Published:Updated:

இன்ஃப்ராவில் பென்ஷன் ஃபண்டுகள்:

நாட்டுக்கும் நல்லது; நமக்கும் லாபம் !

இன்ஃப்ராவில் பென்ஷன் ஃபண்டுகள்:

நாட்டுக்கும் நல்லது; நமக்கும் லாபம் !

Published:Updated:
##~##

பென்ஷன் ஃபண்டுகள் இனிமேல் கடன் சார்ந்த இன்ஃப்ரா ஃபண்டுகளில் முதலீடு செய்யலாம் என பென்ஷன் ஃபண்டுகளின் ரெகுலேட்டரான பி.எஃப்.ஆர்.டி.ஏ. சமீபத்தில் சொல்லி இருக்கிறது. இது இன்ஃப்ரா துறைக்கு சாதகமான விஷயம். இந்த அறிக்கை பற்றி விவரமாகப் பார்க்கும் முன், கடன் சார்ந்த இன்ஃப்ரா ஃபண்டுகளைப் பற்றி பார்த்துவிடுவோம்.

முன்னாள் மத்திய நிதி அமைச்சர் பிரணாப் முகர்ஜியால் 2011-12 பட்ஜெட்டில் இன்ஃப்ரா கடன் ஃபண்டுகள் திட்டம் கொண்டுவரப்பட்டது. இன்ஃப்ரா (உள்கட்டமைப்பு) துறை ஒரு நாட்டின் பொருளாதார வளர்ச்சிக்கு மிக முக்கியம். இத்துறைக்கு நீண்ட கால அடிப்படையில் எக்கச்சக்கமான நிதி தேவை. மிக நீண்ட கால அடிப்படையில் தேவைப்படும் நிதியை வங்கிகளால் தொடர்ந்து தர முடியாதச் சூழ்நிலை. வங்கிகளும் பிற நிதி நிறுவனங்களும் தொடர்ந்து நிதி உதவி செய்ய, பெரிய அளவிலான ரீஃபைனான்ஸ்  நிறுவனங்கள் தேவை. இத்தேவையைப் பூர்த்தி செய்ய ஐ.டி.எஃப். (Infrastructure Debt Funds) எனப்படும் இன்ஃப்ரா கடன் ஃபண்டுகள் கொண்டுவரப்பட்டது.

ஒட்டுமொத்த விகடனுக்கும் ஒரே ஷார்ட்கட்!

இன்ஃப்ராவில் பென்ஷன் ஃபண்டுகள்:

இந்த ஐ.டி.எஃப். திட்டங்களை நடத்தும் நிறுவனங்களை இரு வகையாக ஆரம்பிக்கலாம். ஒன்று,  டிரஸ்ட் (மியூச்சுவல் ஃபண்ட்), மற்றொன்று, கம்பெனி (வங்கி சாரா நிதி நிறுவனம்). முதலாவது, செபி அமைப்பின் கட்டுப்பாட்டிற்குள் வரும். இரண்டாவது, ரிசர்வ் வங்கியின் கட்டுப்பாட்டுக்குள் வரும். இந்த ஃபண்டுகளில் முதலீட்டை ஊக்குவிக்க பலவிதமான வரிச் சலுகைகளும் அரசாங்கத்தால் தரப்பட்டுள்ளன. உதாரணத்திற்கு, வெளிநாட்டு நிறுவனங்கள், வெளிநாடுவாழ் இந்தியர்கள் (என்.ஆர்.ஐ.) இந்த ஃபண்டுகளில் இருந்து கிடைக்கும் வட்டிக்கும்/ வருமானத்துக்கும் 5 சதவிகிதம் வரி கட்டினால் போதுமானது.

ஐ.டி.எஃப். திட்டங்கள் நேரடியாகச் சென்று இன்ப்ஃரா நிறுவனங்களுக்கு கடன் தராது. மாறாக, புராஜெக்ட் நிறைவுற்று, குறைந்தது ஓராண்டாவது செயல்பாட்டில் இருந்துள்ள இன்ஃப்ரா நிறுவனங்களுக்கு வங்கிகள் தந்துள்ள கடனை ரீஃபைனான்ஸ் செய்யும். இதனால் வங்கிகளுக்கு கையில் கேஷ் ஃப்ளோ கிடைக்கும். அதனால், அந்த வங்கிகள் இன்னும் புதிதாக ஆரம்பிக்க உள்ள

இன்ஃப்ராவில் பென்ஷன் ஃபண்டுகள்:

இன்ஃப்ரா புராஜெக்ட்களுக்கு ஃபைனான்ஸ் செய்ய முடியும். இந்தச் சுழற்சியினால் நமது பொருளாதாரம் மேம்படும்.

பென்ஷன் ஃபண்டுகள் இன்ஃப்ரா துறையில் முதலீடு செய்ய அனுமதித்ததன் காரணமாக, நம் உள்கட்டமைப்பு வசதியைப் பெருக்க தேவைப்படும் பணம் கிடைக்கும். அதேசமயம், பென்ஷன் ஃபண்டுகளில் அரசாங்கப் பத்திரங்களைவிட சற்று அதிக வருமானமும் கிடைக்கும்.  

இதனால் நீண்ட காலத்தில் பென்ஷன்தாரர்களுக்கு சற்று அதிக வருமானம் கிடைக்க வாய்ப்புள்ளது. என்.பி.எஸ். (நேஷனல் பென்ஷன் ஸ்கீம்) திட்டங்களும், ஐ.டி.எஃப். திட்டங்களில் முதலீடு செய்யலாம் என்பது குறிப்பிடத்தக்கது. பென்ஷன் ஃபண்டுகள் முதலீடு செய்ய, ஐ.டி.எஃப். திட்டங்கள் குறைந்தது இரண்டு ரேட்டிங் ஏஜென்சியிடம் இருந்து ரேட்டிங் பெற்றிருக்கவேண்டும் என்பது முக்கியமான நிபந்தனை.

உள்கட்டமைப்புத் துறை தற்போது மந்தமாக உள்ளதே, மேலும் பல நிறுவனங்கள் கஷ்டமான சூழ்நிலையைச் சந்தித்து வருகிற நிலையில் கஷ்டப்பட்டு சம்பாதித்த ஓய்வுக்கால நிதியை இந்த ஃபண்டுகளில் முதலீடு செய்வது சரிதானா என்கிற கேள்வி மக்களின் மனதில் எழலாம். இந்த வகையான ஃபண்டுகளிலும் பென்ஷன் ஃபண்டுகள் முதலீடு செய்யலாம் என பி.எஃப்.ஆர்.டி.ஏ. கூறியுள்ளதே தவிர, அது கட்டாயமில்லை. அந்த முடிவு எடுப்பதை பென்ஷன் ஃபண்ட் மேனேஜரின் விருப்பத்திற்கு விட்டுவிட்டது.

மேலும், ஐ.டி.எஃப். திட்டங்கள் ஏற்கெனவே செயல்பாட்டில் இருக்கும் உள்கட்டமைப்பு சார்ந்த நிறுவனங்களின் கடன்களையே ரீஃபைனான்ஸ் செய்கின்றன. அதுவே, பெருவாரியான ரிஸ்க்கை குறைத்துவிடுகிறது. பென்ஷன் ஃபண்டுகள் ரிஸ்க் நிறைந்த பங்குச் சார்ந்த முதலீட்டை மேற்கொள்ளலாம் என்னும்போது, இதுபோன்ற கடன் சார்ந்த உபகரணங்களையும் முதலீடு செய்ய அனுமதிப்பதில் தவறில்லை!