ஃபேமிலி ஃபைனான்ஷியல் பிளானிங்

கடந்த இதழில் பணம், நேரம் மற்றும் மதிப்பீட்டின் முக்கியத்துவத்தை அறிந்துகொண்டோம். இந்த இதழில் நமது முதலீட்டை எவ்வாறு பிரித்துப் பலவிதமான சொத்துகளில் முதலீடு செய்வது என்றும்; அப்படி செய்வதன் மூலம் உண்டாகும் பலனையும் விரிவாகப் பார்ப்போம்.

. சொத்துகளைப் பலவிதமாகப் பிரிக்கலாம். அவை, வீடு மற்றும் வீட்டு மனைகள், பங்குச் சந்தை மற்றும் மியூச்சுவல் ஃபண்ட், வங்கிகளின் வைப்பு நிதி மற்றும் கடன் சார்ந்த முதலீடுகள். தங்கத்தில் முதலீடு செய்வது என்பது நம் பெண்களிடம் பிரபலமாக இருக்கிறது.

. எந்தவொரு ஒரு முதலீட்டு முடிவை எடுக்கும்போதும் அவரவருடைய தேவைகள், கால அவகாசம் மற்றும் ரிஸ்க் எடுக்கும் தன்மைக்கேற்றவாறு மேற்கூறிய பலவிதமான சொத்து வகை களில் முதலீடு செய்யலாம். சொத்து ஒதுக்கீட்டை கீழ்க்கண்ட இரண்டு வகையாகப் பிரிக்கலாம்.

. * நிலையான சொத்து ஒதுக்கீடு

. * மாறுபடும் சொத்து ஒதுக்கீடு

. இப்போது இதன் பயன்பாடுகளை விரிவாகப் பார்ப்போம்.

. நிலையான சொத்து ஒதுக்கீடு!

. உதாரணத்துக்கு, ராமு, கோபு மற்றும் ராஜா என்கிற மூன்று முதலீட்டாளர்கள் 100 ரூபாயை 2000-ம் ஆண்டில் முதலீடு செய்தனர். இதில் ராமு என்பவர் ரூ.100-ஐ பங்குச் சந்தை அடிப்படையிலான

. மியூச்சுவல் ஃபண்டில் முதலீடு செய்துவிட்டு, 12 ஆண்டுகளுக்கு அதை எடுக்காமல் விட்டுவிட்டார். மேற்கூறிய முதலீடானது பங்குச் சந்தையின் பலவிதமான ஏற்ற இறக்கங்களைப் பொறுத்தது. ஆனாலும், இந்த முதலீடு 12 ஆண்டுகளுக்குப்பின் ரூ.314-ஆக உயர்ந்து காணப்பட்டது.

. 2007-ம் ஆண்டு பங்குச் சந்தை மிகவும் உயர்ந்து இருந்தபோது, ரூ.100-ன் மதிப்பு உயர்ந்து ரூ.314-ஆக இருந்தது. அதுவே 2008-ம் ஆண்டு பங்குச் சந்தை மிகவும் இறங்கி இருந்தபடியால் ரூ.314-ஆக இருந்தது, ரூ.158-ஆக குறைந்தது. பங்குச் சந்தை மீண்டும் பழைய நிலைக்கு திரும்பியபிறகு முதலீட்டின் மதிப்பும் உயர்ந்து ரூ.314-ஆக மாறியது. ஆனாலும், 2007 - 2012 வரையிலான காலகட்டத்தில் சொல்லிக்கொள்ளும் அளவுக்கு எந்த பெரிய மாற்றமும் நிகழவில்லை.

. இதுவே, கோபு என்பவர் புத்திசாலித்தனமாக ரூ.100-ஐ பிரித்து ரூ.60-ஐ பங்குச் சந்தை அடிப்படையான மியூச்சுவல் ஃபண்டிலும், ரூ.30-ஐ கடன் சார்ந்த ஃபண்டுகளிலும், ரூ.10-ஐ தங்கத்திலும் முதலீடு செய்தார். மேற்கூறிய முதலீட்டை 2000-ம் ஆண்டு செய்துவிட்டு, 12 ஆண்டுகள் அப்படியே விட்டுவிட்டார். 2000-ல் அவர் பிரித்து செய்த முதலீடான ரூ.100, 2012-ம் ஆண்டில் ரூ.361-ஆக உயர்ந்தது. இவர் செய்த முதலீடும் பங்குச் சந்தையின் பலவிதமான ஏற்ற இறக்கங்களைக் கண்டபோதும், சிறிது அதிகமான லாபத்தையே கொடுத்தது.

. 2007-ம் ஆண்டில் பங்குச் சந்தை மிகவும் உயர்ந்து காணப்பட்டபோது, கோபு பிரித்து செய்த முதலீடான ரூ.100 உயர்ந்து ரூ.281-ஆக இருந்தது. இதுவே, 2008-ல் பங்குச் சந்தை சரிவைக் கண்டபோது, இதன் மதிப்பு சிறிதே குறைந்து ரூ.214-ஆக இருந்தது. மீண்டும் பங்குச் சந்தை பழைய நிலைக்குத் திரும்பிய 2012-ல் இதன் மதிப்பு உயர்ந்து ரூ.361-ஆக இருந்தது. இதிலிருந்து என்ன தெரிகிறது?

. எல்லா சொத்துகளின் மதிப்பும் ஒரேநேரத்தில் மேலேயும் செல்லாது; அதேபோல ஒரேநேரத்தில் எல்லா சொத்துகளின் மதிப்பும் கீழேயும் செல்லாது. பங்குச் சந்தை சரிவில் இருந்தபோது, கடன் சார்ந்த ஃபண்ட் முதலீடும், தங்கத்தில் செய்த முதலீடும் அதிக வருமானத்தைத் தந்துள்ளன. ஆகவே, சொத்துகளைப் பிரித்து முதலீடு செய்வது சிறந்த லாபம் தரும்.

. மாறுபடும் சொத்து ஒதுக்கீடு!

. இப்போது மாறுபடும் சொத்து ஒதுக்கீட்டின் அவசியத்தைப் பற்றி விரிவாகப் பார்ப்போம். இதில் சொத்து ஒதுக்கீட்டின் முறையை நிர்ணயித்துக்கொண்டு அதன்பிறகு முதலீட்டினையும் செய்து ஆண்டுக்கு ஒருமுறை ஆய்வு செய்து சொத்து ஒதுக்கீட்டை அவ்வப்போது மாற்றி அமைக்க வேண்டும்.

. இப்போது மூன்றாவது முதலீட்டாளர் ராஜா என்பவர் அதிபுத்திசாலித்தனமாக ரூ.100- ஐ பிரித்து, ரூ.60-ஐ பங்குச் சந்தை அடிப்படையான மியூச்சுல் ஃபண்டிலும், ரூ.30-ஐ கடன் சார்ந்த ஃபண்டுகளிலும், ரூ.10-ஐ தங்கத்திலும் முதலீடு செய்தார். இவர் ஆண்டுக்கொருமுறை சொத்து ஒதுக்கீட்டினை பேலன்ஸ் செய்து வந்தார். இவ்வாறு செய்ததில் அவரின் முதலீடான ரூ.100, 12 ஆண்டுகளில் ரூ.448-ஆக உயர்ந்தது.

. 2000-ம் ஆண்டில் முதலீடு செய்த 100 ரூபாய் 2007-ம் ஆண்டில் ரூ.302-ஆக உயர்ந்திருந்தது. இதுவே, 2008-ல் பங்குச் சந்தை சரிவைக் கண்டபோது, சிறிதளவே குறைந்து ரூ.247-ஆக இருந்தது. இதுவே 2012-ல் பங்குச் சந்தை பழைய நிலைக்கு வரும்போது, இது மறுபடியும் உயர்ந்து ரூ.448-ஆக இருந்தது.

. இதில் குறிப்பிடத்தக்கது என்னவென் றால், 2007 - 2012 வரை பங்குச் சந்தையில் சொல்லிக்கொள்கிற அளவுக்கு எந்தவிதமான மாற்றமும் இல்லை. ஆனாலும், இந்த காலகட்டத்தில் தங்கம் மற்றும் கடன் சார்ந்த பங்குகளின் விலை ஏறுமுகமாகவே இருந்தது இந்த முதலீட்டுக்கு மிகவும் உறுதுணையாக இருந்தது.

. ஆக, ஒருமுறை மட்டும் முதலீடு செய்துவிட்டு, அதனை அப்படியே விட்டுவிடுவது அதிக லாபத்தைக் கொடுக்காது. முதலீடுகளை சொத்து ஒதுக்கீட்டு முறையை நிர்ணயித்து அதற்கு தகுந்தாற்போல் முதலீடு செய்து, அதை ஆண்டுக்கு ஒருமுறை ஆய்வு செய்து சீர்செய்வது மிகுந்த ஆதாயம் கொடுக்கும்.

. அவசரத்துக்கு ஆர்.டி.!

. ரமணி சந்திரமோகன், ஈரோடு.

. 'நான் ஒரு வங்கி ஊழியர். என் கணவர் ஒரு பிசினஸ்மேன். எனக்கு ஒரு மகள். விரைவில் திருமணம் ஆகப் போகிறது. மகன், பள்ளி முடித்து கல்லூரிக்கு செல்ல இருக்கிறான். நானும் என் கணவரும் சேர்ந்து மாதத்துக்கு ஒரு லட்சம் வரை சம்பாதிக்கிறோம். ஒரு மாதத்துக்கான செலவை நாங்கள் இருவரும் சரி பாதியாகப் பிரித்துக்கொள்வோம்.

. உதாரணமாக, வீட்டுக்குத் தேவையான பொருட்கள், மின்சாரம், தொலைபேசி போன்ற செலவை என் கணவர் பார்த்துக்கொள்வார். பிள்ளைகளின் படிப்புக்கான செலவுகள், துணிமணிகள் போன்ற செலவுகளை நான் கவனித்துக்கொள்வேன். மேலும், நானும் என் கணவரும் சேர்ந்து மாதந்தோறும் 15,000 ரூபாய் சேமித்துவிடுவோம். இதை எங்கள் குழந்தைகளுக்காக சேமிக்கிறோம். ஏதாவது அவசர செலவு ஏதேனும் நேரிட்டால், எந்தவழியும் இல்லாத நிலையில் இந்தச் சேமிப்பில் கைவைப்போம்.

. இதுதவிர, வருடத்துக்கு ஒருமுறையோ அல்லது இருமுறையோ சிறு தொகையை ஆர்.டி. கணக்கில் சேமிப்போம். இது, அவசர காலத்தில் பக்கபலமாக இருக்கும். மேலும், எங்கள் குடும்பத்தின் பாதுகாப்புக்காக ரூ.2000 - 3000 வரை இன்ஷூரன்ஸ் மூலம் சேமிப்போம். இதுதான் எங்கள் ஒரு மாதத்துக்கான பட்ஜெட்.'

. செய்தி, படம் - கிஸோர் பிரசாத் கிரண்.

ஃபேமிலி ஃபைனான்ஷியல் பிளானிங்

Vikatan Correspondent