Published:Updated:

அலிபாபா மீது விதிக்கப்பட்ட அதிரடி அபராதம்..! நன்றி சொன்ன ஜாக் மா..!

ஜாக் மா
பிரீமியம் ஸ்டோரி
ஜாக் மா

A L I B A B A

அலிபாபா மீது விதிக்கப்பட்ட அதிரடி அபராதம்..! நன்றி சொன்ன ஜாக் மா..!

A L I B A B A

Published:Updated:
ஜாக் மா
பிரீமியம் ஸ்டோரி
ஜாக் மா

கடந்த சில மாதங்களாக ‘இருக்கிற இடம் தெரியாமல் இருந்த’ அலிபாபா நிறுவனம், இப்போது மீண்டும் செய்திகளில் அடிபடக் காரணம், சீன அரசாங்கம் சமீபத்தில் அதன்மீது விதித்த அபராதம்தான்.

அலிபாபா குழும நிறுவனமான ‘ஆன்ட்’ (Ant) பங்குச் சந்தையில் ஐ.பி.ஓ-வுக்கு தயாரான நிலையில், அந்த ஐ.பி.ஓ திடீரென நிறுத்தப்பட்டது. அலிபாபா குழுமத்தின் தலைவர் ஜாக் மா தலைமறைவு என்னும் செய்தி வெளியானதுடன், அந்தக் குழுமம் சந்தையில் தனக்கு இருக்கும் சாதகமான போக்கைப் பயன்படுத்தி போட்டியாளர்களை நசுக்குகிறது என சீன ஒழுங்குமுறை ஆணையம் நோட்டீஸ் அனுப்பியது.

கடந்த டிசம்பர் முதல் இதற்கான விசாரணை தொடங்கப்பட்டு நடந்து வந்தது. ‘விற்பனையாளர்கள் அலிபாபா தளத்தில் பொருளை விற்க வேண்டும் எனில், இதர இ-காமர்ஸ் தளங்களைப் பயன் படுத்தக் கூடாது என அலிபாபா வைத்திருந்த விதி தவறானது’ என சீன ஒழுங்குமுறை ஆணையம் நோட்டீஸ் அனுப்பி விசாரணையைத் தொடங்கியது.

இதை அடிப்படையாகக் கொண்டு, கடந்த திங்கள் அன்று புதிய உத்தரவு வெளியானது. இதில் அலிபாபா நிறுவனத்துக்கு 280 கோடி டாலர் அளவுக்கு அபாரதம் விதிப்பதாக அறிவிக்கப்பட்டது. ஏகோபத்தியம் (monopoly) என்பது சந்தைப் பொருளாதாரத்துக்கு எதிரானது என்பதால், இதை அனுமதிக்க முடியாது என்றும் சீன ஒழுங்குமுறை ஆணையம் அறிவித்தது. 2020-ம் ஆண்டில் கடைசி மூன்று மாதங்களில் மட்டும் 1,200 கோடி டாலர் வருமானத்தை அலிபாபா ஈட்டியிருக்கிறது.

2019-ம் ஆண்டு உள்நாட்டு வருமானத்தில் 4% அளவுக்கு அபராதமாக விதிக்கப்பட்டது. மேலும், தொழில் குறித்த விதிமுறை களை மாற்றி அமைத்து, முழுமையான அறிக்கையை மூன்று ஆண்டுகளுக்குள் தாக்கல் செய்ய வேண்டும் என்றும் சீனா உத்தரவிட்டிருக்கிறது. கடந்த மாதம் 12 நிறுவனங்களுக்கு சீனா அபரதாம் விதித்தது. சாஃப்ட்பேங்க், டென் சென்ட், பைடு உள்ளிட்ட நிறுவனங்களுக்கு அபராதம் விதிக்கப்பட்டது. அலிபாபாவுக்கு அடுத்து டென் சென்ட் நிறுவனத்தில் சீனா அதிக கவனம் செலுத்தும் என சீனச் சந்தையைக் கவனிப்பவர்கள் கூறுகிறார்கள்.

ஜாக் மா
ஜாக் மா

சீன ஒழுங்குமுறை ஆணையம் விதித்த அபாரத்தை ஏற்றுக் கொள்வதாக அலிபாபா நிறுவனம் அறிவித்திருக்கிறது. ஆனால், இந்த அபராதம் குறைந்த தொகை என முதலீட்டாளர்கள் கருதுகிறார்கள். சீன விதிமுறைகளின்படி, ஏகோபத்தியம் தொடர்பான வழக்குக்கு அதிகபட்சம் 10% வரை அபராதம் விதிக்கப்படும் என முதலீட்டாளர்கள் கருதியிருக் கிறார்கள். ஆனால், 4% மட்டுமே என்பது குறைவான தொகை என்பதால், 6.5% அளவுக்கு அலிபாபா பங்குகள் உயர்ந்தன. இதனால் அலிபாபா நிறுவனர் ஜாக் மா சொத்து மதிப்பு 2.3 பில்லியன் டாலர் உயர்ந்து, 52.1 பில்லியன் டாலராக மாறியிருப்பதாக புளூம்பெர்க் தெரிவித்திருக்கிறது.

அலிபாபா மீது அபராதத்தை தவிர, வேறு எந்தக் கட்டுப்பாடுகளும் விதிக்கப்படவில்லை என்பதும் சாதகமான விஷயமாக இருக்கிறது. 2015-ம் ஆண்டு குவால்காம் நிறுவனத்துக்குக் கடும் கட்டுப்பாடுகள் விதிக்கப்பட்டதாக சந்தை வல்லுநர்கள் நினைவுகூர்கின்றனர். அதனால் தற்போது விதிக்கப் பட்டிருக்கும் அபராதம் பெரிய தொகை இல்லை என்பதால், அலிபாபா பங்கு உயர்ந்திருக்கிறது.

சீன அரசாங்கம் குறித்து அலிபாபா நிறுவனர் ஜாக் மா செய்த விமர்சனத்தால் கடந்த ஆறு மாதங் களில் அந்தக் குழுமம் பெரும் சிக்கல் களைச் சந்தித்தது. தற்போது, இந்த சிக்கல்கள் முடிவுக்கு வந்திருப்பதாகத் தெரிகிறது. அலிபாபா குறித்த நிச்சயமற்றத்தன்மை முடிவுக்கு வந்திருப்பதால், இனி ஆன்ட் ஐ.பி.ஓ குறித்து அலிபாபா திட்டமிடும் என்று எதிர்பார்க்கலாம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism