Published:Updated:

மனைவி பெயரில் வீட்டுக் கடன்: கணவன் கட்டினால் வரிச் சலுகை கிடைக்குமா?

மெடிக்ளைம் பாலிசிகளை சரியான நேரத்தில் புதுப்பிப்பது அவசியம்! 18 முதல் 50 வயதுள்ளவர்கள் க்ரிட்டிக்கல் இல்னஸ் பாலிசி எடுக்கலாம்!

மனைவி பெயரில் வீட்டுக் கடன்: கணவன் கட்டினால் வரிச் சலுகை கிடைக்குமா?

மெடிக்ளைம் பாலிசிகளை சரியான நேரத்தில் புதுப்பிப்பது அவசியம்! 18 முதல் 50 வயதுள்ளவர்கள் க்ரிட்டிக்கல் இல்னஸ் பாலிசி எடுக்கலாம்!

Published:Updated:
##~##

 1 எனது மனைவியின் பெயரில் இருக்கும் வீட்டுக் கடனுக்கு நான் இஎம்ஐ செலுத்தி வருகிறேன். இந்தத் தொகைக்கு நான் வரிவிலக்கு பெற முடியுமா?

வினோத், சென்னை. எஸ்.கிருஷ்ணன், ஆடிட்டர்.

ஒட்டுமொத்த விகடனுக்கும் ஒரே ஷார்ட்கட்!

''வீட்டுக் கடன் உங்கள் மனைவியின் பெயரில் இருப்பதால், நீங்கள் அதற்கு இஎம்ஐ செலுத்தினாலும் அந்தத் தொகைக்கு நீங்கள் வரிவிலக்கு பெற முடியாது.''

2 கடந்த ஐந்து வருடமாக ஹெல்த் இன்ஷூரன்ஸ் பாலிசி வைத்திருக் கிறேன். இதில் என்னுடைய மனைவி, இரண்டு குழந்தைகள், 70 வயதான ஆன என் பெற்றோரும் உண்டு. கடந்த வருடம் ப்ரீமியம் செலுத்தத் தவறிவிட்டேன். இப்போது ப்ரீமியம் செலுத்த சென்றபோது மருத்துவப் பரிசோதனை செய்யுமாறு சொல்கிறார்கள். இந்த பாலிசியை அப்படியே தொடர வாய்ப்பு உள்ளதா?

தினேஷ் குமார், ஈரோடு, வி.ஆர்.ரவிக்குமார், துணை மேலாளர், யுனைடெட் இந்தியா இன்ஷூரன்ஸ்.

''மெடிக்ளைம் பாலிசி அனைத்தும் சரியான நேரத்தில் புதுப்பிப்பது அவசியம். கெடு தேதி முடிந்த 30 நாட்களுக்குள் ப்ரீமியம் செலுத்த வேண்டும். இந்தக் காலத்திலும் ப்ரீமியம் செலுத்தவில்லை யெனில் பாலிசி ரத்தாகிவிடும். அதன்பிறகு புதிய பாலிசிதான் எடுக்கவேண்டும்.

புதிய பாலிசி எடுக்கும்போது மருத்துவ பரிசோதனை இருக்கும். ப்ரீமியமும் அதிகரிக்கும். நீங்கள் இரண்டு மாதம் கழித்து ப்ரீமியம் செலுத்துவதால், அத்துடன் 45 வயதுக்கு மேற்பட்டவர்கள் பாலிசியில் இருப்பதாலும் கட்டாயம் மருத்துவ பரிசோதனைகள் செய்துதான் புதிய பாலிசி எடுக்க முடியும்.''

மனைவி பெயரில் வீட்டுக் கடன்: கணவன் கட்டினால் வரிச் சலுகை கிடைக்குமா?

3 எனக்கு 30 வயதாகிறது. க்ரிட்டிக்கல் இன்ஷூரன்ஸ் பாலிசி எடுக்க முடியுமா, அந்த பாலிசியில் என்னோடு சேர்த்து யார் யாருக்கு க்ளைம் கிடைக்கும்?

வைத்தியநாதன், துறையூர். ப.பாகுபலி,  மேலாளர், நேஷனல் இன்ஷூரன்ஸ் கம்பெனி, சென்னை.

''க்ரிட்டிக்கல் இன்ஷூரன்ஸ் பாலிசி என்பது தனிநபருக்கு மட்டும்தான் எடுக்க முடியும். 18 முதல் 50 வயதுவரை யார் வேண்டுமானாலும் இந்த பாலிசியை எடுக்க முடியும்.

பாலிசி எடுப்பவர் தங்களின் ஆண்டு வருமானத்தைபோல் ஐந்து மடங்கு தொகைக்கு கவரேஜ் எடுத்துக்கொள்ளலாம். பாலிசி எடுப்பவர் மட்டும்தான் க்ளைம் பெற முடியும். ஹெல்த் இன்ஷூரன்ஸ் பாலிசிபோல் இதில் ஃப்ளோட்டர் பாலிசி  கிடையாது.''

4 மியூச்சுவல் ஃபண்டில் மாதம் 3,000 ரூபாய் வீதம் முதலீடு செய்யலாம் என நினைக்கிறேன். அடுத்த இரண்டு, மூன்று ஆண்டுகளில் இந்தத் தொகை எனக்கு தேவைப்படும். நான் எந்தவகையான ஃபண்டுகளில் முதலீடு செய்வது?

மனோகரன், மதுரை. டி.ராஜன், இயக்குநர், ஹோலிஸ்டிக் இன்வெஸ்ட்மென்ட் ப்ளானர்ஸ்.

மனைவி பெயரில் வீட்டுக் கடன்: கணவன் கட்டினால் வரிச் சலுகை கிடைக்குமா?

''அடுத்த இரண்டு அல்லது மூன்று ஆண்டுகளில் பணம் தேவைப்படுவதால் நீங்கள் பங்குச் சந்தை சார்ந்த முதலீட்டு திட்டங்களைத் தவிர்ப்பது நல்லது. எனவே, நீங்கள் கடன் சார்ந்த மியூச்சுவல் ஃபண்டுகளில் முதலீடு செய்யலாம்.

டெம்பிள்டன் இந்தியா அல்ட்ரா ஷார்ட் பாண்டு ஃபண்டு - சூப்பர் இன்ஸ்டிட்யூஷனல்  ப்ளான் குரோத் ஆப்ஷன், ரிலையன்ஸ் மணி மேனேஜர் ஃபண்டு ஆகியவற்றில் முதலீடு செய்யலாம். இந்த ஃபண்டில் 8 - 9 சதவிகிதம் வரை வருமானம் கிடைக்க வாய்ப்புண்டு. இந்த ஃபண்டிலிருந்து எப்போது வேண்டுமானாலும் வெளியேறலாம். வெளியேறும் கட்டணம் கிடையாது.''

மனைவி பெயரில் வீட்டுக் கடன்: கணவன் கட்டினால் வரிச் சலுகை கிடைக்குமா?

5 நான் டேர்ம் இன்ஷூரன்ஸ் பாலிசி எடுத்து, அதில் இரண்டு நாமினிகளை நியமித்திருந்தேன். அதில் ஒரு நாமினி இறந்துவிட்டார். அதை இன்ஷூரன்ஸ் நிறுவனத்துக்கு தெரிவிக்கவேண்டுமா?

முத்துகிருஷ்ணன், காஞ்சிபுரம். வி.விஜயராகவன், பிராந்திய மேலாளர், வாடிக்கையாளர் சேவை பிரிவு, எல்.ஐ.சி.

''எந்தவகையான இன்ஷூரன்ஸ் பாலிசியாக இருந்தாலும், நாமினி இறந்துவிட்டால் அதைக் கட்டாயம் இன்ஷூரன்ஸ் நிறுவனத்துக்கு தெரிவிப்பது அவசியம். இல்லை யெனில் பாலிசியில் க்ளைம் செய்யும் போது சிக்கல் வரும்.

அதாவது, க்ளைம் சமயத்தில் இறந்துபோன நாமினியின் இறப்பு சான்றிதழை சமர்ப்பிக்க வேண்டியிருக்கும். இதனால் க்ளைம் வாங்குவதில் தாமதம் ஏற்படும். எனவே, இப்போதே இன்ஷூரன்ஸ் நிறுவனத்துக்கு அதைத் தெரிவித்து அந்த நாமினியை ரத்து செய்வது நல்லது.''

மனைவி பெயரில் வீட்டுக் கடன்: கணவன் கட்டினால் வரிச் சலுகை கிடைக்குமா?

6 எனக்கு 29 வயது ஆகிறது. நான் அக்ரஸிவ் ஈக்விட்டி ஃபண்டுகளில் முதலீடு செய்யலாம் என நினைக்கிறேன். இந்தவகை ஃபண்டுகளின் கடந்த காலம் எப்படி இருந்தது, இனி எப்படி இருக்கும் என்பதை விளக்க முடியுமா?

  வாசுதேவன், சிதம்பரம். அபுபக்கர், நிதி ஆலோசகர்

''சமீபகாலமாக சந்தை நல்ல ஏற்றத்தில் உள்ளதால் எல்லா ஃபண்டு களும் நல்ல வருமானம் தந்துள்ளன. இப்போது அக்ரஸிவ் ஃபண்டுகளில் முதலீடு செய்ய இது நல்ல நேரம்தான்.எஸ்பிஐ எமர்ஜிங் பிசினஸ் ஃபண்டு, ஐடிஎஃப்சி ஸ்டெர்லிங்  ஈக்விட்டி ஃபண்டுகளில் முதலீடு செய்யலாம். இதில் 3 - 5 வருடம் வரை முதலீட்டை அப்படியே தொடரலாம்.''

படங்கள்: தே.தீட்ஷித்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism