Published:Updated:

பணம் கட்டாத பிபிஎஃப் கணக்கு: மீண்டும் - தொடர முடியுமா ?

பணம் கட்டாத பிபிஎஃப் கணக்கு: மீண்டும் - தொடர முடியுமா ?

பணம் கட்டாத பிபிஎஃப் கணக்கு: மீண்டும் - தொடர முடியுமா ?

பணம் கட்டாத பிபிஎஃப் கணக்கு: மீண்டும் - தொடர முடியுமா ?

Published:Updated:
##~##

?பிபிஎஃப் கணக்குத் துவங்கி ஐந்து ஆண்டுகளுக்குப் பிறகு எந்தவிதமான பணமும் செலுத்தாமல், அதன்பிறகு நான்கு வருடம் கழித்து அந்தக் கணக்கில் மீண்டும் பணம் செலுத்த முடியுமா?

ஆதவன், காஞ்சிபுரம். ஜெயகுமார், நிதி ஆலோசகர்.

ஒட்டுமொத்த விகடனுக்கும் ஒரே ஷார்ட்கட்!

''பிபிஎஃப் கணக்கைப் பொறுத்தவரை, ஓர் ஆண்டில் குறைந்தபட்சம் 500 ரூபாய் முதலீடு செய்வது கட்டாயம். எனவே, நீங்கள் முதலீடு செய்யாமல் இருந்த ஒவ்வொரு ஆண்டுக்கும் குறைந்தபட்சம் 500 ரூபாய் முதலீடு செய்யவேண்டும். முதலீட்டை நிறுத்தியதற்கு அபராதம் உண்டு. இந்த அபராதம் ஒவ்வொரு ஆண்டுக்கும் 50 ரூபாய் ஆகும். இதை மொத்தமாகச் செலுத்தி, நீங்கள் கணக்கைப் புதுப்பிக்கலாம்.''

?தனியார் வங்கி ஒன்றில் கிரெடிட் கார்டு வாங்கினேன்.  அதில் என் அனுமதி இல்லாமல் ஹெல்த் இன்ஷூரன்ஸ் பாலிசி எடுத்து அதற்கான பிரீமியத்தைச் செலுத்துமாறு என்னை வற்புறுத்தினார்கள். நான் கட்டமுடியாது என்றபிறகு அதை கேன்சல் செய்தார்கள். ஆனால், ஆறு மாதம் கழித்து மீண்டும் பணத்தைக் கட்டச் சொல்லி எனக்கு வக்கீல் நோட்டீஸ் அனுப்பி இருக்கிறார்கள். சம்பந்தப்பட்ட தனியார் வங்கி மீது நான் ஏதாவது நடவடிக்கை எடுக்க முடியுமா?

 வீரை சாகுல், எஸ்.கோபால கிருஷ்ணன், முதன்மை ஆலோசகர், திஷா நிதி ஆலோசனை மையம்.

பணம் கட்டாத பிபிஎஃப் கணக்கு: மீண்டும் - தொடர முடியுமா ?

''கிரெடிட் கார்டு நிறுவனங்கள் கார்டு வழங்குவதற்கு முன் இன்ஷூரன்ஸ் பாலிசி தேவையா எனத் தொலைபேசி மூலமாகத் தொடர்புகொள்வார்கள். இதற்கு நீங்கள் சரி எனச் சொன்னால் மட்டும்தான் உங்கள் பெயரில் பாலிசி எடுத்து அதற்கான பிரீமியத்தை கார்டு பில்லில் சேர்ப்பார்கள். நீங்கள் வேண்டாம் என்று சொல்லியும் உங்கள் பெயரில் பாலிசி எடுக்கப்பட்டிருந்தால், பாலிசிப்பத்திரம் கிடைத்த 15 நாட்களுக்குள் இன்ஷூரன்ஸ் நிறுவனத்துக்குத் தெரிவித்து, பாலிசிப் பத்திரத்தைத் திருப்பி அனுப்பி ரத்துச் செய்யலாம்.

பாலிசியை உடனடியாக ரத்துச் செய்திருந்தால் நீங்கள் பிரீமியமாகச் செலுத்திய தொகையில் மருத்துவ ஆலோசகருக்கு தந்த செலவுபோக மீதித் தொகை உங்கள் கிரெடிட் கார்டு கணக்கில் வரவுவைக்கப்பட்டிருக்கும். இல்லையெனில், அந்தப் பணம் ஒரு வருடக்காலத்துக்கான பிரீமியமாக எடுத்துக்கொள்ளப்படும். உங்களுக்கு எடுத்த பாலிசியானது ஒரு வருடகாலத்துக்கானதுதான். ஆதலால் கிரெடிட் கார்டு மூலமாகச் செலுத்திய தொகையை வங்கி கேட்கத்தான் செய்யும். நீங்கள் வங்கியின் மீது எந்தவிதமான நடவடிக்கையும் எடுக்க இயலாது.''

?ஆர்டி-யிலிருந்து எடுக்கும் பணத்துக்கு வரிச் செலுத்த வேண்டுமா?

 ஸ்ரீகாந்த், ஆடிட்டர்

''ஆர்டி மூலமாகக் கிடைக்கும் வட்டித் தொகைக்கு வரிச் செலுத்த வேண்டியிருக்கும். நீங்கள் எந்த வருமான வரம்பில் இருக்கிறீர்களோ, அதற்கேற்ப  வரிச் செலுத்தவேண்டியிருக்கும்.''

பணம் கட்டாத பிபிஎஃப் கணக்கு: மீண்டும் - தொடர முடியுமா ?

?என் அண்ணன் வெளிநாட்டில் வாழ்ந்து வருகிறார். அவருக்கு இந்தியாவில் எந்தவிதமான நிதி ஆவணங்களும் இல்லை. இந்தச் சூழ்நிலையில் இந்திய பங்குச் சந்தையில் அவர் முதலீடு செய்ய முடியுமா?

ராஜேஷ், திருச்சி. பி.சங்கர், ஷேர் புரோக்கர்.

''வெளிநாட்டில் வாழும் உங்கள் அண்ணன் இந்தியாவில் எந்தவிதமான நிதி ஆவணமும் இல்லாமல் முதலீடு செய்ய முடியாது. இந்தியச் சந்தையில் முதலீடு செய்ய பான் கார்டு, பாஸ்போர்ட் நகல், வெளிநாட்டு முகவரிக்கான சான்று மற்றும் இந்தியாவில் வங்கிக் கணக்கு வைத்திருப்பது அவசியம்.''

?வீட்டிலே சிறிய அளவில் பிசினஸ் செய்துவருகிறேன். பிசினஸையும், வீட்டையும் கவர் செய்யும் வகையில் ஏதாவது இன்ஷூரன்ஸ் பாலிசி உள்ளதா?

பெருமாள், கோவை. கிருஷ்ணதாசன், துணைத் தலைவர், இந்தியா நிவேஷ்.

பணம் கட்டாத பிபிஎஃப் கணக்கு: மீண்டும் - தொடர முடியுமா ?

''ஹோம் இன்ஷூரன்ஸில் வீட்டில் உள்ள பொருட்களுக்கு கவரேஜ் பெறமுடியும். பொதுவாக, ஹோம் இன்ஷூரன்ஸில் தீ விபத்து, கொள்ளை மற்றும் திருட்டு, பொருட்கள் காணாமல்போவது, விபத்து ஆகியவற்றை கவர் செய்யும் வகையில் இன்ஷூரன்ஸ் பாலிசிகள் கிடைக்கின்றன. பணம் மற்றும் ஃபர்னிச்சர் வைத்து பிசினஸ் செய்தால் அந்தப் பொருட்களை ஹோம் இன்ஷூரன்ஸ் பாலிசியிலே சேர்த்து எடுத்துக்கொள்ளலாம்.  மற்றபடி பிசினஸுக்குத் தனியாகத்தான் பாலிசி எடுக்கவேண்டும். வீட்டில் அதிக அளவில் பணமிருந்தால் அதற்கான காரணத்தை இன்ஷூரன்ஸ் நிறுவனத்திடம் தெரிவிக்கவேண்டும்.

மூலப் பொருட்களை  வீட்டில் இருப்புவைத்து பிசினஸ் செய்யும்போது கொள்ளை மற்றும் திருட்டுக்கான கவரேஜை சேர்த்துக்கொள்ள வேண்டும். விலை மதிப்புள்ள பொருட்கள் மற்றும் பணத்தை அதற்கான பெட்டியில் வைக்கவேண்டும். அலமாரியில் வைத்து திருடு போனால் கிளைம் கிடைக்காது.

பணத்தை அடிக்கடி வெளியே எடுத்துச் செல்பவர்கள் மணி இன் டிரன்ஸிட் (விஷீஸீமீஹ் வீஸீ ஜிக்ஷீணீஸீsவீt) பாலிசி எடுத்துக்கொள்ளலாம். பாலிசியில் பணத்தைப் பரிமாற்றம் செய்யும் நபரின் பெயரையும் தெரிவித்திருக்க வேண்டும்.''

பணம் கட்டாத பிபிஎஃப் கணக்கு: மீண்டும் - தொடர முடியுமா ?

?புதிதாக வீடு வாங்கத் திட்டமிட்டுள்ளேன். வீட்டின் மதிப்பு 20 லட்சம் ரூபாய். கையில் 6 லட்சம் ரூபாய் உள்ளது. 15 லட்சம் ரூபாய் ஃபிக்ஸட் டெபாசிட்டில் உள்ளது. இந்தப் பணத்தைப் பயன்படுத்தி வீடு வாங்கலாமா அல்லது வீட்டுக் கடன் வாங்கலாமா? எது சிறந்ததாக இருக்கும்?

கிஷோர், சென்னை. ரவிக்குமார், நிதி ஆலோசகர்.

''புதிதாக வீடு வாங்க வீட்டுக் கடன் வாங்குவதே சிறந்ததாக இருக்கும். ஏனெனில் வீட்டுக் கடன் வாங்கி, அதைத் திரும்பச் செலுத்தும்போது அசல் மற்றும் வட்டிக்கு வரிச் சலுகைப் பெறமுடியும். அடுத்து, இஎம்ஐ-ஆகச் செலுத்தும்போது கடன் சுமை என்பது தெரியாது.

வீட்டுக் கடனுக்கான வட்டி விகிதம் மிகக் குறைவாக இருக்கும். கையில் இருக்கும் 6 லட்சம் ரூபாயை வீட்டுக் கடன் வாங்குவதற்கு முன்பணமாக வைத்துக்கொள்ளுங்கள். ஃபிக்ஸட் டெபாசிட்டில் இருக்கும் தொகையை அவசரத் தேவை ஏற்படும்போது பயன்படுத்திக்கொள்வதற்காக வைத்துக்கொள்ளுங்கள். இவ்வளவு தொகையை மீண்டும் சேமிப்பது என்பது சற்று கடினமாக இருக்கும். எனவே, அதைப் பாதுகாப்பது முக்கியம்.''

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism