Published:Updated:

எடக்கு மடக்கு - தாத்பரியம் தெரியாம தொழில் செஞ்சா..!

எடக்கு மடக்கு - தாத்பரியம் தெரியாம தொழில் செஞ்சா..!

எடக்கு மடக்கு - தாத்பரியம் தெரியாம தொழில் செஞ்சா..!

எடக்கு மடக்கு - தாத்பரியம் தெரியாம தொழில் செஞ்சா..!

Published:Updated:
##~##

ராத்திரி பத்து மணிக்கு ஊரில இருந்து  மொபைல் போனுல கூப்பிட்டாரு பெரியப்பா. 'பையன் ஷேர் புரோக்கிங் கம்பெனியில வேலை பார்த்துட்டு இருந்தான். இப்ப திடீர்னு வேலை போயிடுச்சு. அவனுக்கு ஏதாவது ஒரு வேலை வாங்கித் தரமுடியுமா?’ன்னு கேட்டாரு.  'கேட்டுப்பார்க்குறேன் பெரியப்பா. எதுக்கும் ஒரு பயோடேட்டாவை மெயில்ல அனுப்பச் சொல்லுங்க’ன்னு சொல்லிட்டு போனை வச்சுட்டேன்.

எனக்கு தெரிஞ்ச ஒருவர் பெரிய ஷேர் மார்க்கெட் புரோக்கர். அவரைப் பார்த்து ஏதாவது வேலைக்கு ஏற்பாடு செய்ய முடியுமான்னு கேக்கப்போனேங்க. போற வழியிலயே, 'கடந்த ஆறு மாதத்தில் பங்குச் சந்தையில் 40,000 பேர் வேலை இழப்பு’ங்கிற செய்தியைப் படிச்சுட்டு, அய்யோ, இது வேறயான்னு நெனைச்சுகிட்டே, அந்த புரோக்கர் ஆபீஸ்ல நுழைஞ்சேன்.  

ஒட்டுமொத்த விகடனுக்கும் ஒரே ஷார்ட்கட்!

''வாங்க ஏகாம்பரம், அத்தி பூத்த மாதிரி வந்திருக்கீங்க, என்ன விஷயம்?''ன்னு கேட்டார். ''என் பெரியப்பா பையன் ஒருத்தன் புரோக்கர் கம்பெனியில பெரிய பதவியில இருந்தான். அவனுக்கு திடீர்னு வேலைபோயிடுச்சு. ஏதாவது ஒரு வேலை தேடித் தந்தா நல்லா இருக்கும்''ன்னு சொல்லிட்டே, அவன் பயோடேட்டாவை நீட்டினேன்.

அதைப் படிச்சுட்டு, ''இவன் நிறைய படிச்சிருக்கானே. அப்புறம் எதுக்கு இந்தத் தொழிலுக்கு வந்தான்?''ன்னு கேட்டாரு. 'ஏன் இப்பிடி சொல்றீங்க?’ன்னு கேட்டேன்.  

''ஏகாம்பரம், முப்பது வருஷத்துக்கு முன்னால நான் இந்தத் தொழிலுக்கு வந்தப்ப முதலீட்டாளருங்க குறைவா இருந்தாங்க. புரோக்கர்கள் அதைவிட குறைவா இருந்தாங்க. பிசினஸ் அதுவா நடக்கும். புரோக்கர் ஒரு முதலீட்டாளரை வாடிக்கையாளரா எடுத்துகிட்டாலே பெரிய விஷயம். அதனாலே நல்ல காசு பார்க்க முடிஞ்சது.  

ஆனா, 1995-க்கு அப்புறம் நிலைமை தலைகீழா ஆயிடுச்சு. நிறைய  முதலீட்டாளர்கள் புதுசா சந்தைக்குள்ள வந்தாங்க. அதைவிட நிறைய புரோக்கர்கள் லைசென்ஸ் வாங்குனாங்க.  போட்டி ரொம்ப அதிகமாயிடுச்சு. எக்கச்சக்க கம்பெனிகள், ஏகப்பட்ட பிராஞ்சுகள்! அசுர வேகத்துல விரிவாக்க நிலைமைபோறப்ப வேலைக்குத் தேவையான ஆட்கள் கிடைக்கலை. முதல் ரவுண்டுல (1998-2000) படிச்சவன், பாமரன்னு 1995-க்கு முன்னாடி சந்தையில ஏதாவது ஒரு ரோலுல இருந்தாலும் போதும், சாஃப்ட்வேர் இன்ஜினீயர் ரேஞ்சுக்கு சம்பளம் தந்தாங்க. அப்புறம், இரண்டாவது ரவுண்டு 2000-2006. இந்த பீரியடுல அகில இந்திய ரீதியா கம்பெனிங்க விரிவாக்கம் செஞ்சாங்க. எம்.பி.ஏ. படிச்சவங்களை வேலைக்கு எடுத்து, 50 லட்சம் ரூபாய் வரை சம்பளம் தந்தாங்க. ஹாங்காங்கில பயிற்சி,   சிங்கப்பூர், மலேசியா டூர்னு ஒரே கோலாகலமா இருந்துச்சு.  

எடக்கு மடக்கு - தாத்பரியம் தெரியாம தொழில் செஞ்சா..!

ஆனா, அதுக்குப் பிறகுதான் பிரச்னையே. 2008-க்கு அப்புறம் இத்தொழில் கொஞ்சம் இறங்குமுகமாப்போக ஆரம்பிச்சுது. முதலீட்டாளர்கள் குறைய ஆரம்பிச்சாங்க. இறக்குன புரோக்கரேஜை ஏத்த முடியலை. சம்பளங்கள் குறைய ஆரம்பிச்சுது.  டார்கெட்ல பாதியைக்கூட முடிக்க முடியலை.

இந்தத் தொழில் வியாபார அளவை, அளவுக்கு அதிகமா அதிகரிச்சா மட்டுமே செயல்பட முடியும். ஏன்னா ப்ராஃபிட் மார்ஜினை அதிகப்படுத்த முடியவே முடியாது. குறைக்கத்தான் வாய்ப்பிருக்கு. அப்ப வால்யூமை டபுள், ட்ரிபிளுன்னு பண்ணுனாத்தானே நிலைச்சு நிக்க முடியும். அது புரோக்கருங்க கையில இல்லை. ப்ராஃபிட் மார்ஜினைக் கூட்ட முடியாம, வியாபார அளவையும் கூட்ட முடியாம தடுமாறினாங்க. என்னென்னவோ வித்தையெல்லாம் பண்ணிப் பார்த்தாங்க. முடியல! அதனாலதான் இப்ப கூட்டம் கூட்டமா வேலை போகுது'' என்றார்.

''சார், எனக்கொரு சந்தேகம்'' என்றேன். ''என்ன ஏகாம்பரம், கேளுங்க?'' என்றார்.

''இப்படி இவங்க தொழிலோட தாத்பரியம் தெரியாம அளவுக்கு அதிகமாக விரிவாக்கம் பண்ணி ஆளை வேலைக்கு எடுத்து கூட்டமா நிறுத்தி கூத்தடிகிறாங்களே, இவங்க எப்படி சார் முதலீட்டாளர்களுக்கு சரியான முதலீடுகளைச் செய்வது எப்படின்னு சொல்வாங்க?'' என்றேன். ''ஏகாம்பரம், ஏடாகூடமா பேச ஆரம்பிச்சுட்டீங்களா? உங்க பெரியப்பா பையனை வேற ஏதாவது தொழிலுக்கு மாத்தி விட்டுடுங்க''ன்னு சொல்லிட்டு, வேறு வேலையப் பார்க்க ஆரம்பிச்சார்.

கொஞ்சம் ஓவரா பேசிட்டோமோன்னு நினைச்சு மூடு அவுட் ஆனேன். பெரியப்பாவுக்கு ஏதாச்சும் பதில் சொல்லணுமே; என்ன பதில் சொல்றது, நீங்களே சொல்லுங்க!!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism