Published:Updated:

சாதனை மனிதர் சந்திரசேகர்!

ச.ஸ்ரீராம்

சாதனை மனிதர் சந்திரசேகர்!

ச.ஸ்ரீராம்

Published:Updated:

பந்தன் என்னும் மைக்ரோ ஃபைனான்ஸ் நிறுவனத்துக்கு புதிய வங்கி தொடங்கும் அனுமதியைத் தந்திருக்கிறது மத்திய ரிசர்வ் வங்கி. இந்த நிறுவனத்தின் நிறுவனர் சந்திரசேகர் கோஷ். இவரது தனிப்பட்ட வாழ்க்கை மிக சுவாரஸ்யமானது.

திரிபுராவில் உள்ள அகர்தலாவில் பிறந்தவர். இளம் வயதில் தன் தந்தை நடத்திய ஸ்வீட் ஸ்டாலில் வேலை பார்த்துக்கொண்டே பள்ளிப்படிப்பை படித்தார் கோஷ். டாக்கா பல்கலைக்கழகத்தில் புள்ளியியல் படித்துவிட்டு, பங்களாதேஷில் ஒரு தொண்டு நிறுவனத்தில் பணியாற்றினார். சில ஆண்டுகளுக்குப்பின் ஓர் உறுதியான திட்டத்தோடு அதிலிருந்து  வெளியேறினார்.

சாதனை மனிதர் சந்திரசேகர்!

ஒட்டுமொத்த விகடனுக்கும் ஒரே ஷார்ட்கட்!

அப்போது அவர் கையில் ரூ.2 லட்சம் இருந்தது. இந்தப் பணத்தை வைத்து கொல்கத்தாவிலிருந்து 60 கி.மீ தொலைவில் ஒரு சிறிய கிராமத்தில் 2001-ம் ஆண்டு சிறிய அளவிலான மைக்ரோ ஃபைனான்ஸ் நிறுவனமான பந்தனைத் தொடங்கினார். இந்த நிறுவனத்தை அவர் தொடங்க காரணம், சிறு கடன்களுக்கு சிலர் 200 - 300% வரை வட்டி வசூலித்ததுதான்.  கஷ்டப்படும் மக்களுக்கு நியாயமான வட்டியில் கடன் தர நினைத்தார் கோஷ்.

அன்று சிறிய அளவில் தொடங்கப் பட்ட இந்த நிறுவனம், இன்று 2016 கிளைகளுடனும், சுமார் 12,000 பணி யாளர்களுமாக 22 மாநிலங்களில் பரவிக்கிடக்கிறது. ''இந்த நிறுவனம் வங்கியாக மாறும் என நான் எதிர்பார்க்கவில்லை. கொல்கத்தாவில் சராசரியாக மாதத்துக்கு 300 ரூபாய் சம்பாதித்த சாதாரண மனிதரை 2,000 ரூபாய் வரை சம்பாதிக்கும் அளவு முன்னேற்றி இருக்கிறோம். படிப்பதற்கு நான் மிகவும் சிரமப்பட்டேன். எனவே, பந்தன் மூலம் கிடைக்கும் லாபத்தை பள்ளி மாணவர்களின் கல்விக்கு செலவழிக்கப்போகிறேன்'' என்கிறார் கோஷ். சாதாரண மக்களுக்கு உதவும் இந்த கோஷ், ஏழைப் பங்காளன்தான்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism