Published:Updated:

SME கைடுலைன்!

பலனளிக்கும் பாதுகாப்பான ஏற்றுமதி! ச.ஸ்ரீராம்

SME கைடுலைன்!

பலனளிக்கும் பாதுகாப்பான ஏற்றுமதி! ச.ஸ்ரீராம்

Published:Updated:

 தொழில் முனைவோர்களின் வெற்றிக்கு...

ஏற்றுமதி செய்வதன் மூலம் எப்படியெல்லாம் லாபம் சம்பாதிக்கலாம் என்பது குறித்து கடந்த வாரம் கூறியிருந்தோம். அதன் தொடர்ச்சியாக இந்த வாரம் ஏற்றுமதியை எப்படியெல்லாம் பாதுகாப்பாகச் செய்ய வேண்டும் என்பது குறித்து இந்திய ஏற்றுமதி கூட்டமைப்பின் (Federation of Indian Export Organisations)  துணை இயக்குநர் கே.உன்னிகிருஷ்ணனிடம் கேட்டோம்.

'ஏற்றுமதி என்பது எளிமையான, சிக்கல் எதுவும் இல்லாத வேலை என்று சொல்லிவிட முடியாது.  தற்போதுள்ள சூழ்நிலையில் எந்தவொரு நாட்டையும் 100% பாதுகாப்புடன் ஏற்றுமதி செய்யக்கூடிய நாடு என கூறமுடியாது. ஒவ்வொரு நாட்டிலும் சில மோசடி நிறுவனங்கள் உள்ளன. அதனை அடையாளம் கண்டு அதற்கேற்றவாறு ஏற்றுமதி செய்வது சிறந்தது.

ஒட்டுமொத்த விகடனுக்கும் ஒரே ஷார்ட்கட்!

ஏற்றுமதியைப் பொறுத்தவரையில், நாம் விற்ற பொருளுக்கான பணத்தைத் திரும்பப் பெறுவதில் கண்ணும் கருத்துமாக இருக்க வேண்டும். ஓர் ஏற்றுமதியாளர், தான் விற்பனை செய்யும் பொருட்களுக்கு மூன்று முக்கியமான வழிகளில் பணம் பெறுகிறார்.

முதலாவது, இங்கிருந்து பொருட்களை மற்ற நாடுகளில் உள்ள விற்பனையாளர்களுக்கு  அனுப்பிவிட்டு, அவர்களிடம் பொருள் சென்றடைந்தவுடன் அதற்கான பணத்தைப் பெறுவது.

SME கைடுலைன்!

இது வழக்கமாக நடைபெறும் முறை என்றாலும், இதுதான் அதிக ரிஸ்க் நிறைந்த பரிமாற்ற முறையாக இருக்கிறது. ஏனெனில், பொருட்களை வாங்கியவர் ஒருவேளை பணம் செலுத்தாமல் விட்டுவிட்டாலோ, அந்த நாட்டில் ஏதாவது போர் அல்லது இயற்கைச் சீற்றத்தால் பொருட்கள் சேதம் அடைந்தாலோ ஏற்றுமதியாளர் நஷ்டத்தைச் சந்திக்க வாய்ப்புள்ளது. ஆனாலும், இந்தமுறையில் சரியாக ஏற்றுமதித் தொழில் செய்துவரும் நிறுவனங்கள் பலவும் இருக்கவே செய்கின்றன.  

இரண்டாவது முறை, 'அட்வான்ஸ் பேமன்ட்’ முறை. இந்த முறையில் ஏற்றுமதியாளரிடம் இருந்து பொருள் பெறுபவர், ஏற்றுமதியாளர்மேல் உள்ள நம்பிக்கையில் ஏற்றுமதியாளருக்கு அவரது ஏற்றுமதியின் மதிப்பில் குறிப்பிட்ட பணத்தை முன்பணமாகத் தந்து, பின்பு பொருள் வந்துசேர்ந்தவுடன்

SME கைடுலைன்!

மீதமுள்ள பணத்தை அளிப்பார்.  

மார்க்கெட்டில் தேவை அதிகமுள்ள பொருட்களுக்கும், ஒரு குறிப்பிட்ட நாட்டுக்கு உடனடியாகத் தேவைப்படும் பொருட்களுக்கும் இந்த முறையில் பணம் பெறப்படுகிறது.

இதற்கு ஏற்றுமதியாளர் சார்பிலிருந்து அவரது தயாரிப்புத் திறன் குறித்த ஆவணங்கள் சரிபார்க்கப்பட்ட பின்பே முன்பணம் அளிக்கப்படும்.

மூன்றாவது முறை, லெட்டர் ஆஃப் கிரெடிட் முறை ஆகும். முக்கியமான இந்த முறை பாதுகாப்பானது மற்றும் அதிகப் பலனளிப்பது. இதில்,  ஏற்றுமதியாளர் தாங்கள் எடுத்திருக்கும் ஆர்டருக்கான புரொஃபார்மா இன்வாய்ஸ், பேக்கேஜிங் கட்டணம் மற்றும் தங்களின் சான்றிதழ்களை இணைத்து பொருளை வாங்குபவருக்கு அனுப்ப வேண்டும்.

இறக்குமதியாளர் இவற்றை அவரது  வங்கியில் கொடுத்து லெட்டர் ஆஃப் கிரெடிட்டை தொடங்குவார். இதைப் பெற்று, ஏற்றுமதியாளர் பொருளை அனுப்பியபின், எல்லா ஆவணங்களையும் தன்னுடைய வங்கிக்கு சமர்ப்பிக்க வேண்டும். வங்கியானது இதனை வெளிநாட்டு வங்கிக்கு அனுப்பி பணத்தைப் பெற்றுத்தரும்.

ஒருவேளை பொருளை வாங்கியவர், பணத்தைத் திரும்பச் செலுத்தத் தவறினால், இந்த லெட்டர் ஆஃப் கிரெடிட் இருப்பதால் பொருளை வாங்குபவர் நாட்டு வங்கி ஏற்றுமதியாளருக்கு அவரது வங்கி வைப்பு தொகையிலிருந்தோ அல்லது அவரது வங்கி கணக்கிலிருந்தோ அந்தத் தொகையைத் திரும்ப அளிக்கும்.

தவிர, ஏற்றுமதியாளர் இந்த லெட்டர் ஆஃப் கிரெடிட்டை பயன்படுத்தி, தங்கள் தயாரிப்புக்குத் தேவையான பணத்தில் குறிப்பிட்ட அளவு தொகையைக் கடனாகப் பெற முடியும்.

இந்த லெட்டர் ஆஃப் கிரெடிட்டைக் காட்டி, வர்த்தக அமைச்சகத்தின் கீழ் இயங்கும் எக்ஸ்போர்ட் கிரெடிட் கேரன்டி கார்ப்பரேஷனில் ஏற்றுமதியாளர் இன்ஷூரன்ஸ் செய்வது மிகவும் அவசியம்.

SME கைடுலைன்!

ஏனெனில், இங்கிருந்து அனுப்பப்படும் பொருட்கள் இடையில் சேதமானாலோ அல்லது அதனை வாங்கும் நாட்டில் போர் போன்ற சில காரணங்களால் பணம் வந்து சேரமுடியாத நிலை ஏற்பட்டாலோ இந்த இன்ஷூரன்ஸ் மூலம் இழப்பீடு கிடைக்கும். அதனால் எஸ்எம்இ-கள் இந்த ஏற்றுமதி இன்ஷூரன்ஸ் செய்வது அவசியம். ஏற்றுமதி செய்யும்போது ரூபாய் மதிப்பிலும் அதிகக் கவனம் செலுத்த வேண்டும்.

வெளிநாட்டு வர்த்தகங்களில் பெரும்பாலானவை டாலரில்தான் உள்ளன. ஏற்றுமதி செய்பவர் இன்று பொருளை ஏற்றுமதி செய்தால், அதற்கான தொகை அவருக்கு வந்துசேர 20 - 25 நாள் ஆகும்.

SME கைடுலைன்!

இதற்குள் ரூபாய் மதிப்பு உயர்ந்தால், ஏற்றுமதியாளர்கள் நஷ்டம் அடைய வேண்டியிருக்கும். ஆனால், 'ஃபார்வேர்டு புக்கிங்’ செய்வதன் மூலம் ரூபாய் மதிப்பு உயர்ந்தாலும் ஃபார்வேர்டு கான்ட்ராக்ட்டில் உள்ள மதிப்புக்கே பணத்தைப் பெற முடியும்.

ஆனால், அதற்கு மாறாக ஆர்டர் செய்யப்பட்ட நாளில் உள்ள ரூபாய் மதிப்பு குறைந்திருந்தால், உதாரணமாக,  ஒரு டாலர் ரூ.60 என்கிற அளவில் இருந்தபோது நிர்ணயிக்கப்பட்ட ஆர்டர், 'ஃபார்வேர்டு புக்கிங்’ செய்தபின் ரூ.62-ஆக மாறிவிட்டால், 'ஃபார்வேர்டு புக்கிங்’கை ரத்து செய்தும் அன்றைய விலைக்கே பணம் பெறும் வசதியும் உள்ளது.

SME கைடுலைன்!

கரன்சி ரிஸ்க் அதிகமாக இருக்கும் என்றால், நிரந்தர விலை நிர்ணயிக்கப்பட்ட ஃபார்வேர்டு புக்கிங்கையும், ரிஸ்க் குறைவாக இருக்குமென்றால் ரத்து செய்யும் வசதியுள்ள ஃபார்வேர்டு புக்கிங்கையும் தேர்ந்தெடுப்பது நல்லது'' என்றார் உன்னிகிருஷ்ணன்.

எச்சரிக்கையோடு செய்தால், ஏற்றுமதியிலும் நஷ்டத்தைத் தவிர்த்து லாபம் பார்ப்பதற்கான வாய்ப்புகள் நிறையவே உள்ளன!

SME கைடுலைன்!
SME கைடுலைன்!