Published:Updated:

'மைனர்' முதலீடு! 'மேஜர்' விஷயங்கள்!

'மைனர்' முதலீடு! 'மேஜர்' விஷயங்கள்!

'மைனர்' முதலீடு! 'மேஜர்' விஷயங்கள்!

'மைனர்' முதலீடு! 'மேஜர்' விஷயங்கள்!

Published:Updated:
'மைனர்' முதலீடு! 'மேஜர்' விஷயங்கள்!


குழந்தைகளுக்கு சிறப்பான எதிர்காலத்தை அமைத்துக் கொடுக்க வேண்டும் என்பதில் பெற்றோர்களுக்கு இருவேறு கருத்து இருக்க முடியாது. அவர்களின் எதிர்காலத்துக்காக ஃபிக்ஸட் டெபாசிட், பங்குச் சந்தை, மியூச்சுவல் ஃபண்ட் என பல விஷயங்களில் முதலீடு செய்கிறோம்.

'மைனர்' முதலீடு! 'மேஜர்' விஷயங்கள்!

ஒட்டுமொத்த விகடனுக்கும் ஒரே ஷார்ட்கட்!

ந்த முதலீடுகள் நமது பெயரில் இருப்பதைவிட நம் குழந்தைகளின் பெயரில் இருந்தால் இன்னும் சிறப்பாக இருக்குமே என்று பெரும்பாலும் அவர்கள் பெயரிலேயே கணக்குத் தொடங்கி விடுகிறோம். அப்படி அவர்கள் பெயரில் தொடங்கும்போது கவனிக்க வேண்டிய விஷயங்கள் சில இருக்கின்றன. அவை என்னென்ன என்று விளக்குகிறார் 'பஜாஜ் கேப்பிட்டல்’ நிறுவனத்தின் மூத்த துணைத் தலைவர் ராமகிருஷ்ணன் வி.நாயக்.

''நம் பிள்ளைகள் பெயரில் முதலீடு செய்யும்முன், சில அடிப்படை விஷயங் களைத் தயார் செய்து கொள்ள வேண்டும்.

மைனர் பெயரில் முதலீடு என்கிறபோது பிறப்புச் சான்றிதழ் தேவை. குழந்தையின் பெயரில் பான் கார்ட், டீமேட் கணக்கு போன்றவற்றை ஏற்பாடு செய்து கொள்ள வேண்டும். மியூச்சுவல் ஃபண்டில் முதலீடு செய்ய 'உங்கள் வாடிக்கையாளரை அறிந்து கொள்ளுங்கள்’ என்னும் கே.ஒய்.சி. படிவத்தைப் பூர்த்தி செய்து கொடுக்க வேண்டும்.

ரிஸ்க் எடுக்க விரும்பாத பல பெற்றோர்கள் பிள்ளைகள் பெயரில் வங்கியில் ஃபிக்ஸட் டெபாசிட் செய்யவே விரும்பு கிறார்கள். குழந்தையின் பெயரிலேயே ஃபிக்ஸட் டெபாசிட் செய்யலாம். குழந்தையின் பிறப்புச் சான்றிதழ், பான் கார்டு உள்ளிட்ட ஆதாரங்கள் இருந்தால்போதும். குழந்தை மைனராக இருக்கும்போது முதலீட்டுத் தொகை முதிர்ச்சி அடைந்தால், அது காப்பாளரின் வசம் இருக்கும். குழந்தை மேஜரான பிறகு தொகை முதிர்வு அடைந்தால் முழு உரிமையும் குழந்தைக்கே.

மியூச்சுவல் ஃபண்டிலும் நம் பிள்ளைகளின் பெயரில் முதலீடு செய்ய முடியும். அப்படிச் செய்யும் போது காப்பாளர் ஒருவரை நியமிக்க வேண்டும். தாய் அல்லது தந்தையைக் காப்பாளராக நியமிக்கலாம். பெற்றோர் இல்லாத பட்சத்தில் நீதிமன்றத்தின் மூலம் ஒருவரை காப்பாளராக நியமிக்கலாம்.  

##~##
பங்குச் சந்தை முதலீட்டையும் குழந்தை பெயரிலேயே செய்யலாம். மியூச்சுவல் ஃபண்டில் சொல்லப்பட்ட நடைமுறைகள் தான் இதற்கும். ஆனால், நம் பிள்ளைகள் மைனராக இருந்தபோதும், அவர்கள் பெயரில் செய்யப்படும் முதலீடு மீதான வருமானம் பெற்றோரின் வருமானத்தோடு சேர்க்கப்பட்டு பெற்றோர்தான் வரி கட்ட வேண்டும் என்பதை மறந்துவிடக் கூடாது. சிலர் குழந்தைகள் பெயரில் செய்யப் படும் முதலீட்டிலிருந்து கிடைக்கும் லாபத்துக்கு வரி கட்டத் தேவையில்லை என்று நினைக் கிறார்கள். இது தவறு.

நம்மவர்களில் பலர் இன்ஷூரன்ஸையும் ஒரு முதலீடாகவே பார்க்கிறார்கள். அது போன்றவர்கள், குழந்தையின் பெயரில் பாலிசி எடுப்பதைவிட பெற்றோரின் பெயரில் பாலிசி எடுப்பதே நல்லது. பெரியவர்கள் பெயரில் பாலிசியை எடுத்துவிட்டு பிள்ளைகளை பயனாளிகளாக நியமிக் கலாம். இதனால், பாலிசி காலத்தில் பெற்றோருக்கு ஏதேனும் அசம்பா விதம் ஏற்படும் பட்சத்தில் குழந்தையின் எதிர்காலத்துக்கு இழப்பீடு தொகை கிடைக்க வாய்ப்புண்டு...!'' என்றவர் நம் பிள்ளைகள் மைனர் என்கிற நிலையிலிருந்து மேஜராகி விட்டால் என்ன செய்ய வேண்டும் என்பதையும் தெளிவாக எடுத்துச் சொன்னார்.  

'பிள்ளைகள் மேஜரான பிறகு 18 வயது பூர்த்தி அடைந்ததற்கான வயதுச் சான்றிதழை கட்டாயம் கொடுக்க  வேண்டும். டிரைவிங் லைசென்ஸ், பாஸ்போர்ட் போன்றவற்றை இதற்கு ஆதாரமாக கொடுக்கலாம். இந்த விஷயம் முடிந்தபிறகு இந்த முதலீட்டின் மீது பெற்றோர்கள் எந்த உரிமையும் கொண்டாட முடியாது. பங்கு களையும் மியூச்சுவல் ஃபண்ட் யூனிட்களையும் விற்கும் தகுதி அவர்களுக்கு வந்துவிடுவதால் அவர்கள் விரும்பும் பட்சத்தில் அந்த முதலீட்டை விற்று, பணத்தைப் பெற நாம் தடை விதிக்க முடியாது.

வங்கிக் கணக்கை பொறுத்த வரை, வங்கி மேலாளரிடம் தனக்கு பதினெட்டு வயது நிறைந்து மேஜராகி விட்டதை கடிதம் மூலம் தெரிவித்து, ஒப்புதல் வாங்கினால் தனியாக வங்கிக் கணக்கை கையாளும் தகுதி அவர்களுக்கு வந்துவிடும்.

குழந்தை பெயரில் முதலீடு செய்வதே அவர்களின் எதிர்காலம் நன்றாக இருக்க வேண்டும் என்பதற்காகத்தான். இதற்காக பெற்றோர்கள் செய்யும் தியாகங் களைக் குழந்தைகளுக்கு புரிய வைப்பது அவசியம். வங்கிக் கணக்கு தொடங்குவது முதல் டீமேட் கணக்கு தொடங்குவது வரை உங்கள் பிள்ளைகளை உடன் அழைத்துச் செல்லுங்கள். இப்படிச் செய்வதன் மூலம் அவர்களுக்கு நிதி தொடர்பான  கல்வியை புகட்டுவ தோடு, அதை இன்னும் பல மடங்காக பெருக்கும் ஒழுக்கமும், அறிவும் அவர்களுக்கு வரும்'' என்றார் ராமகிருஷ்ணன்.

சரிதான்!

- செ.திருக்குறள் அரசி.  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism