Published:Updated:

SME கைடுலைன் : பிளாஸ்டிக் துறை... மங்காத தொழில் வாய்ப்புகள்!

ச.ஸ்ரீராம்

SME கைடுலைன் : பிளாஸ்டிக் துறை... மங்காத தொழில் வாய்ப்புகள்!

ச.ஸ்ரீராம்

Published:Updated:

தொழில் முனைவோர்களின் வெற்றிக்கு...

இது பிளாஸ்டிக் பொருட்களுக்கான யுகம். சிறு மற்றும் நடுத்தர அளவில் தொழில் செய்யும் எஸ்எம்இ களுக்கு ஏற்ற தொழில் பிளாஸ்டிக் உற்பத்தி. பிளாஸ்டிக் தொழிலை எப்படி மேம்படுத்துவது, இதில் எந்த மாதிரியான தொழில் நுட்பத்தைப் பயன்படுத்துவது என்கிற கேள்விகளுக்கான பதிலை பல எஸ்எம்இகளும் தேடுகிறார்கள். பிளாஸ்டிக் தொழிலுக்கான  வாய்ப்புகள் எப்படி உள்ளது, அதனை எப்படி எஸ்எம்இகள் சிறப்பாக பயன்படுத்திக் கொள்ளலாம் என்பது குறித்து மத்திய அரசின் கீழ் இயங்கும் சிப்பெட் (CIPET) நிறுவனத்தின் துணை இயக்குநர் சுகுமாரிடம் கேட்டோம். விளக்கமாக எடுத்துச் சொன்னார் அவர்.

‘‘இன்று பலர் எஸ்எம்இயாகத் தொழில் துவங்குவதில் ஆர்வம்காட்டி வருகின்றனர். அவர்களை  இரண்டு வகையாகப் பிரிக்கலாம். எனக்கு இந்தத் தொழில் தெரியும்; இதைத்தான் நான் செய்யப்போகிறேன் என்பவர்கள் ஒருவகை. என்னிடம் பணமும் தொழில் செய்யும் எண்ணமும் உள்ளது; என்ன தொழில் செய்வது என்று தெரிந்தால் போதும் என்கிறவர்கள் இரண்டாவது வகை. இந்த இரண்டு வகையினரும் பிளாஸ்டிக் தயாரிப்பில் இறங்கினால், நல்ல லாபம் அடைய வாய்ப்புள்ளது.

ஒட்டுமொத்த விகடனுக்கும் ஒரே ஷார்ட்கட்!

SME கைடுலைன் : பிளாஸ்டிக் துறை... மங்காத தொழில் வாய்ப்புகள்!

பிளாஸ்டிக் என்பது எப்போதும் தேவைப்படும் ஒரு தயாரிப்பாக மாறியுள்ளது. இன்று நாம் பயன்படுத்தும் பொருட்களில் அதிகமான பொருட்கள் பிளாஸ்டிக் பொருட்களாகவே இருக்கிறது. ஏற்கெனவே பிளாஸ்டிக் தொழில் செய்பவர்கள், இந்தத் தொழிலில் உள்ள புதிய மேம்பாடுகள், தொழில்நுட்ப வளர்ச்சிகளைக் கற்றுக் கொள்வதன் மூலம் இந்தத் தொழிலை மேலும் சிறப்பாக அடுத்தக்கட்டத்துக்குக் கொண்டு செல்ல முடியும். 

முதலில், பிளாஸ்டிக் தொழில் செய்பவர்கள் தங்கள் தொழிலுக்கான வாய்ப்பு எங்கு உள்ளது, அங்கு வாய்ப்பு என்பது நேரடியாகத் தயாரித்து விற்பனை செய்யும் வாய்ப்பா அல்லது மற்றொரு நிறுவனத்துக்குத் தேவைப்படும் பாகங்களைச் செய்து தரும் வாய்ப்பா என்பதைச் சரியாகப் புரிந்துகொள்ள வேண்டும். அதற்கேற்றவாறு அவர்களது தொழில் உத்திகளை வகுத்துக்கொள்வது அவசியம்.

SME கைடுலைன் : பிளாஸ்டிக் துறை... மங்காத தொழில் வாய்ப்புகள்!
SME கைடுலைன் : பிளாஸ்டிக் துறை... மங்காத தொழில் வாய்ப்புகள்!

நேரடியாகத் தயாரிப்புகளைச் செய்து விற்பவர் அவரது முதலீட்டைப் பொறுத்து சிறிய அளவில் இயந்திரங்களை வாங்கி அவருக்குத் தேவையான பிளாஸ்டிக் பொருட்களைத் தயாரிக்கலாம். எந்த மாதிரியான இயந்திரங்கள் வாங்குவது, அதற்கு எவ்வளவு செலவாகும் என்பதை அரசின் கீழ் இயங்கும் சிப்பெட் எனும் சென்ட்ரல் இன்ஸ்டிட்யூட் ஆஃப் பிளாஸ்டிக் இன்ஜினீயரிங் அண்ட் டெக்னாலஜியை அணுகி தெரிந்து கொள்ளலாம். அங்கு இருக்கும் இயந்திரங்களைப் பார்த்தும், அதில் பயிற்சி எடுத்தும் தன் தொழிலை துவங்கலாம். இங்கு பிளாஸ்டிக் தயாரிப்பில் அனைத்து விதமான நிலையிலும் பயிற்சி அளிக்கப்படுவதால், இங்குவரும் பிளாஸ்டிக் தயாரிப்பாளர் வெறும் பொருட்களை வாங்கி விற்பவராக மட்டுமல்லாமல் நன்கு பயிற்சி பெற்ற தொழில் முனைவோராகவும் மாற வாய்ப்புகளை ஏற்படுத்தித் தருகிறோம்.

புதிதாக இந்தத் தொழிலைத் துவங்குபவராக இருந்தால், பொருட்களை உற்பத்தி செய்வதற்கான இடத்தை அவரால் உடனடியாக நிறுவ முடியாது. இதுமாதிரியான சமயத்தில், பொருட்களுக்கான ஆர்டர்களையும், மூலப்பொருட்களையும் வெளியிலிருந்து வாங்கி வந்தாலே போதும். அந்தப் பொருட்களை நாங்களே தயாரித்துத் தந்துவிடுவோம். பல வடிவங்களிலான பொருட்களை குறைந்த செலவில் தயாரிக்க இது மிகவும் உதவும். சிறிய கேரி பேக் துவங்கி பெரிய பிளாஸ்டிக் குழாய்கள் வரை தயாரிக்கத் தேவையான இயந்திரங் களும், தொழில்நுட்ப வாய்ப்புகளும் எங்களிடம் தயாராகவே இருக்கிறது.

SME கைடுலைன் : பிளாஸ்டிக் துறை... மங்காத தொழில் வாய்ப்புகள்!

அதுமட்டுமின்றி, ஒரு எஸ்எம்இ இங்கு தயாரிக்கும் பொருட்களின் தரத்தையும், இங்கு சோதனை செய்து கொள்ளலாம். அனைத்துவிதமான தரச் சோதனைகளையும் செய்யலாம். ஆட்டோமேட்டிக் மற்றும் மேனுவல் ஆகிய இரண்டுவிதமான தயாரிப்பு முறைகளிலும் உற்பத்திக்கு ஏற்ப தொழில்நுட்பத்தைப் பயன்படுத்திக் கொள்ளலாம்.

SME கைடுலைன் : பிளாஸ்டிக் துறை... மங்காத தொழில் வாய்ப்புகள்!

இந்தியாவில் மட்டும் ஆண்டு ஒன்றுக்கு 11 மில்லியன் டன் பிளாஸ்டிக் உபயோகப்படுகிறது. தனிநபர் பயன்பாடு என்று பார்த்தால், ஒரு நபர் சுமார் 10 கிலோ அளவுக்கு பிளாஸ்டிக்கை பயன்படுத்துகிறார். அதனால் இந்தத் தொழில் அனைத்து தரப்பினருக்கும் அனைத்துத் தொழில்களுக்கும் ஏற்ற வாய்ப்புகளை வழங்குகிறது.

SME கைடுலைன் : பிளாஸ்டிக் துறை... மங்காத தொழில் வாய்ப்புகள்!

அதனால் இந்தத் தொழில் குறித்த பயிற்சிகளையும், தயாரிப்புக்கு ஏற்ற அமைப்பையும் அரசே ஏற்படுத்தித் தருவதால், இந்தத் தொழிலில் சரியான கவனம் செலுத்தி தரமான தயாரிப்புகளை அளித்தால் பிளாஸ்டிக்கை போன்றே உங்கள் தொழிலும் மட்காமல் செழிக்கும்.
இந்தத் தொழிலில் பயிற்சிகள் மற்றும் ஆலோசனைகள் தரவும், இயந்திரங்கள் குறித்த விழிப்பு உணர்வுக்கும், சென்னையில் கிண்டியிலும், பிளாஸ்டிக் பொருட்கள் தயாரிக்கப் பயன்படும் உபகரணங்கள் மற்றும் அச்சுக்கள் தொடர்பான தொழில்நுட்பங்களுக்கு மதுரையிலும் மையங்களை அரசு ஏற்படுத்தியுள்ளது.

SME கைடுலைன் : பிளாஸ்டிக் துறை... மங்காத தொழில் வாய்ப்புகள்!

இந்த மையங்களை அணுகி, எஸ்எம்இகள் பயனடையலாம். ஏற்கெனவே தொழில்முனைவோர் கள் நல்லமுறையில் தொழில் செய்து வந்தாலும் அவர்கள் லேட்டஸ்ட் தொழில்நுட்பத்துக்கு பயிற்சி பெற விரும்பினாலும், இங்கு குறைந்த கட்டணத்தில் பயிற்சி எடுத்துக் கொள்ளலாம்’’ என்றார் சிப்பெட் நிறுவனத்தின் துணை இயக்குநர் சுகுமார்.

படங்கள்:  ரா.வருண் பிரசாத்

எஸ்.எம்.இ தொழில்முனைவோர் கவனத்துக்கு...

 உங்களுடைய சந்தேகங்கள் மற்றும் உங்களுக்கான பிரச்னைகள் பற்றிய கேள்விகளுக்கு தொடர்புகொள்ள வேண்டிய இ-மெயில் முகவரி: msme@vikatan.com   குரல்பதிவு மூலமாகவும் உங்கள் கேள்வியை பதிவு செய்யலாம். அதற்கு 044-66802920 என்ற எண்ணுக்கு டயல் செய்யுங்கள். கணினி குரல் வழிகாட்டும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism