Published:Updated:

இரண்டு ஆண்டுகளில் திருமணம்... ரிஸ்க் இல்லாத முதலீட்டுத் திட்டங்கள் என்னென்ன?

இரண்டு ஆண்டுகளில் திருமணம்... ரிஸ்க் இல்லாத முதலீட்டுத் திட்டங்கள் என்னென்ன?

 கேள்வி - பதில்.

?தற்போது எம்.என்.சி கம்பெனியில் வேலை பார்த்துவரும் நான்  2016-ல் திருமணம் செய்துகொள்ளத் திட்டமிட்டுள்ளேன். ஏற்கெனவே வேலை பார்த்த நிறுவனத்திலிருந்து ரூ.2 லட்சம் பி.எஃப் பணம் கிடைத்தது. இதை முதலீடு செய்ய ரிஸ்க் இல்லாத திட்டங்கள் என்னென்ன?

@ சுஜாதா. முத்து கிருஷ்ணன், நிதி ஆலோசகர்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

''உங்கள் திருமணத்துக்கு இன்னும் இரண்டு ஆண்டுகளே உள்ளது. இந்த நிலையில் ரிஸ்க் இல்லாத திட்டத்தைத்தான் தேர்வு செய்ய முடியும். 2 லட்சம் ரூபாயை இரண்டு வருடத்துக்கு ஃபிக்ஸட் டெபாசிட்டில் முதலீடு செய்யலாம். இதை கரூர் வைஸ்யா அல்லது சிட்டி யூனியன் வங்கி போன்றவற்றில் டெபாசிட் செய்தால், பொதுத்துறை வங்கிகளைவிட கூடுதலாக 0.5-1% வட்டி கிடைக்கும். சில வங்கிகள் முன்கூட்டியே டெபாசிட்டிலிருந்து பணத்தை எடுக்கும்போது அபராதம் விதிப்பதில்லை. எனவே, உங்கள் திருமணம் இரண்டு வருடத்துக்குமுன் நடந்தாலும் பணத்தை எடுக்க சிக்கல் வராது.''

இரண்டு ஆண்டுகளில் திருமணம்... ரிஸ்க் இல்லாத முதலீட்டுத் திட்டங்கள் என்னென்ன?

?பங்குச் சந்தை மற்றும் மியூச்சுவல் ஃபண்டில் முதலீடு செய்ய, டீமேட் கணக்கு துவங்குவதற்கு ஏஜென்டிடம் சென்றபோது அவர் மூன்று நிரப்பப்படாத காசோலைகளை கேட்கிறார். இவை எதற்காக?

@ சக்தி, புதுச்சேரி. கமலா ராதாகிருஷ்ணன், பொதுமேலாளர், கேம்ஸ்.

'' டீமேட் கணக்குத் துவங்கும்போது காசோலை கேட்பது வழக்கமான நடைமுறைதான். ஏனெனில், உங்களின் கணக்கு சார்ந்த விவரங்களைத் தெரிந்து கொள்வதற்காக காசோலை கேட்பார்கள். இப்படி காசோலை வழங்கும்போது அதை ரத்து செய்து கொடுக்க வேண்டும். அதாவது, காசோலையில் எதுவும் எழுதாமல் அந்த காசோலையின் குறுக்கே கோடுபோட்டு கொடுக்க வேண்டும். இதனால் எந்தவிதமான பிரச்னையும் வராது என்றாலும், மூன்று காசோலைகள் கேட்பது குறித்து புரோக்கரிடம் விளக்கம் கேளுங்கள்.''  

?  நான் தற்போது வெளிநாட்டில் வசித்து வருகிறேன். வட்டி மூலம் வருமானம் தராத, வட்டி தொடர்பில்லாத முதலீட்டு முறைகள் ஏதாவது இருந்தால் கூறுங்கள்?

@ முகமத். அபுபக்கர், நிதி ஆலோசகர்.

''ஷரியா அடிப்படையிலான முதலீட்டுத் திட்டங்களில் முதலீடு செய்வதற்கு நிறைய திட்டங்கள் உள்ளன. நெறிமுறைப்படுத்தப்பட்ட  வெளிப்படையான முதலீட்டுக்கு மியூச்சுவல் ஃபண்ட்கள் மூலமாக முதலீடு செய்யலாம். தங்க சேமிப்பு மற்றும் முதலீட்டுத் திட்டமான கோல்டு இ.டி.எஃப்., ஷரியத் பங்குகளை சார்ந்த திட்டங்களான கோல்டுமேன் சாக்ஸ் சி.என்.எக்ஸ். ஷரியா இண்டெக்ஸ் எக்ஸ்சேஞ்ச் டிரேடட் ஸ்கீம் (GS Shariah BeES), டாடா எத்திகல் ஃபண்ட், டாரஸ் எத்திகல் ஃபண்ட் போன்றவை இந்தப் பிரிவில் வரும். ஷரியா அடிப்படையிலான போர்ட்ஃபோலியோ மேனேஜ்மென்ட் சர்வீஸ் முறையிலும் முதலீடு செய்யலாம். இதில் குறைந்தபட்ச முதலீடு 25 லட்சம் ரூபாயாக இருக்கும்.

இரண்டு ஆண்டுகளில் திருமணம்... ரிஸ்க் இல்லாத முதலீட்டுத் திட்டங்கள் என்னென்ன?

இதைத் தவிர்த்து, தனியார் ஈக்விட்டி முதலீடுகளும் உள்ளன. இவை பெரும்பாலும் ரியல் எஸ்டேட் சார்ந்த முதலீடுகளாக இருக்கும். அதாவது, உள்கட்டமைப்பு வசதிகள் செய்து அதன் மூலமாக வருமானம் ஈட்டும் திட்டங்கள். கோட்டக் ரியாலிட்டி ஃபண்ட், டாடா ரியாலிட்டி அண்ட் இன்ஃப்ரா ஃபண்ட் ஆகியவை இந்தப் பிரிவில் வரும்.

இதைத் தவிர்த்து தனியார் நிறுவனங்கள் எந்தவிதமான நடைமுறைகளும் இல்லாமல் ஷரியா முதலீடு என்று நிதி திரட்டுகின்றன. அவற்றிடம் உஷாராக இருப்பது நல்லது.''

?  லிக்விட், அல்ட்ரா ஷார்ட் டேர்ம் மியூச்சுவல் ஃபண்ட் திட்டங்களில் முதலீடு செய்ய திட்டமிட்டுள்ளேன். எவ்வளவு வருமானம் கிடைக்கும்? எஸ்.ஐ.பி அல்லது ஒரேமுறை முதலீடு எது சிறந்ததாக இருக்கும்?

@ லட்சுமணன் சேகர், வி.கோபால கிருஷ்ணன், நிதி ஆலோசகர்.

'’ குறுகிய கால முதலீட்டுக்கு லிக்விட் மற்றும் அல்ட்ரா ஷார்ட் டேர்ம் மியூச்சுவல் ஃபண்ட்கள் ஏற்றதாக இருக்கும். ஓரிரு நாட்கள் முதல் ஒருவார காலத்துக்குக் கூட இதில் முதலீடு செய்யலாம். லிக்விட் திட்டங்களில் ஆண்டுக்கு 6-8%, அல்ட்ரா ஷார்ட் டேர்ம் திட்டங்களில் 8-10% வருமானம் கிடைக்கும்.

இரண்டு ஆண்டுகளில் திருமணம்... ரிஸ்க் இல்லாத முதலீட்டுத் திட்டங்கள் என்னென்ன?

குறுகிய காலத் திட்டங்கள் என்பதால் எஸ்.ஐ.பி முறை பெரிய அளவில் பயன் அளிக்காது. ஐ.சி.ஐ.சி.ஐ புரூடென்ஷியல் லிக்விட் ஃபண்ட் மற்றும் டெம்பிள்டன் அல்ட்ரா ஷார்ட் டேர்ம் பாண்ட் ஃபண்ட் போன்றவற்றில் முதலீடு செய்யலாம்.''

? கடந்த ஒரு வருடமாக மாதம் 5 ஆயிரம் ரூபாயை எஸ்.ஐ.பி முறையில் பிர்லா சன் லைஃப் இண்டியா ஜென்நெக்ஸ்ட் ஃபண்ட் குரோத் ரெகுலர் பிளான் திட்டத்தில் முதலீடு செய்து வருகிறேன். இதைத் தொடரலாமா?

@ பாலா, பெங்களூரு. வெங்கடேஸ்வரன், நிதி ஆலோசகர்.

'' நீங்கள் முதலீடு செய்துவரும் மியூச்சுவல் ஃபண்ட் திட்டம் கடந்த 9 வருடமாக நிலையான வருமானத்தைக் கொடுத்துவந்த போதிலும் கடந்த ஒரு வருடமாக சிறப்பாகச் செயல்படவில்லை. இந்த ஃபண்ட் போர்ட்ஃபோலியோவில் அதிக அளவில் தரமான மிட் கேப் மற்றும் லார்ஜ் கேப் பங்குகள் இடம் பிடித்திருக்கின்றன. இந்த  யூனிட்களை அப்படியே தொடர்ந்து வைத்திருப்பது நல்லது.

அதேநேரத்தில் புதிய முதலீட்டை தவிர்ப்பது நல்லது. இதற்கு பதிலாக, ஐ.டி.எஃப்.சி ஸ்டெர்லிங் ஈக்விட்டி, மிரா அசெட் இந்தியா ஆப்பர்ச்சூனிட்டீஸ் அல்லது ரெலிகர் இன்வெஸ்கோ ஈக்விட்டி ஃபண்டுகளில் முதலீடு செய்யலாம்.''

இரண்டு ஆண்டுகளில் திருமணம்... ரிஸ்க் இல்லாத முதலீட்டுத் திட்டங்கள் என்னென்ன?

? ஃப்ராங்க்ளின் இந்தியா புளூசிப் (குரோத்) ஃபண்ட், டி.எஸ்.பி. பிளாக்ராக் ஃபண்ட் (குரோத் பிளான், குரோத் ஆப்ஷன்) ஆகியவற்றில் மாதம் 2,500 ரூபாயைக் கடந்த 2012-ம் வருடம் ஆகஸ்டு முதல் முதலீடு செய்து வருகிறேன். இந்த முதலீட்டை தொடரலாமா?

@ முத்துகுமரன், கோவை. ஏ.பி.வாசுதேவன், நிதி ஆலோசகர்.

''நீங்கள் முதலீடு செய்துவரும் ஃபண்டுகள் லார்ஜ் கேப் வகையைச் சார்ந்தது. இந்தத் திட்டங்கள் நல்ல முறையில் செயல்பட்டு வருகிறது. எஸ்ஐபி முதலீட்டை தொடர்வது நல்லது. உங்கள் முதலீட்டின் மீதான வருமான  இலக்கை அடைந்தபின், முழுத்தொகையையும் கடன் சார்ந்த ஃபண்டுகளுக்கு மாற்றிக் கொள்ளலாம்.''