Published:Updated:

கேட்ஜெட் - சொல்வதைச் செய்யும் கூகுள் நவ்!

செ.கிஸோர் பிரசாத் கிரண்

கேட்ஜெட் - சொல்வதைச் செய்யும் கூகுள் நவ்!

செ.கிஸோர் பிரசாத் கிரண்

Published:Updated:

''பக்கத்தில் புத்தகக் கடை எங்கே இருக்கிறது?'', ''சிங்கப்பூர் - சென்னை விமானம் ஆன் டைமுக்கு வருகிறதா?'' இதுமாதிரி எத்தனை கேள்விகள் கேட்டாலும் சரி, அடுத்த நிமிடம் அதற்கான பதிலை சொல்லி அசத்தி வருகின்றன 'கூகுள் நவ்’, 'சிபி’ என்கிற இரண்டு அப்ளிகேஷன்கள். 'வாய்ஸ் அசிஸ்டென்ட்’ என்று சொல்லப்படுகிற இந்த இரண்டு அப்ளிகேஷன்கள் உங்கள் போனில் இருந்தால்போதும், உங்கள் போனுடன் பேசியே எல்லாத் தகவல்களையும் வாங்கிவிட முடியும்.

மழைக்காலத்தில் ஆபீஸுக்குக் குடை கொண்டுபோகவேண்டுமா, வேண்டாமா என்கிற குழப்பத்தில் நீங்கள் இருந்தால், 'இன்றைக்கு எனக்குக் குடை தேவைப்படுமா?' என்று இந்த ஆப்ஸிடம் ஆங்கிலத்தில் கேட்டால்போதும். 'மேகமூட்டமாக இருப்பதால், மழை வர வாய்ப்பு அதிகம்' என்று சொல்லும்.  அவசியமில்லை எனில், ''தேவையில்லை'' என்று பதில் சொல்லிவிடும்.

கேட்ஜெட் - சொல்வதைச் செய்யும் கூகுள் நவ்!

ஒட்டுமொத்த விகடனுக்கும் ஒரே ஷார்ட்கட்!

'சிபி’யைப் போலத்தான் கூகுள் நவ் செயல்படுகிறது. உதாரணத்துக்கு, ''இந்தப் பகுதியில் எங்கே பெட்ரோல் பங்க் இருக்கிறது?' என்று கேட்டால், உடனே கூகுள் மேப் திறந்து அருகில் இருக்கும் அத்தனை பெட்ரோல் பங்குகளையும் காட்டும். ஏதாவது ஒரு பெட்ரோல் பங்கை தேர்வு செய்தால், அந்த பெட்ரோல் பங்கை அடைய நேரம், வழிப்பாதை என அனைத்தையும் சில நொடிகளில் காட்டிவிடும். காரோட்டிச் செல்கிறவர்களுக்கு இந்த வசதி மிகவும் பயன்படும்.  

இந்த இரண்டு அப்ளிகேஷன்களையும் பயன்படுத்த நெட் அல்லது வைஃபை அவசியம். ஆப்பிளில் 'சிபி’ ஆப்ஸைவிட 'கூகுள் நவ்’ வேகத்தில் படுசுட்டி. ஆனால், உரையாட 'சிபி’ சுலபமாக இருக்கும். 'சிபி’ ஆப்ஸ் ஆப்பிளின் ஐபோன் வாடிக்கையாளர்களுக்கென வடிவமைக்கப்பட்டது. ஆனால், 'கூகுள் நவ்’ எல்லோருக்கும் பொதுவானது.

இந்த ஆப்ஸ் பற்றிச் சந்தேகம் ஏதும் இருந்தால் பார்க்க:  http://www.youtube.com/watch?v=pu_MEWfo8VA

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism