Published:Updated:

ஸ்டூடன்ட் பிசினஸ்மேன்!

பிளான் பண்ணி செய்கிறோம்! விழா ஏற்பாட்டில் கல்லூரி மாணவர்கள்... ஹெச்.ராசிக் ராஜா

ஸ்டூடன்ட் பிசினஸ்மேன்!

பிளான் பண்ணி செய்கிறோம்! விழா ஏற்பாட்டில் கல்லூரி மாணவர்கள்... ஹெச்.ராசிக் ராஜா

Published:Updated:

''ஒரு ஃபங்ஷன்னா டெக்கரேஷன், ஆடியோ சிஸ்டம், வீடியோ கவரேஜ், சாப்பாடு, மேடை அலங்காரம்னு ஒவ்வொரு விஷயத்துக்கும் தனித்தனியா ஆள் பிடிக்கிறது ரொம்பக் கஷ்டம். நீங்க என்ன ஃபங்ஷன்னு சொன்னா போதும், அதுக்குத் தேவையான அத்தனை ஆட்களையும் கொண்டுவந்து சேர்க்கறது என் பொறுப்பு'' - பரபரவெனப் பேசும் விக்னேஷின் நடவடிக்கையில் ஏகப்பட்ட சுறுசுறுப்பு.

சென்னை அண்ணா பல்கலைக்கழகத்தில் இறுதி ஆண்டு எலெக்ட்ரானிக் கம்யூனிகேஷன் படிக்கும் விக்னேஷிடம் இதுகுறித்து பேசினோம்.

இன்டர்ன்ஷிப் தந்த ஆரம்பம்!

ஒட்டுமொத்த விகடனுக்கும் ஒரே ஷார்ட்கட்!

''ஆறு மாதங்களுக்கு முன் பெங்களூருக்கு ஒரு இன்டர்ன்ஷிப் செல்லவேண்டியிருந்தது. அங்குச் சென்றபோது எப்படி ஒரு விழாவை அடுத்தவர்கள் பாராட்டும்படி ஏற்பாடு செய்ய வேண்டும் எனத் தெளிவாகக் கற்றுத்தந்தார்கள்.

ஸ்டூடன்ட் பிசினஸ்மேன்!

எங்கள் கல்லூரியில் நிறைய விழாக்கள் நடப்பது வழக்கம். யோசிக்காமல் எங்கள் கல்லூரி முதல்வரை சந்தித்து, நானே எடுத்துச் செய்கிறேன் என அனுமதி கேட்டேன். அவரும் அனுமதி தந்துவிட்டார். உடனே உற்சாகமாக ஆரம்பித்து ஆடியோ, வீடியோ, சாப்பாடு, லைட்டிங், டெக்கரேஷன் என அந்த விழாவுக்கான எல்லா ஏற்பாடுகளையும் நடத்தி முடித்தேன்.

பலரும் என்னைப் பாராட்டவே, எனக்கு மேலும் உற்சாகம் கூடிவிட்டது. இதைத் தொடர்ந்து பிறந்தநாள் பார்ட்டிகள், கல்லூரி விழாக்கள், சில பொதுவிழாக்கள் என அனைத்தையும் செய்துகொடுக்கிறேன்.

மூன்று விதமான பட்ஜெட்!

ஸ்டூடன்ட் பிசினஸ்மேன்!

என்ன விழாவாக இருந்தாலும் சரி, அதை லோ பட்ஜெட், மீடியம் பட்ஜெட், ஹை பட்ஜெட் என மூன்றாகப் பிரித்து அதற்கு ஏற்றாற்போல் விழாக்களை நடத்தி வருகிறேன். அதிகபட்சம் நான்கு நாட்கள் எடுத்துக்கொண்டு, எப்படி விழா ஏற்பாடு இருக்கும் என்பதை பவர் பாயின்ட் பிரசன்டேஷன் தயார் செய்து விழா நடத்துபவர்களிடம் போட்டுக்காட்டுவேன். விழாவுக்கான பட்ஜெட்டைப் பொறுத்து ஏற்பாடுகளை மாற்றுவேன்.

ஃபங்ஷனுக்கு வருபவர்களின் எண்ணிக்கை, நடக்கும் நாட்கள், சாப்பாட்டின் அளவு, லைட்டிங், ஆடியோ, செட் டிசைன் என அனைத்துக்கும் அளவை பொறுத்து 15 லட்சம் முதல் 20 லட்சம் ரூபாய் வரை செலவாகும். கஸ்டமர்கள் எதிர்பார்த்ததுபோல் செய்துமுடித்தால் கிடைக்கும் லாபம் குறைந்தபட்சம் 45 முதல் 60 ஆயிரம் ரூபாய்.

விழா நடத்தித் தரும் பொறுப்பை என்னிடம் ஒப்படைத்துவிட்டால், அவர்களுக்கு ஒரு குண்டூசி வாங்கும் வேலையைக்கூட நான் வைக்கமாட்டேன். அனைத்துக்கும் நானே பொறுப்பு.

மற்றவர்கள் பாராட்ட வேண்டும்!

இதுவரை சம்பாதித்த பணத்தை வைத்து சுமார் ஒரு லட்சம் ரூபாய் மதிப்புள்ள தளவாடப் பொருட்களை (மேடை அலங்காரத்துக்கான) வாங்கியிருக்கிறேன். இதற்குமுன்பு பொருட்களை வெளியில் இருந்து வாடகைக்கு எடுத்து வந்து செய்வோம். இப்போது  நாங்களே செய்துகொள்வதால், இதற்கு ஆகும் செலவு மிச்சமாகிறது. எனக்கு துணையாக எனது நண்பர்கள் லாவண்குமார் மற்றும் அலாவுதீன் இருக்கிறார்கள். இந்தத் தொழிலில் எல்லாரும் எங்களைப் பாராட்டும்படி வளரவேண்டும் என்பதே எங்கள் லட்சியம்'' என்கிறார் விக்னேஷ்.

இப்போது சென்னை வேளச்சேரியில் தனியாக ஓர் அலுவலகம் ஆரம்பித்து முனைப்புடன் செயல்பட்டுவரும் இவர்களை மனதாரப் பாராட்டலாம்!

  படங்கள்:   தி.குமரகுருபரன்.

ஸ்டூடன்ட் பிசினஸ்மேன்!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism