Published:Updated:

மாதம் 20 ஆயிரம்... 20 வருடங்கள்... எந்தெந்த திட்டங்களில் முதலீடு செய்யலாம்?

மாதம் 20 ஆயிரம்... 20 வருடங்கள்... எந்தெந்த திட்டங்களில் முதலீடு செய்யலாம்?

மாதம் 20 ஆயிரம்... 20 வருடங்கள்... எந்தெந்த திட்டங்களில் முதலீடு செய்யலாம்?

மாதம் 20 ஆயிரம்... 20 வருடங்கள்... எந்தெந்த திட்டங்களில் முதலீடு செய்யலாம்?

Published:Updated:

கேள்வி - பதில்

?நான் சிங்கப்பூரில் வசித்து வருகிறேன். மாதம் ரூ.20,000  வீதம் அடுத்த 15 - 20 வருடங்களுக்கு முதலீடு செய்யலாம் என திட்டமிட்டு இருக்கிறேன். என் நிதித் தேவைகளைப் பூர்த்தி செய்யும் வகையில் முதலீட்டுத் திட்டங்களைக் கூறவும்.

@-  மோகன் குமார், சிங்கப்பூர். எஸ்.பாரதிதாசன், நிதி ஆலோசகர்.

ஒட்டுமொத்த விகடனுக்கும் ஒரே ஷார்ட்கட்!

''நீண்ட காலத் தேவையின் அடிப்படை யில் முதலீடு செய்யத் திட்டமிட்டு இருக்கிறீர்கள். குழந்தைகளுக்கான உயர்கல்வித் தேவை, உங்களது ஓய்வுக்காலத் தேவை போன்றவை உங்களுக்கு இருக்கும்.  தொழில்நுட்பம் மற்றும் அடிப்படை பகுப்பாய்வு குறித்த அறிவு மற்றும் நேரம் இருந்தால் நீங்கள் லார்ஜ் கேப் நேரடி ஈக்விட்டி திட்டங்கள் அல்லது டைவர்சிஃபைட் ஈக்விட்டி ஃபண்ட் திட்டங்களில் முதலீடு செய்யலாம். அதாவது, ஹெச்டிஎஃப்சி டாப் 200, ஹெச்டிஎஃப்சி ஈக்விட்டி ஃபண்ட், பிர்லா சன் லைஃப் ஈக்விட்டி, பிர்லா சன் லைஃப் டாப் 100, ஐசிஐசிஐ ஃபோகஸ்டு புளூசிப், ஐசிஐசிஐ டாப் 100 ஆகிய ஃபண்டுகளில் முதலீடு செய்யலாம். இந்த ஃபண்டுகள் நீண்ட காலத்தில் 12 - 15% வருமானம் தர வாய்ப்புள்ளது.

நீங்கள் மாதம் ரூ.20 ஆயிரம் வீதம் 20 வருடத்தில் ரூ.48 லட்சம் முதலீடு செய்திருப்பீர்கள். ஆண்டுக் கூட்டு வருமானம் 12% கிடைத்தால், ரூ.2 கோடி கிடைக்க வாய்ப்புள்ளது. 15% வருமானம் கிடைத்தால், ரூ.3 கோடி கிடைக்க வாய்ப்புள்ளது. இதன் மூலமாக உங்களின் நீண்ட கால தேவைகளை நிறைவேற்றிக் கொள்ளலாம்.''

மாதம் 20 ஆயிரம்... 20 வருடங்கள்... எந்தெந்த திட்டங்களில் முதலீடு செய்யலாம்?

?யூடிஐ மாஸ்டர் வேல்யூ மியூச்சுவல் ஃபண்டில் முதலீடு செய்யலாமா?

- முரளி, திருச்சி. ரவிக்குமார், நிதி ஆலோசகர்.

''யூடிஐ மாஸ்டர் வேல்யூ ஃபண்ட் டைவர்சிஃபைட் மிட் கேப் வகையைச் சார்ந்தது. இதன் பி/இ மதிப்பு குறைவாக இருப்பதால், இதை  ஒரு வேல்யூ ஃபண்ட் என்று சொல்லலாம். இந்த ஃபண்ட் 1998-ல் ஆரம்பிக்கப்பட்டது. அப்போது இதில் ரூ.10,000 முதலீடு செய்திருந்தால், இப்போது ரூ.1.58 லட்சம் கிடைத்திருக்கும். அதாவது, ஆண்டுக்கு சராசரியாக 19.50% வருமானம்  தந்துள்ளது. இந்தத் திட்டத்தில் எஸ்ஐபி முறையில் குறைந்தது ஐந்தாண்டுகளுக்கு மேல் முதலீடு செய்ய வேண்டும்.''  

?என் உறவினர் சமீபத்தில் இறந்துவிட்டார். அவரது பூர்வீக சொத்து மூலமாக ரூ.5 லட்சம் கிடைத்துள்ளது. அவருக்கு இரண்டு பெண் குழந்தைகளும் (வயது முறையே 16, 14) ஒரு ஆண் குழந்தையும் (வயது 17) உண்டு. இவர்களின் திருமணச் செலவுகளைப் பூர்த்திச் செய்யும் வகையில் முதலீட்டுத் திட்டங்களைக் கூறவும்.

- பிரபாகரன், புதுக்கோட்டை. எம்.வெங்கடேஸ்வரன், நிதி ஆலோசகர்.

''உங்கள் உறவினரின் குடும்பம் இப்போது உள்ள சூழ்நிலையில் அவர்களின் முதலீடு மிகவும் பாதுகாப்பாக இருக்க வேண்டும். அதேநேரத்தில் ஓரளவுக்கு நல்ல வருமானம் தருவதாகவும் இருக்க வேண்டும்.

பாதுகாப்பான மற்றும் பாரம்பரியம் மிக்க நிறுவனங்களில் முதலீடு செய்வது அவசியம்.  

மாதம் 20 ஆயிரம்... 20 வருடங்கள்... எந்தெந்த திட்டங்களில் முதலீடு செய்யலாம்?

தற்போதைய நிலையில், பிஎன்பி ஹவுஸிங் ஃபைனான்ஸ் நிறுவனத்தில் முதலீடு செய்யலாம். இந்த நிறுவனம் பஞ்சாப் நேஷனல் வங்கியின் துணை நிறுவனம். டெபாசிட்களுக்கு 10 ஆண்டு களுக்கு 9.5% வட்டி தருகிறது.  மூத்த குடிமக்களுக்கு 0.25 சதவிகிதம் வட்டி கூடுதலாகக் கிடைக்கும்.  

மேலும், மஹேந்திரா அண்ட் மஹேந்திரா ஃபைனான்ஷியல் சர்வீசஸ் நிறுவனத்தின் டெபாசிட் திட்டங்களிலும் முதலீடு செய்யலாம். மேலே கூறிய இரண்டு நிறுவனங்களும் 'ஏஏஏ’ ரேட்டிங் பெற்றுள்ளது. இது தவிர்த்து, பொதுத்துறை வங்கிகளிலும் டெபாசிட் செய்யலாம்.''

?எஸ்பிஐ பார்மா ஃபண்ட் (குரோத்). யூடிஐ டிரான்ஸ்போர்ட்டேஷன் அண்ட் லாஜிஸ்டிக்ஸ் ஃபண்ட் ஆகியவற்றில் கடந்த ஒரு வருடமாக முதலீடு செய்து வருகிறேன். இதைத் தொடரலாமா?

 டி.வித்யா சங்கர், சேலம். ஜெ.ஜெயக்குமார், நிதி ஆலோசகர்.

''நீங்கள் முதலீடு செய்திருக்கும் ஃபண்டுகள், செக்டார் ஃபண்டுகள். இந்த ஃபண்டுகள் அதிக ரிஸ்க் கொண்டவை. இவை, குறிப்பிட்ட சிலநேரங்களில் மட்டுமே நல்ல வருமானம் தரும்.

மாதம் 20 ஆயிரம்... 20 வருடங்கள்... எந்தெந்த திட்டங்களில் முதலீடு செய்யலாம்?

எனவே, நீங்கள் உங்கள் முதலீட்டை சற்று மாற்றியமைக்கலாம். அதாவது, டைவர்சிஃபைட் ஈக்விட்டி திட்டங்களான யூடிஐ ஆப்பர்ச்சூனிட்டீஸ் ஃபண்டில் முதலீடு செய்யலாம்.''

?துலிப் டெலிகாம் 800 பங்குகளை 42 ரூபாய்க்கு வாங்கினேன். இந்தப் பங்கு தற்போது 4 ரூபாய்க்கு வர்த்தகம் ஆகிவருகிறது. இந்தப் பங்கை என்ன செய்வது?

 -மோகன்ராம், தேனி. ஆர்.சுபாஷ், நிர்வாக இயக்குநர், டி.ராம் ஃபைனான்ஷியல் சர்வீசஸ்.

''அடிப்படை மற்றும் டெக்னிக்கல் ஆய்வுகளின்படி, இந்தப் பங்கின் விலை ஏறுவதற்கான வாய்ப்பு மிகவும் குறைவு. எனவே,

இந்தப் பங்கை விற்றுவிடுவதே நல்லது. இதற்குப் பதிலாக, புளூசிப் பங்குகளை நல்ல இறக்கத்தில் சிறிது சிறிதாக வாங்கி இழப்பைச் சரிக்கட்டலாம்.''

மாதம் 20 ஆயிரம்... 20 வருடங்கள்... எந்தெந்த திட்டங்களில் முதலீடு செய்யலாம்?

?ஃபைனான்ஸ் தொழில் செய்து வருகிறேன். ஒவ்வொரு வருடமும் வருமான வரி கணக்கும் தாக்கல் செய்து வருகிறேன். எனக்கு வீட்டுக் கடன் இல்லை என வங்கிகள் கூறுகின்றன. இது ஏன்?

- அன்பரசு, சென்னை. விஸ்வநாத் கிருஷ்ணன், வீட்டுக் கடன் ஆலோசகர்.

''உங்கள் தொழிலின் தன்மை காரணமாக வங்கிகள் உங்களுக்கு வீட்டுக் கடன் தர தயக்கம் காட்டுவதாக நான் நினைக்கிறேன். ஃபைனான்ஸ் தொழிலில் இருக்கும் ரிஸ்க் அதிகம் என்பதால்தான் வங்கிக் கடன் கிடைப்பது கடினமாக இருக்கிறது.''

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism