Published:Updated:

கமாடிட்டி மெட்டல் & ஆயில்

ச.ஸ்ரீராம்

கமாடிட்டி மெட்டல் & ஆயில்

ச.ஸ்ரீராம்

Published:Updated:

‘‘கச்சா எண்ணெயின் விலை சர்வதேச சந்தையில் குறைந்தே வர்த்தகமாகிறது. அமெரிக்காவின் வேலைவாய்ப்புத் தொடர்பான தகவல்கள் டாலரின் மதிப்பை தக்கவைத்து கொண்டுள்ளதும் கச்சா எண்ணெயின் விலை குறையக் காரணமாகியுள்ளது.

சவுதி அரேபியா விலிருந்து வரும் கச்சா எண்ணெயின் வரத்து தேவையைவிட அதிகமாக இருப்பதால், கச்சா எண்ணெயின் விலை குறைந்து வர்த்தகமாகிறது.

அமெரிக்காவின் எண்ணெய் உற்பத்தி அதிகரித்துள்ளதும் இதற்குக் காரணம். வரும் வாரங்களிலும் இதே நிலை தொடரும் என்பதால், சர்வதேச சந்தையில் கச்சா எண்ணெயின் விலை சற்று இறக்கத்தில் காணப்படும்.
அடுத்த வாரங்களில் சர்வதேச சந்தையின் நிலவரங்களைப் பொறுத்தும், ரூபாயின் மதிப்பைப் பொறுத்தும் இந்தியாவில் கச்சா எண்ணெயின் விலை இருக்கும்’’.

கமாடிட்டி மெட்டல் & ஆயில்

ஒட்டுமொத்த விகடனுக்கும் ஒரே ஷார்ட்கட்!

தங்கம்!

தங்கத்தின் விலை சர்வதேச சந்தைகளில் குறைந்து காணப்பட்டது. அமெரிக்க டாலரின் மதிப்பு  தொடர்ந்து அதிகரித்துவருவதே இதற்கு காரணம். டாலரின் மதிப்பு 2010-க்குப் பிறகு  தற்போது மிகவும் அதிகமாக உள்ளது.

தங்கத்தின் விலை சர்வதேச சந்தை யில் வெள்ளிக்கிழமை மாலை நிலவரப்படி, ஒரு அவுன்ஸ் தங்கம், 1200 டாலர் அளவில் வர்த்தகமாகியது. வரும் வாரங்களிலும் தங்கம் விலை ஏற்ற இறக்கத்திலேயே வர்த்தகம் ஆகும் என்று எதிர்பார்க்கப்படுகிறது.

இந்திய சந்தையில் தங்கத்தின் விலை பண்டிகைக் காலம் என்பதால் சற்று அதிகரித்து வர்த்தகமாகிறது. இந்திய சந்தையில் தங்கத்தின் விலை 0.1 சதவிகிதம் அதிகரித்து, 10 கிராம் தங்கம் 27,001 ரூபாய் என்ற அளவில் வர்த்தகமானது.

அடுத்த வாரம், சர்வதேச விலை நிலவரங்களைப் பொறுத்து தங்கத்தின் விலை இருக்கும் என்று கூறப்படுகிறது.

கமாடிட்டி மெட்டல் & ஆயில்

வெள்ளி!

கமாடிட்டி மெட்டல் & ஆயில்

வெள்ளியின் விலை கடந்த வாரத்தில் குறைந்தே வர்த்தகமானது. டாலரின் மதிப்பு அதிகரித்து வருவதும், சர்வதேச சந்தையில் தங்கத்தின் விலை குறைந்துள்ளதும் வெள்ளியின் விலை இறக்கத்துக்குக் காரணமாகியுள்ளது.
சர்வதேச சந்தையில் நான்கு வருடங் களில் இல்லாத அளவுக்கு விலை குறைந்து, ஒரு அவுன்ஸ் வெள்ளி 16.9 டாலராக வர்த்தகமாகி வருகிறது.

இந்திய சந்தையில் வெள்ளியின் விலை நிலையாகவே இருந்து வந்தது. ரூபாயின் மதிப்பில் ஏற்பட்ட சரிவால் இறக்கத்தில் இருந்த வெள்ளி 0.4%  அதிகரித்து வர்த்தகமானது. வரும் வாரங்களில் ரூபாயின் மதிப்பைப் பொறுத்து வெள்ளியின் விலை மாறுபடும் என்று எதிர்பார்க்கப்படுகிறது.

காப்பர்!

காப்பரின் விலை சர்வதேச சந்தையில் 1.2 சதவிகிதம் குறைந்து காணப்பட்டது. சீனாவின் உற்பத்தி வேகம் குறைந்து காணப்படுவதும், தேவை குறைந்துள்ள தும் இந்த விலை இறக்கத்துக்குக் காரணமாகக் கூறப்படுகிறது.

கமாடிட்டி மெட்டல் & ஆயில்

டாலரின் மதிப்பும், அமெரிக்காவின் பொருளாதாரத் தகவல்களும் காப்பரின் விலை இறக்கத்துக்குக் காரணமாக உள்ளதால், வரும் வாரங்களில் காப்பரின் விலை குறைந்தே வர்த்தகமாகும் என்று எதிர்பார்க்கப்படுகிறது. சர்வதேச விலை நிலவரங்களால் இந்திய சந்தையிலும் காப்பரின் விலை குறைந்து காணப்பட்டது.

கமாடிட்டியில் சந்தேகமா?

கமாடிட்டி குறித்த உங்களின் அத்தனை சந்தேகங்களையும் 044 66802920 என்ற தொலைபேசி எண்ணுக்கு தொடர்புகொண்டு பதிவு செய்யுங்கள். உங்கள் அழைப்பின்போது எதிர்முனையில் உங்களுடன் உரையாட யாரும் இருக்கமாட்டார்கள். அந்த இரண்டு நிமிடம் முழுக்க முழுக்க உங்களுக்கே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism