Published:Updated:

நாணயம் பிட்ஸ்...

நாணயம் பிட்ஸ்
பிரீமியம் ஸ்டோரி
நாணயம் பிட்ஸ்

கொரோனோ தடுப்புக்காக ‘கூகுள்’ சுந்தர் பிச்சை இந்தியாவுக்கு ரூ.5 கோடி வழங்கியுள்ளார்!

நாணயம் பிட்ஸ்...

கொரோனோ தடுப்புக்காக ‘கூகுள்’ சுந்தர் பிச்சை இந்தியாவுக்கு ரூ.5 கோடி வழங்கியுள்ளார்!

Published:Updated:
நாணயம் பிட்ஸ்
பிரீமியம் ஸ்டோரி
நாணயம் பிட்ஸ்

$12 பில்லியன் நஷ்டம்... பரிதவிக்கும் மசயோசி சன்!

மசயோசி சன்
மசயோசி சன்

கொரோனாநோய்த் தொற்று ஜப்பான் நாட்டு நிறுவனமான சாஃப்ட்பேங்க்கைச் சுழற்றியடிக்க, ஆடிப் போயிருக்கிறார் இந்த நிறுவனத்தின் தலைவரான மசயோசி சன் (Masayoshi Son). சாஃப்ட்பேங்க்கின் முக்கியமான நிதித் திட்டம் `விஷன் ஃபண்ட்.’ நூறு பில்லியன் டாலர் மதிப்புகொண்ட இந்தத் திட்டம், கடந்த மூன்று காலாண்டுகளாக ஏறக்குறைய 12.5 பில்லியன் டாலர் நஷ்டம் (Operating Loss) அடைந்துள்ளது. `இந்த ஃபண்ட் ஏறக்குறைய 17 பில்லியன் டாலர் நஷ்டத்தை அடையும்’ என்று எதிர்பார்ப்பதாக அந்த நிறுவனம் கூறியிருக்கிறது. இந்த நிறுவனம் இந்தியாவின் ஓயோ-வில் (Oyo) இரண்டு பில்லியன் டாலர் முதலீடு செய்திருக்கிறது. கொரோனாவால் சுற்றுலாத்துறை பெரும் பாதிப்படைய, இந்த முதலீடும் ரிஸ்க்குக்கு உள்ளாகியிருக்கிறது.

#கொரோனா படுத்தும் பாடு!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

குரோஃபர் நிறுவனத்தை வாங்கும் ஸொமேட்டோ!

ஸொமேட்டோ
ஸொமேட்டோ

பிசினஸ் சூழல் மோசமாக இருக்கும்போது ஒரு நிறுவனத்தை இன்னொரு நிறுவனம் வாங்கும் நிகழ்வுகள் நிறையவே நடக்கும். வீட்டுக்குத் தேவையான பலசரக்குப் பொருள்களை வீடுகளுக்கு விநியோகிக்கும் நிறுவனமான குரோஃபரை, ஆன்லைன் உணவு வழங்கும் நிறுவனமான ஸொமேட்டோ 750 மில்லியன் டாலர் (இந்திய ரூபாய் மதிப்பில் ரூ.5,700 கோடி) தந்து வாங்கவிருப்பதாகச் செய்தி வெளியாகியிருக்கிறது. இந்த இரு நிறுவனங்களும் இணைக்கப்பட்ட பிறகு, அதில் 100 மில்லியன் டாலரை (ரூ.760 கோடி) முதலீடு செய்ய ஜப்பானின் சாஃப்ட்பேங்க் முடிவெடுத்திருக்கிறது. குரோஃபரின் மதிப்பு 650 மில்லியன் டாலர் இருக்கும் என மதிப்பீடு செய்யப்பட்டுள்ளது. இந்த டீல் முழுக்க முழுக்கப் பங்குகளைக் கொடுத்து நிறுவனத்தைக் கையகப்படுத்தும்விதமாக அமைந்திருக்கிறது. கடந்த ஜனவரியில் ஊபர் ஈட்ஸ் நிறுவனத்தைக் கையகப்படுத்தியது ஸொமேட்டோ நிறுவனம். இணைப்பு குறித்த செய்தியை ஸொமேட்டோ, குரோஃபர் என இரு நிறுவனங்களுமே மறுத்திருப்பது ஆச்சர்யம்தான்!

#நெருப்பில்லாம புகையுமா..?

பேடிஎம் விஜய்சேகரின் பிளான்... மூன்று ஆண்டுகளில் ஐ.பி.ஓ!

பேடிஎம் விஜய்சேகர் ஷர்மா
பேடிஎம் விஜய்சேகர் ஷர்மா

கொரோனாநோய்த் தொற்றால் எல்லா பிசினஸ்களும் டல்லடித்துக்கொண்டிருக்க, பேடிஎம் விஜய்சேகர் ஷர்மா மட்டும் ஏக சந்தோஷத்தில் இருக்கிறார். கடந்த சில வாரங்களில் நடைமுறையிலிருக்கும் ஊரடங்கால், அவரது பேடிஎம் நிறுவனத்தின் சேவையைப் பலரும் பயன்படுத்தத் தொடங்க, நிறுவனம் நல்ல வளர்ச்சி கண்டுவருகிறது. பேடிஎம் நிறுவனத்துக்கு பேடிஎம் பேங்க், பேடிஎம் மணி, பேடிஎம் கேம், பேடிஎம் மால் எனப் பல துணை நிறுவனங்கள் உள்ளன. பேடிஎம் நிறுவனத்தை ஐ.பி.ஓ கொண்டுவரப் போவதில்லை என்றாலும், பேடிஎம் நிறுவனத்தைச் சேர்ந்த துணை நிறுவனங்களை இன்னும் மூன்று ஆண்டுகளில் ஐ.பி.ஓ கொண்டுவரப் போகிறாராம் விஜய்சேகர்.

#விஜய், பக்கா பாசிட்டிவ் பிசினஸ்மேன்..!

டாலரில் கடன்... பயத்தில் நிறுவனங்கள்!

டாலருக்கு நிகரான இந்திய ரூபாயின் மதிப்பு கடந்த மூன்று மாதங்களில் சுமார் 10% குறைந்திருக்கிறது. கடந்த ஜனவரியில் 71 ரூபாய்க்குப் பக்கத்தில் இருந்த அமெரிக்க டாலரின் இன்றைய மதிப்பு 77 ரூபாயை நெருங்கிக்கொண்டிருக்கிறது. இதனால் வெளிநாடுகளிலிருந்து டாலரில் கடன் வாங்க நினைத்த நிறுவனங்கள், இப்போது அந்த யோசனையே வேண்டாம் என முடிவெடுத்துவருகின்றன.

நாணயம் பிட்ஸ்...

கடந்த 2019-ம் ஆண்டில் 3,792 மில்லியன் டாலர் அளவுக்குக் கடன் வாங்கிய இந்திய நிறுவனங்கள், கடந்த ஜனவரியில் 1,516 மில்லியன் அளவுக்கு மட்டுமே கடன் வாங்கியுள்ளன. பிப்ரவரியில் இது கொஞ்சம் அதிகரித்தாலும், 2019, மார்ச்-ல் 4,335 மில்லியன் டாலரிலிருந்து, 2020 மார்ச்-ல் 2,279 மில்லியன் டாலராகக் குறைந்திருக்கிறது.

வட்டி குறைவாக இருந்தாலும், டாலரின் மதிப்பு உயர்வதால், அதிக தொகையைத் திரும்பத் தர வேண்டியிருக்கும் என நம்மூர் நிறுவனங்கள் பயப்படுவதே இதற்குக் காரணம்!

#உஷாரய்யா உஷாரு..!

ஊரடங்கு... கேமிங், ஓ.டி.டி நிறுவனங்களுக்குக் கொண்டாட்டம்!

நாணயம் பிட்ஸ்...

டந்த சில வாரங்களாகத் தொடர்ந்துவரும் ஊரடங்கால் விளையாட்டு இணையதளங்கள் மற்றும் ஓ.டி.டி இணையதளங்களுக்கு வரும் வாடிக்கையாளர்களின் எண்ணிக்கை கணிசமாக உயர்ந்திருக்கிறது. கடந்த 6-10 தேதி வரையிலான ஐந்து நாள்களில் கேமிங் தளங்களுக்கு வருபவர்களின் எண்ணிக்கை 109.4% உயர்ந்திருக்கிறது. இதே போல, ஓ.டி.டி தளங்களுக்கு வருபவர்களின் எண்ணிக்கை 198.68% உயர்ந்திருக்கிறது.

#நேரத்தை எப்படிக் கடத்துவது என்று தெரியாமல் தவிக்கிறார்களே மக்கள்..?

சுந்தர் பிச்சை
சுந்தர் பிச்சை

கொரோனோ தடுப்புக்காக ‘கூகுள்’ சுந்தர் பிச்சை இந்தியாவுக்கு ரூ.5 கோடி வழங்கியுள்ளார்!