Published:Updated:

ஹோம் பட்ஜெட் : குறைந்தது தங்கம் விலை : இப்போது வாங்கலாமா ?

இரா.ரூபாவதி படங்கள்: ஜெ.வேங்கடராஜ், ப.சரவணகுமார், தே.தீட்ஷித்.

 பெண்களுக்கான நிதி நிர்வாக வழிகாட்டி!

 தங்க நகை விலை குறைந்தது என்கிற செய்தியைக் கேட்டாலே நம் பெண்கள் குஷியாகிவிடுவார்கள். கடந்த ஒருமாதமாகவே தங்கத்தின் விலை குறைந்திருக்கிறது. இந்த நிலையில் இப்போதே தங்க நகை வாங்கலாமா அல்லது விலை இன்னும் குறையும் போது காத்திருந்து வாங்கலாமா என ஜெம் அண்ட் ஜுவல்லரி டெக்னாலஜி டிரெய்னிங் சென்டர் நிறுவனத்தின் இயக்குநர் கே.சுவாமிநாதனிடம் கேட்டோம்.

''ஒரு கிராம் ஆபரணத் தங்கத்தின் விலை 2,500 ரூபாய் வரை குறைய வாய்ப்புள்ளது. தேவையிருப்பவர்கள் மட்டும் இப்போது வாங்கலாம். இன்னும் பெரிய அளவில் குறையும் என்று எதிர்பார்த்து காத்திருக்கத் தேவையில்லை.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

முதலீட்டு நோக்கில் தங்கம் வாங்குபவர்கள் நகையாக வாங்குவதைத் தவிர்ப்பது நல்லது. ஏனெனில், தங்க நகைகள் வாங்கும்போது செய்கூலி, சேதாரம் கட்டாயம் இருக்கும். அதாவது, ஒரு சவரன் தங்கநகை வாங்கும்போது கூடுதலாக 1,000 - 3,000 ரூபாய் வரை கூடுதலாகச் செலவழிக்க வேண்டியிருக்கும். இந்த நகைகளை பிற்பாடு அவசரத் தேவை காரணமாக விற்க நினைத்தால் கூடுதல் நஷ்டம் ஏற்படும்.  

ஹோம் பட்ஜெட் : குறைந்தது தங்கம் விலை : இப்போது வாங்கலாமா ?

மேலும், பழைய நகையைக் கொடுத்து, அதற்கு மாற்றாகப் புதிய நகை வாங்கும்போது, சேதாரம், செய்கூலி தரவேண்டியிருக்கும். அதாவது, ஏற்கெனவே வாங்கிய நகையின் சேதாரத்துக்கு 3,000 ரூபாய் தந்திருக்கிறீர்கள் என்று வைத்துக்கொள்வோம். அந்த நகையை விற்கும்போது 0.5 - 1 கிராம் வரை எடையில் கழிவு இருக்கும்.

தவிர, புதிதாக நகை வாங்கும்போது அதற்கு சேதாரமாக 3,000 ரூபாய் தரவேண்டியிருக்கும். ஆக, சேதாரத்துக்கு மட்டும் 6,000 ரூபாயும், எடையில் ஒரு கிராம் கழிவுக்கு 2,500 ரூபாயும் உங்களுக்கு நஷ்டம் ஏற்படும். எனவே, நகை வாங்குவதற்குமுன் அதன் பயன்பாடு என்ன என்பதைத் தெளிவாக முடிவெடுத்தபிறகு அதை வாங்குவது புத்திசாலித்தனமாக இருக்கும்.

முதலீட்டு நோக்கில் தங்கம் வாங்க நினைப்பவர்கள் தங்கக் காசுகளை (காயின்கள்) வாங்குவதைத் தவிர்ப்பது நல்லது. இந்தத் தங்கக் காசுகளை மறுவிற்பனை செய்யும்போது 3 - 4% கழிவாகப் போய்விடும்.

ஹோம் பட்ஜெட் : குறைந்தது தங்கம் விலை : இப்போது வாங்கலாமா ?

தினசரி பயன்படுத்தும் நகைகள் எனில், அதிக டிசைன் இல்லாமல் கையால் செய்த நகைகளை வாங்குவது நல்லது. இந்த நகைகளுக்கு செய்கூலி சற்றுக் கூடுதலாக இருக்கும். மெஷின் தயாரிப்பு நகைகள் வாங்குவதைத் தவிர்ப்பது நல்லது. ஏனெனில், மெஷினில் செய்த நகைகள் நீண்ட நாட்கள் உழைக்காது.

கையால் செய்த நகை பத்து ஆண்டுகள் வரை உழைக்கும் எனில்,  மெஷினில் செய்த நகைகள் இரண்டு, மூன்று ஆண்டுகள் வரை உழைக்கும். மெஷின் தயாரிப்பு நகைகளை வாங்கும்போது சேதாரம் மிச்சம் என நினைத்து வாங்கினால், அதை மாற்றும்போது கூடுதல் நஷ்டம்தான் ஏற்படும். ஆனால், காஸ்டிங் நகை வாங்குவது சிறப்பாக இருக்கும். இதில் சேதாரமும் குறைவாக இருக்கும். அதே நேரத்தில் டிசைன்கள் குறைவாகவே இருக்கும்.

டிசைன் அதிகமுள்ள நகைகளுக்கு அதிகச் சேதாரம் தந்துதான் ஆக வேண்டும். அதிக வேலைபாடுடன் கூடிய நகையை வாங்கினால் சேதாரத்தின் அளவும் அதிகமாக இருக்கும். எனவே, தினசரி உபயோகிக்கும் நகைகளை அதிக டிசைன் இல்லாமல் வாங்குவது நல்லது.

ஹோம் பட்ஜெட் : குறைந்தது தங்கம் விலை : இப்போது வாங்கலாமா ?

நீண்டகாலநோக்கில் தங்கத்தில் முதலீடு செய்ய நினைப்பவர்கள் கோல்டு ஃபண்ட் அல்லது கோல்டு இ.டி.எஃப்.-ல் முதலீடு செய்யலாம். கோல்டு ஃபண்டில் முதலீடு செய்வதற்கு டீமேட் கணக்கு தேவையில்லை. கே.ஒய்.சி மட்டும் இருந்தால் போதும்.

என்ன காரணம்?

புதிய அரசு தங்கத்தின் மீதான இறக்குமதி வரியை நிர்ணயிக்கும் விலையைக் கொஞ்சம் குறைத்துள்ளது. இன்னும் குறைப்பதற்கான வாய்ப்புகள் இருப்பதாக தங்க நகை வியாபாரிகள் நம்புகிறார்கள். இப்படி குறைக்கும்போது தங்கத்தின் விலை குறையும். இதனால், கணக்கில் காட்டாமல் வாங்கிவைத்திருக்கும் தங்கத்தை விற்க ஆரம்பிப்பார்கள். இதனாலும் தங்கம் விலை குறையும்'' என்றார் சுவாமிநாதன்.

ஹோம் பட்ஜெட் : குறைந்தது தங்கம் விலை : இப்போது வாங்கலாமா ?

தங்கம் விலை குறைந்துள்ள இந்தச் சமயத்தில் தங்க நகை வாங்குவதில் மக்களின் மனநிலை எப்படி உள்ளது என்பது குறித்து ஸ்ரீகோல்டு ஜுவல்லரியின் இயக்குநர் பாவேஷ்கிரணிடம் கேட்டோம்.

''இப்போது தங்கத்தின் விலை வெகுவாகக் குறைந்துள்ளது. ஆனாலும், விலை இன்னும் குறையும் என மக்கள் எதிர்பார்க்கிறார்கள். இதனால் வாங்குவதையும் தவிர்க்கிறார்கள். கடந்த வருடம் தங்கத்தின் விலை குறைந்தபோது மக்கள் மிக ஆர்வமாக வாங்கினார்கள். காரணம், கடந்த ஐந்து, ஆறு வருடமாக தங்கத்தின் விலை ஏறுமுகத்திலேயே இருந்துவந்ததுதான். தற்போது நிலைமை தலைகீழாக உள்ளது. தேவையிருப்பவர்கள் மட்டுமே இப்போது தங்க நகை வாங்குகிறார்கள்'' என்றார் அவர்.

ஹோம் பட்ஜெட் : குறைந்தது தங்கம் விலை : இப்போது வாங்கலாமா ?

தங்கம் விலை குறைந்துள்ள இந்தச் சமயத்தில், தேவை காரணமாக தங்க நகை வாங்க நினைக்கிறவர்கள் மட்டும் வாங்கிக்கொள்ளலாம்!