Published:Updated:

பணம் கொட்டும் தொழில்கள்: பிரின்டிங் பிரஸ்!

நீரை.மகேந்திரன்

கல்யாணமோ, காதுகுத்தோ, புதுமனை புகுவிழாவோ, துக்க நிகழ்ச்சியோ - எதுவாக இருந்தாலும் இன்றைக்குப் பத்திரிகை அடித்து அதை ஊருக்குத் தெரியப்படுத்துவது வாடிக்கையான விஷயமாக மாறிவிட்டது. இதற்கு அடிப்படையாக இருப்பது பிரின்டிங் தொழில். இந்தத் தொழில்மூலம் இன்றைக்கு நல்ல வருமானம் பார்த்து வருகின்றனர் பலர்.

பெரிய ஆப்செட் இயந்திரங்கள் வைத்திருந்தால்தான் பிரின்டிங் தொழிலில் லாபம் பார்க்க முடியும் என்றில்லை. சிறிய அளவில் மினி ஆப்செட் என்று சொல்லப்படும் இயந்திரங்களைக்கொண்டும் வெற்றிகரமாக வருமானத்தை ஈட்டலாம். வீட்டு விசேஷங்களுக்கான பத்திரிகைகள் தவிர, விதவிதமான விளம்பரங்கள், பில் புக்குகள், லெட்டர் பேடுகள், விளம்பரத் துண்டறிக்கைகள் என ஏராளமான வாய்ப்புகள் இந்தத் தொழிலில் உள்ளது.

தேவையான வடிவமைப்பை கணினியில் செய்துகொள்ள வேண்டும். இதை பாலிஸ்டர் மாஸ்டர் என்கிற பேப்பரில் பிரின்ட் எடுத்துக்கொண்டு, அதை அச்சாக வைத்து மினி ஆப்செட் இயந்திரத்தில் வைத்து அச்சடிப்பதன் மூலம் எளிதாக பிரின்டிங் வேலை களைச் செய்துதரலாம்.  

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பணம் கொட்டும் தொழில்கள்: பிரின்டிங் பிரஸ்!

வாடிக்கையாளருக்கு தேவையான நிறம், பேப்பர் தரம் போன்றவற்றோடு  எழுத்துப் பிழைகள் இல்லாமல் இருப்பது முக்கியம். சின்னச் சின்ன வேலைகள் எடுக்க மினி ஆப்செட் இயந்திரம்தான் சரியாக இருக்கும்.

திட்ட அறிக்கை!

இரண்டு மினி ஆப்செட் இயந்திரங்கள்; கணினி, பிரின்டர் மற்றும் யூபிஎஸ், ஒரு கட்டிங் இயந்திரம், ஒரு டிரெடில் இயந்திரம் மற்றும் பைண்டிங் இயந்திரம்.

இயந்திரங்கள் மொத்த மதிப்பு ரூ. 13 லட்சம்

திட்ட மதிப்பு (ரூ)
இடம்                :  வாடகை
இயந்திரங்கள்          : 13 லட்சம்
நடைமுறை மூலதனம்   : 2.5 லட்சம்
மின்சாரம் இணைப்பு    : 50 ஆயிரம்
மொத்தம்              : 16 லட்சம்

மானியம்!

பாரதப் பிரதமரின் வேலைவாய்ப்பு உருவாக்கும் திட்டம் அல்லது தமிழ்நாடு அரசின் 'நீட்ஸ்’ திட்டம் இவற்றில் ஏதாவது ஒருவகையில் மானியம் மற்றும் வங்கிக் கடன் கிடைக்கும்.

நமது மூலதனம் 5%  : 80 ஆயிரம்
மானியம் 25%        : 4 லட்சம்
வங்கிக் கடன்         : 11.20 லட்சம்

இயந்திரத்தின் உற்பத்தித் திறன்!

ஒரு மினி ஆப்செட் இயந்திரத்தின் மூலம் ஒரு மணி நேரத்தில் 6,000 பிரதிகள் வரை அச்சிட முடியும். ஒருநாளைக்கு ஓர் இயந்திரத்தின் மூலம் சராசரியாக 50,000 பிரதிகள் வரை அச்சிட முடியும். இதன் அடிப்படையில் நமது இரண்டு இயந்திரத்தின் மூலமும் 1 லட்சம் பிரதிகள் வரை அச்சிடலாம். நாம் சராசரியாக இதை 80,000 என்று கணக்கு வைத்துக்கொள்வோம்.

ஆயிரம் பிரதிகள் வரை அச்சிட கட்டணம் ரூ.150. ஆயிரத்துக்குமேல், ஒவ்வொரு ஆயிரத்துக்கும் கட்டணம் ரூ.150. இது ஒரு வண்ணத்துக்கு மட்டுமே. கணினி வடிவமைப்புக் கட்டணம் ரூ.150. இது ஒருமுறை மட்டுமே வாங்க வேண்டும்.

பணம் கொட்டும் தொழில்கள்: பிரின்டிங் பிரஸ்!

இதில் அச்சிடும் மை விலை குறைவுதான். 1000 பிரதிகளுக்கு அச்சிட மை செலவு ரூ.25. ஒவ்வொரு நிறம் மாற்றும்போதும் இயந்திரத்தின் துளைகளை மண்ணெண்ணெய் கொண்டு சுத்தம் செய்ய வேண்டும். இதனால் மை செலவு குறையும். வெவ்வேறு நிறங்களில் அச்சிட ஆர்டர் இருக்கிறது எனில் திட்டமிட்டு செயல்பட வேண்டும். இதனால் அச்சு மை குறைவாக பயன்படுத்த முடியும். இல்லையெனில் நாம்

எதிர்பார்த்த வண்ணம் வராமல் வேஸ்டேஜ் அதிகமாக வரலாம்.

ஒரு நாள் பிரின்டிங் 80 ஆயிரம் பிரதிகள்

ஆயிரம் பிரதிக்கு அச்சிட ரூ.150
80 ஆயிரம் பிரதி அச்சிட      ரூ.12,000
இதற்கான அச்சு மை செலவு        ரூ.2,000

(இதில் பேப்பர் செலவு கணக்கில் எடுத்துக்கொள்ளப் படவில்லை. காரணம், பேப்பர் செலவு வாடிக்கையாளரின் விருப்பத்துக்கேற்ப மாறும்)  

வேலையாட்கள் (ரூ)

மேற்பார்வையாளர் (1) : 10,000
பணியாளர்கள்   :       5X8,000= 40,000
உதவியாளர்கள்   :      2X5,000= 10,000
மொத்தம்         :          60,000
மின்சாரம்         :           5,000

அச்சு மை

2,000X25 நாட்கள்         : 50,000
இதர துணைப் பொருட்கள்  : 30,000

பணம் கொட்டும் தொழில்கள்: பிரின்டிங் பிரஸ்!

மொத்த வருமானம்|

தினசரி 12,000 என்கிறபோது மாதத்துக்கு 25 வேலைநாட்கள் எனக் கொண்டால், மாத வருமானம்
ரூ. 3,00,000. தள்ளுபடி 20,000 கொடுக்க வேண்டியிருக்கலாம். மீதம் ரூ.2,80,000.மொத்த செலவுகள் ரூ:

வாடகை    : 10,000
வேலையாட்கள்           : 60,000
அச்சு மை                : 50,000
துணைப் பொருட்கள்       : 30,000
மின்சாரம்                :  5,000
கடன் வட்டி (12.5%)        : 12,000
கடன் தவணை (60 மாதம்) : 19,350
இயந்திர பராமரிப்பு        : 10,000
மேலாண்மைச் செலவு      :  5,000
விற்பனைச் செலவு         : 10,000
தேய்மானம்               : 16,000
மொத்தம்               : 2,27,350
மொத்த வரவு           : 2,80,000
மொத்த செலவு          : 2,27,350
லாபம்           :52,650

(பேப்பர் செலவு இல்லாமல்)

படங்கள்: தே.தீட்ஷித்
(திட்ட விவரங்கள் உதவி: ராமசாமி தேசாய்,
சி.ஆர்.பிசினஸ் சொல்யூஷன்ஸ், திருச்சி.)