Published:Updated:

SME கைடுலைன் : நிதி திரட்டும் வழிகள்!

ச.ஸ்ரீராம்

SME கைடுலைன் : நிதி திரட்டும் வழிகள்!

ச.ஸ்ரீராம்

Published:Updated:

தொழில் முனைவோர்களின் வெற்றிக்கு...

 சிறு மற்றும் நடுத்தரத் தொழில்முனைவோர்களுக்கு இருக்கும் மிகப் பெரிய பிரச்னை தொழிலுக்கான மூலதனத்தைத் திரட்டுவதுதான். நல்ல தொழில் ஆர்வமும், ஓரளவு அனுபவமும் இருந்தும் மூலதனத்தைத் திரட்ட முடியாத ஒரே காரணத்தினால், இன்னும்கூட பலர் ஏதோ ஒரு நிறுவனத்தில் சம்பளத்துக்காக வேலை பார்த்துக் கொண்டிருக்கிறார்கள்.

இதுமாதிரியான நிலையில் இருக்கும் சிறு மற்றும் நடுத்தரத் தொழில்முனைவோர்கள் தங்களுக்கான தொழில் மூலதனத்தைத் திரட்டுவதற்கான வழிமுறைகளை விளக்கமாக எடுத்துச் சொன்னார் ஃபிட்ச் பெஸ்ட் குழுவின் தலைவர் சுப்பிரமணியம்.

ஒட்டுமொத்த விகடனுக்கும் ஒரே ஷார்ட்கட்!

‘‘எஸ்எம்இகள் தங்கள் தொழிலை சிறப்பாக நடத்துவதற்கான நிதியை மூன்று வழிகளிலிருந்து பெறலாம். முதலாவது, சொந்தமாக வைத்திருக்கும் பணம். சொந்த தொழில் தொடங்க வேண்டும் என்பதற்காகவே கடந்த காலத்தில் பணத்தைக் கொஞ்சம் கொஞ்சமாக சேர்த்து வைத்திருக்கலாம்.  அல்லது பெற்றோர்கள் நிதி உதவி செய்திருக் கலாம். இன்னும் சிலர் உறவினர்கள், நண்பர்களிடம் இருந்து பணத்தை கடனாக பெற்று தொழிலை தொடங்கலாம். 

SME கைடுலைன் : நிதி திரட்டும் வழிகள்!

இரண்டாவது, வங்கிகளை அணுகி கடன் பெற்று தொழிலை துவங்குபவர்கள் அல்லது தொழிலை விடுவுபடுத்து பவர்கள். இந்தப் பிரிவில் உள்ளவர்கள் வங்கியை சரியான முறையில் அணுகத் 

SME கைடுலைன் : நிதி திரட்டும் வழிகள்!

தவறுவதால் கடன் கிடைக்க காலதாமதம் ஆகிறது. அல்லது கடனே கிடைக்காமல் போகிறது. இதனால் நன்கு நடந்துவரும் தொழில் சிக்கலுக்குள்ளாகிறது.

ஒரு எஸ்எம்இ என்பவர் கடனுக்காக வங்கியை அணுகும்போது உரிய திட்ட அறிக்கையை அல்லது அவரது தொழில் சம்பந்தப்பட்ட தகவல்களை சரியாக எடுத்து முன்வைக்க வேண்டும். தொழிலை விரிவுபடுத்த வாங்கும் கடனில் அதற்கான திட்டங்கள் சரிவரக் குறிப்பிடப்படாதபோது கடன் நிராகரிக்கப்பட வாய்ப்புள்ளது.

அதனால் வங்கியை அணுகும்போது நீங்களாகவோ அல்லது ஓர் ஆலோசகரது உதவியுடனோ உங்கள் திட்ட அறிக்கையை சரிபார்த்து சரியான ஆவணங்களுடன் சமர்ப்பிக்கும்போது கடன் நிராகரிக்கப்பட வாய்ப்பில்லை.

இந்த இரண்டு வழிகள் தவிர, மூன்றாவதாக வருவது ஈக்விட்டி கேப்பிட்டல். ஒருவர் தனது சொந்த ரிஸ்க்கில் முதலீடு செய்பவர்களிடமிருந்து பணம் பெறுவது. அதாவது, இந்த முதலீடு தெரிந்தவர்களிடமிருந்தும் வரலாம். தெரியாதவர்களிடமிருந்தும் வரலாம். தொழிலின் ரிஸ்க்கை உணர்ந்து முதலீடு செய்யப்படும் மூலதனமாக இது இருக்கும். இந்த மூலதனத்தை நன்கு பயன்படுத்தி தொழிலில் முன்னேறினால், இன்னும் அதிகமான தொகைக்கூட கிடைக்க வாய்ப்புண்டு.

SME கைடுலைன் : நிதி திரட்டும் வழிகள்!

இதில் மற்றொருவகை ஏஞ்சல் ஃபண்டிங். இது ஏஞ்சல் முதலீட்டாளர் கள் என்பவர்கள் தொழில் துவங்க தங்களுடைய பணத்தை அளித்து உதவுபவர்கள். அவர்கள் கடன்களாக மாற்ற கூடியதாகவோ அல்லது தொழிலில் ஈக்விட்டியாகவோ திரும்பப் பெறும் வகையில் இந்தத் தொகையைத் தருவார்கள். இவர்களும் பணத்தைத் தரும் முன்னர் அதற்கான ஆவணங் களைப் பெற்று சரிபார்த்த பின்னரே கடனை தர முன்வருவார்கள்.

 இவர்களிடம் செல்லும்போது எஸ்எம்இகள் பிசினஸ் இன்குபேட்டர் களை அணுகி ஆலோசனை பெற்று நிதிக்காக அணுகுவது நல்லது. ஏஞ்சல் முதலீட்டாளர்கள் சில சமயம் தனித்தோ அல்லது குழுக்களாக முதலீடு செய்பவர் களாக இருப்பார்கள்.

அடுத்தது, வென்ச்சர் கேப்பிட்டல் முதலீடுகள். இவர்கள் உங்கள் தொழிலில் ஒவ்வொரு நிலையிலும் நிதி அளித்து உதவுபவர்களாக இருப்பார்கள். அதாவது, தொழில் துவங்குவதற்குமுன், ஆரம்பிக்கும் நேரத்தில், வளர்ச்சி நேரத்தில் விரிவுபடுத்தும்போது என ஒவ்வொரு நிலையிலும் அதற்கேற்ப நிதியளித்து உதவி செய்யும் வென்ச்சர் கேப்பிட்டல் நிறுவனங்கள் உள்ளன. இது பிரைவேட் ஈக்விட்டி வகைகளில் ஒன்றாகும்.

SME கைடுலைன் : நிதி திரட்டும் வழிகள்!

வென்ச்சர் கேப்பிட்டல் என்பது எஸ்எம்இகளுக்கு உதவும் ஒரு நல்ல நிதி வாய்ப்பாகும். சிலர் ஆரம்பிக்கும்போது தங்களிடம் இருக்கும் பணத்தை வைத்து தொழிலைத் துவங்கிவிடுவார்கள். பின்னர் அதனை நடத்த சரியான நிதியின்றித் தவிப்பார்கள். அப்படிப் பட்டவர்களுக்கு இது உதவியாக இருக்கும். அவர்கள் எந்த நிலையில் இருக்கிறார்களோ, அதற்குத் தேவைப் படும் நிதியை வென்ச்சர் கேப்பிட்ட லாகப் பெற்றுப் பயனடையலாம்.
இந்த வழிமுறைகளில் எதை வேண்டுமானாலும் எஸ்எம்இகள் தேர்வு செய்யலாம்.

 இந்த வழிமுறைகளை நன்கு பயன்படுத்தி, தொழிலை நன்கு வளர்த்தபின் பங்குச் சந்தையில் பட்டியலிடுவதன் மூலம் தொழிலை அடுத்தக்கட்டத்துக்கு எடுத்துச் செல்லலாம்’’ என்றார் சுப்பிரமணியம்.
 

SME கைடுலைன் : நிதி திரட்டும் வழிகள்!

இவர் சொன்ன வழிமுறைகளை பயன்படுத்தி நிதி திரட்டி தொழிலை நன்கு வளர்த்தெடுக்க எஸ்எம்இகள் முயற்சிக்கலாமே!

எஸ்.எம்.இ தொழில்முனைவோர் கவனத்துக்கு...

உங்களுடைய சந்தேகங்கள் மற்றும் உங்களுக்கான பிரச்னைகள் பற்றிய கேள்விகளுக்கு தொடர்புகொள்ள வேண்டிய இ-மெயில் முகவரி: msme@vikatan.com குரல்பதிவு மூலமாகவும் உங்கள் கேள்வியை பதிவு செய்யலாம். அதற்கு 044-66802920 என்ற எண்ணுக்கு டயல் செய்யுங்கள். கணினி குரல் வழிகாட்டும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism