Published:Updated:

வருமானத்தை அதிகரிப்பது அவசியம்!

50 வயதில் ஓய்வு பெறுவது சாத்தியமா? ஆர்கானிக் ஆசையை நிறைவேற்ற முடியுமா?

வருமானத்தை அதிகரிப்பது அவசியம்!

50 வயதில் ஓய்வு பெறுவது சாத்தியமா? ஆர்கானிக் ஆசையை நிறைவேற்ற முடியுமா?

Published:Updated:
##~##

ராஜராமநாதனின் சம்பளம் ரூ.40,000. மனைவி ராஜேஸ்வரியின் சம்பளம் ரூ.12,000. முதலீட்டின் மூலம் கிடைக்கும் வருமானம் ரூ.2,000.

இவர்களுக்கு இரண்டு பெண் குழந்தைகள். மூத்தவள் நந்தினி 9-ம் வகுப்பும், இளையவள் சம்யுக்தா 7-ம் வகுப்பும் படிக்கிறார்கள். இவர்களுக்கான மாதச் செலவுகளை முதலில் பார்த்துவிடுவோம்.

ஒட்டுமொத்த விகடனுக்கும் ஒரே ஷார்ட்கட்!

செலவு: (

வருமானத்தை அதிகரிப்பது அவசியம்!

)

குடும்பத்துக்கான மாதச் செலவு - 16,800
சேமிப்பு: (

வருமானத்தை அதிகரிப்பது அவசியம்!

)
எஸ்ஐபி முதலீடு - 10,500
சீட்டு, ஆர்.டி., பி.பி.எஃப். - 13,500

கடன்கள்: (

வருமானத்தை அதிகரிப்பது அவசியம்!

)
கார் லோன் -   5,763
ஹோம் லோன் -   2,200
டிவி இஎம்ஐ -   2,000
தனிநபர் கடன் -   1,560

வருமானத்தை அதிகரிப்பது அவசியம்!



 

இன்ஷூரன்ஸ்: (

வருமானத்தை அதிகரிப்பது அவசியம்!

)

இன்ஷூரன்ஸ் -   3,689
மெடிக்ளைம்   - 500
மொத்த செலவு மற்றும் சேமிப்பு - 56,512
வருமானம்     - 54,000
பற்றாக்குறை     -   2,512

இவரது சொத்து மதிப்பு:  (

வருமானத்தை அதிகரிப்பது அவசியம்!

)

கோவையில் 1,000 சதுர அடி வீடு -   25 லட்சம்.
3 சென்ட் காலி மனை - 3 லட்சம்.
3 சென்ட் காலி மனை - 1.5 லட்சம்.
நகை மதிப்பு - 5 லட்சம்.

 எதிர்காலத் தேவைகள்!    

குழந்தைகளின் கல்வி மற்றும் திருமணம்

50 வயதில் ஓய்வு

இயற்கை விவசாயத் தோட்டம்

படிப்புக்கான முதலீடு!

அவரது இரண்டு குழந்தைகளுக்கும் பொறியியல் மற்றும் மருத்துவப் படிப்பில் நாட்டமில்லை. கலைப் படிப்பையே படிக்க விரும்புகிறார்கள். முதல் பெண் நந்தினியின் கல்லூரிப் படிப்புக்கு இன்னும் நான்கு வருடங்களில் ரூ.4 லட்சம் போதுமானது. நந்தினியின் கல்லூரிப் படிப்புக்காக இவர் முதலீடு செய்திருக்கும் மியூச்சுவல் ஃபண்டில் தற்போது சேர்ந்திருக்கும் தொகை ரூ.1.5 லட்சம். அது 15% கூட்டுவட்டியில் இன்னும் 4 வருட காலத்தில் ரூ.2.62 லட்சம்தான் வரும். அதனால், இவர் ஏற்கெனவே செய்துவரும் முதலீட்டுடன் எஸ்ஐபி முறையில் மாதம் ரூ.2,500-ஐ கூடுதலாகச் சேமித்து வந்தால், அது தனியாக ரூ.1.65 லட்சம் கிடைக்கும். இரண்டும் சேர்த்தால் நந்தினியின் படிப்புக்கான தேவையைப் பூர்த்திசெய்துவிட முடியும்.

வருமானத்தை அதிகரிப்பது அவசியம்!

இரண்டாவது மகள் சம்யுக்தாவின் படிப்புக்காக ரூ.6 லட்சம் போதும். அதற்கு ஏற்கெனவே செய்துவரும் எஸ்ஐபி முதலீட்டுடன் கூடுதலாக ரூ.5,000-ஐ ஆறு வருடம் சேமித்தால் தேவைப்படும் பணம் கிடைத்துவிடும்.

திருமணம்!

நந்தினிக்கு 23-வது வயதில் திருமணம் செய்துவைக்க வேண்டும் என நினைக்கிறார். அதற்கு இன்னும் 9 வருடம் இருக்கிறது. அவரின் தேவைப்படி ரூ.15 லட்சம் வேண்டும்.

இரண்டு காலி மனை தலா 3 சென்ட். தற்போதைய மதிப்பு ரூ.4.5 லட்சம். இன்னும் 9 வருடத்தில் 10% ஆண்டு கூட்டு வளர்ச்சியில் அதன் மதிப்பு ரூ.13 லட்சம் ரூபாயாக மாறிவிடும். மேலும், 4 ஆண்டுகளுக்குப் பிறகு படிப்புக்காகச் சேமிக்கும் தொகையை இதற்காக மாற்றிவிட்டால், அதில் ரூ.2.25 லட்சம் கிடைக்கும். ஆக, மொத்தமாக ரூ.15.25 லட்சம் கிடைத்துவிடும்.

இவருடைய மூன்று கடன்கள் இன்னும் 10 மாதத்தில் முடிகிறது. அவற்றின்மூலம் மிச்சமாகும் தொகை ரூ.7,500. அந்தப் பணத்தை சம்யுக்தாவின் திருமணத்துக்காகச் சேமித்தால், அவளுடைய 23 வயதில் ரூ.20 லட்சம் கிடைத்துவிடும்.

50 வயதில் ஓய்வு!

இன்னும் 10 ஆண்டுகளில் ஓய்வுபெற விரும்புகிறார் இவர். ஆனால், அது சாத்தியமில்லை. குறைந்தது 55 வயது (15 வருடம்) வரை வேலைக்குச் செல்லவேண்டும். இன்றைய மாதாந்திர செலவில் குழந்தைகளின் கல்விக்கான பணத்தைக் கழித்துவிட்டால் அவர்களுக்கு மாதம் ரூ.14 ஆயிரம் தேவை. இன்னும் 15 வருடத்தில் (8% பணவீக்கத்தில்) அவருடைய மாத செலவு ரூ.45,000 ஆகிவிடும். இன்று, இந்தியாவில் சராசரி ஆயுட்காலம் 70-80 வயது என எடுத்துக்கொண்டால், ஓய்வுக்குப் பிறகு வாழக்கூடிய 25 வருடம் அவருக்கு பணம் தேவை. அதற்கு அவர் இன்னும் 15 வருடத்தில் ரூ.1.28 கோடி சேர்க்க வேண்டும். அந்தப் பணம், பணவீக்கத்தைத் தாண்டி 1% மேலே வட்டி தரவேண்டும். அப்படி தந்தால்தான் அவரால் ஓய்வுக்காலத்தை நிம்மதியாக செலவிட முடியும்.

தற்போது இவர் இரண்டு சீட்டுகளில் தலா ரூ.5,000 சேமிக்கிறார். இந்த இரண்டு சீட்டையும் கூடிய விரைவில் நிறுத்தினால், பட்ஜெட்டில் துண்டுவிழும் ரூ2,000-ஐ  சரிக்கட்ட முடியும். அதோடு, மீதமுள்ள ரூ.8,000-ஐ ஓய்வுக்காக சேமிக்க வேண்டும். அவற்றுடன் கிடைக்கக்கூடிய பி.எஃப். பணத்தைச் சேர்த்தால், 1.28 கோடி ரூபாயை அடைந்துவிட முடியும்.

ஆர்கானிக் தோட்டம்!

இவரது இன்றைய வருமானத்தைவைத்து, இயற்கை விவசாயத் தோட்டம் அமைக்க வழியில்லை. வருமானம் உயரும்போது இந்த ஆசையை நிஜமாக்கும் முயற்சியில் இறங்கலாம்!

ஹெல்த் செக்-அப் ரிப்போர்ட்!

வருமானத்தை அதிகரிப்பது அவசியம்!

1. எஸ்ஐபி முறையில் ஏறக்குறைய 10 திட்டங் களில் அவர் ரூ.10,500 சேமிக்கிறார். இதை 4, 5  திட்டங்களில் சேமித்தால் போதும்.

2. ஆறு லைஃப் இன்ஷூரன்ஸ் பாலிசிகளை எடுத்திருக்கிறார். இதன்மூலம் கிடைக்கும் ரிஸ்க் கவரேஜ் வெறும் 7 லட்சம்தான். ஆனால், கட்டும் ப்ரீமியமோ ஆண்டுக்கு ரூ45,000. தற்போது எடுத்துள்ள ஜீவன் சாரல் பாலிசியை மூன்று ஆண்டுகளுக்குப்பின் சரண்டர் செய்தால் 80 சதவிகிதம் வரை கிடைக்கும். அந்த பாலிசிக்கு பதிலாக ஒரு டேர்ம் இன்ஷூரன்ஸ் 75 லட்சத்துக்கு எடுத்துக்கொள்ளலாம்.

3. சீட்டில் மாதம் ரூ.10,000 கட்டுகிறார். அவசரத் தேவைக்கு  எமர்ஜென்சி ஃபண்டில் ரூ.50,000 வைத்துள்ளார். இது, மிகக் குறைவு. குறைந்தது ரூ.1.50 லட்சமாவது இருக்க வேண்டும்.  

4. மெடிக்ளைம் ரூ.2 லட்சம்தான் உள்ளது. இது போதாது; ரூ.5 லட்சம் ரூபாயாவது கட்டாயம் இருக்க வேண்டும்.

ஃபைனான்ஷியல் ஹெல்த் செக்-அப் ரேட்டிங்!  

செலவுகளை கட்டுப்பாட்டுக்குள் வைத்திருத்தல், சரியான இன்ஷூரன்ஸ் பாலிசி எடுத்தல், முதலீடு எல்லாவகையிலும் செய்தல், அடையக்கூடிய இலக்குகள், தற்போதுள்ள முதலீட்டுக் குணங்கள் - அதன் செயல்பாடு, ரெகுலராக முதலீடு செய்யும் பண்பு, முதலியவற்றைவைத்து அவருக்கு 50% மார்க் தரலாம்.

தொகுப்பு: செ.கார்த்திகேயன்,
படங்கள்:  ர.சதானந்த்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism