Published:Updated:

இன்டர்வெல் ஃபண்டுகள்... உங்களுக்கு ஏற்றதா?

இன்டர்வெல் ஃபண்டுகள்... உங்களுக்கு ஏற்றதா?

##~##

கடன் சார்ந்த பல மியூச்சுவல் ஃபண்டு திட்டங்களில், ஒரு குறிப்பிட்ட கால இடைவெளியில் யூனிட்களை விற்றுவிட்டு வெளியேறும் விதமாக வடிவமைக்கப்பட்டிருக்கும் திட்டங்கள்தான் இன்டர்வெல் ஃபண்டுகள். இவை ஓப்பன் எண்டட் ஃபண்டு மற்றும் குளோஸ்டு எண்டட் ஃபண்டுகளுக்கு இடைப்பட்டதாக இருக்கிறது. அதாவது, இந்த ஃபண்டில் இருந்து நினைத்த நேரத்தில் வெளியேற முடியாது. அதே நேரத்தில், முதிர்வுக் காலம் வரைக்கும் காத்திருக்காமல், இடையில் யூனிட்களை விற்றுவிட்டு வெளியேற ஃபண்டு நிறுவனம் சில தினங்கள் அனுமதிக்கும். இந்நேரத்தில் இந்த ஃபண்டிலிருந்து நாம் வெளியேறிக்கொள்ளலாம். அப்போது வெளியேறும் கட்டணம் எதுவும் செலுத்தத் தேவை இல்லை.

இன்டர்வெல் ஃபண்டுகள் என்பது குறுகிய கால கடன் சார்ந்த முதலீட்டுத் திட்டம். இதன் முதலீட்டுக் கால அளவு, 15 நாட்கள், ஒரு மாதம், 3 மாதங்கள் 6 மாதங்கள் என நிர்ணயிக்கப்பட்டிருக்கும். முதலீட்டாளர்கள் அவரவர் தேவைக்கேற்ற திட்டங்களைத் தேர்ந்தெடுத்துக்கொள்ளலாம்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
இன்டர்வெல் ஃபண்டுகள்... உங்களுக்கு ஏற்றதா?

பல நிறுவனங்கள் நடத்திவரும்  இந்த ஃபண்டுகளில் ஒரு குறிப்பிட்ட நாட்களில் மட்டுமே முதலீடு செய்ய முடியும். அதற்குப்பின், ஃபண்டு நிறுவனம் நிர்ணயிக்கும் ஒரு குறிப்பிட்ட தேதியில் முதலீட்டைத் திரும்பப் பெற விண்ணப்பிக்க வேண்டும். தவறினால் முதலீடு தானாக வேறொரு  இன்டர்வெல் ஃபண்டுக்கு மாற்றப்படும். எனவே, இன்டர்வெல் ஃபண்டுத் திட்டங்களில் முதலீட்டாளர்கள் வெளியேறும் தேதியை விழிப்புடன் கவனித்து முதலீட்டை திரும்பப் பெற வேண்டும்.

இந்த இன்டர்வெல் ஃபண்டுகளுக்கும் ஃபிக்ஸட் மெச்சூரிட்டி ப்ளான்களுக்கும் (திவிறி) இடையே வருமானத்தில் பெரிய வித்தியாசம் இருக்காது. நடப்புக் கடன் சந்தையின் உத்தேச வருமானத்தைப் பொறுத்து இரு திட்டங்களின் வருமானமும் இருக்கும். இது ஆண்டுக்கு சுமார் 7 - 10% வரை இருக்கும்.

இன்டர்வெல் ஃபண்டுகள்... உங்களுக்கு ஏற்றதா?

எஃப்.எம்.பி.-ல் ஒரு வருடத்துக்குள் முடிவ டையும் ஃபண்டுக்கு குறுகிய கால மூலதன ஆதாய வரி கட்டாயமாகச் செலுத்த வேண்டும். முதலீட்டாளரின் வரி வரம்பைப் பொறுத்து வரித்தொகை நிர்ணயிக்கப்படும். இன்டர்வெல் ஃபண்டு திட்டங்களில் முதலீடு தானாக வேறு திட்டத்துக்கு மாறும் வசதி உள்ளதால் முதலீட்டை ஒரு வருடத்துக்கு மேல் தொடரும்பட்சத்தில் முதலீட்டு மீதான வருமானத்துக்கு குறுகிய கால மூலதன ஆதாய வரி கட்ட தேவையில்லை. அதேநேரத்தில், நீண்ட கால மூலதன ஆதாய வரி, பணவீக்க விகித சரிக்கட்டல் இல்லாமல், 10% அல்லது பணவீக்க சரிக்கட்டலுக்குப் பிறகு 20% கட்ட வேண்டும்.