Published:Updated:

பெண்களுக்கான ஃபண்டு முதலீடுகள்!

வித்யா பாலா, தலைவர், மியூச்சுவல் ஃபண்டு ஆராய்ச்சி பிரிவு, ஃபண்ட்ஸ் இந்தியா டாட்காம்.

வீட்டையும், குழந்தைகளையும் மட்டும் கவனித்துக்கொண்டு இருந்த காலம் மாறி, பெரும்பாலான பெண்கள் இன்று வேலைக்குச் சென்று சுயமாகச் சம்பாதிக்க ஆரம்பித்துவிட்டார்கள்.

இப்படி  சம்பாதிக்கும் பணத்தை சரியாக கையாள அவர்களுக்குத் தெரியவில்லை எனில், சுயமாக சம்பாதித்து எந்தப் பயனும் இல்லை. தவிர, பெண்கள்தான் சேமிப்பில் சிறந்தவர்கள். குடும்பத்தின் லட்சியங்களை நிறைவேற்ற யூகத்துக்கு இடம்தராத சரியான முடிவுகளை எடுப்பதில் வல்லவர்கள். எல்லாவற்றுக்கும் மேலாக, தனிக் குடும்பங்கள் பெருகிவிட்ட இந்தக் காலத்தில் பெண்கள் குடும்பத்தின் சார்பாக எடுக்கப்படும் முடிவுகளில் கட்டாயம் கலந்துகொள்ள வேண்டியது அவசியம்.

ஆனால், இன்றைய பெண்கள் தங்களுக்கு நன்கு தெரிந்த சீட்டுச் சேமிப்பு, ஆர்.டி சேமிப்பைத்தான் அதிகம் நாடுகிறார்கள். இதன்மூலம் கிடைக்கும் வருமானமானது பணவீக்க விகிதத்துடன் ஒப்பிடும்போது மிகக் குறைவு. எனவே, இந்த வகையான முதலீடுகளைத் தவிர்த்துவிட்டு, நல்ல வருமானம் தரும் மியூச்சுவல் ஃபண்டு களில் நீண்டகால நோக்கில் முதலீடு செய்தால், பணவீக்கத்தைத் தாண்டிய வருமானத்தைப் பெற நிறையவே வாய்ப்புண்டு.

பெண்களுக்கான ஃபண்டு முதலீடுகள்!

மியூச்சுவல் ஃபண்ட் முதலீடு அதிக ரிஸ்க்காச்சே என்று பலரும் நினைக்கலாம். சீட்டு சேமிப்பிலும்  ரிஸ்க் உண்டு என்பதை நாம் தினமும் செய்தித்தாள்களில் படிக்கிறோமே! இந்த வகையான முதலீட்டில் ரிஸ்க் அதிகம் உள்ளது என்பது தெரியாமலே பெண்கள் ரிஸ்க் எடுக்கிறார்கள். ஆனால், மியூச்சுவல் ஃபண்டுகளில் ரிஸ்க் உண்டு. அதேசமயம், நம் ரிஸ்க் எடுக்கும் திறனுக்கேற்ப வருமானமும் உண்டு.  

பெண்களுக்கான ஃபண்டு முதலீடுகள்!
பெண்களுக்கான ஃபண்டு முதலீடுகள்!

மியூச்சுவல் ஃபண்டு திட்டங்களில் முதலீடு செய்வதன் மூலம் நிறைய நன்மை கிடைக்கும் என்பதற்கு ஒரு சிறு உதாரணம், லிக்விட் ஃபண்டுகள். அதிக அளவிலான தொகையை வங்கி சேமிப்புக் கணக்கில் வைப்பதற்குப் பதிலாக அந்தப் பணத்தை லிக்விட் ஃபண்டுகளில் முதலீடு செய்யலாம். சேமிப்புக் கணக்கில் இருக்கும் பணத்தை எடுப்பதுபோல, இதில் முதலீடு செய்யும் பணத்தையும் எப்போதுவேண்டுமானாலும் எடுத்துக் கொள்ளலாம். வங்கி சேமிப்புக்கு அதிகபட்சம் 4 சதவிகிதம்தான் வருமானம் கிடைக்கும். ஆனால், லிக்விட் ஃபண்டுகளில் 6-8% வரை வருமானம் கிடைக்க வாய்ப்புள்ளது.

மொத்தமாகக் கிடைக்கும் பணத்தை ஃபிக்ஸட் டெபாசிட்டில் போட்டு வைப்பதற்குப் பதிலாகக் கடன் சார்ந்த மியூச்சுவல் ஃபண்டுகளில் முதலீடு செய்யலாம். இந்த ஃபண்டுகளில் கிடைக்கும் வருமானத்துக்கு வரியும் குறைவே. தவிர, ஃபிக்ஸட் டெபாசிட்டைவிடச் சற்றுக் கூடுதலாக இதில் வருமானம் கிடைக்கும்.

ஒவ்வொரு மாதமும் ஆர்டியில் சேமிக்கும் பணத்தை எஸ்ஐபி முறை மூலமாக பங்குச் சந்தை  அல்லது கடன் சார்ந்த மியூச்சுவல் ஃபண்டுகளில் முதலீடு செய்யலாம். நீண்டகாலத்தில் இந்த முதலீட்டுக்கு ஆர்டியில் கிடைக்கும் வருமானத்தைவிட அதிகமாக கிடைக்கும்.

நீண்டகாலத்தில் நிறைவேற்ற வேண்டிய தேவைகளுக்கு லார்ஜ் கேப் ஃபண்டிலும், குறுகியகால அல்லது அவசியம் தேவைப்படும் தேவை களுக்குக் கடன் சார்ந்த மியூச்சுவல் ஃபண்டுகளிலும், தங்கத்தில் முதலீடு செய்ய நினைப்பவர்கள் கோல்டு இ.டி.எஃப் ஃபண்டுகளிலும் முதலீடு செய்யலாம்.

- தொகுப்பு: இரா.ரூபாவதி

அடுத்த கட்டுரைக்கு