Published:Updated:

வீட்டுக் கடன்... வங்கி மாற முடியுமா?

வீட்டுக் கடன்... வங்கி மாற முடியுமா?

வீட்டுக் கடன்... வங்கி மாற முடியுமா?

வீட்டுக் கடன்... வங்கி மாற முடியுமா?

Published:Updated:

கேள்வி - பதில்

##~##

?தனியார் வங்கியில் ரூ.10 லட்சம் வீட்டுக் கடனை 10.75% வட்டியில் 20 வருடத்துக்கு  வாங்கியுள்ளேன். இஎம்ஐ-யாக மாதம் ரூ.10,800 கடந்த 18 மாதங்களாகச் செலுத்தி வருகிறேன். இதைவிடக் குறைவான வட்டி விகிதத்திaல் சில வங்கிகளில் வீட்டுக் கடன் கிடைக்கிறது. கடனை வேறு வங்கிக்கு மாற்றிக்கொள்ளலாமா?

ஒட்டுமொத்த விகடனுக்கும் ஒரே ஷார்ட்கட்!

சிவகாமி, திருச்சி. ஏ.கஜேந்திரன், சொத்து ஆலோசகர்.

''வீட்டுக் கடனுக்கான வட்டி விகிதம் என்பது வங்கிக்கு வங்கி வித்தியாசப்படும். மேலும், 18 மாதங்கள் மட்டும்தான் இஎம்ஐ செலுத்தியுள்ளதாகத் தெரிவித்துள்ளீர்கள். இதில் அதிகபட்சம் அசல் தொகையில் 50 ஆயிரம் ரூபாய் மட்டும்தான் அடைத் திருப்பீர்கள். மீதமுள்ள தொகையை நீங்கள் தாராளமாக வேறு வங்கிக்கு மாற்றிக்கொள்ளலாம். இதில் முக்கியமாக கவனிக்கவேண்டியது, வட்டி விகிதம் எப்படி உள்ளது என்பதுதான்.

அதாவது, நீங்கள் மாறுபடும் வட்டி விகிதத்தில் கடன் வாங்கியிருந்தால் கடனை வேறு வங்கிக்கு மாற்றிக் கொள்ளலாம். அதேசமயம், நிலையான வட்டி விகிதம் எனில் கடனை முன்கூட்டியே அடைப்பதற்கு அபராத கட்டணம் கட்டவேண்டியிருக்கும். அதேபோல, வேறு வங்கிக்கு வீட்டுக் கடனை மாற்றும்போது செயல்பாட்டுக் கட்டணம், வீட்டை மதிப்பீடு செய்வதற்குக் கட்டணம், பத்திரப்பதிவு எனப் பல செலவுகள் இருக்கும். இதையெல்லாம் கவனத்தில்கொள்வது முக்கியம். இந்தச் செலவுத் தொகையைப் பார்க்கும்போது வட்டி விகிதம் குறைவாக இருந்தால் நீண்டகாலத்தில் லாபமாக இருக்கும்.'

வீட்டுக் கடன்... வங்கி மாற முடியுமா?

?ஹெச்டிஎஃப்சி டாப் 200 ஃபண்டில் கடந்த மூன்று வருடமாக மாதம் 2 ஆயிரம் ரூபாய் முதலீடு செய்து வருகிறேன். இன்னும் 5 வருடத்துக்குப் பிறகுதான் இந்தத் தொகை எனக்குத் தேவைப்படும். அதுவரை தொடர்ந்து இந்த ஃபண்டிலே முதலீடு செய்யலாமா அல்லது வேறு ஃபண்டில் முதலீடு செய்யலாமா?

கோபால், கோவை. ஏ.பி.வாசுதேவன், நிதி ஆலோசகர்.

''ஹெச்டிஎஃப்சி டாப் 200 ஃபண்டு கடந்த ஐந்து வருடமாக எதிர்பார்த்த வருமானத்தைத் தரவில்லை. இதற்குக் காரணம், அந்த ஃபண்டின் போர்ட்ஃபோலியோவில் பொதுத்துறை வங்கிகளின் பங்குகள் இடம் பெற்றிருப்பதே. இந்தப் பங்குகள் எதிர்பார்த்த வருமானத்தைத் தரவில்லை. ஆனால், தற்போது அந்த ஃபண்டின் போர்ட்ஃபோலியோவை முற்றிலுமாக மாற்றியமைத்திருக்கிறார்கள். இதன் விளைவாக இனிவரும் காலங்களில் இந்த ஃபண்டு நல்ல வருமானம் தருவதற்கான வாய்ப்புள்ளது. மேலும், எஸ்ஐபி முறைதான் முதலீட்டுக்கு சிறந்த வழியாக இருக்கும். இப்படி முதலீடு செய்யும்போது சராசரியாக அதிக யூனிட்கள் கிடைக்க வாய்ப்புள்ளது. அந்தவகையில் உங்கள் எஸ்ஐபி-யைத் தொடரலாம்.''

வீட்டுக் கடன்... வங்கி மாற முடியுமா?

?டேர்ம் இன்ஷூரன்ஸ் பாலிசிக்கான பிரீமியத்தை மாதாமாதம் செலுத்த முடியுமா?

கர்ணன், சத்தியமங்கலம். பலராமன், இன்ஷூரன்ஸ் ஆலோசகர்.

''ஆன்லைன் தவிர்த்து நேரடியாக எடுக்கும் டேர்ம் இன்ஷூரன்ஸ் திட்டத்தில் மாதாமாதம் பிரீமியம் செலுத்த முடியும். இப்படி மாதந்தோறும் பிரீமியம் செலுத்தும்போது கூடுதல் பிரீமியம் செலுத்தவேண்டியிருக்கும். நெட்பேங்கிங், இசிஎஸ் மூலமாகவும் பிரீமியம் செலுத்தலாம். ஆன்லைனில் இந்த வசதி இல்லை.''  

?மாதம் 18 ஆயிரம் சம்பளம் வாங்கும் நான் இந்த வருடம் திருமணம் செய்யத் திட்டமிட்டிருக்கிறேன். என்னால் மாதமொன்றுக்கு 3,000 ரூபாய் வரை சேமிக்க முடியும். என் ஒய்வுக் காலம் மற்றும் குழந்தைகளின் தேவைகளை நிறைவேற்றும் வகையிலான முதலீட்டுத் திட்டங்களைச் சொல்லவும்.  

வீரமணி, வேளச்சேரி. எம்.வெங்கடேஸ்வரன், நிதி ஆலோகர்.

''உங்கள் முதலீட்டை ஈக்விட்டி மற்றும் கடன் சார்ந்த திட்டங்களில் சமமாகப் பிரித்து முதலீடு செய்வது நல்லது. அதாவது, தேசிய ஓய்வூதியத் திட்டத்தில் மாதம் 1,000 ரூபாய் முதலீடு செய்யலாம். இதில் நிர்வாகக் கட்டணம் என்பது குறைவாக இருக்கும். பணத்தை 60 வயதுக்குப் பிறகுதான் எடுக்க முடியும். இந்த முதலீட்டை ஓய்வுக்காலத் தேவைகளுக்குப் பயன்படுத்திக் கொள்ளலாம்.

தேசிய சேமிப்புப் பத்திரம் (10 வருடம்) திட்டத்தில் மாதம் 1,000 ரூபாய் முதலீடுச் செய்யலாம். இதற்கு 8.85 சதவிகிதம் வட்டிக் கிடைக்கும். இந்த வருமானம் குறைவதற்கு வாய்ப்பு இல்லை. இந்தத் திட்டத்திலும் பத்து வருடம் கழித்துதான் முதலீட்டை வெளியே எடுக்க முடியும். இந்தக் காலகட்டத்தில் பணம் தேவைப்பட்டாலும் கடன் வாங்கிக்கொள்ளலாம்.

வீட்டுக் கடன்... வங்கி மாற முடியுமா?

டைவர்சிஃபைட் ஈக்விட்டி மியூச்சுவல் ஃபண்டுகளில் மாதம் 1,000 ரூபாய் முதலீடு செய்யலாம். நீண்டகாலத்தில் ஈக்விட்டி சார்ந்த திட்டங்கள் 15 சத விகிதத்துக்குமேல் வருமானத்தைத் தந்துள்ளன. ஐடிஎஃப்சி ஸ்டெர்லிங் ஈக்விட்டி ஃபண்டு, ஆக்ஸிஸ் மிட் கேப் ஃபண்டு, ஃப்ராங்க்ளின் இந்தியா ஸ்மாலர் கம்பெனி ஃபண்டு ஆகிய ஃபண்டுகளில் முதலீடு செய்யலாம்.''

?நானும், என் மனைவியும் சேர்ந்து 15 லட்சம் ரூபாய் வீட்டுக் கடன் வாங்கினோம். வீடு கட்ட இந்தத்

வீட்டுக் கடன்... வங்கி மாற முடியுமா?

தொகை சற்று குறைவாக இருந்ததால், அதே நிறுவனத்திடம் கூடுதலாக இன்னுமொரு 4 லட்சம் ரூபாய் வீட்டுக் கடனை வாங்கினேன். இந்த இரண்டு கடனும் தனித்தனிக் கடன்களான உள்ளது. இந்தத் தொகைக்கு எப்படி வரிவிலக்குப் பெறுவது?

சிவசுப்ரமணியம்,வேலூர். வி.பி.மணவாளன், ஆடிட்டர்.

''கணவன், மனைவி இருவரின் பெயரிலும் வீடு இருப்பதால் கடனுக்கு இருவருமே வரிச் சலுகைப் பெற முடியும். இரண்டுமே வீட்டுக் கடனாக எடுத்துக்கொள்வதில் சிக்கல் இல்லை. வட்டித் தொகைக்கு வருமான வரிப் பிரிவு 24-ல் கீழ் இருவரும் ஓராண்டில் தலா 1,50,000 ரூபாய் சலுகைப் பெறலாம். அதேபோல திரும்பச் செலுத்தும் அசல் தொகையிலும் கணவன், மனைவி இருவரும் சமமாகப் பிரித்து வருமான வரிப் பிரிவு 80சி-யின் கீழ் வரிச் சலுகை பெறலாம். இரண்டு கணக்குக்கும் சேர்த்து வட்டி, அசல் செலுத்தியதுக்கான ஆதாரங்களைப் பெறுவது அவசியம்.''

?எனக்கு 5 வயதில் பெண் குழந்தையும், 3 வயதில் ஆண் குழந்தையும் இருக்கின்றனர். இவர்களின் எதிர்காலத்துக்காக (படிப்பு, திருமணம்) சேமிக்க விரும்புகிறேன். என்னால் மாதம் 5 ஆயிரம் ரூபாய் முதலீடு செய்ய முடியும். என் தேவைகளைப் பூர்த்திச் செய்யும் வகையில் முதலீட்டுத் திட்டத்தைக் கூறவும்.

அருண், காஞ்சிபுரம். வி.டி.அரசன், நிதி ஆலோசகர்.

''ஹெச்டிஎஃப்சி சில்ட்ரன்ஸ் கிஃப்ட் ஃபண்டு - இன்வெஸ்மென்ட் பிளானில் முதலீடு செய்யலாம். இது சிறந்த ஃபேலன்ஸ்டு ஃபண்டு. இதில் உங்களது மகளின் பெயரில் 3 ஆயிரம் ரூபாயும், மகனின் பெயரில் 2 ஆயிரம் ரூபாயும் எஸ்ஐபி முறையில் முதலீடு செய்யலாம். இந்தத் திட்டத்தில் இலவசமாக 10 லட்சம் ரூபாய்க்கு விபத்து காப்பீடு இன்ஷூரன்ஸ் கிடைக்கும்.''

படங்கள்: எஸ்.பி.ஜெர்ரி ரினால்டு விமல்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism