Published:Updated:

பிசினஸ் வளர்ச்சிக்கு உதவும் குவான்டம் மார்க்கெட்டிங்..! இனி இந்த யுக்திதான் ஜெயிக்கும்!

குவான்டம் மார்க்கெட்டிங்
பிரீமியம் ஸ்டோரி
News
குவான்டம் மார்க்கெட்டிங்

M B A B O O K S

உலகத்தில் முதல் பத்து முக்கிய பிராண்டுகளில் ஒன்றாகக் கருதப்படும் மாஸ்டர்கார்டு நிறுவனத்தின் தலைமை மார்க்கெட்டிங் மற்றும் கம்யூனிகேஷன்ஸ் அதிகாரி ராஜா ராஜமன்னார் என்பவர் எழுதிய புத்தகம் ‘குவான்டம் மார்க்கெட்டிங்.’ இந்தப் புத்தகம் எதிர்காலத்தில் உருவாகும் வாடிக்கையாளர்களைக் கவர்ந்திழுப் பதற்கான மார்க்கெட்டிங் உத்திகளைச் சொல்கிறது.

‘‘குவான்டம் மார்க்கெட்டிங்’ என்பது இன்றைக்கு நடைமுறையில் இருக்கும் எல்லா மார்க்கெட்டிங் உத்திகளும் செயல்படாமல் போய்விட்ட நிலையில் முற்றிலும் புத்தம் புதிய உத்திகளைக் கையாள வேண்டிய சூழ்நிலையில் நடைமுறைக்கு வரப்போகிற மார்க்கெட்டிங் உத்தி’’ என்கிறார் இந்தப் புத்தகத்தின் ஆசிரியர்.

நெருக்கடியில் மார்க்கெட்டிங் துறை...

மார்க்கெட்டிங் துறை தற்போது மிகப்பெரிய நெருக்கடியில் இருக்கிறது. பெரும்பாலான நிறுவனங் கள் தங்கள் மார்க்கெட்டிங்குக்கான பட்ஜெட்டை வருடம்தோறும் குறைத்துக்கொண்டே வருகின்றன. மார்க்கெட்டிங் பிரிவில் இருக்கும் நபர்களைக் கொஞ்சம் கொஞ்சமாகப் பணியிலிருந்து விலக்கியும், ஒரு சில நிறுவனங்கள் மார்க்கெட்டிங் பிரிவை ஒட்டுமொத்தமாக மூடியும் வருகின்றன.

பிராண்டுகளை வளர்த்தெடுக்கும் முயற்சிகளைப் பெருமளவில் மேற்கொள்ள வேண்டும் என்று சொல்லும் இந்த நிறுவனங்கள், பிராண்டை மார்க்கெட்டிங் செய்வது ஒரு வீணான வேலை என்றே நினைக் கின்றன. சமீபத்தில் நடத்தப்பட்ட ஒரு கருத்துக் கணிப்பில் 80% சி.இ.ஓ-க்களுக்குத் தங்களுடைய மார்க்கெட்டிங் டீமின் மீது நம்பிக்கை இல்லை; 73% சி.இ.ஓ-க்கள் தங்கள் மார்க்கெட்டிங் குழுவுக்குத் தொழில் ரீதியான நம்பகத்தன்மை (business credibility) இல்லை; அவர்களால் வியாபார வளர்ச்சியைக் கொண்டு வர முடியாது என்ற எண்ணத்தையும் உறுதியாகத் தங்கள் மனதில் கொண்டிருக்கின்றன. இதனாலேயே மார்க்கெட்டிங் பிரிவில் இருப்பவர் களுக்கும் சி.இ.ஓ-க்களுக்கும் இடையே உள்ள தொடர்பானது குறைந்துகொண்டே வருகிறது.

குவான்டம் மார்க்கெட்டிங்
குவான்டம் மார்க்கெட்டிங்

நம்பிக்கை இழந்ததற்கான மூன்று காரணங்கள்...

மார்க்கெட்டிங் மீது வந்திருக்கும் இந்த நம்பிக்கையிழப்பானது மூன்று முக்கியமான காரணிகளால் நடந்துள்ளதாகச் சொல்கிறார் ஆசிரியர். அந்த மூன்று காரணங்கள் என்ன?

முதலாவதாக, டேட்டா அனாலிட்டிக்ஸ் போன்ற துறைகளில் நடந்துள்ள மிகப்பெரிய முன்னேற்றம், மொபைல் மற்றும் சோஷியல் மீடியாவால் பெருமளவில் மாறிவரும் கன்ஸ்யூமர் பிஹேவியர் மார்க் கெட்டிங் துறையைத் தலை கீழாகப் புரட்டிப் போட்டிருக்கிறது.

இரண்டாவதாக, மார்க்கெட்டிங் துறையில் இருக்கும் நபர்களால் மார்க்கெட்டிங்குக்குச் செய்யப்படும் செலவுக்கும் அந்தச் செலவின் மூலம் வரும் கூடுதல் வருமானத்துக்கும் இருக்கும் தொடர்பை சரிவர இணைத்து சி.இ.ஓ-க்களிடம் நிரூபிக்க முடியாமல் போவது. இதனால் மார்க்கெட்டிங் என்பதே சந்தேகத்துக்கு உரிய விஷயமாக ஆகிவிட்டது.

மூன்றாவது காரணம், இன்றைக்கு மார்க்கெட்டிங் துறையில் இருக்கும் எக்ஸிக்யூட்டிவ்களில் ஒருசாரார் மார்க்கெட்டிங் மூலம் வியாபாரத்தை விருத்தி செய்வது எப்படி என்ற அடிப்படையிலேயே (டேட்டா அனாலிட்டிக்ஸ், டெக்னாலஜியை பயன்படுத்துவது போன்றவற்றின் மூலம்) என்ற ரீதியிலேயே செயல்படு கிறார்களே தவிர, மார்க்கெட்டிங் துறையின் அடிநாதமான கன்ஸ்யூமர் சைக்காலஜி, பிராண்ட் பொசிஷனிங் மற்றும் கிரியேட்டிவிட்டியின் முக்கியத்துவம் போன்றவற்றைக் கருத்தில் கொள்வதேயில்லை.

மற்றொரு சாராரோ, இந்த அடிநாதங்களை மட்டுமே கருத்தில் கொண்டு ஏனைய விஷயங்களான டேட்டா அனாலிட்டிக்ஸ், டெக்னாலஜியைப் பயன்படுத்துதல் போன்றவற்றைக் கருத்தில்கொள்வதே இல்லை.

இன்றைய சூழ்நிலைக்கு இந்த இரண்டு விஷயங்களையும் சரியான விகிதத்தில் இணைத்துச் செயல்படும் திறன் கொண்ட நபர்களே அவசியம். இதுபோன்ற நபர்கள் இன்றைய சூழலில் மிக மிக அரிதாகவே இருக்கின்றனர். இந்த மூன்று விஷயங்களுமே மார்க்கெட்டிங் துறை இந்த அளவு நலிவடையக் காரணமாக இருக்கிறது.

குவாண்டம் மார்க்கெட்டிங் என்னும் ஐந்தாவது வகை மார்க்கெட்டிங்...

‘‘புராடக்ட் மார்க்கெட்டிங், எமோஷனல் மார்க்கெட்டிங், டேட்டா-ட்ரிவன் மார்க்கெட்டிங், டிஜிட்டல் மற்றும் சோஷியல் மார்க்கெட்டிங் என்ற நான்கு காலப் பிரிவுகளை இதுவரை மார்க்கெட்டிங்கில் கடந்து வந்த நாம், இப்போது ‘குவான்டம் மார்க்கெட்டிங்’ என்ற காலகட்டத்தினுள் நுழைய இருக்கிறோம்.

டெக்னாலஜி வேகமாக முன்னேறி வரும் இந்த உலகில் நாம் கண்ட காலப் பிரிவுகளைவிட அதிக அளவிலான இரைச்சலை (வாடிக்கையாளர்களின் கவனத்தைத் திருப்பக்கூடிய விஷயங்கள்) நாம் மார்க்கெட்டிங் செய்யும்போது எதிர்கொள்ள வேண்டியிருக்கும். மார்க்கெட்டிங் துறையில் இருப்பவர்கள் இதை அனுமானம் செய்து எதிர்கொள்ளத் தயாராகாவிட்டால் அவர்களுக்கு இந்தத் துறையில் இடம் இருக்காது.

மார்க்கெட்டிங்கில் பல்வேறு தரப்பட்ட நிறுவனங்களும் வாடிக்கை யாளர்களும் சந்திக்கும் குறுக்குச் சந்திப்பான இந்த இடத்தில் நாளுக்கு நாள் இந்த இரைச்சல் அதிகமாகிக் கொண்டு போகவே செய்யும்.

‘குவான்டம் மார்க்கெட்டிங்’ என்பது இதுவரை நாம் மார்க்கெட்டிங் குறித்து தெரிந்து வைத்திருக்கும் அனைத்தையும் மறந்துவிட்டு, புதியதாகச் செயல்பட வேண்டும் என்று சொல்லும் நடைமுறை இல்லை. இன்றைக்கு வேகமாக எல்லா துறைகளிலும் நடந்துவரும் மாறுதல்களைக் கருத்தில் கொண்டு அதற்குத் தேவையான மாறுதல்களை மார்க்கெட்டிங் துறையில் கொண்டு வருவதைக் குறிப்பதாகும்’’ என்று நீண்ட விளக்கம் தருகிறார் ஆசிரியர்.

குவான்டம் மார்க்கெட்டிங் செய்வதன் நோக்கம்...

‘குவான்டம் மார்க்கெட்டிங்’ என்பதன் முக்கிய நோக்கம் பின்வருவனவாக இருக்கும். பிராண்டை உருவாக்கி வளர்த்தெடுத்தல், பிராண்டின் நற்பெயரைத் தொடர்ந்து காப்பாற்றி வருதல், வியாபாரத்தின் வளர்ச்சியை ஊக்குவித்தல், போட்டியாளர்களுக்கு இடையே தொடர்ந்து முன்னணி நிலைமையில் தக்கவைத்துக் கொள்ளும் நிலைக்கு (competitive advantage) நிறுவனத்தைக் கொண்டு செல்லுதல் என்பவையே குவாண்டம் மார்க்கெட்டிங்கின் நோக்கம் ஆகும்.

வியாபாரத்துக்காகக் கிடைக்கிற டேட்டா என்பது அதிவேகமாக வளர்ந்து வருகிற ஒரு விஷயம். ஒரு நிறுவனத்தில் உள்ள எல்லா பிரிவுகளைவிட மார்க்கெட்டிங் பிரிவிலேயே மிக அதிக அளவிலான டேட்டாக்கள் சேகரிக்கப்பட்டு பகுப்பாய்வு செய்யப்படுகிறது. இந்த அளவுக்கு எக்கச்சக்கமான டேட்டாக்களை வைத்துக்கொண்டு எதிர் காலத்தைக் கணித்துச் சொல்லும் வேலையை மார்க்கெட்டிங் பிரிவினர் செய்யாமல் வேறு யாரால் செய்ய முடியும்?

மேலும், பிராண்ட், பிசினஸ், டேட்டா, டெக்னாலஜி, பிளாட்ஃபார்ம் என்பதெல்லாம் இன்றைய சூழ்நிலையில் மிகவும் அத்தியாவசியமான ஒன்று என்றபோதிலும் படைப்பாற்றல் (creativity), உள்ளுணர்வு மற்றும் அனுமானம் என்பவையும் மார்க்கெட்டிங்குக்கு மிக மிக முக்கியம் என்பதை மார்க் கெட்டிங்துறையினர் மறந்து விடக் கூடாது.

மார்க்கெட்டிங் துறையைப் பாதிக்கும் அளவுக்குச் செயற்கை நுண்ணறிவு [Artificial Intelli gence(AI)] என்பது வேறெந்தத் துறையையும் பாதிக்கப் போவதில்லை. மார்க்கெட்டிங் கின் செயல்திறன் (effectiveness) மற்றும் ஆற்றல் (efficiency) என்ற இரண்டையும் ஏ.ஐ அதிக அளவில் அதிகரிக்க வல்லது என்று சொல்கிறார்.

இதற்காக மார்க்கெட்டிங் துறையில் பணிபுரிபவர்கள் ஏ.ஐ துறையில் ஸ்பெஷலிஸ்ட்டாக இருக்க வேண்டும் என்பதில்லை. ஏ.ஐ தொழில்நுட்பத்தை எப்படி பயன்படுத்தி பயன்பெறுவது என்பதைப் புரிந்து கொண்டாலே போதும்’’ என்கிறார்.

புத்தகத்தின் பெயர்:
Quantum Marketing
ஆசிரியர்
Raja Rajamannar
 பதிப்பாளர்:
HarperCollins Leadership
புத்தகத்தின் பெயர்: Quantum Marketing ஆசிரியர் Raja Rajamannar பதிப்பாளர்: HarperCollins Leadership

வாடிக்கையாளரின் கவனத்தைப் பெற...

‘‘வாடிக்கை யாளரின் கவனத் தைப் பெறுவது மிக மிகக் கடினமான ஒன்று. அதற்காக குக்கிகள் (பிரவுச் சரில் அடையாளம் காண பயன் படுத்தப்படுவது) கொண்டு வாடிக்கையாளர் பார்வையில் மீண்டும் மீண்டும் பட நினைப்பது தவறு.

மார்க்கெட்டிங் துறையில் இருப் பவர்கள் குக்கிகள் இல்லாத (வாடிக்கை யாளரின் பிரைவசியை அதிகரிக்கக்கூடிய) ஒரு சூழலை உருவாக்கி அதிலும் அதிக செயல்திறனுடன் மார்க்கெட்டிங் செய் வதற்கான வழிவகைகளைக் கண்டுபிடிக்க வேண்டும்’’ என்கிறார் ஆசிரியர்.

ஒரு பிராண்டுக்கு வாடிக்கையாளர்கள் ஏன் விசுவாசமாக இருக்க வேண்டும் என்ற கேள்விக்கான வித்தியாசமான பதிலைச் சொல்கிறார் ஆசிரியர். ‘‘வாடிக்கையாளர்கள் பிராண்டுக்கு விசுவாசமாக இருப்பதைப்போல் பிராண்டுகளும் வாடிக்கையாளர் களிடத்தில் விசுவாசமாக இருக்க வேண்டும். இந்த உண்மையைப் புரிந்து கொண்ட பிராண்டுகளே செழித்து வளர்கின்றன’’ என்கிறார் ஆசிரியர்.

நீதி நெறிமுறைகளை (ethics) குவான்டம் மார்க்கெட்டிங்கில் கையாள்வது எப்படி, சிக்கலான சூழ்நிலைகளில் மார்க்கெட்டிங் செய்வது எப்படி, பிசினஸ்-டு-பிசினஸ் மார்க் கெட்டிங்கில் குவான்டம் மார்க்கெட்டிங் கின் பங்களிப்பு எனப் பல்வேறு விஷயங்களையும் விளக்க மாகச் சொல்கிறது இந்தப் புத்தகம்.

மார்க்கெட்டிங் துறையின் அடுத்த நிலை குறித்த ஒரு மாற்றுச் சிந்தனைக்கு வழிவகுக்கும் இந்தப் புத்தகத்தை அனைவரும் ஒரு முறை படித்து பலன் பெறலாம்.

பிட்ஸ்

டந்த பிப்ரவரியில் கார், டிராக்டர் போன்ற நான்கு சக்கர வாகனங்களின் விற்பனை அதிகரித்திருக் கிறது; ஆனால், பைக், ஆட்டோ போன்ற இரு மற்றும் மூன்று சக்கர வாகனங்களின் விற்பனை குறைந்து உள்ளது!