Published:Updated:

ஃபேமிலி ஃபைனான்ஷியல் பிளானிங்

நிதியை மதியால் வெல்வோம்: இன்ஷூரன்ஸ் எடுப்பதிலும் திட்டமிடல் அவசியம்! ஸ்ரீதரன் தலைமை நிதி ஆலோசகர், ஃபண்ட்ஸ் இந்தியா டாட்காம். படங்கள்: ப.சரவணக்குமார், அ.ஜெஃப்ரி தேவ்.

குடும்பத்தின் மிக அத்தியாவசிய தேவைகளான குழந்தைகளின் கல்வி, திருமணம் மற்றும் ஓய்வூதியத் திட்டம் ஆகியவைகளுக்காகச் சேமிப்பதற்கான நிதித் திட்டமிடல் எப்படி முக்கியமோ, அதுபோல இன்ஷூரன்ஸ் திட்டமிடலும் மிக முக்கியம். குடும்பத்தில் வருமானம் ஈட்டுபவருக்கு எதிர்பாராத அசம்பாவித நிகழ்வு நடக்கும்போது இன்ஷூரன்ஸ் திட்டமிடல் மிகவும் உதவியாக இருக்கும்.

உதாரணமாக, ஒரு குடும்பத்தில் குடும்பத் தலைவர் மட்டும் வருமானம் ஈட்டுபவராகவும், அவரின் வருமானமே அந்தக் குடும்பத்தின் ஆதாரமாகவும் இருப்பதாகக் கொள்வோம். திடீரென்று அந்தக் குடும்பத் தலைவரானவர் இறக்க நேர்ந்தால்; அந்தக் குடும்பத்துக்கு அவரை இழந்த சோகத்துடன், எதிர்காலப் பொருளாதாரத்துக்கு என்ன செய்யப்போகிறோமோ என்கிற கவலையும்  சேர்ந்தே வாட்டி வதைக்கும். ஆனால், இறந்தவர் பெயரில் போதுமான அளவுக்கு இன்ஷூரன்ஸ் காப்பீட்டை எடுத்திருந்தால் அந்தக் குடும்பமே பொருளாதாரப் பிரச்னையில் சிக்காமல், மீண்டு வந்துவிடும். அதனால் ஒவ்வொரு தனிமனிதரின் இன்ஷூரன்ஸ் தேவைகளைக் கண்டறிந்து அதற்குத் தகுந்த அளவுக்கு இன்ஷூரன்ஸ் கவரேஜ் எடுத்து வைத்துக்கொள்வது அவசியமாகும். இதனை மனித வாழ்வின் மதிப்பு என்றும் கூறலாம்.

ஃபேமிலி ஃபைனான்ஷியல் பிளானிங்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

மனித வாழ்வின் மதிப்பை இரண்டு விதங்களில் கண்டறியலாம்.

1. வருமான மாற்று முறை.

2. தேவை பகுப்பாய்வு முறை.

இனி வருமான மாற்றுமுறை பற்றி விரிவாகப் பார்ப்போம். ஒரு தனிமனிதனின் ஆண்டு வருமானம் ரூபாய் 6 லட்சமாக இருக்கிறது என்று வைத்துக்கொள்வோம். இதில் அவரின் சொந்த செலவுகள் 20% வரை இருக்குமானால், மீதமுள்ள 80 சதவிகித தொகையை தன் வீட்டுக்குக் கொடுப்பார்.

அடுத்த பக்கத்தில் உள்ள அட்டவணையில் ரூபாய் 1,20,000 சொந்த செலவுக்கும், ரூபாய் 4,80,000 வீட்டு செலவுக்கும் சென்றுவிடும்.  இந்தத் தொகை அவர் இருக்கும்போதும், இல்லாதபோதும் அவரது குடும்பத்துக்குக் கிடைக்க வேண்டும் எனில், அவரது மனித வாழ்க்கை மதிப்பானது (HLV - Human Life Value) சுமார் 87,27,000 ரூபாய் ஆகும். இந்த 87,27,000 ரூபாயை வங்கி ஃபிக்ஸட் டெபாசிட்டில் முதலீடு செய்து குறைந்தபட்சம் 6% வட்டி ஈட்டினால் வருடத்துக்கு ரூபாய் 5,23,620 கிடைக்கும். இதனால்

ஃபேமிலி ஃபைனான்ஷியல் பிளானிங்

அவரது குடும்பம், அவர் உயிருடன் இருக்கும்போது கிடைத்த வாழ்க்கைத் தரம் குறையாமல் வாழ முடியும். அவரின் மனைவி மற்றும் குழந்தைகள் பிரச்னை இல்லாமல் வாழ முடியும்.

தேவை பகுப்பாய்வு முறை!

இந்த முறையில் சிறிது விரிவாக மனித வாழ்வின் மதிப்பைக் கண்டறிய முடியும். ஒவ்வொரு தனிமனித வாழ்க்கைத் தரத்துக்கு ஏற்றாற்போல் அவரது குடும்பச் செலவுகள் இருக்கும். ஒவ்வொருவரும் தன் வீட்டுக்குத் தேவையான செலவுகளான கார் கடன், வீட்டுக் கடன், தனிநபர் கடன் போன்றவற்றைக் குறித்துக்கொண்டு, மேலும் அவரது மனைவி உயிர் வாழும் வரைக்குமான தேவைகளைக் கண்டறிந்து, குழந்தைகளின் எதிர்காலத் தேவைகளான படிப்பு மற்றும் திருமணத் தேவைகள் ஆகியவற்றையும் கருத்தில்கொண்டு, அதற்குத் தகுந்தாற் போல் மனித வாழ்வின் மதிப்பைக் கண்டறிய வேண்டும்.

ஃபார்முலா: இன்ஷூரன்ஸ் தேவை = மனித வாழ்வின் மதிப்பு _ சேர்த்து வைத்த சொத்துகள் _ இன்ஷூரன்ஸ் ஏற்கெனவே எடுத்தது.

உதாரணத்துக்கு, மனித வாழ்க்கை மதிப்பு ஒரு கோடி ரூபாயாக இருப்பின், ஒருவர் ஒரு கோடி ரூபாய் மதிப்புக்கு சொத்துக்கள் சேர்த்து வைத்திருந்தால் அவருக்கு இன்ஷூரன்ஸ் தேவைப் படாது. ஆனால், அசையா சொத்துக்கள் மீது இன்ஷூரன்ஸ் எடுப்பது நல்லது.

மேலே உள்ள அட்டவணையில், ஒரு மனிதனின் குடும்பச் செலவு ரூபாய் 20,000. அவரது மனைவிக்கு வயது 38. அவரது வாழ்க்கை எதிர்பார்ப்பு 85-ஆக இருப்பின், மேலும் குழந்தைகளின் எதிர்கால தேவைகளையும் நிவர்த்தி செய்யவேண்டும் எனில், இவரின் மொத்த மனித வாழ்வின் மதிப்பு ரூ.2,78,51,000. இதில் இவர் சேர்த்துவைத்த சொத்தின் மதிப்பு 50 லட்சம் ரூபாயாகவும், ஏற்கெனவே எடுத்த பாலிசிகளின் உயிர்காப்பு 5 லட்சம் ரூபாயாகவும் இருப்பின், இவரது இன்ஷூரன்ஸ் தேவை ரூ.2,23,51,000. பொதுவாக, இன்ஷூரன்ஸ் தேவைகளைக் கண்டறிந்தபின்தான் எந்தவிதமான பாலிசியை எடுப்பது என்று தீர்மானிக்க வேண்டும்.

(திட்டமிடுவோம்)

ஃபேமிலி ஃபைனான்ஷியல் பிளானிங்
ஃபேமிலி ஃபைனான்ஷியல் பிளானிங்
ஃபேமிலி ஃபைனான்ஷியல் பிளானிங்