Published:Updated:

கமாடிட்டி மெட்டல் & ஆயில்

கமாடிட்டி மெட்டல் & ஆயில்

பிரீமியம் ஸ்டோரி

இந்த வாரம் தங்கத்தின் விலை குறைந்தே வர்த்தகமாகிறது. டாலரின் மதிப்பு தொடர்ந்து அதிகரித்து வருவதாலும், அமெரிக்காவில் வெளியாகியுள்ள பொருளாதாரத் தகவல்படி, தங்கத்தின் விலை சர்வதேச சந்தைகளில் குறைந்தே வர்த்தகமாகிறது. அதனால் முதலீட்டாளர்களுக்கும் தங்கத்தின் மீதான முதலீட்டில் ஆர்வம் குறைந்துள்ளது. இது, தங்கத்தின் விலை குறைய முக்கிய காரணமாக உள்ளது. சர்வதேச சந்தையில் ஒரு அவுன்ஸ் தங்கம் 1,222 டாலர் என்ற அளவில் வர்த்தகமாகிறது.

இந்திய சந்தையில் தங்கம் விலை குறைந்தே வர்த்தகமாகிறது. முன்பு பண்டிகைக் காலங்களில் தங்கத்தின் விலை அதிகரிக்கும். தற்போது, தங்கம் அல்லாமல் மற்ற பொருட்களுக்கு செலவழிக்கும் மனநிலை அதிகம் காணப்படுவதால், தங்கத்தின் விலை குறைந்தே வர்த்தகமாகிறது. தற்போது 26,900 ரூபாய்க்கு விற்கப்படும் 10 கிராம் தங்கம் 26,500-26,400 ரூபாய் வரை குறைய வாய்ப்புள்ளது’’.

கமாடிட்டி மெட்டல் & ஆயில்

வெள்ளி!

கமாடிட்டி மெட்டல் & ஆயில்

சர்வதேச சந்தையில் வெள்ளியின் விலை இறக்கத்திலேயே இருந்தது. அமெரிக்க டாலரின் மதிப்பு அதிகரித்து வர்த்தகமாவதால், அதன் தாக்கம் வெள்ளியின் விலையிலும் காணப் பட்டது. சர்வதேச சந்தையில் ஒரு அவுன்ஸ் வெள்ளி 0.2% குறைந்து, 17.3 டாலர் என்ற அளவில் வர்த்தகமானது.

இந்திய சந்தைகளில் வெள்ளியின் விலை குறைந்தே வர்த்தகமானது. 0.5% குறைந்து வர்த்தகமான வெள்ளியின் விலை சர்வதேச விலை நிலவரங்களைப் பொறுத்தே அமையும் என்று எதிர்பார்க்கப்படுகிறது.

காப்பர்!

காப்பரின் விலை சர்வதேச சந்தையில் சற்று ஏற்றத்திலேயே காணப்பட்டது. அமெரிக்க சென்ட்ரல் வங்கி தற்போதைக்கு வட்டி விகிதங்களில் மாற்றம் கொண்டு வருவதற்கு அவசரம் காட்டப்போவதில்லை என்பதால் இந்த ஏற்றம் இருக்கலாம் என்று கூறப்படுகிறது. உலகின் மூன்றாவது பெரிய காப்பர் பயன்பாட்டாளரான ஜெர்மனியின் ஏற்றுமதியும் குறைந்துள்ளது காப்பரின் விலை ஏற்றத்துக்குத் தடையாக இருந்தது.

கமாடிட்டி மெட்டல் & ஆயில்

இந்திய சந்தையில் காப்பரின் விலை 0.8% குறைந்து வர்த்தகமாகிறது. அடுத்த வாரங்களில் காப்பரின் விலை  சர்வதேச விலை நிலவரங்களைப் பொறுத்து இறக்கத்தில் வர்த்தகமாகும் என்று எதிர்பார்க்கலாம்.

கச்சா எண்ணெய்!

கச்சா எண்ணெயின் விலை சந்தையில் குறைந்தே வர்த்தகமாகிறது. ஐரோப்பிய பொருளாதாரம் மந்த நிலையில் காணப்படுவதாலும் அமெரிக்க பங்குச் சந்தைகள் குறைந்து வர்த்தகமானதும் கச்சா எண்ணெயின் விலை குறைய காரணமாகியுள்ளது.

கமாடிட்டி மெட்டல் & ஆயில்

ஜெர்மனியின் பொருளாதாரச் சரிவும், சீனாவின் நிதித் தட்டுப்பாடு காரணமாகவும் கச்சா எண்ணெயின் விலையில் சரிவு ஏற்பட்டுள்ளது.

எரிபொருள் தேவை குறைந்து காணப்படுவதால் சர்வதேச சந்தையில் கச்சா எண்ணெயின் விலை குறைந்தே வர்த்தகமாகும். இந்திய சந்தைகளில் 1.3% குறைந்து வர்த்தகமான கச்சா எண்ணெய், அடுத்த வாரங்களிலும் குறைந்தே காணப்படும் என்று கருதப்படுகிறது.
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு