Published:Updated:

ஹோம் பட்ஜெட் : முதலீட்டுச் சிக்கல்களுக்கு தீர்வு காண்பது எப்படி?

இரா.ரூபாவதி படங்கள்: ஜெ.வேங்கடராஜ்.

ஹோம் பட்ஜெட் : முதலீட்டுச் சிக்கல்களுக்கு தீர்வு காண்பது எப்படி?

இரா.ரூபாவதி படங்கள்: ஜெ.வேங்கடராஜ்.

Published:Updated:

 பெண்களுக்கான நிதி நிர்வாக வழிகாட்டி!

வேலைக்குப் போகும் பெண் களின் எண்ணிக்கை நாளுக்குநாள் அதிகரித்து வருகிறது. இதனால் அவர்களின் பொருளாதார நிலை உயர்ந்து, வாங்கும் சம்பளத்தில் குறிப்பிட்ட தொகையை தங்கள் எதிர்காலத்துக்காக முதலீடு செய்கிற அளவுக்கு முன்னேறி இருக்கிறார்கள்.

ஆனால், இதெல்லாம் பெண்களுக்குத் திருமணமாகிற வரைதான். திருமணமான பின் முதலீட்டைத் தொடர்வதில் பல சிக்கல்கள் வந்து சேர்கின்றன. இந்தச் சிக்கல்களிலிருந்து எப்படி விடுபடுவது என்பதற்கான வழிமுறைகளைச் சொல் கிறார் ஹோலிஸ்டிக் இன்வெஸ்ட்மென்ட் பிளானர்ஸ் நிறுவனத்தின் இயக்குநர் கே.ராமலிங்கம்.

ஒட்டுமொத்த விகடனுக்கும் ஒரே ஷார்ட்கட்!

''இன்றைக்கு திருமணத்துக்கு முன்பே பல பெண்கள் முதலீடு செய்ய ஆரம்பித்திருப்பது பாசிட்டிவ்வான விஷயமே. இதை ஒவ்வொரு வீட்டில் உள்ளவர்களும் வரவேற்று, உற்சாகப் படுத்த வேண்டும். ஆனால், திருமணத் துக்குப்பின் குடும்பம், வேலை என இரண்டு பக்கமும் கவனத்தைச் செலுத்த வேண்டியிருப்பதால், அவர்கள் தொடர்ந்து முதலீட்டில் ஆர்வம் செலுத்துவதில்லை.

ஹோம் பட்ஜெட் : முதலீட்டுச் சிக்கல்களுக்கு தீர்வு காண்பது எப்படி?

கூடுதல் வேலை மட்டும் இல்லாமல் சில நடைமுறை சிக்கல் காரணமாகவும் தங்களது முதலீட்டை தொடராமல் விட்டுவிடுகிறார்கள். முதலீட்டை தொடரும் பெண்களும் சில முக்கியமான மாற்றங்களைப் பதிவு செய்யாமல் விட்டுவிடுகிறார்கள்.

அதாவது, பெயருக்குமுன் போடப்படும் இனிஷியல், நாமினி மாற்றம், முகவரி மாற்றம், வங்கிக் கணக்கு மாற்றம் போன்ற பிரச்னைகளால் அவர்களின் முதலீடு தடைப்படுகிறது. இந்தப் பிரச்னைகள் எளிதில் தீர்க்கக் கூடியவைதான்.

திருமணமான பல பெண்களுக்கு முதலீடு மற்றும் முக்கியமான ஆவணங்களில் தங்களுடைய பெயருக்குமுன் (கணவன், தந்தை) யாருடைய இனிஷியலைப் போட வேண்டும் என்கிற சந்தேகம் இருக்கிறது. பெண்களின் பள்ளி, கல்லூரிச் சான்றிதழில் அப்பாவின் பெயரில் முதல் எழுத்தை இனிஷியலாகப் போட்டு இருப்பார்கள்.ஆனால், திருமணத்துக்குப்பின் கணவரின் பெயரில் முதல் எழுத்தைப் போட்டால், முதலீட்டில் சிக்கல் வருவதற்கான வாய்ப்புள்ளது. வங்கியில் மட்டும் திருமணச் சான்றிதழ் கொடுத்து, வங்கிக் கணக்கில் பெயருக்கு முன்பு இருக்கும் இனிஷியலை எளிதாக மாற்றிலாம்.

ஆனால், பிறப்புச் சான்றிதழ் இல்லாத வர்களுக்கு பள்ளிச் சான்றிதழைத்தான் வயதுக்கான ஆவணமாகக் காண்பிக்க வேண்டி இருக்கும். இதில் சிக்கல் இருந்தால் அரசிதழில் கட்டாயம் பெயர் மாற்றம் செய்ய வேண்டியிருக்கும்.

ஹோம் பட்ஜெட் : முதலீட்டுச் சிக்கல்களுக்கு தீர்வு காண்பது எப்படி?

திருமணத்துக்குமுன் வங்கிக் கணக்கு மற்றும் முதலீட்டைத் துவங்கியவர்கள்,  திருமணத்துக்்குப் பிறகும் அப்பாவின் இனிஷியலையே போடுபவர்களாக இருந்தால் சிக்கல் இல்லை.  திருமணத்துக்குபின் அப்பாவின் இனிஷியலுக்கு பதிலாக கணவரின் இனிஷியலை போடுபவர்களுக்குத்தான் சிக்கல்.

உதாரணமாக, திருமணத்துக்குப் பிறகு எடுக்கும் இன்ஷூரன்ஸ் பாலிசியில் கணவரின் பெயரை இனிஷியலாகப் போட்டு பாலிசி எடுக் கிறார்கள் என வைத்துக்கொள்வோம். ஆனால், இவரது வங்கிக் கணக்கில் அப்பாவுடைய இனிஷியல் போட்டு இருந்தால், இன்ஷூரன்ஸ் முதிர்வு தொகையைப் பெறுவதில் சிக்கல் வரும்.  எனவே, முதலீடு செய்வதற்குமுன் வங்கிக் கணக்கு முதற்கொண்டு எல்லாவற்றிலும் நீங்கள் தரும் பெயர் ஒரே மாதிரியாக உள்ளதா என்பதை சரிபார்ப்பது நல்லது.

அடுத்த முக்கியமான விஷயம், நாமினி தொடர்பானது. அனைத்து விதமான முதலீடுகளுக்கும் நாமினி கட்டாயமாக இருக்கும். நாமினியாக யாரை நியமிக்கிறோம், அந்த நாமினியின் பெயர் எல்லா ஆவணங்களிலும் இருக்கிறபடி, சரியாக இருக்கிறதா என்பதைப் பார்க்க வேண்டும்.  

பெண்கள் திருமணத்துக்குமுன் செய்யப்படும் முதலீடுகளில் பெரும்பாலும் பெற்றோரின் பெயரைக் குறிப்பிட்டு இருப்பார்கள். திருமணத்துக்குப் பிறகு கணவரின் பெயரை நாமினியாகப் போடாமல் விட்டிருப்பார்கள். முதலீடு செய்த பணத்தை முதலீடு செய்தவரே இடைப்பட்ட காலத்தில் எடுத்தால் பிரச்னை எதுவும் இல்லை. ஆனால், முதலீடு செய்தவரும், நாமினியாகக் குறிப்பிட்டவரும் உயிருடன் இல்லாமல் போகும் சூழ்நிலையில் அந்தப் பணத்தை யார் பெறுவது, எப்படிப் பெறுவது என்கிற கேள்விகள் எழும். பிற்காலத்தில் இதுபோன்ற சிக்கல்கள் ஏற்பட வாய்ப்புண்டு என்பதால், ஆரம்பத்தி லேயே இந்த விஷயத்தில் கவனமாக இருப்பது நல்லது.

ஹோம் பட்ஜெட் : முதலீட்டுச் சிக்கல்களுக்கு தீர்வு காண்பது எப்படி?

பெண்களின் திருமணத்துக்குப் பிறகு இடமாற்றம் கட்டாயம் ஏற்படும். அதாவது, திருமணத்துக்குப் பிறகு கணவரின் முகவரியில் தன் முகவரியை மாற்ற வேண்டியிருக்கும். இதில் கணவர் அடிக்கடி வேலை காரணமாக ஊர் மாறும் நிலையில் இருந்தால், மீண்டும்  மீண்டும் எல்லா முகவரிகளையும் மாற்ற வேண்டி இருக்கும். தவிர, வாடகை வீட்டில் குடியிருப்பவர்கள் அடிக்கடி வீட்டை மாற்றும்போதும் இந்தச் சிக்கலை எதிர்கொள்ள வேண்டி யிருக்கும்.

தற்போதைய நிலையில் இதைச் சோர்வுதரும் விஷயமாக நாம் கருதாமல், வங்கிக் கணக்கு, டீமேட், இன்ஷூரன்ஸ் போன்ற ஆவணங்களில் முகவரி மாற்றத்தை அவசியம் செய்வது நல்லது. எனினும், முதலீட்டு உலகம் வேகமாகக் கம்ப்யூட்டர்மயமாகி வருவதால், எதிர்காலத்தில் இதுமாதிரியான மாற்றங்களை விரைவாக செய்யலாம்.

திருமணத்துக்குமுன் ஒரு வங்கிக் கணக்கு எண்ணைக் கொடுத்து, முதலீடு செய்த பெண்கள் திருமணமாகி வெளியூர்களுக்குச் செல்லும்போது, அந்த வங்கிக் கணக்கை குளோஸ் செய்துவிடுகிறாா்கள். இப்படிச் செய்வது தவறு. இந்த வங்கிக் கணக்கை குளோஸ் செய்வதற்குமுன் முதலீடு செய்த நிறுவனத்துக்கு இதைச் சொல்லி வங்கிக் கணக்கு எண்ணை மாற்றம் செய்ய வேண்டும். இப்படிச் செய்தால்,  முதலீட்டைத் திரும்பப் பெறுவதில்  எந்தச் சிக்கலும் வராது. புதிய முதலீட்டையும் எளிதாக மேற்கொள்ளலாம்.

புதிதாக ஊர் மாறி வருகிற பெண்கள் வங்கியில் சேமிப்புக் கணக்கு தொடங்க, அந்த ஊர் முகவரியில் எந்த ஆவணமும் இல்லை எனில், வாடகை வீட்டுக்கான ஒப்பந்தத்தை கணவன்  மனைவி இருவரது பெயரிலும் ஜாயிண்ட்டாக போடுவதன் மூலம், அதை வங்கியில் காட்டி சேமிப்புக் கணக்கைத் தொடங்கலாம்'' என்று முடித்தார் ராமலிங்கம்.

பெண்கள் தங்கள் முதலீட்டை தொடர, இந்த ஆலோசனைகளின்படி நடக்கலாமே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism