Published:Updated:

ஃபாரின் கரன்சி! - கடன் வாங்கிய நிறுவனங்களின் கதி?

ஃபாரின் கரன்சி! - கடன் வாங்கிய நிறுவனங்களின் கதி?

பிரீமியம் ஸ்டோரி
ஃபாரின் கரன்சி! - கடன் வாங்கிய நிறுவனங்களின் கதி?


கடன் வாங்காமல் பிஸினஸ் செய்ய முடியாது என்பது பிஸினஸ்மேன்களின் அனுபவம். ஆனால், சில நிறுவனங்களின் செயல்பாட்டைப் பார்த்தால், கடன் வாங்குவதையே ஒரு பிஸினஸாக செய்து வருகிறார்களோ என்றுதான் நினைக்கத் தோன்றுகிறது.

ஃபாரின் கரன்சி! - கடன் வாங்கிய நிறுவனங்களின் கதி?

சிறிய நிறுவனங்கள் வளர் வதற்கு கண்டிப் பாகப் பணம் தேவை என்பதை மறுக்க முடியாது. அதனால் அவை ஐ.பி.ஓ. மூலம் பணத்தைத் திரட்டுகின்றன.  விரிவாக்கப் பணிகளுக்கு எஃப்.பி.ஓ.

வருகிறார்கள். இதை எல்லாம் தவறு என்று சொல்லவே முடியாது. ஆனால், இதன்பிறகும் கடன் வாங்குவதற்காக அவை எடுக்கும் முயற்சிகளைப் பார்த்தால் மாற்று சிந்தனைகள்தான் வருகிறது.

மூன்று வருடங்களுக்கு முன்பு நம் நாட்டில் உள்ள சில நிறுவனங்கள் எஃப்.சி.சி.பி. (Foreign Currency Convertible Bond) மூலமாக பணத்தைத் திரட்டின. அப்படித் திரட்டிய நிறுவனங்களில் சில, அந்த கடன்களை திருப்பிச் செலுத்த வேண்டிய காலம் நெருங்குவதால், பணப் பற்றாக்குறையினால் இப்போது அவை தடுமாறிக் கொண்டிருக்கின்றன.

##~##
என்னாச்சு இந்த நிறுவனங்களுக்கு? வாங்கிய கடனைத் திரும்பச் செலுத்துவதில் ஏன் தடுமாற்றம்? என்று பார்ப்பதற்கு முன்பு 'ஃபாரின் கரன்சி கன்வெர்டிபிள் பாண்ட்ஸ்’ (எஃப்.சி.சி.பி) என்றால் என்ன என்று பார்த்து விடுவோம்.

ஒரு நிறுவனத்துக்குத் தேவையான பணத்தை பொதுமக்களிடமிருந்து திரட்டி, அதை பத்திரமாக எழுதிக் கொடுப்பதே கடன் பத்திரங்கள். இந்தப் பணத்தை இந்தியாவில் திரட்டாமல் வெளிநாட்டு மக்களிடமிருந்தும், நிதி நிறுவனங்களிடமிருந்தும் திரட்டுவது 'ஃபாரின் கரன்சி கன்வெர்டிபிள் பாண்ட்ஸ்’.

இதில் இரண்டு வாய்ப்புகள் இருக்கிறது. ஒன்று, குறிப்பிட்ட காலத்துக்குப் பிறகு பத்திரங்களைக் கொடுத்து, பணத்தை பிரிமீயத்தில் திரும்ப வாங்கிக் கொள்ளலாம். அல்லது அந்தப் பத்திரங்களைக் கொடுத்து, குறிப்பிட்ட விலையில் கடன் வாங்கிய நிறுவனத்தின் பங்குகளை மாற்றிக் கொள்ளலாம். கடன் கொடுத்தவர்கள் இந்த இரண்டில் ஏதாவது ஒன்றை தேர்ந்தெடுத்துக் கொள்ளலாம்.

ஃபாரின் கரன்சி! - கடன் வாங்கிய நிறுவனங்களின் கதி?

மூன்று ஆண்டுகளுக்கு முன்பு எஃப்.சி.சி.பி. மூலம் கடன் வாங்கிய நிறுவனங்கள் எளிதாக கடனைத் திரும்பக் கொடுக்க முடியும் என்றும் நினைத்தன. அல்லது, நிறுவனத்தின் பங்குகளையாவது கொடுத்துவிட

முடியும் என்றும் நம்பின. ஆனால், கடந்த மூன்று ஆண்டு காலத்துக்குள் ஏற்பட்ட பொருளாதார மாற்றங்கள் அந்த நம்பிக்கையில் மண் அள்ளிப் போட்டது.

உதாரணமாக, 2007-ம் ஆண்டு ஒரு நிறுவனப் பங்கின் விலை 50 ரூபாய் என்று வைத்துக் கொள்வோம். நான்கு ஆண்டு களுக்குப் பிறகு ஒரு பங்கினை 100 ரூபாய்க்குத் தருகிறோம் என்று ஒப்பந்தம் போட்டு கடன் வாங்குகிறது அந்த நிறுவனம். நான்கு ஆண்டுகளுக்குப் பிறகு பங்கின் விலை 100 ரூபாயாக இருந்தால் பிரச்னையில்லை; ஆனால், நிறுவனத்தின் பங்கு விலையோ 50 ரூபாய்க்கும் கீழே போயிருந்தால் 100 ரூபாய்க்குச் சமமான பங்குகளையோ அல்லது வாங்கிய தொகையை வட்டியோடு செலுத்த வேண்டும். சில ஆண்டுகளுக்கு முன்பு, எஃப்.சி.சி.பி. மூலம் கடன் வாங்கிய பல நிறுவனங்கள் இன்று இந்த சிக்கலில்தான் மாட்டியிருக்கின்றன.

ஃபாரின் கரன்சி! - கடன் வாங்கிய நிறுவனங்களின் கதி?

நம் நாட்டு நிறுவனங்கள் இதற்கு முன்பு பெருமளவில் எஃப்.சி.சி.பி. கடனை வாங்கிய தில்லை. 2006, 2007 ஆண்டுகளில்தான் சில நிறுவனங்கள் இந்த முறையை பயன்படுத்தி கடன் வாங்கின. அந்த சமயத்தில் இந்திய பங்குச் சந்தை 20,000 புள்ளிகளை நோக்கி சென்றது. அதனால் வெளிநாட்டு முதலீட்டா ளர்களும் தைரியமாக முதலீடு செய்தனர். இந்திய நிறுவனங்களும் சந்தையின் போக்கை வைத்துக் கொண்டு அதிகளவு விலையை பிரீமியமாக நிர்ணயம் செய்தன. ஆனால், 2008-ம் ஆண்டு விழுந்த சந்தை மூன்று வருடங்கள் ஆன பிறகும் பழைய உச்சத்தைத் தொட முடியாமல் தவிக்கிறது. சந்தையைப் போலவே கடன் வாங்கிய நிறுவனங்களின் பங்கின் விலையும் பழைய உச்சத்தை தொடமுடியாமல் தவிக்கிறது. ஆனால் அதற்குள் பணத்தைத் திருப்பி செலுத்தியாக வேண்டிய காலம் வந்துவிட்டது.

கொஞ்ச நஞ்சமல்ல, அடுத்த இரண்டு ஆண்டுகளில் 31,500 கோடி ரூபாயை நமது நிறுவனங் கள் திருப்பிச் செலுத்த வேண்டும். இப்படி எக்கச்சக்கமாக வெளி நாட்டுக் கடனை வாங்கிய இந்நிறுவனங்களில் முதலீடு செய்தவர்கள் இந்த பங்கை தொடர்ந்து வைத்துக் கொள்ளலாமா? அல்லது விற்று விடலாமா? புதிதாக முதலீடு செய்ய லாமா? என பல கேள்விகளை பங்குச் சந்தை ஆலோசகர் ஏ.கே.பிரபாகரிடம் கேட்டோம். விளக்க மான பதிலைத் தந்தார் அவர்.

''கடன் வாங்குவதற்கு முன்னரே சில நிறுவனங்கள், தங்களுடைய பங்கு விலையை உயர்த்தின. இப்படி உயர்த்தியதன் மூலம் மார்க்கெட் கேப்பிட்டலைசேஷன் அதிகரித்தது. இதன் அடிப்படையில் அதிக அளவில் வெளிநாட்டுக் கடனை வாங்கின. இப்போது இதுவே அந்நிறுவனங்களுக்கு பிரச்னையாக மாறிவிட்டது. பங்கு களின் விலையை செயற்கையாக உயர்த்தாமல் இருந்திருந்தால், குறைவான பிரீமியத்தையே நிர்ணயம் செய்திருக்க வாய்ப் புண்டு. இதன் மூலம் எளிதாக கடனைத் திருப்பிச் செலுத்தியிருக்க  முடியும்.  

ஃபாரின் கரன்சி! - கடன் வாங்கிய நிறுவனங்களின் கதி?

இந்நிறுவனங்களுக்கு இப்போது இரண்டு வாய்ப்புகள் உள்ளன. கடன் வாங்கிய தொகையை வட்டியோடு திரும்பச் செலுத்த வேண்டும். நான்கு ஆண்டுகளுக்கு வட்டி என்றால் மிகவும் அதிகமாகச் செலுத்த வேண்டும். தற்போதைய நிலையில் எங்கு கடன் வாங்கினாலும் அதிக வட்டிக்குத்தான் வாங்க வேண்டியிருக்கும். வட்டியோடு கடனைத் திரும்பக் கொடுக்க முடியவில்லை என்றால், பங்கு களாகவும் கொடுக்கலாம்.

ஆனால், சில நிறுவனங்களின் பங்கு விலை, மிகவும் குறைந்து விட்டது.  இதனால் ஒன்றுக்கு பல பங்குகளைக் கொடுக்க வேண்டிய கட்டாயம். இப்படிச் செய்வதால், புரமோட்டர்களிடம் இருக்கும் பங்குகளின் சதவிகிதம் கணிசமாக குறையும். இந்த இக்கட்டான சூழ்நிலையில் ஒரு கம்பெனியை மற்றொரு கம்பெனி எளிதாக வாங்கி, தன்னோடு இணைத்துக் கொள்ள வாய்ப்பிருக்கிறது.

மேலும், அதிகளவு பங்குகளைத் திருப்பித் தரும் பட்சத்தில் சந்தையில் புழங்கும் பங்குகளின் எண்ணிக்கை அதிகமாகும். இதனால் இ.பி.எஸ். குறையும். இதுபோல பல பிரச்னைகள் இருக்கிறது.

இதுபோன்ற நிறுவனங்களில் உங்களின் முதலீடு இப்போது இருக்கும் பட்சத்தில் லாபகரமாக இருந்தால் விற்றுவிடலாம். புதிய முதலீடுகளை தொடங்குவதாக இருந்தால், அடிப்படை மிகவும் பலமாக இருக்கும் கம்பெனிகளில் மட்டும் முதலீடு செய்யலாம்'' என்று முடித்தார் பிரபாகர்.

எதற்கும் உங்களிடம் என்னென்ன பங்குகள் இருக்கின்றன என்பதை பார்த்துக் கொள்ளுங்கள்; எச்சரிக்கையாக இருப்பது நல்லதுதானே!

-வா.கார்த்திகேயன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு