Published:Updated:

கைகொடுக்கும் கடன் இல்லா கம்பெனிகள்!

பங்கு பரிந்துரையுடன்.... சி.சரவணன்

கைகொடுக்கும் கடன் இல்லா கம்பெனிகள்!

பங்கு பரிந்துரையுடன்.... சி.சரவணன்

Published:Updated:
##~##

உள்நாடு மற்றும் சர்வதேச பொருளாதார மந்தநிலை, நிலையற்ற அரசாங்கம், அதன் நிலையற்ற கொள்கைகள், அதிக பணவீக்க விகிதம், அதிக வட்டி போன்றவை ஒரு நிறுவனத்தின் செயல்பாடு மோசமான நிலைமைக்கு செல்வதற்கு வெளிக்காரணங்களாக இருக்கின்றன. அதேநேரத்தில், நிறுவனத்தின் வளர்ச்சியைப் பாதிக்கும் உள்காரணங்களாக அதிக கடன் மற்றும் மோசமான நிர்வாகம் இருக்கின்றன.

தனிநபர் வாழ்க்கையை, அளவுக்கு அதிகமான கடன் எப்படி நாசம் செய்யுமோ, அதேபோல் நிறுவனங்களிலும் இந்த அதிக கடன் மீளமுடியாத பாதிப்பை உருவாக்கிவிடும் என்பதை மறுப்பதற்கில்லை. இன்றைக்கு அதிக கடன் வாங்கி இருக்கும் நிறுவனங்கள், ராவணன் போலவே கலங்கி நிற்கின்றன. பொதுவாக, பொருளாதாரம் நல்ல ஏற்றத்தில் இருக்கும் காலத்தில் ஒரு நிறுவனத்துக்கு கடன் என்பது பெரிய சுமையாக இருக்காது. காரணம், ஏற்கெனவே வாங்கிய கடனை மறுசீரமைக்க வேண்டும் என்றால், வேண்டிய அளவுக்கு புதிதாக குறைந்த வட்டியில் கடன் தர பலர் முன்வருவார்கள். அதேநேரத்தில், பொருளாதாரம் மந்தமாக இருக்கும் நிலையில், ஏற்கெனவே இருக்கும் கடனுக்கு அதிக வட்டி கட்டவேண்டி இருக்கும். புதிதாக கடன் கிடைப்பது என்பதும் கடினமான காரியமாக இருக்கும். அந்த வகையில், கடன் இல்லாத நிறுவனங்களின் செயல்பாடு பொருளாதார மந்தநிலையில் அதிக சிக்கல் இல்லாமல் இருக்கும்.

ஒட்டுமொத்த விகடனுக்கும் ஒரே ஷார்ட்கட்!

தற்போதைய பொருளாதார மந்தநிலையில் கடன் இல்லாத நிறுவனப் பங்குகளில் முதலீடு செய்தால் லாபகரமாக இருக்குமா? என்ற கேள்வியைப் பங்குச் சந்தை நிபுணரான ஏ.கே.பிரபாகரிடம் கேட்டோம்.

கைகொடுக்கும் கடன்  இல்லா கம்பெனிகள்!

''பார்மா, எஃப்.எம்.சி.ஜி. துறை நிறுவனங்களுக்கு அதிக கடன் இருந்தால் நல்லதில்லை. காரணம், இந்தத் துறை நிறுவனங்களுக்கு முதலீட்டுத் தேவை என்பது குறைவு. நிறுவனங்கள் செயல்படத் தொடங்கி குறிப்பிட்ட காலத்துக்குப் பிறகு லாபம் வரத் தொடங்கிவிடும். அப்போது லாப விகிதம் அதிகமாக இருக்கும். ஹிந்துஸ்தான் யூனிலீவர், ஐ.டி.சி., பஜாஜ் கார்ப்பரேஷன் போன்ற நிறுவனங்களுக்குக் கடன் கிடையாது.

கைகொடுக்கும் கடன்  இல்லா கம்பெனிகள்!

அதேபோல், ஐ.டி. கம்பெனிகளுக்கும் முதலீடு என்பது குறைவுதான். இவர்களுக்கு அலுவலகம், கம்ப்யூட்டர் போன்றவை இருந்தால் போதும். இவற்றின் லாப வரம்பு என்பது 20 - 30 சதவிகிதமாக இருக்கும். இன்ஃபோசிஸ், ஹெச்.சி.எல்., டி.சி.எஸ்., விப்ரோ போன்ற நிறுவனங்களுக்கு கடன் இல்லை.

ஆனால், கடன் இல்லை என்பதை மட்டும் அடிப்படையாக வைத்து இந்த நிறுவனப் பங்குகளில் முதலீடு செய்துவிட முடியாது'' என்றவரிடம், ''எதன் அடிப்படையில் கடன் இல்லா நிறுவனப் பங்குகளில் முதலீடு செய்தால் லாபகரமாக இருக்கும்'' என்று கேட்டோம்.

''வங்கிகள் மற்றும் நிதிச் சேவை நிறுவனங்களின் வணிகம் கடனை சார்ந்தே இருப்பதால் அவை இந்த அலசலில் எடுத்துக்கொள்ளப்படவில்லை. உற்பத்தி, தகவல் தொழில்நுட்பம், சேவைத் துறை உள்ளிட்டவை எடுத்துக் கொள்ளப்பட்டு, நான்கு முக்கிய அம்சங்களின் அடிப்படையில் இந்தப் பங்குகள் தேர்வு செய்யப்பட்டிருக்கின்றன.

அதாவது, கடன் இல்லாமல் இருப்பது முதல் முக்கிய அம்சம். அதேநேரத்தில், எதிர்காலத்தில் சிக்கல் ஏதாவது வந்தால் சமாளிக்க அல்லது தொழில் விரிவாக்கம் போன்றவற்றுக்கு போதிய அளவுக்கு கைவசம் ரொக்கம் வைத்திருப்பது இரண்டாவது அம்சம். மூன்றாவது அம்சம், நிறுவனம் வளர்ச்சியில் இருக்க வேண்டும். கடைசி முக்கிய அம்சம், நிறுவனப் பங்கின் விலையிலும் வளர்ச்சி ஏற்பட வேண்டும்.

கைகொடுக்கும் கடன்  இல்லா கம்பெனிகள்!

இவற்றின் அடிப்படையில் நூற்றுக்கணக்கான பங்குகளை அலசி ஆராய்ந்து 7 பங்குகளைத் தேர்வு செய்துள்ளேன். ஸ்வராஜ் இன்ஜின்ஸ், பாட்டா இந்தியா, சீமென்ஸ் இந்தியா, என்.எம்.டி.சி., சன் டிவி, ஐ.டி.சி, விப்ரோ ஆகியவை அந்த ஏழு பங்குகள். இந்தப் பங்குகள் அடுத்த ஓராண்டு காலத்தில் கணிசமான லாபத்தை அளிக்கும் என எதிர்பார்க்கலாம்'' என்றவர், அந்தப் பங்குகள் குறித்து விவரித்துச் சொன்னார்.

கைகொடுக்கும் கடன்  இல்லா கம்பெனிகள்!
கைகொடுக்கும் கடன்  இல்லா கம்பெனிகள்!
கைகொடுக்கும் கடன்  இல்லா கம்பெனிகள்!
கைகொடுக்கும் கடன்  இல்லா கம்பெனிகள்!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism