Published:Updated:

கமாடிட்டி - மெட்டல் - ஆயில்

கமாடிட்டி - மெட்டல் - ஆயில்

கமாடிட்டி - மெட்டல் - ஆயில்

கமாடிட்டி - மெட்டல் - ஆயில்

Published:Updated:

தங்கம்!

##~##

கடந்த வாரத்தில் தங்கத்தின் விலைப் போக்கு எப்படி இருந்தது என்பதைப் பற்றி சொல்கிறார் மும்பை காம்டிரென்ட்ஸ் நிறுவனத்தின்  நிர்வாக இயக்குநர் ஞானசேகர் தியாகராஜன்.

ஒட்டுமொத்த விகடனுக்கும் ஒரே ஷார்ட்கட்!

''ரூபாயின் மதிப்பு அதிகரித்து வருவதால் தங்கத்தின் விலை கடந்த வாரம் இறங்குமுகமாகவே இருந்தது. கடந்த ஜூன் மாதத்திலிருந்து 2.7% குறைந்துள்ளது. மேலும், சிரியாவுக்கு எதிரான தாக்குதலை அமெரிக்கா தற்காலிகமாக கைவிட்டதையடுத்து தங்கத்தின் விலையில் பெரிய மாற்றம் எதுவும் இருக்காது. ரூபாயின் மாற்றத்தால் இனி தங்கம் விலையில் மாற்றம் இருக்கும்.

சர்வதேச அளவில் கடந்த வாரத்தில் ஒரு அவுன்ஸ் 1393.80 டாலர் வரை சென்ற தங்கம் தற்போது சுமார் 1,307 டாலராக குறைந்தது. மேலும், தங்கத்தின் விலை கடந்த ஓர் ஆண்டில் மட்டும் 22% குறைந்துள்ளது குறிப்பிடத்தக்கது. செப்டம்பர் 18-ம் தேதியன்று நடக்கும் அமெரிக்க ஃபெடரல் கூட்டத்தில், அமெரிக்கா பாண்டு வாங்குவதைக் குறைக்கலாம் எனத் தெரிகிறது. இந்தக் கூட்டத்தில் எடுக்கும் நடவடிக்கையை அடுத்து தங்கத்தின் விலையில் மாற்றம் இருக்கும் என எதிர்பார்க்கப்படுகிறது. அதுவரை தங்கத்தின் விலை ரூபாயின் மதிப்பைப் பொறுத்தே வர்த்தகமாகும்''.

கமாடிட்டி - மெட்டல் - ஆயில்

வெள்ளி!

சென்ற வாரத்தில் தங்கத்தின் விலை தொடர்ந்து சரிந்ததை அடுத்து, வெள்ளியின் விலையும்  சரிவடைந்தது. வாரத் தொடக்கத்தில் வெள்ளியின் விலை 22.99 டாலராக இருந்தது. ஆனால்,  வார இறுதி யில் சுமார் 21.85 டாலர் வரை சென்றது. வெள்ளியின் விலை வரும் வாரத்திலும் ஃபெடரல் கூட்டத்தைப் பொறுத்து மாறுபடும். அதுவரை வெள்ளியின் விலை இறக்கத்துடன் வர்த்தகமாகலாம்.

கமாடிட்டி - மெட்டல் - ஆயில்

கச்சா எண்ணெய்!

கடந்த இரண்டு வாரங்களாக கச்சா எண்ணெய் விலை தொடர்ந்து சரிவடைந்து வருகிறது. சர்வதேச சந்தையில் ஒரு பேரல் விலை 110.70 டாலர் வரை  சென்று, தற்போது சுமார் 105.06 டாலராக குறைந்துள்ளது.

சிரியா வைத்துள்ள கெமிக்கல் ஆயுதங்களைத்  திரும்பக் கொடுப்பதாக கூறியதை அடுத்து,  அமெரிக்கா சிரியாவிற்கு எதிரான தாக்குதலைக் கைவிட்டது. இதனால் இந்திய ரூபாயின் மதிப்பும் உலக நாடுகளின் கரன்சி மதிப்புகளும் சற்று உயர்ந்தன.  இதன் காரணமாக, கச்சா எண்ணெய் விலையும் சற்று குறைந்தது. எனினும், வரும் வாரங்களில் ரூபாயின் மதிப்பில் மாற்றம் இருப்பின் கச்சா எண்ணெய் விலையில் மாற்றம் இருக்கும்.

கமாடிட்டி - மெட்டல் - ஆயில்

இன்டர்நேஷனல் எனர்ஜி ஏஜென்சி 2013-ம் நிதியாண்டில் ஒருநாள் தேவை 90.9 எம்.பி.டி.-யாக நிர்ணயித்திருந்தது. ஆனால், நான்காவது காலாண்டில் 91.7 எம்.பி.டி.-யாக இருக்கும் என கூறியுள்ளது. மத்திய கிழக்கு நாடுகளிலிருந்து வரத்து குறைந்திருப்பதால் விலையில் ஏற்றம் இருந்தாலும் வளர்ந்து வரும் நாடுகளின் பொருளாதாரப் பின்னடைவால் தேவை குறையும்.

அடிப்படை உலோகங்கள்!

கடந்த வாரம் தொடர்ந்து சரிவடைந்த அடிப்படை உலோகங்கள் வரும் வாரத்திலும் விலை குறைந்து வர்த்தகமாகவே வாய்ப்பு அதிகம். மேலும், ஐரோப்பாவில் தொழிற்துறையில் தொடர்ந்து டிமாண்ட் குறைந்துள்ளதும் இதற்கொரு காரணமாகும்.

கமாடிட்டி - மெட்டல் - ஆயில்

அமெரிக்க டாலர் பலமானால் அடிப்படை உலோகங்களின் விலை குறையும். சிரியாவிற்கு

கமாடிட்டி - மெட்டல் - ஆயில்

எதிராக அமெரிக்க  ராணுவம் தாக்குதலைத் தொடங்கும் என்று கூறியதிலிருந்து அடிப்படை உலோகங்களின் விலையும் குறைந்தன.  மேலும், வரும் வாரத்தில் நடக்கவிருக்கும் ஃபெடரல் கூட்டத்தின் அறிவிப்பை  அடுத்தே அடிப்படை உலோகங்களின் விலையில் மாற்றம் இருக்கும். வரும் வாரங்களில் காப்பரின் விலை டெக்னிக்கலாக குறைய வாய்ப்புள்ளது.  

இயற்கை எரிவாயு!

செப்டம்பர் 6-ம் தேதியுடன் முடிவடைந்த வாரத்தில் அமெரிக்க  இயற்கை எரிவாயு இன்வென்டரி 65 பில்லியன் கியூபிக் அடி உயர்ந்துள்ளது. இதனால்,  கடந்த வாரம் இயற்கை எரிவாயுவின் விலை ஏற்ற இறக்கத்துடன் வர்த்தகமானது. இதையடுத்து கடந்த வியாழன் அன்று இந்திய கமாடிட்டி வர்த்தகத்தில் 235.30 ரூபாய் வரை சென்று 225.60 ஆக அதே நாளில் குறைந்தது. வரும் வாரத்தில் ரூபாயின் மதிப்பு உயர்ந்தால்  இயற்கை எரிவாயுவின் விலை குறைந்து வர்த்தகமாக வாய்ப்புகள் அதிகம்.

- சே.புகழரசி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism