Published:Updated:

ஃபண்ட் பரிந்துரை!

ஐடிஎஃப்சி பிரீமியர் ஈக்விட்டி ஃபண்ட்: முதலீடு செய்கசொக்கலிங்கம் பழனியப்பன், டைரக்டர், ப்ரகலா வெல்த் மேனேஜ்மென்ட் பி.லிட்

ஃபண்ட் பரிந்துரை!

ஐடிஎஃப்சி பிரீமியர் ஈக்விட்டி ஃபண்ட்: முதலீடு செய்கசொக்கலிங்கம் பழனியப்பன், டைரக்டர், ப்ரகலா வெல்த் மேனேஜ்மென்ட் பி.லிட்

Published:Updated:

ஐடிஎஃப்சி பிரீமியர் ஈக்விட்டி ஃபண்ட், மிட் அண்ட ஸ்மால் கேப் பங்குகளில் முதலீடு செய்யும் ஒரு திட்டமாகும். இதன் போர்ட்ஃபோலியோ வில் 75% மிட் அண்ட் ஸ்மால் கேப் பங்குகள் உள்ளன. சமீபகாலமாக 20 சதவிகிதத்துக்கும் மேலான முதலீட்டை லார்ஜ் கேப் பங்குகளிலும் வைத்துக் கொள்கிறது.

இதன் ஃபண்ட் மேனேஜர் கென்னத் ஆண்ட்ரேட் ஆவார். இந்தியாவில் உள்ள முன்னணி ஃபண்ட் மேனேஜர் களில் இவரும் ஒருவர்.

பொதுவாக, மிட் கேப் பங்குகளில் முதலீடு செய்யும் திட்டங்கள், சந்தை சரியும்போது சற்று அதிகமாகச் சரியும். ஆனால், இந்தத் திட்டமோ லார்ஜ் கேப் பங்குகளில் முதலீடு செய்யும் திட்டம்போல, கரடிச் சந்தையில் செயல்படும். அதாவது, சந்தை சரியும்போது இதன் சரிவு குறைவாகவே இருக்கும். இதுவே இதன் சிறப்பம்சம். இதற்குக் காரணம், இந்த ஃபண்ட் தனக்குத்தானே வகுத்துக்கொண்டுள்ள உத்தியாகும்.

ஒட்டுமொத்த விகடனுக்கும் ஒரே ஷார்ட்கட்!

ஃபண்ட் பரிந்துரை!

இந்த ஃபண்ட் கடனே இல்லாத நிறுவனங்களில் அல்லது மிகவும் குறைவாகக் கடன் வைத்துள்ள நிறுவனங்களிலேயே முதலீடு செய்கிறது. மேலும், அந்த நிறுவனங்கள் தாங்கள் விற்கும் பொருளில் சந்தையில் முன்னணி நிறுவனமாகத் திகழ்வதோடு மட்டுமல்லாமல், நல்ல லாபத்தை ஈட்டும் நிறுவனமாக இருக்க வேண்டும். இவற்றுக்குமேல் பொருளாதார அகழியை (economic moat) கொண்ட நிறுவனமாக இருக்க வேண்டும்.

ஃபண்ட் பரிந்துரை!

இதுபோன்ற பல ஃபில்டர்களைக் கொண்டு, இந்தத் திட்டம் தனது பங்குகளைப் பொறுக்குகிறது. இதனால் மிட் கேப் அல்லது ஸ்மால் கேப் பங்குகளாக இருந்தபோதிலும், இதன் போர்ட்ஃபோலியோ மிகவும் தரமாக உள்ளது. அதனால்தான் இதன் போர்ட்ஃபோலியோவில் உள்ள பங்குகளின் சராசரி பி/இ விகிதமும் (33.83) அதிகமாக இருக்கிறது. வளர்ச்சி உள்ள பங்குகளின் பி/இ விகிதம் எப்போதும் அதிகமாகத்தான் இருக்கும் என்பதால், இந்த ஃபண்டும் அதிக பி/இ மதிப்பில் உள்ள நிறுவனப் பங்குகளை வாங்கத் தயங்குவதில்லை.

இந்த ஃபண்டின் பீட்டா 0.85. இது சந்தையைவிட குறைவான ஏற்ற இறக்கம் உடையது என்பதைக் குறிக்கிறது. அதேசமயத்தில், இந்த ஃபண்டின் ஆல்ஃபா 7.10. இது குறியீட்டைவிட 7.10% அதிக வருமானத்தைக் கொடுத்துள்ளதைக் காண்பிக்கிறது.

எந்த மியூச்சுவல் ஃபண்ட் போர்ட்ஃபோலியோவைப் பார்த்தாலும், ஒரேமாதிரி கம்பெனிகள்தான் இருக்கிறது என்று அங்கலாய்த்துக் கொள்பவர்களுக்கு, இந்த ஃபண்ட் மிகவும் பிடிக்கும். ஏனென்றால், இந்த ஃபண்டில் நீங்கள் ஒரு வித்தியாசமான போர்ட்ஃபோலியோவைக் காணலாம்.

உதாரணத்துக்கு, இதன் டாப் ஹோல்டிங்ஸாகக் கீழ்க்கண்ட பங்குகள் உள்ளன: காவேரி சீடு கம்பெனி, பேஜ் இண்டஸ்ட்ரீஸ் (ஜாக்கி உள்ளாடைகள் தயாரிப்பாளர்கள்), விஏடெக் வாபாக், புளூடார்ட் எக்ஸ்பிரஸ், பேட்டா இந்தியா. அதேபோல் நிஃப்டி குறியீட்டை ஒப்பிடும்போது, இந்த ஃபண்டின் துறை சார்ந்த ஒதுக்கீடும் மாறுபட்டிருக்கும். கெமிக்கல்ஸ், டெக்ஸ்டைல்ஸ், சர்வீசஸ், எஃப்எம்சிஜி, இன்ஜினீயரிங் போன்ற துறைகளுக்கு அதிக ஒதுக்கீட்டை இந்த ஃபண்ட் கொடுத்துள்ளது.

ஃபண்ட் பரிந்துரை!

கடந்த 1, 3, 5, 7 வருடங்களில் இந்த ஃபண்ட் தொடர்ந்து நிஃப்டி குறியீட்டையும் தாண்டி வருமானம் தந்துள்ளது. இந்த ஃபண்ட் துவங்கப்பட்டு 8 ஆண்டுகளுக்குமேல் ஆகிறது. ஃபண்ட் ஆரம்பித்தபோது (செப்டம்பர் 15, 2005) ஒருவர் முதலீடு செய்த ரூ.1 லட்சமானது, இன்றைய தேதியில் ரூ.5,59,330-ஆக உள்ளது. இது கூட்டு வட்டியில் ஆண்டுக்கு 21.34 சதவிகித வருமானத்துக்கு சமம்.

இந்த ஃபண்டின் டிவிடெண்ட் ஆப்ஷன் 2009-ம் ஆண்டிலிருந்து தொடர்ந்து டிவிடெண்ட்டை வழங்கி வருகிறது. இந்த ஆப்ஷனின் என்ஏவி ரூ.29.96 ஆகும். ஒவ்வொரு வருடமும் தொடர்ந்து மார்ச் மாதத்தில் டிவிடெண்ட் வழங்குவது குறிப்பிடத் தக்கது. ஓய்வுக்காலத்தில் டிவிடெண்ட் எதிர்பார்ப்பவர்கள் இந்த ஃபண்டின் டிவிடெண்ட் ஆப்ஷனில் செல்லலாம்.

ஃபண்ட் பரிந்துரை!

பங்குகளில் முதலீடு செய்ய விருப்ப முள்ளவர்கள், லார்ஜ் கேப் பங்குகளில் சுயமாக முதலீடு செய்துவிட்டு, மிட் கேப் பங்குகளுக்குப் பதிலாக ஐடிஎஃப்சி பிரீமியர் ஈக்விட்டி போன்ற மிட் கேப் ஃபண்டுகளில் முதலீடு செய்து கொள்ளலாம்.

நல்ல லாபத்தை எதிர்பார்ப்பவர்கள், வேறுமாதிரியான போர்ட் ஃபோலியோவை நாடுபவர்கள், வரியில்லா நீண்ட கால முதலீட்டை நாடுபவர்கள், இளம் வயதினர், நேரடியாகப் பங்குச் சந்தையில் முதலீடு செய்ய விருப்பப்படாதவர்கள், வரியில்லா டிவிடெண்டை நாடுபவர்கள் என அனைவரும் இந்த ஃபண்டில் முதலீடு செய்யலாம்.

ஃபண்ட் பரிந்துரை!

இந்த ஃபண்டில் யார் முதலீடு செய்யக் கூடாது என்பதையும் சொல்லிவிடுகிறேன். குறுகிய காலத்தில் பணம் தேவைப்படுபவர்கள், உறுதியான / நிலையான வருமானத்தை விரும்பு பவர்கள், அதிக ரிஸ்க் எடுக்கத் தயங்கு பவர்கள், உபரிப் பணம் எதுவும் இல்லாதவர்கள்.

இந்த ஃபண்ட் பொதுவாக மொத்த முதலீட்டை அனுமதிப்பதில்லை. அவ்வப்போது மொத்த முதலீட்டை அனுமதிக்கிறது. தற்போது இந்த ஃபண்ட் மொத்த முதலீட்டை அனுமதித்துக் கொண்டிருக்கிறது. இந்த ஃபண்டில் எஸ்ஐபி முறையில் முதலீடு செய்வதற்குக் குறைந்தபட்ச தொகை மாதத்துக்கு ரூ.2,000 ஆகும்.

ஃபண்ட் பரிந்துரை!

முதலீட்டாளர்கள் எஸ்ஐபி அல்லது எஸ்டிபி முறையில் தாராளமாக இந்த ஃபண்டில் தங்களின் நீண்ட காலத் தேவைகளுக்காக முதலீடு செய்யலாம்.