Published:Updated:

கமாடிட்டி - மெட்டல் - ஆயில்

- பானுமதி அருணாசலம்.

கமாடிட்டி - மெட்டல் - ஆயில்

- பானுமதி அருணாசலம்.

Published:Updated:
##~##

இந்த வாரம் அடிப்படை உலோகங்கள் குறித்து விளக்கமாக கூறுகிறார் வெல்த் கிரியேட்டர்ஸ் நிறுவனத்தின் நிர்வாக இயக்குநர் ரமணன்.

அடிப்படை உலோகங்கள்!

ஒட்டுமொத்த விகடனுக்கும் ஒரே ஷார்ட்கட்!

கமாடிட்டி - மெட்டல் - ஆயில்

''அடிப்படை உலோகங்களைப் பொறுத்தவரை, சென்ற வாரத்தில் அமெரிக்காவின் ஃபெடரல் வங்கி கியூ.இ.3. திட்டங்களை இந்த ஆண்டு இறுதிக்குள் நிறுத்தப்போவதாக அறிவித்ததையடுத்து அடிப்படை உலோகங்கள் மட்டுமல்லாது மற்ற அனைத்து கமாடிட்டிகளின் விலையும் குறைந்தது. தற்போது இந்த நிலையிலிருந்து சற்று முன்னேறி அடிப்படை உலோகங்களின் விலை அதிகரிக்கத் துவங்கியது. காப்பரின் விலை தற்போது நல்ல சப்போர்ட் நிலையில் உள்ளது. சர்வதேச சந்தையில் அடிப்படை உலோகங்களின் விலை குறைந்தாலும், இந்தியாவில் இந்திய ரூபாயின் மதிப்பு குறைந்ததால் பெரியளவில் விலை வீழ்ச்சி அடையவில்லை. காப்பர் இப்போது 406, 408 ரூபாயில் வர்த்தகமாகி வருகிறது. இதிலிருந்து 414, 420 ரூபாய் என்ற இலக்கு விலையை அடையும் என்பதால், தற்போது வர்த்தகமாகி வரும் விலையில் காப்பரை வாங்கலாம். நிக்கல் 820, 830 ரூபாய் என்ற ரீதியில் வர்த்தகமாகி வருகிறது. இந்த விலையில் வாங்கினால் 840, 863 ரூபாய் இலக்கு விலையை அடைய வாய்ப்புள்ளது. அடிப்படை உலோகங்களில் காப்பர், நிக்கல் இறங்கியதுபோல் லெட் விலை இறங்கவில்லை. ஏனெனில், உற்பத்திக்கு தகுந்த தேவை இருக்கிறது. இதனால் டிமாண்ட் அதிகரித்து தற்போது 122 ரூபாய்க்கு வர்த்தகமாகி வருகிறது. தேவை அதிகரித்துள்ளதால் 124, 127 ரூபாய் இலக்கு விலையை அடைய வாய்ப்புள்ளது. அலுமினியம் 104, 105 ரூபாய்க்கு வர்த்தகமாகி வருகிறது. இதிலிருந்து 109 ரூபாய் இலக்கு விலையை அடைய வாய்ப்புள்ளது. வர்த்தகர்கள் தற்போது விலை குறைவாக இருக்கும்போது வாங்கி, ஒரு வார காலம் பொறுமையாக இருந்தால் நல்ல விலையை அடையலாம்'' என்றார்.

வெள்ளி!

கமாடிட்டி - மெட்டல் - ஆயில்

தங்கத்தின் விலை குறைவைத் தொடர்ந்து வெள்ளியின் விலையும் குறைந்து வருகிறது. சர்வதேச சந்தையில் வெள்ளியின் விலை ஒரு அவுன்ஸ் 19.39 டாலர் என்ற நிலையில் கடந்த வெள்ளி மாலை வர்த்தகமாகியது. இந்திய சந்தையில் ரூபாயின் மதிப்பு சற்று அதிகரித்ததைத் தொடர்ந்து வெள்ளியின் விலை 2 சதவிகிதம் வரை குறைந்தது. சர்வதேச விலையில் ஒரு அவுன்ஸ் 18.50 டாலரை உடைத்து கீழே போனால், மேலும் விலை கீழே இறங்க அதிக வாய்ப்புகள் உள்ளது. ரூபாயின் மதிப்பை கருத்தில்கொண்டு வெள்ளியின் வர்த்தகத்தில் மிகுந்த கவனத்துடன் ஈடுபடவும்.

தங்கம்!

சென்ற வாரத்தில் மட்டும் தங்கம் இது வரையிலும் இல்லாதளவிற்கு சர்வதேச சந்தையில் ஒரு அவுன்ஸ் 1,200 டாலருக்கும் கீழே சென்றது. இது 2010 ஆகஸ்ட் மாதத்திற்கு பிறகு ஏற்பட்ட மிகக் குறைந்த விலையாகும். மேலும், 1968 வருடத்திற்கு பிறகு ஒரு காலாண்டில் அதிக இறக்கம் தற்போது ஏற்பட்டுள்ளது. எனினும், சர்வதேச விலையில் இந்தளவிற்கு விலை சரிந்தாலும் இந்திய ரூபாயின்

கமாடிட்டி - மெட்டல் - ஆயில்

மதிப்பு குறைந்ததால் பெரியளவில் விலை குறையவில்லை என்றே பொருளாதார வல்லுநர்கள் தெரிவிக்கின்றனர்.

எனினும், இந்த விலை குறைவை பயன்படுத்தி இந்தியா, சீனா உள்ளிட்ட ஆசியா நாடுகளில் பிஸிக்கல் தங்கம் மற்றும் கோல்டு இ.டி.எஃப். -கான டிமாண்ட் அதிகரித்துள்ளது. எம்.சி.எக்ஸ். சந்தையில் பத்து கிராம் தங்கம் 24,910 ரூபாய்க்கு வெள்ளிக்கிழமை மாலை வர்த்தகமாகி வந்தது. அடிப்படை காரணங்கள் இல்லாமல் செயற்கையாக தங்கத்தின் விலை அதிகரித்ததன் விளைவே தற்போது தங்கத்தின் விலை தாக்குப்பிடிக்காமல் இந்தளவிற்கு விலை குறைந்து வருவதாக கூறப்படுகிறது. தற்போது சர்வதேச சந்தையில் ஒரு அவுன்ஸ் 1,200 டாலருக்கும் குறைந்து வர்த்தகமாகி வருவதால், இதிலிருந்து 1,090, 1,030 டாலருக்கு செல்ல வாய்ப்பிருக்கிறது. அதனால், தங்கத்தில் வர்த்தகம் செய்பவர்கள் சற்று கவனத்துடன் வர்த்தகத்தில் ஈடுபடவும்.

கச்சா எண்ணெய்!

கமாடிட்டி - மெட்டல் - ஆயில்

அமெரிக்காவில் வேலையில்லாதவர்களுக்கு வழங்கப்படும் உதவித் தொகை பெறுவோரின் எண்ணிக்கை குறைவாக வந்ததால், கச்சா எண்ணெய்யின் விலை அதிகரித்து வர்த்தகமானது. அமெரிக்காவின் பணவீக்கம் மற்றும் வேலையில்லாதவர்களின் எண்ணிக்கை குறைவு இந்த இரண்டும் நடந்தால் மட்டுமே கியூ.இ.3 நடவடிக்கை நிறுத்தப்படும் என ஃபெடரல் வங்கி தெரிவித்ததால் கச்சா எண்ணெய்யின் விலை அதிகரித்தது. வரும் வாரத் திலும் கச்சா எண்ணெய் விலை அதிகரித்து வர்த்தகமாகவே வாய்ப்புகள் அதிகமாக உள்ளது.

இயற்கை எரிவாயு!

இயற்கை எரிவாயுவின் விலை சென்ற வாரத்தில் கடந்த மூன்று மாதங்களில் இல்லாதளவுக்கு குறைந்தது. இந்த விலை குறைவிற்கு காரணம் எதிர்பார்த்ததைவிட அமெரிக்காவின் இயற்கை எரிவாயு ஸ்டாக் அதிகரித்ததே காரணம். ஜூன் 21-ம் தேதியுடன் முடிந்த வாரத்தில் 95 பில்லியன் கியூபிக் ஃபீட் அதிகரித்து 2.533 டிரில்லியனாக இருப்பதாக எனர்ஜி இன்ஃபர்மேஷன் அட்மினிஸ்ட்ரேஷன் தெரிவித்துள்ளது. சப்ளை அதிகமாக இருந்தாலும் குளிர் குறைந்து கோடை நடப்பதால் இயற்கை எரிவாயுக்கான தேவை அமெரிக்கா உள்ளிட்ட நாடுகளில் குறைந்துள்ளது. இந்திய சந்தைகளில் 4.3 சதவிகிதம் வரை சென்ற வாரத்தில் இயற்கை எரிவாயு விலை குறைந்தது. உற்பத்தி அதிகரிப்பு, தேவை குறைவு உள்ளிட்ட காரணங்களால் வரும் வாரத்தில் இயற்கை எரிவாயு விலை குறைந்தே வர்த்தகமாகும்.

கமாடிட்டி - மெட்டல் - ஆயில்
கமாடிட்டி - மெட்டல் - ஆயில்
கமாடிட்டி - மெட்டல் - ஆயில்
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism