும் நிறுவனங்களின் மீது நடவடிக்கை எடுக்க முடியும். ஒவ்வொரு மாவட்டத்திலும் தொழிலாளர் ஆய்வாளர் அலுவலகம் இருக்கும்.  அங்கு உங்களின் நிலைமையை விளக்கி புகார் கடிதம் தரவேண்டும். நீங்கள் வேலை பார்க்கும் அலுவலகத்தில் நேரில் சென்று ஆய்வு செய்து உங்களுக்கு நிவாரணம் பெற்று தர தொழிலாளர் ஆய்வாளர் நடவடிக்கை எடுப்பார்.''

 என் ஐந்து வயது மகனுக்கு சைல்டு இன்ஷூரன்ஸ் பாலிசி எடுக்கலாம் என யோசிக்கிறேன். என்னென்ன விஷயங்களைக் கவனிக்கவேண்டும்?

- அருணாசலம், ஆலங்குளம். பி.பத்மநாபன், நிதி ஆலோசகர்.

''எந்த நோக்கத்திற்காக குழந்தைக்கு பாலிசி எடுக்க போகிறீர்கள் என்பதை முதலில் தெளிவுபடுத்திக்கொள்ளுங்கள். அதாவது, குழந்தையின் உயர்கல்விக் காக பாலிசி எடுக்கத் திட்டமிட்டு இருக்கிறீர்கள் என்றால், நீங்கள் இன்ஷூரன்ஸ் பாலிசி எடுப்பதற்கு பதிலாக அந்தப் பணத்தை மியூச்சுவல் ஃபண்ட் திட்டங்களில் உங்களின் முதலீட்டை தொடங் கலாம்.

தாமதமாக வரும் சம்பளம்...

இதில் நீண்டகாலத்தில் முதலீடு செய்யும்போது உங்களுக்கு 10 சதவிகிதத்திலிருந்து 15 சதவிகிதம் வரை வருமானம் கிடைக்க வாய்ப்பு உண்டு. இன்ஷூரன்ஸ் பாலிசிகளின்

5 - 6 சதவிகிதம்தான் வருமானம் கிடைக்கும். அதோடு இனிவரும் காலத்தில் உங்களின் வருமானம் உயர்ந்தாலும் இன்ஷூரன்ஸ் பாலிசியின் பிரீமியத்தை உயர்த்த முடியாது. வேறு பாலிசிதான் எடுக்கவேண்டும். ஆனால், மியூச்சுவல் ஃபண்ட் திட்டங்களில் எவ்வளவு வேண்டுமானாலும் முதலீட்டு தொகையை உயர்த்திக்கொள்ள முடியும்.''

வெளிநாடு சென்று உயர்படிப்பு படிக்கப் போகிறேன். இதற்காக வங்கியில் கடனும் வாங்கி இருக்கிறேன். இந்த நிலையில் நான் எந்த மாதிரியான இன்ஷூரன்ஸ் எடுக்கவேண்டும்?

- சித்தார்த், திருநெல்வேலி. டி.ராஜன், நிதி ஆலோசகர்.

''வெளிநாட்டில் உயர்கல்வி பெறுவதற்காக நீண்டகால கடன் பெற்று இருக்கிறீர்கள். இந்தக் கடனை கவரேஜ் செய்யும் வகையில் தனியாக எந்த பாலிசியும் இல்லை. நீங்கள் வேண்டுமானால் டேர்ம் இன்ஷூரன்ஸ் எடுத்துக் கொள்ளலாம். இதை ஆன்லைனில் எடுக்கும்போது பிரீமியம் குறைவு. பாலிசி எடுத்தவருக்கு அசம்பாவிதம் நிகழ்ந்தால் அந்த சமயத்தில் டேர்ம் இன்ஷூரன்ஸ் மூலம் கிடைக்கும் தொகை, கடனைக் கட்ட உதவும். வெளிநாட்டில் படிக்கும்போது ஏற்படும் மருத்துவச் செலவுகளுக்கு தனியாக ஹெல்த் இன்ஷூரன்ஸ் பாலிசி எடுக்கவேண்டும். இதற்கு ஓவர்சீஸ் மெடிக்ளைம் பாலிசிகள் உள்ளன. எந்த நாட்டிற்கு போகிறீர்களோ, அதற்கு ஏற்றாற்போல பாலிசி எடுத்துக்கொண்டால் போதும்.''

தாமதமாக வரும் சம்பளம்...

 தனியார் வங்கியில் 15 லட்சம் ரூபாயை பத்து ஆண்டுகளில் திரும்பக் கட்டும் விதமாக கடன் பெற்றுள்ளேன். நான் பிசினஸ் செய்வதால் அவ்வப்போது பணம் கிடைக்கும் போதெல்லாம் அசலை கட்ட முடியுமா..?

- கந்தசாமி, குமாரபாளையம். கிருஷ்ணன். கிளை மேலாளர், பஞ்சாப் நேஷனல் பேங்க்.

''உங்களுக்கு பணம் கிடைக்கும்போதெல்லாம் அசலைக் கட்ட முடியும். இதில் முக்கியமானது, உங்களின் பத்திரத்தில் உள்ள விதிமுறைகள் என்ன என்பதைப் பார்ப்பது அவசியம். கடன் பத்திரத்தில் ப்ரீ குளோஸ் செய்ய எந்தவிதமான கட்டணமும் இல்லை என்றால் பிரச்னை இல்லை. ஒருவேளை ப்ரீ குளோஸ் செய்ய கட்டணங்கள் இருந்தால், இ.எம்.ஐ. தொகையைவிட கூடுதலாக செலுத்தும் தொகைக்கு 2% அபராதம் செலுத்த வேண்டியிருக்கும். தினசரி வட்டி கணக்கிடும் வங்கிகளில் அசலை செலுத்திய அடுத்த நாளிலிருந்து வட்டி குறையும். சில வங்கிகள் வருடத்திற்கு ஒருமுறைதான் வட்டி கணக்கிடும். இந்த முறையில் வருடத்தின் இறுதியில் உங்களின் வட்டி குறையும்.''

தாமதமாக வரும் சம்பளம்...

 என் வீட்டை இரண்டு வருடங்களுக்கு முன், என் மகன் பெயருக்கு செட்டில்மென்ட் செய்து பதிவும் செய்துவிட்டேன். ஆனால், வருவாய் துறை பதிவேட்டில் இன்னும் என் பெயர்தான் உள்ளது. அதோடு இதர வரிகள் அனைத்தும் என் பெயரில்தான் கட்டி வருகிறேன். இந்த வரிகளுக்கு பெயர் மாற்றம் செய்ய ஏதாவது காலவரையறை உள்ளதா?

 ஆர்.மூர்த்தி, கோடம்பாக்கம். அழகுராமன், வழக்கறிஞர்.

''வருவாய் துறை பதிவேட்டில் சொத்து உரிமை பெயர் மாற்றம் செய்ய காலவரையறை எதுவும் கிடையாது. எப்போது வேண்டுமானாலும் செய்யலாம். மேலும், இந்தப் பெயர் மாற்றம் செய்ய, பட்டா மாற்றம் செய்யும் விண்ணப்பத்துடன் நீங்கள் உங்கள் மகனின் பெயரில் பதிவு செய்யப்பட்ட ஆவணத்தின் நகலை இணைத்து கொடுக்க வேண்டும். இதுபோல, உள்ளாட்சி அமைப்பு, குடிநீர் மற்றும் கழிவு நீர் அகற்றும் வாரியம், மின் வாரியம் ஆகியவற்றுக்கு விண்ணப்பங்களைச் சமர்ப்பிக்க வேண்டும். இதன்பிறகு அரசு பதிவுகளில் பெயர் மாற்றம் செய்துதருவார்கள்.

தாமதமாக வரும் சம்பளம்...

 இன்ஷூரன்ஸ் பிரீமியத்தை மாதம், காலாண்டு, அரையாண்டு, ஆண்டுக்கு ஒருமுறை என செலுத்தும் வசதி உள்ளது. இதில் எது லாபம்..?

- சண்முகப்பிரியா, திருச்சி. நிரஞ்சனா, பிராந்திய மேலாளர், எல்.ஐ.சி.

''பாலிசிதாரர் அவரின் வசதிக்கு ஏற்ப இன்ஷூரன்ஸ் பிரீமியத்தைச் செலுத்தலாம். அதாவது, மாத சம்பளம் வாங்குபவர்கள் மாதாமாதம் பிரீமியம் செலுத்தலாம். வேலை பார்க்கும் நிறுவனத்தின் மூலம் சம்பளத்தில் பிடித்து இன்ஷூரன்ஸ் நிறுவனத்தில் மாதாமாதம் செலுத்தும்படி செய்யலாம். இந்த முறையில் நிர்வாகக் கட்டணம் இருக்காது.  இதேபோல, காலாண்டு இ.சி.எஸ். முறையிலும் நிர்வாகக் கட்டணங்கள் இருக்காது. பிசினஸ் செய்பவர்கள் வருடத்திற்கு ஒருமுறை அல்லது அரையாண்டுக்கு ஒருமுறை பிரீமியம் செலுத்துவதைத் தேர்ந்தெடுக்கலாம். இதிலும் ஆண்டுக்கு ஒருமுறை பிரீமியம் செலுத்தினால், 3 சதவிகிதம் பிரீமியத்தில் சலுகை கிடைக்கும். அரையாண்டிற்கு என்றால் 1.5 சதவிகிதம் சலுகை கிடைக்கும். இந்த சலுகைகள் குறிப்பிட்ட பாலிசிகளுக்கு மட்டுமே கிடைக்கும்.''

படங்கள்: பா.கார்த்திக், ஜெ.வேங்கடராஜ்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism