Published:Updated:

பணவளக்கலை !

பணவளக்கலை !

பணவளக்கலை !

பணவளக்கலை !

Published:Updated:

 உங்களைப் பணக்காரர் ஆக்கும் தொடர்!

##~##

பணம் என்னும் பார்ட்னரை எப்படி ஹேண்டில் செய்வது என்பது பற்றி கொஞ்சம் தெரிந்துகொள்ள முயற்சிப்போம்.

ஒட்டுமொத்த விகடனுக்கும் ஒரே ஷார்ட்கட்!

நீங்கள் ஒரு பார்ட்னருடன் சேர்ந்து ஒரு தொழில் செய்ய நினைக்கிறீர்கள். எப்படிப்பட்ட பார்ட்னரைத் தேர்ந்தெடுப்பீர்கள்? நல்ல திறமை, அறிவு, ஊக்கம், முயற்சி, பணிவு என நல்ல பார்ட்னருக்கான குணங்களை நீண்ட பட்டியலிடலாம்.

அட, ஒரு முக்கியமான விஷயத்தை விட்டுவிட்டீர்களே! பார்ட்னரை நாங்கள் தேடுவதே பணத்துக்காகத்தானே என்கிறீர்களா?

பணத்தை ஒரு பார்ட்னராக எப்படி பாவிப்பது என்று தெரிந்துகொள்ள நாம் முயலுகிறோம். எனவே, பணம் என்பது ஒரு நிஜப் பார்ட்னருக்கான தகுதி என்ற விஷயத்தை இப்போதைக்கு கொஞ்சம் மறந்துவிடுவோம். அப்போதுதான் பணம் என்னும் (மனிதரல்லாத) பார்ட்னரை எப்படி ஹேண்டில் செய்வது என்பதை நாம் ஓரளவிற்கு புரிந்துகொள்ள முடியும்.

ஒரு பார்ட்னரை எப்படி ஹேண்டில் பண்ணுவீர்கள்? தொழில் பார்ட்னரானாலும் சரி, லைஃப் பார்ட்னரானாலும் சரி, கொஞ்சம் விட்டுத் தந்து, கொஞ்சம் தட்டிக்கொடுத்து சரியான அளவில் பேலன்ஸ் செய்துகொண்டு போனால்தானே வெற்றி கிடைக்கும்.

பிசினஸோ, லைஃபோ ஒருவர் அதிகாரம் செய்தால் (சில சமயம் சரியான மற்றும் நியாயமான திசையில் அதிகாரம் செய்தாலும்கூட) என்னவாகும்? மற்றொருவருக்கு பணம் மற்றும் மனரீதியான இழப்பு வர ஆரம்பிக்கும். பணம் என்னும் பார்ட்னர் விஷயத்திலும் இதேதான்.

நீங்களும் பணமும் சரிசமமான அளவில் செயல்பாட்டில் இருந்தீர்கள் என்றால் இருவருக்கும் நல்லது நடக்கும். நீங்கள் பணத்தை முழுமையாக கன்ட்ரோல் செய்தால் சில விதமான பிரச்னைகள் வரும். உதாரணத்திற்கு, செலவு செய்யவேண்டிய விஷயத்திற்கு தேவையான அளவு செலவு செய்யாமல் விட்டுவிட்டால், அதனால் வரவேண்டிய லாபம் குறையும். உதாரணத்திற்கு, நீங்கள் வேலைக்கு தக்கபடி உங்கள் உடை மற்றும் தோற்றத்திற்கு சரியாக பணம் செலவிடவில்லை. வரும் வருமானத்தை முழுவதுமாகச் சேமிக்க நினைத்து ஏனோ தானோ என்று உடை உடுத்திக் கொள்கிறீர்கள். உங்களுக்கான சம்பளத்தை உயர்த்தும் பரிசீலனை செய்யும்போது உங்கள் கிரேடிங் குறைந்து, அதனால் உங்கள் இன்க்ரிமென்ட் குறைய நேரிடலாம்.

பணவளக்கலை !

இளம் வயதில் (25-35 வயதில்) இருக்கும்   போது வேலை பளுவற்றதாக இருக்கிறது. பிள்ளையை ஸ்கூலில் விட்டு, அன்றாடம் காய்கறி வாங்கி, மாலையில் வாக்கிங் போய், வேலைக்கு லேட்டாகப் போய், சீக்கிரம் வீடு திரும்பி என்று ஜாலியாக இருக்கலாம்! சம்பளம் கொஞ்சம் குறைவாகத்தான் உள்ளது. இருந்தாலும் சௌகரியம் எக்கச்சக்கமாய் உள்ளது என்று நினைத்து இதிலேயே ஓட்டிவிடலாம் என்று உங்கள் திறமைக்கு மிகவும் குறைந்த வாய்ப்பளித்து/ அறிவுக்கு

சவால் தர வாய்ப்பில்லாத வேலையில் இருந்தீர்கள் என்றால் என்னவாகும்?

நாளடைவில் (என்றாவது ஒருநாள்!) நீங்கள் சம்பாதிக்கும் திறனை முழுவதுமாக இழந்துவிட வாய்ப்புள்ளது. வேலைக்குப் போகும் நபராக இருந்தால் பணம் என்னும் பார்ட்னரின் பார்ட்னர்ஷிப்பை தக்க வைத்துக்கொள்ள நீங்கள் நிறையவே பிரயத்தனப்பட வேண்டியிருக்கும். உங்கள் திறமையையும் தகுதியையும் கருதிதான் பணம் என்னும் பார்ட்னர் உங்களோடு உறவுகொள்வார். உங்கள் முயற்சிக்கு ஏற்றாற் போல்தான் உங்கள் பார்ட்னரின் முயற்சியும் இருக்கும். நீங்கள் வேலையில் பாராமுகமாக இருந்தால் பணமும் உங்களுக்கு பாராமுகமாகவே இருக்கும். உங்களுடைய பங்கை வைத்தால் உங்கள் பார்ட்னரும் அவருடைய பங்கை வைப்பார்.

பணவளக்கலை !

உங்களுடைய பங்கை குறைத்தால், பார்ட்னரின் பங்கும் குறையும்.

என் பங்கு சரியாகத்தான் இருக்கிறது. பணம் என்னும் பார்ட்னரும் அவருடைய பங்கை சரியாகத்தான் தருகிறார். ஆனாலும், கையில்தான் இருப்பு எப்போதுமே இருக்க மாட்டேன் என்கிறதே, ஏன் என நிறைய படித்த இளைஞர்கள் இன்று  கேட்கிறார்கள்.  

பார்ட்னரை மதிச்சு நடக்கவேண்டுமில்லையா? நீங்க பாட்டுக்கு உங்க பார்ட்னரை மதிக்காமல் கண்டுகொள்ளாமல் இருந்தால் அவர் உங்களைக் கோபித்துக்கொண்டு வெளியேறத்தான் செய்வார். இந்த பார்ட்னரை கொஞ்சம் கிண்டல், கேலி செய்து வெளியேற்றிவிட்டீர்கள் என்றால் பின்னால் அந்த உறவை சுமுகமாக்குவது என்பது மிக மிக கடினம். கேரியரை ஆரம்பித்த புதிதில் முதல் ஐந்து முதல் ஏழு வருடங்களில் நீங்கள் பணத்தை எப்படி ஹேண்டில் செய்கிறீர்கள் என்பதை வைத்தே உங்களுடைய அடுத்த 21 வருடங்களில் பணத்துடனான பார்ட்னர்ஷிப்பின் போக்கு நிர்ணயிக்கப்படுகிறது.

இதற்கிடையில் உங்கள் லைஃப் பார்ட்னர் வேறு உள்ளே வருவார். ஒருவருக்கு இருவராக (கணவன்-மனைவியாக கூட்டமைத்து) சேர்ந்து பணம் என்னும் பார்ட்னரை நையாண்டி செய்தால் பின்னால் வருத்தம் மட்டுமே மிஞ்சும் வாய்ப்பு மிக மிக அதிகம்.

இதை உங்களைச் சுற்றிலும் வாழும் பணத்துடன் உண்டான வெற்றிகரமான மற்றும் தோல்விகரமான பார்ட்னர்ஷிப்பைக் கொண்டவர்களைப் பார்த்து வெளிப்படை யாகவே தெரிந்துகொள்ளலாம். மனித பார்ட்னர்களைவிட பணம் என்னும் பார்ட்னர் மிகவும் சென்சிட்டிவ் ஆனவர். ஏனென்றால், ஒரு (மனித) பார்ட்னரிடம் சண்டை போட்டு விரட்டிவிட்ட பின்னால், உங்கள் வாழ்நாளில் நீங்கள் சரியான மற்றொரு பார்ட்னரை சந்திக்க வாய்ப்பு இருக்கிறது. ஒருமுறை நீங்கள் உங்கள் குணத்தை பணம் என்கிற இந்த பார்ட்னரிடம் காண்பித்துவிட்டீர்கள் எனில், மீண்டும் நீங்கள் திருந்தி வாழ நினைத்தாலும்கூட அந்த பார்ட்னர் மனது வைக்காவிட்டால் பார்ட்னர்ஷிப் அமையாது என்பதை நினைவில் கொள்ளவேண்டும்.

பணவளக்கலை !

அட, நான் ஒரு பிசினஸ்மேனாக்கும் என்கிறீர்களா? நீங்கள் தொழில் அதிபராக இருந்தால் பணம் என்னும் பார்ட்னரை எப்படி ஹேண்டில் பண்ணவேண்டும் என்று பார்ப்போம்.

நீங்கள் மிகவும் குறைவான சம்பளமே தரும் முதலாளி என்று வைத்துகொள்வோம். இதனால் என்ன நடக்கும்? உங்கள் தொழில் திறம்பட நடக்காது. உங்கள் போட்டியாளர்களைவிட நீங்கள் குறைவான லாபம் சம்பாதிக்க நேரலாம். செயல்பாட்டுக் குறைபாடுகள் மட்டுமே தோன்றும். இந்த வகையிலும் உங்கள் குணம் மாறவே செய்யும். இருப்பினும் பாதிப்பு என்னவோ குறைவாகவே இருக்கும். தேவையான, தகுதிக்கேற்ற வளர்ச்சி வராமல் போகும். இச்சூழலை கொஞ்சம் சிந்தித்து உணர்ந்து உங்களால் மாற்றிக்கொள்ள முடியும்.  

உங்கள் தகுதி/தொழிலின் அளவிற்கேற்ப நண்பர்களோ/ கன்சல்டன்டோகூட உங்களை சரியான பாதைக்குத் திருப்பிவிட முடியும். தொழில் செய்யும் நீங்கள் பணம் எனும் பார்ட்னரை சரியாக ஹேண்டில் செய்யாமல் போகும்போது உங்கள் தகுதிக்கு சரியாக வரவேண்டிய வெற்றி வராது போகும். தொழிலதிபராக ஒரு நட்புடன் கூடிய கட்டுப்பாட்டில் பணம் என்னும் பார்ட்னரை வைத்திருக்க நீங்கள் பழகிக்கொள்ளவேண்டும். அது என்ன நட்புடன் கூடிய கட்டுப்பாடு?

கடுமையான கட்டுப்பாடுகள் தொழிலுக்கு ஆகாது. கடுமையான எதிர்வினைகளை அது கொண்டுவந்துவிடும். ஒரு ஃபேக்டரி இருந்த ஊரில் கடுமையான வெள்ளம். தொழிலாளர்கள் ஒரு மாதச் சம்பளத்தை வெள்ள நிவாரணமாக அன்போடு கேட்கிறார்கள். வெள்ள நிவாரணம் தருவதெல்லாம் கம்பெனி ரூல்களில் இல்லை என்று கறாராகச் சொல்கிறார் முதலாளி. கடுப்பை அடக்கிக்கொண்ட தொழிலாளர்கள் தீபாவளி போனஸ் பேச்சுவார்த்தையில் ஸ்ட்ரைக் வரையிலும் போய் ஒன்றுக்கு இரண்டு மாத போனஸை வாங்கிவிடுகிறார்கள். இதில் ஸ்ட்ரைக்கில் இருந்த 15 நாள் உற்பத்தி பாதிப்பு வேறு முதலாளிக்கு நஷ்டம். தேவையா இது?  

தொழில் முனைவோருக்கு இன்னொரு பிரச்னையும் உண்டு. பணம் மீது நட்புடன் கூடிய கட்டுப்பாட்டை அவர்கள் வைத்திருக்கும்போது பணமும் அவர்கள் மீது சில கட்டுப்பாடுகளைச் செயல்படுத்தும். தொழிலதிபராகிய நீங்கள் பணம் என்னும் பார்ட்னரின் கன்ட்ரோலுக்குள் போக ஆரம்பித்தால், அந்த நிமிடமே நிதானத்தை இழப்பீர்கள். எகத்தாளம், சோம்பேறித்தனம், அலட்சியம், கர்வம் என கெட்ட குணாதிசயங்கள் அனைத்தும் உங்களிடம் குடிகொள்ளும்.

அது எப்படி? பணம் என் கட்டுப்பாட்டில்தானே இருக்கும்? அதன் கட்டுப்பாட்டில் நான் எப்படி போவேன்? என்று கேட்கிறீர்களா? அதை விரிவாகப் பார்ப்போம்.

(கற்றுத் தேர்வோம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism